Antonio Rosón

avogado e político galego

Antonio Rosón Pérez, nado en Becerreá o 8 de xuño de 1911 e finado na cidade de Lugo o 24 de abril de 1986, foi un avogado galego, primeiro presidente da preautonomía Xunta de Galicia antes aprobación do Estatuto de autonomía de Galicia de 1981. Tamén foi o primeiro presidente da Caixa Rural de Lugo ata o seu falecemento.

Infotaula de personaAntonio Rosón

Editar o valor em Wikidata
Biografía
Nacemento(es) Antonio Rosón Pérez Editar o valor em Wikidata
8 de xuño de 1911 Editar o valor em Wikidata
Becerreá, España Editar o valor em Wikidata
Morte24 de abril de 1986 Editar o valor em Wikidata (74 anos)
Santiago de Compostela, España Editar o valor em Wikidata
Presidente do Parlamento de Galicia
19 de decembro de 1981 – 24 de abril de 1986
Senador de España
1 de marzo de 1979 – 31 de agosto de 1982
Presidencia da Xunta de Galicia
13 de xullo de 1977 – 9 de xuño de 1979 – Xosé Quiroga Suárez →
Deputado no Congreso dos Deputados
4 de xullo de 1977 – 2 de xaneiro de 1979

Circunscrición electoral: Circunscrición electoral de Lugo

Procurador en Cortes
11 de novembro de 1971 – 30 de xuño de 1977
Procurador en Cortes
6 de novembro de 1967 – 11 de novembro de 1971
Procurador en Cortes
13 de maio de 1949 – 5 de abril de 1952
Presidente da Deputación de Lugo
Deputado do Parlamento de Galicia
Editar o valor em Wikidata
Datos persoais
País de nacionalidadeEspaña Editar o valor em Wikidata
EducaciónUniversidade de Valladolid - dereito Editar o valor em Wikidata
Actividade
Lugar de traballo Madrid Editar o valor em Wikidata
Ocupaciónavogado , político Editar o valor em Wikidata
Partido políticoUnión de Centro Democrático Editar o valor em Wikidata
Membro de
LinguaLingua castelá e lingua galega Editar o valor em Wikidata
Familia
PaiEulogio Rosón López Editar o valor em Wikidata
IrmánsJuan José Rosón, Eduardo Rosón Pérez, Senén Eulogio Rosón Pérez e Luis Rosón Pérez Editar o valor em Wikidata
Premios

Traxectoria editar

No franquismo editar

Fillo máis vello do farmacéutico de Becerreá, Eulogio Rosón López. Estudou o bacharelato no Instituto de Lugo, estudando logo en Santiago de Compostela e Oviedo, rematando por licenciarse en Dereito pola Universidade de Valladolid. Comezou a súa vida profesional en Lugo ao abeiro do seu tío Eduardo Rosón López. Na altura do golpe de Estado do 18 de xullo de 1936, Antonio Rosón ingresou na Falanxe[1] e no Exército golpista co grao de alférez, encargándose de labores represivos na provincia lucense.[2]

Desmobilizado en decembro de 1939, exerceu como avogado defensor en consellos de guerra. Logo participou intensamente na vida política do franquismo. Foi nomeado Delegado Provincial de Educación Popular da Falange de Lugo en maio de 1942, posto do que foi cesado en novembro dese ano.[3] Foi subxefe provincia de Falange,[1] procurador nas Cortes en representación do terzo familiar pola provincia de Lugo, durante a IX e a X Lexislatura; presidente da Deputación Provincial de Lugo entre 1949 e 1951; presidente da Cámara provincial Agraria desa provincia. Aínda foi vicedecano do Colexio de Avogados de Lugo; presidente da Comisión de Agricultura do Consello Económico e Sindical do Noroeste de España e conselleiro de FRIGSA (Frigoríficos Industriales de Galicia).

Democracia editar

Logo da constitución da Xunta preautonómica (1977), a UCD, partido maioritario en Galiza, rexeitou a posibilidade de que un galeguista histórico a presidise. Despois de ter barallado a opción de situar como presidente a Pío Cabanillas Gallas, finalmente optou por nomear a Antonio Rosón, que fora un dos fundadores de Alianza Popular en Galicia, aínda que deseguido se afastou dela. Rosón impulsou o denominado Estatuto dos dezaseis, aberto a todas as forzas políticas, incluídas as extraparlamentarias como o Partido Galeguista recentemente reconstituído e o Partido Obreiro Galego. Porén, o intento do entón presidente do Goberno, Adolfo Suárez, para aprobar un estatuto cun conxunto de competencias inferior aos do País Vasco e Cataluña, provocou un gran malestar na comunidade galega, ao que se sumaría unha parte da UCD local e o mesmo presidente da Xunta preautonómica, Antonio Rosón, quen tentaba involucrar a unha parte do nacionalismo no proceso de creación da autonomía e foi el quen outorgou ao 25 de xullo o carácter de Día Nacional de Galicia. A UCD decidiu substituílo e, en 1979, Xosé Quiroga foi nomeado novo presidente da Xunta de Galicia.

Desfeita a UCD, Rosón uniuse ao Partido Liberal coaligado con Alianza Popular, atinxindo aínda a ser Presidente do Parlamento de Galiza na I lexislatura (1981-1985) e na súa segunda lexislatura entre 1985 e 1986, sendo substituído, pola súa mala saúde, o 13 de maio dese último ano por Tomás Pérez Vidal.

Rosón foi tamén Deputado por Lugo (1977-1979) e mais Senador tamén por Lugo (1979–1982)

Foi membro de número da Real Academia Galega de Lexislatura e Xurisprudencia. Estaba na posesión da Gran Cruz del Mérito Agrícola.

Obra publicada editar

Rosón publicou obras fundamentalmente dedicadas a temática agraria desde perspectiva xurídica. A destacar:

  • Ordenación jurídico-agraria de Gaicia (1949).
  • Concentración parcelaria e patrimonio familiar. Bases de la revolución agraria gallega (1952).

Notas editar

  1. 1,0 1,1 Villanueva Gesteira, María Dolores (2015). A editorial Galaxia: proxecto e traxectoria 1950-1963. Santiago de Compostela: USC. p. 156. 
  2. "Los Rosón, azote de Galicia". Interviú (en castelán) (107). 1978. 
  3. López Rodríguez, Pilar; Baz Vicente, Mª Jesús (2008). "Una aproximación a Falange en la provincia de Lugo (1936-1942)" (PDF). En Universidade de Santiago de Compostela. A patria enteira. Homenaxe a Xosé Ramón Barreiro Fernández. Santiago de Compostela. pp. 195–219. ISBN 978-84-9887-000-8. 

Véxase tamén editar

Bibliografía editar

Outros artigos editar

Ligazóns externas editar


Predecesor:
Eduardo García Rodríguez
  
Presidente da Deputación de Lugo
 
1949–1951
Sucesor:
Rafael Sarandeses Pérez
Predecesor:
Ninguén
  
Presidente da Xunta de Galicia
 
19771979
Sucesor:
Xosé Quiroga Suárez
Predecesor:
Ninguén
 Presidente do Parlamento de Galicia 
1981–1986
Sucesor:
Tomás Pérez Vidal