Benavente, Zamora

Benavente, Zamora
Localización
	42°00′18″N 5°40′32″O / 42.0049, -5.6756
Estado	España
Comunidade autónoma	Castela e León
Provincia	provincia de Zamora
Capital de	Duchy of Benavente (en) ; County of Benavente (en)
Capital	Benavente (en)
Contén a división administrativa	Benavente (en)
Poboación
Poboación	17.246 (2024) (382,23 hab./km²)
Xeografía
Parte de	Q107554263 ; Mancomunidade «ETAP Benavente y Los Valles»
Superficie	45,12 km²
Altitude	741 m
Comparte fronteira con	Arcos de la Polvorosa ; Fuentes de Ropel (pt) ; Castrogonzalo ; Villanueva de Azoague (pt) ; San Cristóbal de Entreviñas (pt) ; Manganeses de la Polvorosa (pt) ; Villabrázaro (pt) ; Santa Cristina de la Polvorosa ; Santa Colomba de las Monjas (pt)
Organización política
• Alcalde	Saturnino Mañanes García (en)
Identificador descritivo
Código postal	49600
Fuso horario	UTC+01:00
Código INE	49021
Sitio web	benavente.es

Para outras páxinas con títulos homónimos véxase: Benavente.

Benavente é unha cidade, dotada de municipio de 45 km², situada na provincia de Zamora, na comunidade autónoma de Castela e León. En 2007 tiña 18.744 habitantes, cunha densidade de 416,5 hab./km². Dista 65 km de Zamora, a capital provincial, e 112 km de Valladolid.

Xeografía

A Torre do Caracol.

Benavente está en plena meseta norte e na parte setentrional da provincia, a 744 msnm, nos confíns da comarca da Terra de Campos. Está localizada nunha pequena prominencia dunhas decenas de metros sobre as terras circundantes, dominando a confluencia dos ríos Esla e Órbigo. A súa situación é estratéxica en canto para oeste os camiños conducen cara a comarca da Seabre, e desde aí para Galicia e os Tras-os-Montes portugueses. En dirección norte-sur, aséntase no Vía da Prata, que une Cádiz e Xixón, con ramais cara a León e novamente Galicia. Cara ao leste, as rutas conducen a Palencia e Valladolid. Isto fixo de Benavente un nó de comunicacións, e a teor dese papel medrou nas últimas décadas.

Clima

O clima benaventino é o típico mesetario: mediterráneo continentalizado, con invernos duros, fríos e secos.

Historia

O territorio estaba poboado pola tribo dos brixecenses, con orixe en Brigaecium. Tras a chegada dos romanos e até a época visigoda dependeu de Astorga. Durante o reino suevo coñeceuse como Ventosa.

No século XII aparece documentado como Malgrat, nunha doazón real de 1115 que fai a raíña Orraca escriturada in Castro quod dicitur Malgrado, e nun diploma de 1158 que menciona a intención do rei Fernando II de poboar o alcázar de Maldrag.^[1] Efectivamente, en 1164 e 1167 Fernando II concedeu os Foros de Benavente, unha carta de poboamento. En 1230 asinouse na vila a Concordia de Benavente, acordo entre Tareixa de Portugal e Berenguela de Castela (as dúas exmulleres de Afonso VIII de León e Galicia) mediante o cal Tareixa renunciaba aos dereitos que as súas fillas Sancha e Aldonza tiñan ao trono do Reino de León, en virtude do testamento do seu pai, en favor do seu medio irmán Fernando, fillo de Afonso e da súa segunda esposa.

En 1387 Benavente sufriu el cerco das tropas inglesas e portuguesas de Xoán de Gante. En 1398 Henrique III de Castela concedeulle o condado de Benavente (elevado a ducado en 1473 por Henrique IV) a Juan Alonso Pimentel.^[2]

Patrimonio

Igrexa de Santa María del Azoque, iniciada no século XII, de estilo románico, mais con reformas posteriores. A portada é neoclásica.
Igrexa de San Juan del Mercado, románica, con influencias compostelás.
Igrexa de Santo André, de fins do XII, con elementos mudéxares, formou parte dun recinto templario.
Hospital da Piedade, iniciado na terceira década do século XVI, en estilo renacentista.
Convento do Espírito Santo, do século XIII.
Convento de Santa Clara, tamén do XIII.
Castelo dos duques de Benavente, con torreón do século XVI, convertido en Parador Nacional.

Festas

Festas da Veguilla, en honra á Virxe da Vega, oito días despois do Domingo de Resurrección.
Festas do touro enmarromado, o día anterior a Corpus Christi.
Entroido.
Semana Santa, celebrada con especial relevo.

Véxase tamén

Ligazóns externas

Concello de Benavente (en castelán)

↑ González Rodríguez, Rafael (1997). "Origen y formación de una villa de repoblación. Benavente durante los reinados de Fernando II y Alfonso IX" (PDF). Studia historica. Historia medieval (15): 105–138. Arquivado dende o orixinal (PDF) o 01 de setembro de 2021. Consultado o 23 de novembro de 2023.
↑ Berdum de Espinosa de los Monteros, Ignacio (1753). Derechos de los Condes de Benavente a la grandeza de primera classe. Imprenta de Lorenzo Francisco Mojados. Pág. 95

[1] González Rodríguez, Rafael (1997). "Origen y formación de una villa de repoblación. Benavente durante los reinados de Fernando II y Alfonso IX" (PDF). Studia historica. Historia medieval (15): 105–138. Arquivado dende o orixinal (PDF) o 01 de setembro de 2021. Consultado o 23 de novembro de 2023.

[2] Berdum de Espinosa de los Monteros, Ignacio (1753). Derechos de los Condes de Benavente a la grandeza de primera classe. Imprenta de Lorenzo Francisco Mojados. Pág. 95

[1]

[2]