Cronoloxía de Galicia

Esta é unha cronoloxía de Galicia, que comprende importantes eventos, cambios legais e territoriais ademais de acontecementos políticos, sociais e económicos en Galicia e nos seus estados predecesores; tamén eventos acontecidos na península ibérica e eventos internacionais que tiveron relevancia para a Historia de Galicia.

Cronoloxía de Galicia
Mapa do Reino de Galicia de c. 1603
Historia	Historia de Galicia
Categoría	Historia de Galicia
Relacionados
Historia	Historia de España Historia de Portugal
Artigos	Cronoloxía de España Cronoloxía de Portugal

Séculos

Esquema de Cores

Eras / Idades
Entidade territorial - Entidade gobernamental
Guerra / Conflito militar (data do inicio – data da fin)
Acontecemento cultural / Corrente / Movemento
Acontecemento medioambiental / Ecolóxico / Sanitario

Prehistoria

Artigo principal: Prehistoria de Galicia.

Véxase tamén: Prehistoria da Península Ibérica.

Data aproximada	Acontecemento
Paleolítico
-420 000	Xacemento de Porto Maior (As Neves), cultura acheulense.
-300 000	Xacemento de Louselas ou Vilaselán (Ribadeo), cultura acheulense.
-200 000	Glaciación rissiense.
	Xacemento das Gándaras de Budiño (O Porriño), cultura acheulense e musteriense.
-120 000	Xacemento de Cabrón de Arbo (Arbo).
-80 000	A glaciación würmiense comezou a afectar á Península Ibérica.
-34 000	Cova da Valiña (Castroverde), cultura musteriense.
-30 000	Cova Eirós (Triacastela), a primeira manifestación artística: un colgante feito dun cairo dun pequeno carnívoro.
-17 000	Pena Grande de Férvedes, un colgante pétreo de forma amigdaloide.
	Covas de Valdavara: Atopouse o fósil máis antigo Galicia nas (Becerreá), xunto a ferramentas e adornos.
-14 000	Xacemento de Pena Grande (Bordelle).
Mesolítico
-10 000	Xacemento do Prado do Inferno (Muras).
-8000	Retirouse o xeo e o clima fíxose cálido e húmido, espallamento dos carballos, bidueiros, abeleiras, castiñeiros, olmos, etc.
-7300	Xacemento da Cova do Uro, na serra do Courel. Restos humanos e animais.
Neolítico
-6000	Xacemento de Xestido (Abadín).
-5700	Cova do Rei Cintolo (Mondoñedo).
Megalitismo
-5000 - -3000	Propagación do megalitismo e o fenómeno tumulario galego.
-5000 - -4500	Xacemento de Arteixo.
-4350 - -4240	Chousa Nova.
-4000	Segundo os estudos de Bryan Sykes habitantes do noroeste peninsular migraron cara as Illas británicas. Este acontecemento puido quedar refrexado no Lebor Gabála Érenn.
-3800	Dolmen de Dombate (Cabana de Bergantiños).
-3000	Grande cantidade de petróglifos, grupo galaico de arte rupestre.
Idade do Cobre
-2000	Uso da metalurxia, cultura do vaso campaniforme.
-1800	Uso das cistas rectangulares con lousas decoradas no noroeste.
Idade de Bronce
Idade do bronce atlántico
-1300 - -700	Idade do bronce atlántico.
-1200 - -600	Aparición de machados de tope, puntas de lanza de grande tamaño e espadas pistiliformes.
-1100	Espadas de lingua de carpa.
-950	Primeira vaga migratoria celta.
-700 - -600	Castro de Torroso, Mos.
-650	Segunda vaga migratoria celta.
Cultura castrexa
-600	Unha grande cantidade de asentamentos comezan a expandirse e comezan a fundarse centos de novos castros.
-500	Chegada da cultura de Hallstatt á península.
	Saunas castrexas.
-400 – -300	Estatuas de guerreiros galaicos.

Século -III

Ano	Data	Acontecemento
-242 - -230		Segundo Silicius,[Cómpre clarificar] mercenarios galaicos loitaron no exército de Haníbal contra as lexións romanas.[Cómpre referencia]
-219		Mercenarios galaicos puideron colaborar con Haníbal no cerco de Sagunto e tamén na fracasada expedición contra Roma polos Alpes.[Cómpre referencia]
Conquista romana de Hispania (-218 – -19)

Século -II

Ano	Data	Acontecemento
		Chegada de cerámica campaniense procendente de Italia.
-197		Gaius Sempronius Tuditanus e M. Helvius dividen a península en Hispania Ulterior e Hispania Citerior, pero so recollían a costa mediterránea da península.
Guerras celtiberas (-181 – -133)
Guerras lusitanas (-155 – -139)
-155		Comezaron as guerras lusitanas entre romanos e lusitanos, os galaicos axudan a Viriato contra Roma.
-141		Fabio Serviliano foi derrotado ante Viriato.
Conquista romana de Gallaecia (-139 – -60)
-139		Expedición de Quinto Servilio Cepión contra Viriato, devastando os campos dos galaicos. Viriato foi asasinado.
		Décimo Xunio Bruto recibe o encargo de pacificar a terra dos galaicos, polo que a partir de entón será chamado "Callaecus".
-138		Expedición de Décimo, dende o Texo á desembocadura do Douro.
-137	9 de xuño	Batalla do Douro: contra lusitanos e galaicos, narrada por Apiano e Orosio.
		Décimo continúa subindo, cruza o río Limia (Lethes, Oblivionis flumen ou río do Esquecemento) e chega ata as beiras do Miño.

Século -I

Ano	Data	Acontecemento
		Primeiros asentamentos que revelan a convivencia entre galaicos e romanos.
-96 - -94		Expedición comercial de Publio Licinio Craso, atopou as minas de estaño e o ouro. E comenta acerca do carácter pacífico dos galaicos.
-82		A loita retomouse en Lusitania, con Quinto Sertorio ao mando.
Guerra sertoriana (-80 – -70)
-74		Marco Perperna Veiento conseguiu chegar ao río Limia, no marco da campaña de recrutamento emprendida por Quinto Sertorio entre celtiberos, lusitanos e galaicos.
-73		Quinto Sertorio continuou a campaña entre o Douro e o Miño.
-62		Ponte de Bermaña en Aquae Celenae (Caldas de Reis)
Provincia de Lusitania - República Romana
-61 - -60		Expedición de Xulio César, coa axuda dos barcos da familia dos Balbos de Gadir, pola costa galaica ata Brigantium, interesado polos xacementos auríferos acabou por conquistar o territorio galaico.
Guerras cántabras (-29 – -19)
-29 - -19		Comezaron as Guerras cántabras, o territorio galaico foi unha base de operacións para Roma.
		Segundo Estrabón o Imperio Romano logra o control completo sobre os pobos galaicos, chamándolle ao territorio Gallaecia.[Cómpre referencia]
Provincia de Lusitania - Imperio Romano
-27	16 de xaneiro	Caio Xulio César Octaviano recibe o título de Augusto polo Senado romano, o que marca o inicio do Imperio Romano.
-22		Batalla do Monte Medulio: entre cántabros, ástures e galaicos insurrectos contra as lexións de Caio Furnio e Publio Carisio.
-19		As Aras Sestianas foron mandadas construír polo xeneral romano Lucio Sestio Quirinalo Albaniano. Nelas conmemorábanse as vitorias das lexións romanas nas últimas campañas das guerras galaico-cántabro-ástures.
Provincia de Hispania Citerior Tarraconense - Imperio Romano
-16 - -13		A división de Augusto, reestruturou as provincias pasando Gallaeciae e Asturiae a pertencer a Tarraconense, provincia que reservou para él en calidade imperial polos xacementos auríferos.
-15 - -13		Paulo Fabio Máximo, legado do emperador Octavio Augusto, funda a cidade de Lucus Augusti. Termas romanas de Lugo.

Século I

Ano	Data	Acontecemento
Latinización e Romanización de Galicia
		Modificación na estrutura social e económica. Os castros comezaron a abandonarse en favor das villae, aínda que outros continúan a ser habitados, mais moi influenciados pola cultura romana. Entre os castros que continúan ata fins do Imperio atópanse o de Fazouro ou o de Viladonga.
28		Tabula hospitalis do Courel.
c.40		Chegada de cerámica producida no sur da Galia.
c.50		Incendio do Castro de Lameán de Arriba, en Ribadumia.
c.50 - 100		Chegada de cerámica de sigillata hispanica producidos na Rioxa, na Bética ou na Lusitania.
74		Vespasiano concedeu a cidadanía latina (ius Latii) a toda a península.
75 - 100		Construción do campamento Aquis Querquennis nos Baños, Bande.
79 - 80		Construción da Vía Nova, calzada romana destinada a unir Bracara Augusta (Braga), Asturica Augusta (Astorga) e Lucus Augusti (Lugo).
		Construción da Ponte Maior de Ourense, ponte co maior arco de luz de todo o Imperio Romano.
		Construción da Ponte Vella de Lugo.
98 - 117		Construción da Torre de Hércules.

Século II

Ano	Data	Acontecemento
		Reformas da época Flavia, incremento das cidades, acompañadas do apelativo "Flavia", como Iria Flavia (Padrón) ou Aqua Flavia (Chaves). Así como os "forum" ou lugares feirais, como Forum Limicorum (Limia), Forum Bibalorum (Verín), Forum Gigurrorum (A Rúa), etc.
		Abandono xeralizado dos castros.
		Itinerario de Antonino.
115		Construción da Ponte do Bibei.
134		Miliario de Hadriano da Ponte romana do Burgo.

Século III

Ano	Data	Acontecemento
		Comezou unha crise que xenera inseguridade, as cidades fortificáronse e moitos castros, previamente desocupados, volven ser ocupados. Posiblemente inducida polo temor ás bandas de saqueadores bagaudas.
Provincia Nova Citerior Antoniniana - Imperio Romano
212		O emperador Caracalla creou unha nova provincia que correspondía coa área galaica diferenciándoa administrativamente do resto da Tarraconense, tamén outorgou a cidadanía romana a todo o Imperio.
c.265 - 310		Construción da Muralla de Lugo, con 85 ou 86 torres e 4 ou 5 portas, inducida polo temor aos saqueadores bagaudas.
Provincia de Gallaecia - Imperio Romano
298		A división de Diocleciano dividiu Hispania en sete provincias, de forma que Gallaecia pasa a ter unha administración propia con capital en Lucus Augusti.

Século IV

Ano	Data	Acontecemento
		Contruiuse o templo de Santalla de Bóveda.
Chegada do cristianismo
		Comezou a chegar o Cristianismo, a través do exército lexionario e África do Norte.
c.320 - 330		No Sartego de Temes (Carballedo) inscribiuse a lenda "Fides, spes, caritas" (Fe, esperanza, caridade), a inscrición cristiá máis antiga coñecida en Galicia.
379		Teodosio I, que puido ter nacido en Cauca, Gallaecia, é coroado emperador de Roma.
380	27 de febreiro	Edicto de Tesalónica: o cristianismo foi convertida na relixión oficial do imperio.
381		Exeria, unha monxa da Gallaecia, comezou o que sería coñecido como o Itinerario de Exeria.
383		Magno Máximo, que puido ter nacido en Gallaecia ou na Tarraconense é coroado emperador de Roma.
385		Prisciliano foi condenado como herexe en Tréveris, pero deixou unha fonda pegada en Gallaecia que durou varios séculos.
Provincia de Gallaecia - Imperio Romano de Occidente
395	17 de xaneiro	División do Imperio Romano. Gallaecia queda no Imperio Romano de Occidente.

Século V

Ano	Data	Acontecemento
Galliciense Regnum – Reino Suevo de Galicia
c. 406		Hidacio viaxou a Oriente.
409		Penetraron na península os vándalos, os alanos e os suevos.
c.410 - 425		Fíxose o Crismón de Quiroga, unha das primeiras manifestacións artísticas conservadas do cristianismo en Galicia.
411		Hermerico pactou un foedus co emperador Honorio e estableceuse formalmente na provincia de Gallaecia, que pasa a ter rango de reino con capital en Braga. Converteríanse así no primeiro regnum independente do Imperio Romano de Occidente.
415		Paulo Orosio viaxou a África e Palestina.
416 - 418		Os visigodos liderados por Walia declararon a guerra a Hermerico en nome de Roma, esperando obter un foedus, ata que Honorio lles concede Aquitania.
418		Paulo Orosio remata a súa Historia.
Guerra suevo-vándala (419 – 420)
419		Batalla dos montes Nervasos: suevos e romanos contra vándalos e alanos.
427		Hidacio foi ordenado bispo de Chaves.
430		Hermerico comezou a atacar as poboacións e fortalezas dos nativos galaico-romanos para conseguir o control completo da Gallaecia.
438		Hermerico abdica como rei, cedéndolle o trono ao seu fillo Requila.
		Requila dirixe unha campaña expansionista pola Lusitania e parte da Bética.
441		Requila continúa polo resto da Bética e parte da Cartaxinense.
445		Os vándalos, despois de ter conseguido a frota de Cartago, intentaron unha incursión en Turonio, preto de Ponte Caldeas pero foi rexeitada.
446		Requila venceu a Vito, magister militum romano, e as súas tropas auxiliares visigodas, consolidando o territorio.
c. 447		Posible Concilio de Caldas.
448		Requila morreu en Augusta Emerita, o seu fillo Requiario herdou o trono.
Conversión ao catolicismo de Requiario
449		Requiario converteu por primeira vez o reino ao catolicismo converténdose no primeiro rei xermánico en facelo, ademais de ser o primeiro en cuñar moeda propia, chamada siliqua.
		Requiario casou coa filla do rei visigodo Teodorico I en Tolosa co obxectivo de manter a paz cos visigodos. De camiño saqueou o territorios dos vascóns e algunhas rexións romanas.
450		Requiario, ao regresar de Tolosa, invadiu as zonas de Caesar Augusta e Ilerda, aprobeitando o xurdimento dun novo movemento bagaúdico no val do Ebro.
453		Aecio, dux da Galia, enviou unha embaixada pedindo aos suevos un tratado de paz que estipulaba a devolución ao Imperio da rexións conquistadas da Cartaxinense ao que Requiario aceptou.
455		Proclamouse en Roma a Avito como emperador, pero non foi recoñecido por Requiario que volve invadir e conquistar a Cartaxinense.
Guerra suevo-visigoda (456)
456		Avito, que atopou apoio no fillo de Teodorico I Teodorico II, enviou embaixadas para que os suevos abandonasen a Cartaxinense, pero non só son rexeitadas por Requiario se non que este comeza unha incursión a Tarraconense da que trouxo moitos cativos á Gallaecia.
		Ante a clara negativa de Requiario Teodorico II dirixe o seu exército, co beneplácito do emperador Avito, á península. Contaba co apoio de tropas auxiliares burgundias, co rei Gundioco á fronte, coas que comeza unha gran campaña contra os suevos.
	5 de outubro	Batalla do río Órbigo: unha coalición de romanos, visigodos e francos derrota aos suevos acabando coa vida do rei Requiario.
	outubro	As tropas de Maioriano e Ricimer, van a busca de Avito á Roma onde acaban coa súa vida. Ricimer estableceu a Maioriano como novo emperador.
	decembro	Requiario foi apresado polos visigodos e decapitado.
Guerra civil sueva (456 – 463)
456		Trala morte de Requiario Teodorico II pon en Emerita a Aguiúlfo como gobernador, para defenderse das posibles invasións suevas mentres Teodorico marcha cara ao norte para protexer o reino visigodo do novo emperador Maioriano imposto por Ricimer, fillo de Requila.
		Os suevos do norte, suponse que o Conventus Lucensis, proclamaron a Frantán como rei.
457		Os araucóns comezaron a xerar señoríos independentes, ata conseguir unha independencia efectiva dos suevos.
		Aguiúlfo, quizais pola ausencia de Teodorico, deserta e únese aos suevos do sur do reino, subindo dende Emerita ata Porto, esperando ser o seu rei.
	xuño	Unha parte dos suevos do sur proclaman rei a Maldras, fillo de Massila, provocando unha revolta contra Aguiúlfo. Durante o conflito Aguiúlfo é asasinado no castro do Porto probablemente a mans do mesmo Maldras.
		Maldras comezou unha invasión sobre Lusitania.
461		Os suevos e os galaicorromanos volven firmar a paz.
463		Frumario morreu. Remismundo, fillo de Maldras, foi escollido como único rei dos suevos, poñendo fin definitivamente a guerra.
Conversión ao arianismo
465		Conversión dos suevos ao arianismo.
		Remismundo continuou co espolio da Lusitania, cercou Conímbriga, capturando a muller do gobernador.
468		Conímbriga foi finalmente devastada polos suevos.
469		Remismundo toma a cidade de Lisboa.
		Hidacio, cronista, morreu, comezando unha unha era da que pouco se sabe no Reino suevo ata o reinado de Carriarico.
476		Disolución do Imperio Romano de Occidente.

Século VI

Ano	Data	Acontecemento
507		Batalla de Vogladum: Os visigodos fuxindo da súa derrota e do saqueo de Tolouse, escapan á Península reinando en Hispania e Septimania,
538	29 de xuño	O papa Vixilio escribiu unha carta ao bispo Profuturo II de Braga, regulando as actividades relixiosas do arianismo e o priscilianismo.
Peste de Xustiniano
543		A peste de Xustiniano chega á Península Ibérica.
Conversión ao catolicismo de Carriarico
550		Chegada de Martiño de Dumio á Gallaecia.
		Carriarico, rei suevo de Gallaecia, converteuse ao catolicismo.
561		Celebrouse o Primeiro Concilio de Braga durante o reinado de Teodomiro
555		Martiño de Dumio fundou o mosteiro de Dumio (Dume, Braga).
Conversión ao catolicismo de Teodomiro
559		Conversión ao catolicismo de Teodomiro.
569	1 de xaneiro	Posible Concilio de Lugo.
		Martiño, arcebispo de Braga.
572		Miro loitou contra os runcóns, ben para reincorporar o territorio ou ben para evitar que fosen subxugados polos visigodos.
		Celebrouse o Segundo Concilio de Braga, auspiciado polo rei Miro.
572 - 589		Escribiuse o Parochiale suevorum.
a. de 573		Fundouse o mosteiro de San Pedro de Rocas.
Guerra suevo-visigoda (580 – 585)
580		Martiño de Dumio morreu.
583		Miro dirixe unha expedición a Sevilla.
		Fracasou a alianza que o rei Miro mantiña con francos e bizantinos para intervir na guerra civil visigoda.
		Miro de regreso en Gallaecia morreu de enfermidade.
584		Conflito civil no reino suevo.
Galliciense Regnum – Reino Visigodo de Toledo
585		O rei visigodo Leovixildo depón ao rei suevo Andeca, facéndose deste xeito co reino. Fin da monarquía sueva.
586		Leovixildo morreu en Toledo e sucedeuno o seu fillo Recaredo I.
587		Celebrouse o Terceiro Concilio de Toledo, ao que asistiron bispos de Gallaecia, Hispania e Septimania.
589		Revolta do duque Arxemundo, quizais dux suevo.

Século VII

Ano	Data	Acontecemento
601		Liuva II sucedeu ao seu pai Recaredo I.
603		Viterico penetrou no palacio e depuxo a Liuva II, e no verán mandouno executar.
610	abril	Unha conxura de nobres e próximos ao clero católico, asasinou a Viterico durante un banquete. Aclamaron como rei a Gundemaro, probablemente dux da Narbonense.
612		Gundemaro morreu por causas naturais en Toledo, sucendeuno Sisebuto.
621	febreiro	Sisebuto morreu probablemente envelenado, herdando o seu fillo Recaredo II.
		Recaredo II morreu probablemente asasinado. Subiu ao trono Suintila.
631		Ante a tentativa de Suintila de trocar a sucesión electiva visigoda pola hereditaria, Sisenando, gobernador da Septimania, organizou unha conxura que puxo fin ao reinado de Suintila.
633		No IV Concilio de Toledo Suintila foi excomulgado e Sisenando foi lexitimado como rei, fixando a sucesión electiva.
636		Sisenando morreu en Toledo sucedéndolle Chintila.
639		Chintila morreu de morte natural sucedéndolle, o seu fillo, Tulga.
646	18 de novembro	Oito bispos de Gallaecia, entre eles Sonna de Bretoña, asistiron ao Sétimo Concilio de Toledo, onde se lles aplicaron restriccións.
653		Froitoso, bispo de Dumio.
654		Recesvinto foi o responsable da promulgación dun código de lei, o Liber Iudiciorum.
656		Froitoso bispo de Braga.
665	16 de abril	Froitoso morreu en Braga.
c. 666		Segregáronse de Gallaecia as dioceses lusitanas (Lamego, Viseu, Idaña e Coímbra).
675		Celebrouse o Terceiro Concilio de Braga, baixo o reinado de Vamba.
c.680		Construíuse a igrexa de Santa Comba de Bande.
698		O príncipe visigodo Vitiza gobernou Gallaecia con atribución reais, dende a súa corte en Tui.

Século VIII

Ano	Data	Acontecemento
Invasión musulmá da Penínusla Ibérica (711 – 720)
711		Desembarca en Tarifa un continxente militar musulmán en apoio dos fillos de Vitiza.
	xullo	Rodrigo foi derrotado na batalla de Guadalete, acabando coa súa vida.
714		Musa ibn Nusayr chegou a Lugo, pero un enviado califal obrigoulle a regresar. A aparición do semi-dinar de Musa pode significar que houbo algún tipo de comercio ou trato económico.
718		Paio reuniu opositores ao dominio musulmán, astures, galegos, cántabros e vascos.
		Paio venceu a Al Qama na batalla de Covadonga, aínda que foi unha vitoria menor seguramente tivo un éxito moral entre a poboación cristiá. Posteriormente mitificada.
720		Narbona caeu en mans musulmás, provocando a caída de Septimania e da monarquía visigoda.
Galliciense Regnum – Reis cristiáns de Gallaecia
Reconquista cristiá de Galicia (722 – 1492)
722		Paio, foi elixido princeps con sede rexia en Cangas de Onís.
734		Incursión en Galicia.[Cómpre clarificar]
737		Paio morreu, sucedeuno como princeps o seu fillo Fávila.
739		Fávila morreu, sucedeuno o marido da súa irmá Ermesenda, Afonso I.
740		Afonso I recupera o territorio do Conventus Lucensis.
743		A crónica de Ajbar Machmua fala da "reconquista de Galicia polos cristiáns".
757		Afonso I morreu, sucedeuno como rei o seu fillo Froila I.
768		Froila I foi asasinado, sucedeuno Aurelio.
774		Aurelio morreu, sucedeuno o seu primo Silo. Silo estableceu a súa sede rexia en Pravia.
		Silo venceu na batalla de Montecubeiro a unhas tropas rebeldes galegas.
776 - 786		Beato de Liébana nos seus manuscritos dá o nome de Gallaecia aos dominios dos dirixentes astur-galaicos.
778		Silo cambia a sede rexia a Oviedo.
774		Aurelio morreu, sucedeuno o seu primo Silo. Silo estableceu a súa sede rexia en Pravia.
783		Silo morreu. A súa muller Adosinda, filla de Afonso I, arranxou a elección do seu sobriño Afonso II, fillo de Froila I.
		Unha coalición de nobres elixiu rei ao fillo ilexítimo de Afonso I: Mauregato, e Afonso II fuxíu a Áraba.
789		Mauregato morreu. O irmán de Aurelio, Vermudo I, foi elixido rei.
Invasión de Hixam I (791 – 796)
791		O emir Hixam I envía unha aceifa contra Galicia, saqueando o interior.
		Batalla do río Burbia: Vermudo I foi derrotado no Bierzo.
	14 de setembro	Ante a derrota, Vermudo I abdicou en favor de Afonso II.
		Afonso II estableceu a sede rexia en Oviedo.
794		Batalla de Lutos: Afonso II venceu aos musulmáns na rexión asturiana.
		Bispos galegos acudiron ao sínodo relixioso celebrado en Frankfurt. Condena o adopcionismo.
795		Oviedo foi saqueada polos musulmáns.
	18 de setembro	Batalla das Babias: Afonso II foi derrotado en Astorga.
798		Afonso II decidiu asegurar Galicia, refundou Porto e chegou a Lisboa, onde fixo cativos.

Século IX

Ano	Data	Acontecemento
Invasión de Al-Hakam I (801 – 816)
801/806		Afonso II foi apartado do trono temporalmente por un grupo de nobres galegos. Pero un cabaleiro fiel a Afonso II chamado Teudano restaurou o seu posto no trono.
Descuberta do sepulcro de Santiago
812		Descuberta na diocese de Iria do sepulcro do Apóstolo Santiago.
Primeira invasión de Abd al-Rahman II (823 – 826)
824		Consagración da Catedral de Santa María de Lugo.
825		Batalla de Pedrafita: morreu o comandante Al-Abdas.
		Batalla de Narón.
		Afonso II venceu a Mallik al Qaisí na batalla de Anceo en Ponte Caldelas.
Segunda invasión de Abd al-Rahman II (838 – 841)
838		Al-Walid, irmán de Abd ar-Rahman II dirixiu un exército para atacar Galicia.
842	20 de marzo	Morreu Afonso II sen cónxuxe nin fillos, deixando a Ramiro I como herdeiro ao trono.
		Ante a ausencia de Ramiro I, o nobre palatino Nepociano, alegando que no leito de morte Afonso II o declarara como sucesor e co apoio da nobreza asturiana e vasca, coroouse no trono de Oviedo.
		Ramiro I, que foi buscar o apoio da nobreza galega, xuntou un exército en Lugo e derrotou na batalla da Ponte de Corniana a Nepociano.
843	xaneiro	Ramiro I foi coroado en Lugo.
Primeira incursión viquinga (844 – 858)
844	23 de maio	Batalla de Clavijo: mítica batalla na que Ramiro I repeleu aos musulmáns.
	1 de agosto	Ramiro I repeleu unha incursión viquinga, despois de estes chegar ao Farum Brecantium.
850	1 de febreiro	Ramiro I morreu en Oviedo, sucedeu o seu fillo Ordoño I.
		Concesión do Voto de Santiago.
858		Os viquingos, posiblemente dirixidos por Hastein e Björn Ragnarsson, atacaron as rías Altas e pola ría de Arousa chegaron á sede episcopal de Iria Flavia, que saquearon.
		O conde Pedro derrotou aos viquingos, destruíndolles parte dos barcos. Os superviventes dirixíronse cara Al-Andalus.
		Ordoño I solicitou ao Papa Nicolao I que permitise trasladar a capital da sé iriense a Compostela.
c.860		Vímara Pérez foi responsable da repoboación entre o Miño e o Douro. Formouse así o Condado de Portucale.
866		Froila Xemúndiz, conde en Lugo, rebelouse contra o novo rei, proclamándose así rei de Galicia, atacou Oviedo e obrigou o rei a retirarse a Áraba.
		Froila Xemúndiz foi asasinado polos partidarios de Afonso III en Oviedo.
Conquista de Portucale
868		Vímara Pérez conquistou Portus Cale (Porto) ao emirato, despois Afonso II nomeouno conde de Portucale.
878		Hermenexildo Gotérrez, conde de Tui, defendeu Porto dun ataque do emirato e conquistou Coímbra.
c.880		Hermenexildo Gotérrez repoboou Coímbra, así como as veciñas Braga, Viseu e Lamego.
		Crónica Albeldense.
c. 888		Crónica de Afonso III.
894		Hermenexildo Gotérrez acabou coa rebelión do dux de Galicia, Vitiza.
895		Outorgóuselle a Hermenexildo Gotérrez o título de dux de Galicia.
899		Consagración da Catedral de Santiago de Compostela.

Século X

Ano	Data	Acontecemento
		Afonso III ordena a reconstrución do Castellum Honesti en Catoira. O castelo converteríase nun dos máis importantes de Europa, e deste consérvanse só, parte de dúas das grandes torres, as Torres de Oeste.
a. de 910		García intenta derrocar ao seu pai Afonso III apoiado pola raíña Ximena. Opostos a esta tentativa mostráronse Hermenexildo Gotérrez e a nobreza galega.
910	20 de decembro	Afonso III morreu na cidade de Zamora e foi sucedido polo seu fillo García que se coroa rei, e instala definitivamente a corte do reino na cidade de León.
		O reino dividese entre 3 irmáns, Ordoño II reinará en Galicia e Froilán II en Asturias, ambos subordinados a García I de León.
942		Rosendo fundou o mosteiro de Celanova.
Segunda incursión viquinga (951 – 970)
951		Os viquingos invaden Galicia.
956		Trala morte de Ordoño III o reino viuse envolto nunha crise sucesoria entre Sancho I e Ordoño IV.
959		Sancho I foi restaurado en León con axuda cordobesa.
964		Rosendo de Celanova rexeitou unha incursión dos mouros que cruzaran o Mondego e chegaran ao Miño.
966		Gonzalo Menendiz asasinou cunha mazá envelenada a Sancho I.
968		Gunrod, con 100 naves viquingas, dirixiuse cara Galicia, asentouse co seu exército preto de 3 anos matando e saqueando.
	29 de marzo	Batalla de Fornelos: Sisnando II Menendiz morreu contra os viquingos de Gunrod.
970		Gonzalo Sánchez, enviado por Rosendo, venceu aos viquingos na ría de Ferrol, deu morte a Gunrod e queimou as súas naves.
c.970		Batalla de Aguioncha: Gonzalo Menendiz venceu a Rodrigo Velázquez.
Invasión de Almanzor (977 – 1002)
982		Concilio en Santiago de Compostela. Reafirmación do poder monárquico.[Cómpre clarificar]
985		Pedro de Mezonzo nomeado bispo de Santiago de Compostela.
987		Almanzor, xeral do califato, saqueou a cidade de Coímbra.
997	10 de agosto	Almanzor saqueou Santiago de Compostela.
c.999		Menendo II Gundisalviz, duque de Galicia, encargouse trala morte de Vermudo II da rexencia do reino e da titoría do futuro Afonso V.

Século XI

Ano	Data	Acontecemento
1002		Menendo II Gundisalviz, rechazou un ataque do fillo de Almanzor, Abd al-Malik.
Terceira invasión viquinga (1014 – 1066)
1014		Ataque normando de Olaf Haroldson remontando o río Miño. Arrasaron Tui e secuestraron ó bispo Afonso. Proseguiron o seu camiño romontando o río ata Ourense e Ribas de Sil. A partir deste ataque Tui deixou de ser un centro comercial na contorna do porto fluvial para agruparse defensivamente nun outeiro a carón da nova catedral.
1017		Foral de León.
1024	29 de outubro	Afonso V doa a Vistruario, bispo de Iria, as Torres de Oeste.
1027		Afonso V morreu dun frechazo durante o asedio a Viseu.
1031		Disolución do Califato de Córdoba.
1037		Batalla de Tamarón: Vermudo III morreu loitando contra casteláns e navarros.
1047		Concilio de Reims: Creconio foi excomungado.
1050		Menendo III Nuniz conseguiu o título de dux de Galicia xunto a Velasco Almeiuz.
c. 1055		Libro de horas de Fernando e Sancha.
1064		Fernando I conquistou de novo Coímbra.
1065		García II herda o Reino de Galicia, xunto co condado Portucalense e a protección e parias das taifas de Badaxoz e Sevilla. León recibiuno Afonso VI e Castela Sancho II.
1068		Afonso VI intentou facerse co control tributario da taifa de Badaxoz, pero sen éxito, volvendo a recaer na influencia de García II.
1071	17 de febreiro18 de xaneiro	García II venceu a Nuno II Menendiz na batalla de Pedroso.
		García II foi apreixoado por Sancho II, quen, despois de exiliar a García II, proclamouse Rei de Castela e Galicia.
		García II veuse obrigado a se exiliar debido á entrada en Galicia do seu irmán Afonso VI, coaligado co outro irmán, Sancho II.
		García II despois da morte de Sancho II, volveu do exilio, pero é enganado por Afonso VI, que o encerrou no castelo de Luna, Babia.
1075		Afonso VI e o bispo Diego Páez iniciaron as obras da catedral románica de Santiago de Compostela.
1085		Rodrigo Ovéquiz encabezou unha rebelión contra Afonso VI respaldado polo bispo de Santiago Diego Páez, buscou o apoio de Guillerme I de Inglaterra co obxectivo de liberar o rei García e casalo cunha das fillas de Guillerme.
1088		A rebelión foi finalmente sufocada e Rodrigo enviado ao exilio e os seus bens adxudicados á catedral de Lugo.
		Diego Páez foi destituído, parándose as obras da catedral por algún tempo.
1088		Concilio de Husillos, onde se depuxo a Rodrigo Ovéquiz.
1093		Raimundo e Urraca, condes de Galicia.
1093		Diego Xelmírez reanudou as obras da Catedral de Santiago coa axuda do novo bispo Dalmacio e de Raimundo de Borgoña.
1095		Trasladouse a sé de Iria a Compostela.
1100	1 de xullo	Diego Xelmírez primeiro bispo de Compostela.

Século XII

Ano	Data	Acontecemento
		Contruiuse o Castelo de Soutomaior.
1105		Consagración da Catedral de Santiago.
		Afonso VI concedeu dereitos forais a Santiago de Compostela.
Era compostelá
1107		Trala morte de Raimundo, Urraca reafirmou a súa autoridade, momento en que asinou como totius Gallecie imperatrix.
		Urraca intentou casar de novo con Afonso I de Aragón, pero o Papa Pascual II anulou o matrimonio por seren, os dous, bisnetos de Sancho III. Inda así permaneceron xuntos xerando moito malestar na nobreza galega, xa que postergaba a sucesión de Afonso VII Raimúndez.
1108		Afonso VI perdeu contra os musulmáns na batalla de Uclés, onde morreu o seu fillo e herdeiro Sancho Afónsez.
1109		Trala morte de Afonso VI, Urraca coroouse como raíña. Resultou ser así a primeira raíña titular da historia de Galicia e España.
		Pedro Foilaz, conde de Traba, proclamou a Afonso VII Raimúndez como rei de Galicia.
1111		Revoltas burguesas de Sahagún.
		Diego Xelmírez consagrou a Afonso VII Raimúndez como rei na Catedral de Santiago.
		Aconteceu a batalla de Viadangos.
1112		Urraca acordou o cogoberno co seu fillo, en beneficio da nobreza galega.
1114		Urraca abandona o seu matrimonio con Afonso I de Aragón.
1115		Urraca foi consograda raíña na Catedral de Santiago por Diego Xelmírez a pesar das atribucións reais do seu fillo.
1116		Revolta urbana contra Diego Xelmírez en Santiago de Compostela.
1120		Diego Xelmírez, arcebispo de Santiago de Compostela.
1120 - 1136		Construíuse o Pazo de Xelmírez.
1121		Urraca cercou o castelo de Lanhoso, impoñendo a súa autoridade en Portucale.
1126	25 de xullo	Celebrouse por primeira vez o Ano Santo Xacobeo.
1128		A alianza política e amorosa de Tareixa Afónsez con Fernán Pérez de Traba fixo que o seu fillo Afonso a quixese depor.
		Aconteceu a batalla de San Mamede, onde Tareixa Afónsez foi derrotada exiliándose a Galicia.
		Afonso consegue o título de conde de Portucale, pero comeza unha carreira pola independencia do reino.
1130		Revolta de Carnota.
1133		Diego Xelmírez otorgou dereitos forais á diocese e terra de Santiago.
1135		Afonso VII, proclamado emperador en León.
1136		Segunda revolta contra Diego Xelmírez en Santiago.
1137		Tratado de Tui.
1139		Afonso I renunciou ao vasalaxe de Afonso VII e estableceu o Reino de Portugal.
1142		Refundouse o Mosteiro de Santa María de Sobrado dos Monxes como primeiro mosteiro cístercense da península.
1168 - 1188		Fíxose o Pórtico da Gloria.
1188		Fernando II morreu, sucedeulle Afonso VIII como rei de León e Galicia; xa que Urraca non conseguiu o apoio da nobreza leonesa.
		Afonso VIII celebrou as Cortes de León, recoñecidas como a testemuña máis antiga dun sistema parlamentario europeo.

Século XIII

Ano	Data	Acontecemento
1208		Afonso VIII de León e Galicia deu á Coruña os privilexios de desembarcar e vender sal sen pagar impostos.
		Comezou a construción da Muralla da Coruña.
1211		Pedro Muñiz consagrou a Catedral de Santiago de Compostela.
		Inauguración do Panteón Real da Catedral de Santiago.
1218		Fundación da Universidade de Salamanca.
1219	13 de febreiro	Afonso VIII concedeulles aos habitantes de San Martiño de Tiobre (Betanzos o Vello) cambiarse ao Castro de Untia (actual Betanzos).
1228	abril	Escribiuse o Foro do bo burgo de Castro Caldelas, considerado un dos primeiros documentos conservados na variante galega actual. Nel Afonso VIII outorga aos cidadáns de Castro Caldelas os seus foros e regula o seu réxime.
Reino de Galicia - Coroa de Castela
1230		Fernando III de Castela usurpa ás súas irmás os reinos de Galicia e León. Fin da monarquía galego-leonesa.
1238		O papa nomea a Xoán Arias arcebispo de Santiago, quen despois manda construír o castelo da Rocha Forte.
c.1270		Escribíronse as Cantigas de Santa María.
1295		Asasinato de Paio Gómez Chariño.
1296		Xoán I, durante a minoría de idade de Fernando IV, foi proclamado en León como rei de Galicia, León e Sevilla.

Século XIV

Ano	Data	Acontecemento
1301		Malia o apoio de Rodrigo Álvarez Osorio e Dinís I, o rei Xoán I reconciliouse con Fernando IV e renuncia ao título rexio.
1307		Fernando Rodríguez de Castro morreu.
1312	18 de decembro	Rodrigo de Padrón, arcebispo compostelán acudíu ao Concilio provincial en Zamora.
1317	15 de xullo	Berenguel de Landoira foi nomeado polo papa Xoán XXII como arcebispo de Santiago.
1318		Unha coalición opositora liderada por Alonso Suárez de Deza prohibiulle o paso a Santiago a Berenguel de Landoira.
1320		Berenguel de Landoira sitiou Santiago e asasinou a Alonso Suárez de Deza no castelo da Rocha.
	16 de setembro	Berenguel de Landoira invitou aos líderes do levantamento ao seu castelo da Rocha Forte onde foron asasinados.
	26 de outubro	Berenguel de Landoira conseguiu entrar en Compostela como señor feudal.
	27 de outubro	Asinouse a paz entre Berenguel de Landoira e os nobre rebeldes.
1321		Berenguel de Landoira atacou e incendiou a fortaleza de Felpós, preto de Palas de Rei, desde onde Alvar Sánchez de Ulloa se dedicaba a asaltar aos peregrinos que facían a ruta xacobea.
1332		Pedro Fernández de Castro obtivo o señorío de Monforte de Lemos e Castro Caldelas.
Peste Negra (1347–1351)
1348	outubro	A peste bubónica comezou a chegar aos portos de Galicia, principalmente Baiona e o condado de Tui.
1349		As Cortes de León adoptaron o Ordenamento de Alcalá.
1354		Voda de Pedro I con Xoana de Castro.
1366		Fernando Ruíz de Castro, conde de Trastámara e Lemos, Pertegueiro de Santiago e Adiantado de Galicia.
	29 de xuño	O sobriño de Alonso Suárez de Deza acabou coa vida do arcebispo Sueiro Gómez.
1369		Comezan as obras do Castelo de Andrade, sobre unha fortaleza previa do século XIII.
		A vilas galegas proclaman como o seu rei a Fernando I de Portugal, este logra reinar apenas uns meses ata que Henrique II de Trastámara ataca Portugal.
1367		Fernando I de Portugal entrou en Galicia e foi proclamado coma rei en varias cidades.
1371	marzo	Batalla de Porto de Bois.
		Revolta do pobo de Santiago contra a Igrexa.
1372		Tratado de Tui.
	10 de xullo	Tratado de Tagilde.
1373		Paz de Santarém.
1374		Fernando Ruíz de Castro morreu en Baiona (Aquitania).
1386	18 de xuño	María Castaña dirixiu unha revolta contra a opresión do bispo de Lugo, Pedro López de Aguiar, quen obrigaba aos lucenses a facer fronte a elevados impostos.
	20 de xullo	Xoán de Gante chegou á Coruña e a Betanzos cunha enorme frota anglo-portuguesa que levaba un exército duns 5.000 homes máis unha extensa familia "real" e a súa muller e fillas.
	25 de xullo	Atracou na zona da Pescaría (daquela aínda separada da cidade), onde permanecerían instalados máis dun mes nun ambiente lúdico de xustas e festas. A cidade, que era imposible de sitiar, decidiu non rendirse e condicionaron a súa homenaxe a que fose recoñecido como rei polo resto de Castela.
		Aconteceu a xusta de Betanzos, onde loitaron en duelo un cabaleiro inglés e outro francés.
		Debido a certos enfrontamentos cos nobres locais Xoán de Gante decidiu marchar co exército cara Santiago de Compostela onde, tras negociacións co bispo, entrou xunto coa súa muller xa coroados coma reis.
	agosto	Xoán de Gante estableceu en Ourense unha corte e chancelería rudimentarias e recibiu a submisión da nobreza galega e da maioría das vilas de Galicia.
	novembro	Xoán de Gante coñeceu ao rei Xoán I de Portugal na Ponte do Mouro, ao lado sur do río Miño e chegou a un acordo con él para facer unha invasión conxunta anglo-portuguesa ao centro de Castela. O tratado foi selado polo matrimonio da filla maior de Xoán, Filipa, co rei portugués.
		Ourense e o exército de Xoán de Gante foron vítimas da Peste Negra. A maior parte do exército de Xoán sucumbira á enfermidade e, cando se puxo en marcha a invasión, xa eran superados en número polos seus aliados portugueses.
1387	abril	Comezou a campaña pero os casteláns negáronse a ofrecer batalla directa e as tropas galaico-anglo-portuguesas centráronse en longos asedios que provocaron ás tropas a buscar alimento na árida meseta, onde eran acosados polos mercenarios franceses do rei castelán.
		Aconteceu o cerco de Ribadavia.
	xuño	O exército volvese a Portugal, Xoán de Gante concluíu un tratado secreto con Xoán I de Castela en virtude do cal él e a súa muller renunciaban a toda reclamación ao trono castelán a cambio dunha cuantiosa paga anual e do casamento da súa filla Catarina con Henrique III.
c.1390		Os burgueses de Lugo trataron de imporse ao bispo, apoiados polos cabaleiros, encabezados polos Osorio de Lemos e os Ulloa de Monterroso. Usurparon sistemáticamente os bens da igrexa.

Século XV

Ano	Data	Acontecemento
1418		Aproveitando a ausencia do arcebispo Lope de Mendoza creouse en Santiago unha irmandade, baixo a dirección de Rui Sánchez de Moscoso.
1419		Pozo Meimón: Os nobres e burgueses de Ourense asasinaron ao bispo Francisco Afonso.
1422		Revolta de Santiago, encabezada por Rui Sánchez de Moscoso e un grupo de artesáns.
1431		Ten lugar a primeira revolta irmandiña en terras de Andrade por parte da Irmandade Fusquenlla.
1434		Na diocese de Tui os campesiños negáronse a pagar ao cabido, deu lugar a un enfrontamento nos que o campesiños contaban co apoio dos habitantes das vilas de A Guarda e Baiona.
1451		Xurdiu a "primeira irmandade" nas rías de Pontevedra e Arousa.
		Xurdiron as irmandades de Coruña e Betanzos.
1455		Asalto ás torres episcopais en Ourense.
1458		Xurdiron as irmandades de Santiago de Compostela, Muros e Noia.
Guerra Irmandiña (1467 – 1469)
1467 – 1469		Estala o conflito civil da Gran Guerra Irmandiña. Asalto ás fortalezas.
1467		Primeira reunión da Xunta Irmandiña en Melide.
1470	3 de novembro	Varios nobres galegos firman o pacto de Puente cabrero, nel contemplábase a axuda mutua na contra de Fonseca.[Cómpre referencia]
1475	8 de novembro	Comezou o control político dos Reis Católicos sobre o Reino de Galicia, co nomeamento do primeiro gobernador galego, Enrique Enríquez de Mendoza, conde de Alba.
1476	1 de marzo	Batalla de Toro: onde morre Enrique Enríquez de Mendoza detendo a actividade do gobernador.
1477	4 de outubro	A maioría da nobreza rexeitou a instauración da Santa Irmandade ofrecéndolle ao novo gobernador que o estamento nobiliario fose o encargado de garantir a orde pública.
1479		Os Reis Católicos deciden apoiar ao bispo Diego de Muros fronte a Pedro Madruga.
1480	18 de febreiro	Instituíuse a Santa Irmandade co benepláctito de Alonso II de Fonseca e a burguesía urbana pero co receo dos grandes nobres.
	3 de agosto	Os Reis Católicos instauraron a Real Audiencia de Galicia para o sometemento e pacificación do reino e a restauración da xustiza real sometendo aos señores. Nomearon a Fernando de Acuña e a Lope García de Chinchilla.
		O gobernador Fernando de Acuña coa axuda de nobres galegos cercaron a Catedral de Santiago.
Séculos Escuros
1481		Afastamento da influencia política do arcebispo Alonso de Fonseca co nomeamento de Presidente do Consello de Castela.
1483		Rebelión e morte do conde de Lemos Pedro Álvarez Osorio.
		Execución do Mariscal Pardo de Cela diante da Catedral de Mondoñedo por orde de Fernando de Acuña, gobernador de Galicia e representante dos Reis Católicos.
1485		Fracasou a rebelión de Rodrigo Henríquez de Castro.
		Segregación do Bierzo (marquesado de Vilafranca).
1486		Establécese a primeira imprenta estable en Santiago de Compostela.
	7 de setembro	Os Reis Católicos viaxan ao reino para constatar o sometemento da nobreza galega. Procedentes de Ponferrada, dirixíronse a Santiago, onde permaneceron uns vinte días, e de alí a Betanzos, A Coruña e Lugo.
	6 de outubro	Recibíronse ao Reis Católicos na Coruña na Porta da Torre. O pobo e as autoridades reclamaron a confirmación dos privilexios da vila, manifestaron a súa lealdade á coroa e entregaron agasallos aos reis.
	16 de outubro	Os Reis Católicos marchan de Galicia.
1487		Os Reis Católicos obtiveron do papado unha bula para levar adiante reformas nos mosteiros galegos.
1492	31 de marzo	Decreto da Alhambra.
1493	1 de marzo	A carabela A Pinta desembarca na praia da Ribeira, en Baiona, cargada de recursos do Novo Mundo, sendo o primeiro lugar do mundo en coñecer o descubrimento de América.
1494	3 de febreiro	Publícase o primeiro libro impreso en Galicia, Missale Auriense.
Guerras italianas (1494 – 1559)
1494		Os Reis Católicos obtiveron do papado outra bula para levar adiante reformas nos mosteiros galegos.
1495		Enviouse a célula dos Reis Católicos, dirixida ao gobernador de Galicia, para executar a reforma dos mosteiros.
1498		A Santa Irmandade foi suprimida.
1500		Apareceu por vez primeira a Xunta do Reino de Galicia con representación de 5 provincias.

Século XVI

Ano	Data	Acontecemento
		Creouse a primeira traída de augas da Coruña dende os mananciais de Vioño ata as fontes da cidade.
1501		Comezou a construírse o Hospital Real de Santiago de Compostela para cubrir as necesidades da cidade que xa contaba con varios hospitais pero eran insuficientes.
	17 de xullo	Creouse o Estudio Vello, orixe da Universidade de Santiago de Compostela.
1504		Confirmouse a creación da Universidade de Santiago de Compostela na bula do papa Xulio II.
1506		Filipe I de Castela e Xoana I de Castela viaxaron a Galicia.
1509		Batalla do cabo Fisterra: entre Portugal e Francia.
1511		A Real Audiencia de Galicia tiña a súa sede na Capela de Ánimas en Santiago de Compostela, convertida así á cidade en capital do reino.
1518		As cidades e vilas galegas comezaron a mobilizarse para recuperar o voto lexítimo nas Cortes.
1520		Carlos I viaxou a Galicia para asistir a as Cortes de Santiago.
	4 de decembro	Celebrouse a Asemblea de Melide.
1522		Tralo regreso de Juan Sebastián Elcano dende as illas das especias creouse a Casa da Especiaría na Coruña pola súa proximidade xeográfica con Flandres, para a distribución nos mercados de Inglaterra, Francia, Alemaña, Escocia, Dinamarca e Noruega.
1528		Instituiuse formalmente a Xunta do Reino de Galicia, constituída polos delegados das 7 provincias.
1529	3 de febreiro	Orixinouse o Arquivo do Reino de Galicia grazas a Real cédula emitida por Carlos I.
		A Coruña e Baiona recibiron a autorización real para comerciar coas Indias.[Cómpre referencia]
		A Casa da Especiaría da Coruña foi clausurada.
1543	1 de marzo	Carlos I ordenou a salvagarda e custodia dos procedementos da Real Audiencia de Galicia.
	25 de xullo	Batalla de Muros: no marco das guerras italianas.
1554	xuño	Filipe II, aínda príncipe, viaxou a Galicia como peregrino.
1563	14 de agosto	A Coruña converteuse na capital de Galicia, cando Filipe II lle concedeu a sede da capitanía e da audiencia mediante Real Cédula, ademais de fortalecer a cidade como baluarte militar para evitar conflitos co poder arzobispal de Santiago.
1569		A cidade de Vigo sufriu os efectos da peste, quedando illada un ano, morreron preto de 5.000 persoas.
1570	setembro	A entrada do arcebispo Cristobal de Valtodano en Compostela, asignado por Filipe II, fixo que os gremios sacasen os seus entremeses do Corpus Christi e Antonio de Mondragón representou un Auto.
1580		A peste asolou a cidade da Coruña.
1589	4 - 18 de maio	A Armada Británica lanzou o Asedio da Coruña. María Pita dirixe a defensa da cidade.
		A capela da Illa de Tambo foi saqueada por Francis Drake, o cal botou a figura de Santa María de Graza ao mar.
1590		Aconteceu a batalla das Illas Cíes.
1591		Levouse a cabo o censo de 1591 recollendo 629.336 habitantes en Galicia, unha densidade media superior ao resto dos territorios da Coroa de Castela.
1597		Afundiu o San Giacomo na ría de Ribadeo, a nave de guerra capitana da segunda armada invencible.

Século XVII

Ano	Data	Acontecemento
		Construíuse o Santuario de Nosa Señora das Ermidas no Bolo.
1609		O pintor galego Santiago Morán ocupou a praza de pintor de cámara de Filipe III.
1610		Primeiras plantacións de millo en Galicia na zona do Barbanza.[Cómpre referencia]
1613		Diego Sarmiento de Acuña, conde de Gondomar, foi nomeado embaixador en Londres por Filipe III.
1617		Incursión de piratas turco-bérberes en Vigo, Cangas e costa do Morrazo.
1623	5 de febreiro	Filipe IV concedeulle ao Reino de Galicia o voto nas Cortes Reais tras pagar 100.000 ducados.
1629	24 de novembro	Por manda de Úrsula Menéndez de Texeda fúndase o Colexio de Orfas en Betanzos.
Guerra de Restauración Portuguesa (1640 – 1668)
1640	1 de decembro	Os primeiros levantamentos nas vilas portuguesas marcaron o inicio da Guerra de Restauración Portuguesa. O duque de Bragança, chegou ao trono como Xoán IV de Portugal.
1641		O exército da fronte galega liderado polo Capitán xeneral de Galicia, Marqués de Valparaíso, queimou a Igrexa de Fiaes.
1642		Aconteceu a batalla de Vilaza onde un exército galego rexeitou un ataque portugués.
1643	15 de agosto	Os portugueses conquisatan o castelo de Salvaterra de Miño, despois de que o casteleiro lle entregase as chaves.
1644		Os portugueses atacaron Goián e saquearon Freixo e Panzeques. O Capitán xeneral de Galicia como castigo atacou Lañela, Seixas e Gondarém e queimou as barcas de Caminha.
1647		O Capitán xeneral de Galicia lanzou outra ofensiva contra Salvaterra de Miño sen conseguir ocupala.
1649		Na fronte galega servían 4.000 soldados de infantería e 800 de cabalaría.
		O Capitán xeneral de Galicia volveu lanzar outra ofensiva contra Salvaterra de Miño outra vez sen éxito.
1652		A gornición de Monterrei saquea a bisbarra portuguesa de Barreiros polo que o gobernador de Tras os Montes saquea A Mezquita.
		Vicente Gonzaga atacou Valença do Minho pero sen homes suficientes como para tomala rematou por ir a San Pedro da Torre onde ergueu o forte de San Luis Gonzaga en pleno territorio portugués.
1655		Tropas portuguesas ao mando do conde de Prado saquearon e incendiaron o Porriño.
1658		O exército da fronte galega dirixido por Rodrigo Pimenetal, Marqúes de Viana do Bolo, conquistou Monçao e Lapela.
1659	17 de febreiro	O exército da fronte galega recuperou a fortaleza de Salvaterra de Miño, rebautizada polos portugueses como Salvaterra de Portugal.
1662		Pedro Carrillo de Acuña conseguiu chegar ata Arcos de Valdevez e queimala ata que o exército galego ao mando de Baltasar de Rojas deu media volta e puxo seu cuartel de inverno na conquistada Monçao.
1663		Os portugueses cruzaron o Miño e tomaron Goián, Tomiño e atacaron as aldeas do arredor.
		Formouse o primeiro Batallón Literario como resposta aos ataques portugueses a Monterrei.[Cómpre referencia]
c.1665		Constrúese a Muralla de Vigo comenzando a conformarse a morfoloxía da cidade.
1665		Os portugueses, aproveitando a morte do rei español, desataron unha ofensiva en Galicia para conquistar o porto de Vigo e Baiona, avanzaron dende Goián polo Rosal saqueando o Val Miñor e Gondomar e incendiaron Porriño e tomaron A Guarda.
1666		O exército da fronte galega atacou a fronte oriental galega paseándose polo Támega, saqueando Vinhais e achegándose á capital de Chaves mentres voltaban os portugueses atacar A Mezquita.
1668	13 de febreiro	A monarquía española recoñeceu a independencia de Portugal no Tratado de Lisboa.
1671		Gabriel Feixóo de Araúxo deu a coñecer o Entremés famoso sobre a pesca do río Miño, a peza teatral coñecida máis antiga en lingua galega.
1672		Constrúese a Cruz de Avelán, o cruceiro de capela máis antigo conservado en Galicia.
1673		Diego de Romai deseñou o cadeirado do coro baixo de San Martiño Pinario.
1676		Domingo de Andrade, nomeado mestre de obras da catedral, fixo as reformas da torre do Reloxo da catedral de Santiago de Compostela.
1691		Comezaron as obras do Convento de San Xoán de Poio levadas a cabo por Pedro de Monteagudo.

Século XVIII

Ano	Data	Acontecemento
		Constrúese o Camiño e Plantío Real, camiño de roda arborado que uniu Pontevedra e A Coruña con Santiago de Compostela, a partir da rede viaria romana e os camiños castrexos. Nas súas beiras atopábanse fontes, reloxos de sol e zonas de descanso. A súa construción incluíu a de varias pontes coma a Ponte Barosa, Ponte do Cárcere, Ponte Malvar e a Ponte Vedra e foi ordenada polo Arcebispo Malvar. Este vial evolucionaría posteriormente na estrada N-550
		O pulo adquirido polo viño portugués do Douro no mercado inglés foi a causa de decadencia de moitos dos viñedos ourensáns.
Guerra de Sucesión Española (1701 – 1713)
1702		Aconteceu a batalla de Rande, enfrontou ás coalicións anglo-holandesa e hispano-francesa.
1709		Ano de malas colleitas, provocou moita fame e crime.
Guerra da Cuádruple Alianza (1717 – 1720)
1717		Fúndase en Betanzos o Banco Etcheverría, banco máis antigo de España
1719	10 de xuño	Batalla de Glen Shiel
	10 de outubro	Aconteceu a toma de Vigo a mans británicas.
1722		Construíuse o acueduto do Paseo das Pontes na Coruña, feito por Fernando de Casas Novoa.
1735		Lucas Ferro Caaveiro foi elixido para realizar as obras do pazo da Casa do Concello de Lugo.
1747	14 de maio	Primeira batalla do cabo Fisterra.
	25 de outubro	Segunda batalla do cabo Fisterra.
1749		Comeza a construción do Real Arsenal de Ferrol e dos Reales Estaleiros de Esteiro
c.1750		Revoltas e motíns nas rías galegas contra os pesqueiros cataláns.
1752		1 299 312 habitantes.
Terremoto de Lisboa
c.1760		Constrúese a Casa Cornide na Cidade Vella da Coruña.
1761		Constrúese o Camiño Real da Coruña que unía Madrid co porto da Coruña. Ata entón todo o transporte entre Galicia e Castela facíase a pé (o cal deu lugar á profesión do arrieiro) ou na parte traseira dunha mula por camiños de ferradura, ao contrario que os camiños de roda que permitían circular carros e carretas. Esta se percorría en de 8 a 9 días con bo tempo e entre 16 e 20 días con climatoloxía adversa. Posteriormente converteríase na estrada xeral nº7.
	13 ou 14 de agosto	Librouse a batalla do cabo Fisterra entre Francia e Inglaterra.
1763		Implantouse a primeira lotaría.
1765	20 de xaneiro	Inaugurouse a Academia de Agricultura do Reino de Galicia na Coruña.
1775	22 de outubro	Por Real cédula de Carlos III, creouse formalmente o Arquivo do Reino de Galicia, asignándolle persoal e unhas normas de funcionamento, no Palacio da Real Audiencia.
1778		Galicia padeceu de fame e peste.
		Comezou o favorecemento do cultivo da pataca en Galicia.
1780	8 de xaneiro	Aconteceu a acción do 8 de xaneiro de 1780.
1781	25 de febreiro	Aconteceu a acción do 25 de febreiro de 1781.
1784		Creouse a Real Sociedade Económica de Amigos do País de Lugo.
	15 de febreiro	Celebrouse a sesión inaugural da Real Sociedade Económica de Amigos do País de Santiago.
1787		1.345.803 habitantes.
1790	agosto - novembro	Revolta da Ulloa.
1794		Vigo obtén permiso para comerciar coas Indias.
	27 de setembro	Fundouse o primeiro hospital da Coruña, o Hospital da Caridade, polo que loitou Teresa Herrera.
1798		Veciños de Portocelo, San Cibrao, Burela e Nois, levantáronse en motín contra o marqués de Sargadelos.
1800		Publícase o primeiro xornal de Galicia, El Catón Compostelano.
	25 e 26 de agosto	Aconteceu a batalla de Brión.

Século XIX

Ano	Data	Acontecemento
Guerras napoleónicas (1803 – 1815)
1803		Comezou a construción do camiño de Benavente a Vigo.
	30 de novembro	Partiu da Coruña a Real Expedición Filantrópica da Vacina dirixida polo doctor Balmis.
1804		A Coruña quedou illada para evitar a peste. As penas alcanzaron os 200 latigazos e os 10 anos de cárcere.
1805	22 de xullo	Aconteceu a batalla do cabo Fisterra, na que se enfrontaron España e Francia contra o Reino Unido.
	4 de novembro	Aconteceu a batalla do Cabo Ortegal, na que se enfrontaron o Reino Unido contra Francia.
1806		Cerámica de Sargadelos.
1808		Formación da Xunta Suprema do Reino de Galicia coa fin de defender o reino ante os exércitos napoleónicos. Recuperación de atribucións de autogoberno extraordinarias.
		Acordouse a colaboración da Universidade co movemento popular a prol de liberar o país, constituíuse o Batallón Literario.
1809	16 de xaneiro	Aconteceu a batalla de Elviña.
	6 e 7 de marzo	Aconteceu a batalla do Val de Monterrei.
	28 de marzo	Os habitantes Vigo álzase contra o exército francés, no que se coñece coma a Reconquista de Vigo
	27 de abril	Aconteceu a batalla de Casal do Eirigo.
	30 de maio	Levantamento da Coruña e de Santiago.
	7 a 9 de xuño	Aconteceu a batalla de Ponte Sampaio.
1810		Naufragaron a fragata Santa María Magdalena e o bergantín Palomo na costa de Viveiro.
1815	17 a 18 de setembro	Pronunciamento de Porlier na Coruña, co obxectivo de derribar o réxime absolutista de Fernando VII e restaurar a Constitución de Cádiz.
1816		Comeza a operar o servizo de dilixencias entre Vigo na Coruña con Madrid, que podían levar ata 22 persoas.
1820		Revolución Liberal de Rafael del Riego.
c.1825		Construíuse o muiño do Pozo do Cachón en Serres, Muros.
1825 – 1832		Durante un período de tempo a capitalidade tivoa Santiago de Compostela, para despois volver á Coruña.
1831	7 de abril	Fúndase a Real Academia de Medicina e Cirurxía de Galicia
Rexión de Galicia - Reino de España
1833		A rexente María Cristina de Borbón-Dúas Sicilias asina o decreto da disolución da Xunta do Reino de Galicia.
	30 de novembro	A división territorial de España en 1833 pon fin ao Reino de Galicia pasando a ser a Rexión de Galicia, dividida en 4 provincias.
1834		O ilustrado Domingo Fontán remata a Carta xeométrica de Galicia, o primeiro mapa realizado en España con métodos científicos e medicións matemáticas
1838		Apareceu a primeira revista ilustrada de Galicia, Semanario Instructivo, que xa contaba con litografías e ilustracións policromadas.
1843		Celébrase en Lugo unha asemblea federal para estudar a reorganización de Galicia, na cal Antolín Faraldo propuxo debater a independencia de Galicia.
		Constitúese unha Xunta Central de Galicia presidida por Xosé María Suances oposta á rexencia de Baldomero Espartero.
		Enrique Luard abriu a primeira tenda de fotografía de Galicia na rúa San Andrés na Coruña.
Revolución galega (1846)
1846	2 de abril	Prodúcese o levantamento do comandante Miguel Solís en Lugo, que disolve o Consello Provincial e a Deputación organizando a Xunta Superior do Goberno de Galicia, presidida por Pío Rodríguez Terrazo.
	23 de abril	Aconteceu a batalla de Cacheiras no alto de Montouto.
	26 de abril	Fusilamento dos Mártires de Carral.
1849	31 de outubro	A Real Academia Galega de Belas Artes, foi unha das trece creadas en España por Real Decreto.
1851	2 de abril	O químico Antonio Casares realiza o primeiro experimento con luz eléctrica de España no claustro da Universidade de Santiago de Compostela, onde crea un arco voltaico e causa gran expectación.
1852	24 de xullo	Antonio Casares repitiu o experimento, iluminando unha das fachadas da catedral.
		Publícase A gaita gallega de Xoán Manuel Pintos, primeiro libro impreso en galego e precursor do Rexurdimento.
Diáspora galega
1853		Foi o ano da fame en Galicia, as chuvias excesivas e as baixas temperaturas estragaron as colleitas. As cidades galegas viron chegar multitude de campesiños pedindo pan e roupa. Espoleta do inicio da diáspora galega.
	6 de abril	Manuel Blanco Romasanta, o primeiro asasino en serie galego documentado, foi condeado á sentenza de morte en Allariz.
1854		Fíxose a rede de luz a gas na Coruña.
1856	2 de marzo	Celebrouse o Banquete de Conxo.
1860	3 de marzo	Publicouse a primeira revista escrita enteiramente en galego, O Vello do Pico-Sagro.
1860 – 1900		Comezou unha gran migración de Galicia cara as américas, principalmente Cuba. Neste período Galicia ten saldo migratorio de - 370 462 habitantes.
Rexurdimento
1863	17 de maio	Publicouse Cantares Gallegos de Rosalía de Castro, inauguración definitiva do Rexurdimento poñendo fin ós Séculos Escuros.
1868	19 de outubro	O ministro de facenda do goberno provisional do Xeneral Serrano, Laureano Figuerola, asinou o decreto polo cal se implantaba a peseta como unidade monetaria de España sustituindo ao real español, ao mesmo tempo que entraba en vigor oficialmente o sistema métrico.
	5 de novembro	Coa entrada en vigor do Tratado de Lisboa de 1864, o territorio galego é ampliado ao lle ser anexado o Couto Mixto, un microestado independente entre Galicia e Portugal. En contraprestación, a parte galega das denominadas poboacións promiscuas ―Cambedo, Lamadarcos e Souteliño― é incorporada a Portugal.
Rexión de Galicia - Primeira República Española
1873	11 de febreiro	Proxecto de Estatuto Federal de Galicia. Nas eleccións elixen 37 deputados federalistas dun total de 45 en Galicia.[Cómpre referencia]
	27 de maio	Inaugurouse a oficina en Vigo da Eastern Telegraph Company que comunicaba co resto do mundo mediante telégrafo, a través dun cable submarino ata Porthcurno, o maior centro telegráfico do mundo.
	15 de agosto	Inaugurouse a primeira liña de tren de Galicia, entre Cornes (Santiago) e Carril (Vilagarcía). A súa prolongación posterior ata Vigo e A Coruña daría orixe ó Eixe Atlántico.
Rexión de Galicia - Reino de España
1875		O tren A Coruña-Lugo comezou a circular.
1880		Constuiuse a rede de luz eléctrica na Coruña.
	2 de febreiro	O Real Decreto ditado por Saturnino Álvarez Bugallal determinou a Galicia ―así como a Aragón, Baleares, Cataluña, Navarra e o País Vasco― como rexión foral.
		Comezou a circular o primeiro tranvía de Galicia entre Verín e o manancial de Cabreiroá.
1882		Comezou a publicarse o xornal La Voz de Galicia.
1883		Proxecto de Constitución para o futuro Estado galego, realizado polo Consello Federal de Galicia presidido por Moreno Barcia.
1885		O tren A Coruña-Madrid comezou a circular.
1886		Inaugurouse a Ponte Internacional Tui-Valença que substituíu as barcazas que eran necesarias anteriormente para cruzar o Río Miño.
1887	2 - 7 de xullo	Celebrouse en Lugo a Asemblea Federal da Rexión Galega para ratificar o Proxecto de Constitución para o futuro Estado galego.
1891	25 de maio	Trasladouse o corpo de Rosalía de Castro dende o cemiterio de Iria Flavia ao Panteón de Galegos Ilustres.
1892	22 de xullo	Revolta de Pontevedra.
1893		Emilia Pardo Bazán e mais a súa nai decidiron encargar a construción do Pazo de Meirás.
1895		Construíuse o Obelisco dos Cantóns da cidade da Coruña.
1896	15 de xaneiro	Volveuse inaugurar o faro de cabo Vilán, converténdose no primeiro faro con luz eléctrica de España.
	2 de setembro	Unha exhibición realizada no Teatro Circo Coruñés deu inicio á historia do cinema de Galicia.[Cómpre referencia]
1897		Formouse a Liga Gallega, o primeiro partido galego organizado.[Cómpre referencia]
1900		Galicia comezou o século con 1,98 millóns de habitantes.

Século XX

Ano	Data	Acontecemento
1901	8 de xuño	Marcela e Elisa casaron na Igrexa de San Xurxo da Coruña converténdose no primeiro matrimonio entre persoas do mesmo sexo en España.
1903		Comezou a circular o tranvía da Coruña.
1906		Creouse a empresa Aguas de Cabreiroá, cunha planta de embotellamento en Verín.
	30 de setembro	Constituíuse a Real Academia Galega, presidida por Manuel Murguía.
1908	15 ou 16 de agosto	Celebrouse a Primeira Asemblea Agraria de Galicia en Monforte de Lemos.
1910		Creouse a xunta de obras do porto de Ferrol para ampliación da dársena co peirao de Curuxeiras.
1911		O aviador francés Léonce Garnier realizou o primeiro voo en Galicia sobre o Río Lérez.
1912		Ramón María Aller construíu en Lalín o primeiro observatorio astronómico de Galicia.
1913		Inaugurouse o tren Ferrol-Betanzos.
1914		Comezou a circular o tranvía de Vigo.
	decembro	José Piñeiro González converteuse nun dos pilotos pioneiros en voar boca abaixo en Cuba.
1916	18 de maio	Organizáronse as Irmandades da Fala, acordada nunha xuntanza nos locais da Real Academia Galega na Coruña.
	12 de outubro	Os agora coñecidos como Mártires de Cans son asasinados pola Garda Civil ao mobilizarse por impostos xustos.
Gripe española
1918		Gripe de 1918
	8 e 9 de marzo	A Revolta das Pedradas pola suba de impostos e prezos aos labregos.
	17 ao 18 de novembro	Celebrouse a Primeira Asemblea Nacionalista en Lugo.
Movemento Renovador
1920	30 de outubro	Publicouse o primeiro número da revista Nós en Ourense.
Grupo Nós
1921		Contituiuse legalmente o Grupo Nós.
1922	28 de novembro	Os agora coñecidos como Mártires de Sobredo foron asasinados por defender un veciño contra o pago dos foros.
1923	8 de xullo	As Irmandades da Fala fundaron as Escolas de Insiño Galego, que funcionaron até 1930.
1924		Reimplantouse a caza de baleas en Galicia, establecéronse no país dúas compañías baleeiras, Compañía Ballenera Española e Sociedad Anónima Corona.
1925	11 de novembro	Rematou a construción do Edificio do Banco Pastor da Coruña, primeiro rañaceos de España e por aquel entón o edificio máis alto do estado.
		Avelino Cachafeiro, O Gaiteiro de Soutelo, foi proclamado o mellor gaiteiro galego nun concurso celebrado en Santiago.
1927		Enrique Barreiro Vázquez realizou a primeira gravación de vídeo a cor de España, o documental Pontevedra, cuna de Colón.
1928		Anunciouse a construción da autovía Madrid-Ponferrada-A Coruña que contará cun ramal a Vigo.
1929	marzo	Abriuse oficialmente o tráfico aéreo aos hidroavións no porto marítimo e a ría de Vigo. Decidiuse construír un "aeroporto marítimo" na praia de Cesantes, Redondela.
1931	26 de abril	Homenaxe aos Mártires de Carral organizado polas Irmandades da Fala.
Rexión de Galicia - Primeira República Galega
1931	27 de xuño	Proclamouse a República Galega durante unhas horas, un día antes das eleccións ás Cortes Constituíntes da II República Española.
Rexión de Galicia - Segunda República Española
1931	5 e 6 de decembro	Constituiuse o Partido Galeguista, reclamando por primeira vez o dereito de autodeterminación e proclamando a redacción dun Estatuto de Autonomía.
		Fundouse a empresa madeireira FINSA como un serradoiro por Manuel García Cambón.
1932		Construíuse o aeroclub de Lavacolla.
1933	xaneiro	A historia da radio en Galicia comezou coa instalación da primeira antena en San Domingos de Bonaval e a inauguración de Unión Radio Galicia.
Recoñecemento internacional como nación
1933	16 ao 18 de setembro	Galicia acadou o recoñecemento internacional como nación no 9º Congreso de Nacionalidades Europeas, patrocinado pola Sociedade de Nacións.
1935		O Banco Simeón adquiriu un dos cinco mil exemplares da máquina Millonaire, precedente da informática en Galicia.
	27 de xullo	Inaugurouse o aeródromo de Lavacolla, o que posteriormente se convertería no aeroporto de Santiago de Compostela. Contaba con tres pistas de aterraxe formando un triángulo.
1936	28 de xuño	Votouse a aprobouse o Estatuto de autonomía de Galicia de 1936 pero nunca chega a facerse efectivo.
Guerra civil española (1936 – 1939)
1936	18 de xullo	Comezou unha insurrección militar coñecida como o Golpe de Estado de 1936, daría comezo á Guerra civil española.
	20 e 21 de xullo	Sucedeu a batalla de Vigo, entre o exército sublevado e as milicias republicanas viguesas.
	17 de agosto	Alexandre Bóveda foi asasinado polos fascistas na Caeira, Poio, este día marcaría o Día da Galiza Mártir.
1937		Comezan os servizos comerciais regulares no aeroporto de Santiago de Compostela coa liña Santiago–Salamanca–Valladolid–Zaragoza. O aeroporto só contaba cun barracón de madeira para albergar aos pasaxeiros.
Rexión de Galicia - Ditadura franquista
1939	1 de abril	A Guerra civil española concluíu coa vitoria do bando rebelde e coa instauración dunha ditadura de carácter fascista.
c.1940		As irmás Touza de Ribadavia axudaron a escapar a Portugal a máis 500 xudeus durante o holocausto.
1944	10 de marzo	Castelao publicou Sempre en Galiza en Bos Aires, considerado a obra canónica do nacionalismo galego.
1948	25 de xullo	Castelao pronunciou o discurso Alba de Gloria en Bos Aires.
1949	16 de setembro	Inaugurouse o encoro das Conchas, primeiro grande encoro galego que daría lugar ao nacemento de Fenosa.
1950		Publicouse Muiñeiro de Brétemas, de Manuel María dando inicio á Escola da Tebra.
	25 de xullo	Fundouse a Editorial Galaxia.
1953		Fundouse a empresa de fundición de aceiro Metalurgia Galaica, SA.
Nova narrativa galega
1954		Publicouse Nasce un árbore de Gonzalo Rodríguez Mourullo dando inicio á corrente da Nova narrativa galega.
	20 de abril	Comezou a operar o Aeroporto de Vigo.
		Astano comezou a operar o primeiro ordenador de Galicia, un clasificador de tarxetas.
1958		Fundouse a empresa Televés co nome de TresB.
		Fundouse a empresa conserveira de Jealsa da man de Jesús Alonso Fernández.
	abril	Creouse Citroën Hispania o que deu lugar ao centro de Vigo de PSA Peugeot Citroën ligada ao porto de Vigo.
1959		Fundouse o grupo empresarial alimenticio Coren por Eulogio Gómez Franqueira.
1960		O xogador galego de fútbol Luis Suárez Miramontes converteuse no primeiro de España en gañar un Balón de Ouro.
		Fundouse a empresa pesqueira Pescanova por Xosé Fernández López.
1963	17 de maio	Celebrouse por primeira vez o Día das Letras Galegas, homenaxeando a Rosalía de Castro.
	25 de maio	Inaugurouse o Aeroporto da Coruña.
	2 de decembro	Promulgouse a Lei de Compilación do Dereito Civil Especial de Galicia, antecedente do actual Dereito civil galego.
1965	25 de xullo	O crego Xaime Seixas deu a primeira misa íntegra en galego despois da ditadura.
1968		A Estampa Popular Galega comezou a súa actividade.
		Mobilizacións estudantís na Universidade de Santiago de Compostela.
		Magín Alfredo Froiz remodelou un supermercado co nome de Supermercado Froiz.
1969		A Universidade de Santiago estreou o seu primeiro ordenador, un IBM 1130 de última xeración.
1970		Miguel Anxo Araúxo foi ordenado bispo na primeira destas cerimonias en galego na Catedral de Ourense.
1973	13 de agosto	Accidente aéreo de Montrove, Liáns, Oleiros.
1974		Finalizou a construción do encoro das Portas no concello de Vilariño de Conso.
Transición española
1975	20 de novembro	Morre Francisco Franco dando o comezo a transición española.
	27 de decembro	Trala morte de Francisco Franco, de acordo coa Lei de Sucesión na Xefatura do Estado de 1947, Xoán Carlos I foi recoñecido como rei de España e lexítimo herdeiro da dinastía histórica de Borbón.
1976	12 de maio	Naufraxio do buque Urquiola na Coruña, vertendo 100.000 toneladas de petróleo.
1977	23 de abril	Fundouse a Real Academia Galega de Ciencias.
		A Xunta preautonómica nomeou a Antonio Rosón Pérez como presidente, puxo en marcha o estatuto dos dezaseis.
	15 de xullo	Inaugurouse o parque de Santa Margarida na Coruña.
Galicia - Reino de España
1978	16 de marzo	A Xunta de Galicia foi designada como goberno galego.
1979	9 de xuño	Xosé Quiroga Suárez tomou posesión do cargo de presidente da Xunta de Galicia.
1980	3 de maio	Asociación de Escritoras e Escritores en Lingua Galega
	21 de decembro	Celebrouse o referendo do estatuto de autonomía de Galicia.
1981	7 de febreiro	Inaugurouse a ponte de Rande atravesando a ría de Vigo.
Estatuto de autonomía
1981	6 de abril	Aprobouse o estatuto de autonomía de Galicia, establecendo Santiago de Compostela como capital.
	20 de outubro	Primeiras eleccións ao Parlamento de Galicia.
		Inaugurouse o primeiro tramo da Autoestrada do Atlántico.[Cómpre referencia]
		Galicia acadou o seu máximo histórico de poboación, con 2 811 942 habitantes.
1982	22 de xaneiro	Xerardo Fernández Albor converteuse no primeiro presidente da Xunta de Galicia elixido polo Parlamento de Galicia.
1984	28 de xuño	Os restos mortais de Castelao foron repatriados e levados para o Panteón de Galegos Ilustres, no convento de San Domingos de Bonaval (Santiago de Compostela).
	3 de outubro	Galicia foi azoutada polo furacán Hortensia. En Bares rexistráronse ventos de 198 quilómetros por hora, a maior marca galega desde que hai estatísticas.
		Iniciouse a expansión do porto de Ferrol ata a extensión actual.
1985	12 de xuño	Fundouse a empresa Inditex por Amancio Ortega.
	24 de xullo	A Televisión de Galicia inaugurou as súas emisións, inaugurando cos actos do Día do Apóstolo.
		Fundouse o grupo empresarial alimenticio Gadisa por Roberto Tojeiro Díaz.
		Eleccións ao Parlamento de Galicia.
1986	1 de xaneiro	Galicia entrou co resto de España na CEE (actual Unión Europea).
1987	26 de setembro	Fernando González Laxe presentou unha moción de censura contra o goberno de Fernández Albor.
	28 de setembro	Formouse un goberno de coalición tripartito en PSdeG, Coalición Galega e Partido Nacionalista Galego, presidido por Fernando González Laxe.
	5 de decembro	O Cason naufragou fronte ás costas galegas, con posible carga de armas químicas ou materiais para fabricalas, ou mesmo material radioactivo.
1989	20 de xullo	Creouse a Universidade da Coruña e a Universidade de Vigo a través da lei de ordenación do sistema universitario de Galicia.
	17 de decembro	Eleccións ao Parlamento de Galicia.
1990	12 de xuño	Iniciouse a Operación Nécora contra o narcotráfico.
	5 de febreiro	Manuel Fraga Iribarne foi investido como presidente da Xunta na praza do Obradoiro.
1991		Realizouse a exposición Galicia no tempo, presentaba arredor de 250 pezas de escultura e ourivaría de entre o século XVI e a Idade Moderna.
1992		Anuario de Estudos Literarios Galegos.
	3 de decembro	Naufraxio do Aegean Sea na costa da Coruña.
1993	maio	Creouse o Centro de Supercomputación de Galicia, que adquiriu un Fujitsu VP1400, o primeiro superordenador vectorial do país.
1994	18 de abril	Comezou a emitirse na Televisión de Galicia o programa infantil Xabarín Club.
1996	10 de setembro	Derrubamento do vertedoiro de Bens, vertendo sobre O Portiño e o mar 200 000 toneladas de lixo e matando un veciño.
2000		Publicouse o primeiro capítulo de Os Bolechas da man do ilustrador Pepe Carreiro.
	31 de decembro	Galicia comeza o século con 2 698 025 habitantes.

Século XXI

Ano	Data	Acontecemento
2001		A compañía R comeza a operar a súa rede de fibra óptica.
	21 de outubro	Eleccións ao Parlamento de Galicia.
2002	1 de xaneiro	O euro (€) entrou en circulación xunto coa peseta, convivindo as dúas moedas.
	1 de marzo	A peseta deixou de ser unha moeda de curso legal.
Marea Negra do Prestige
2002	19 de novembro	Naufragou o petroleiro Prestige, provocado unha marea negra sobre as costas galegas.
	21 de novembro	Nacemento do movemento Nunca Máis.
2004	21 de setembro	Plan Xeral de Normalización da Lingua Galega.
2005	11 de marzo	Iniciaronse os traballos de construción do porto exterior da Coruña.
	19 de xuño	Eleccións ao Parlamento de Galicia.
	2 de agosto	Emilio Pérez Touriño encabezou un goberno de coalición co BNG coñecido como bipartito galego.
Vaga de incendios forestais de 2006
2006	3 e 15 de agosto	Un conxunto de 1 970 incendios forestais (37 deles de grandes proporcións) arrasaron Galicia, especialmente as provincias de Pontevedra e A Coruña.
2009	1 de marzo	Eleccións ao Parlamento de Galicia.
	16 de abril	Alberto Núñez Feijóo foi nomeado Presidente da Xunta de Galicia polo Parlamento de Galicia.
2012	21 de outubro	Eleccións ao Parlamento de Galicia.
2014	18 de xuño	Abdicación de Xoán Carlos I en favor do seu sucesor, Filipe VI.
2015	marzo	Completouse o eixe atlántico de alta velocidade coa inauguración do treito Santiago de Compostela - Vigo.
2016	25 de setembro	Eleccións ao Parlamento de Galicia.
Vaga de incendios forestais de 2017
2017	13 e 18 de outubro	Unha serie de incendios forestais afectaron ás catro provincias galegas con cadansúas vagas en Asturias e Portugal.
Pandemia de COVID-19
2020	4 de marzo	Detectouse o primeiro caso confirmado da pandemia de COVID-19 en Galicia.
	12 de xullo	Eleccións ao Parlamento de Galicia. Alberto Núñez Feijóo foi elixido Presidente da Xunta.
2021	21 de decembro	Comezou a operar a Liña de alta velocidade Olmedo-Zamora-Galicia.
2022	22 de maio	Alfonso Rueda Valenzuela foi investido xefe do executivo galego.
2023	19 de setembro	Xosé Ramón Gómez Besteiro, Marta Lois e Néstor Rego convertéronse nos primeiros deputados en intervir en galego no Congreso español.
2024	18 de febreiro	Eleccións ao Parlamento de Galicia. Alfonso Rueda foi elixido Presidente da Xunta.

Véxase tamén

Outros artigos

• Historia de Galicia
• Lista de monarcas de Galicia

Ligazóns externas

• Cronoloxía de Galicia - Cultura Galega