Abrir o menú principal

Andeca

Rei suevo de Galiza

Andeca ou Audeca gobernou o reino de Galicia entre os anos 584 e 585[1][2], sendo o derradeiro monarca suevo que tivo Galicia. Tras o seu destronamento, o monarca visigodo Leovixildo logrou anexionarase o Galliciense Regnum.

Andeca
Falecemento585
 Beja
Ocupaciónmonarca
editar datos en Wikidata ]

TraxectoriaEditar

Ripáralle o trono ao seu predecesor Eurico, a quen enclaustrou nun mosteiro e casou coa súa muller coa fin de garantir a continuidade de sangue. Co gallo de mediar na desavinza dinástica, Leovixildo internouse en Galicia cos seus exércitos e, tras derrotalo, saqueou a capital (Braga), fíxose co tesouro real e anexionouse o Reino Suevo de Galicia.

Esta volvía á fe ariana na súa caste dirixente e ficaba convertida nunha unidade gobernativa e xurisdicional da monarquía visigoda de Hispania ao mando dun dux; este cargo será exercido en varias ocasións por fillos de monarcas que gobernaron a antigo territorio suevo a título de rei (Wamba, Vitiza). Andeca tamén foi obrigado a ingresar nun mosteiro, mais a nobreza que o aupara non semella que perdera, na nova dependencia política, o seu dominio territorial.

A crónica biclarense descualifícao como tirano ao non recoñecer a licitude da súa toma do poder e responsabilizalo da disputa que abriu as portas ao, tamén deostado pola crónica, rei Leovixildo.

Tentativa de independenciaEditar

Tras o destronamento de Andeca por parte dos visigodos, un nobre de liñaxe real, descendente do rei Miro chamado Malarico, encabezou unha rebelión para liberar o reino de Galicia das mans visigodas. A forte presenza militar visigoda no reino acabaría coa revolta no ano 586 e Malarico, sería apresado pouco antes da morte de Leovixildo.

A finais do século XIX o historiador Benito Vicetto transcribiu o seu nome Andeca ou Audeca como Xandeza ou Xan Deza, relacionando a raíz etimolóxica deste nome coa comarca do Deza.[Cómpre referencia]

Véxase taménEditar

Outros artigosEditar

Andeca
Descoñecida
Nacemento: ? Falecemento: ?


Títulos Reais
Precedido por
Eborico


Rei de Galicia
584–585
Sucedido  por
Leovixildo
Invade o reino
e faise co seu goberno
  1. de Tours, Gregorio. Historia Francorum 6. p. 43. Audica, (...) Galliciensim regnum obtenuit. 
  2. Biclarensis, Iohannes (584). Chronicon. Audeca in Gallaecia Suevorum regnum