Abrir o menú principal

Segundo Moreno Barcia

avogado, profesor e político galego

Segundo Moreno Barcia, nado en Ribadeo o 21 de outubro de 1841 e finado na Coruña o 27 de abril de 1909,[1] foi un avogado, profesor e político galego.

Segundo Moreno Barcia
Segundo Moreno Barcia 1841-1909.jpg
Nacemento21 de outubro de 1841
 Ribadeo
Falecemento27 de abril de 1909
 A Coruña
NacionalidadeEspaña
Ocupaciónavogado e político
editar datos en Wikidata ]

TraxectoriaEditar

 
Tumba de Moreno Barcia no cemiterio de Santo Amaro da Coruña.

Foi profesor e, porteriormente director na Escola Naútica de Ribadeo.[2] Tamén foi avogado, comerciante, fundador e director do periódico local La Cuenca del Eo (1866-67). Defendeu a doutrina liberal e pertenceu á Xunta Revolucionaria de Ribadeo logo da caída do réxime isabelino. Liderou o federalismo e defendeu a descentralización rexional e a secularización dentro do Partido Republicano.

Nas eleccións xerais de 1873, foi elixido deputado polo distrito de Ribadeo (1873-1874). Foi un dos redactores, do Partido Federal de Galicia, do Proxecto de Constitución para o Estado Galaico de 1887, aínda que xa o propuxera el catro anos antes.[3] En 1907 incorporouse a Solidaridad Gallega. Foi socio da Institución Libre de Enseñanza e un dos referentes do librepensamento e anticlericalismo coruñés.

Tamén foi masón, da logia Brigantina nº 24 da Coruña,[4] e xunto con Braulio F. Reino, foi un dos Grandes Mestres da Gran Logia Simbólica Galaica, de tendencia republicana federalista.[5]

Era tío de Augusto Barcia Trelles.

NotasEditar

  1. "Moreno Barcia, Segundo". congreso.es. Consultado o 07-09-2018. 
  2. Durán (1973), p. 33
  3. Mera, Manuel (23-08-2017). "A nación é o povo, sempre o foi". galiciahoxe.com. Consultado o 07-09-2018. 
  4. López Castillo (2014), p. 20
  5. Álvarez Lázaro (2005), p. 155

Véxase taménEditar

BibliografíaEditar

  • Álvarez Lázaro, Pedro F. (2005). La masonería, escuela de formación del ciudadano (3ª ed.). Madrid: Universidad Pontificia de Comillas. ISBN 84-8468-175-0. 
  • Durán, J.A. (xullo/setembro 1973). "Agrarios del minifundio: los solidarios (1907-1912". REOP (Revista española de la opinión pública) (Centro de Investigaciones Sociológicas) (33): 23–110. JSTOR www.jstor.org/stable/40181964. 
  • López Castillo, Antonio (2014). "Trayectoria política de Augusto Barcia Trelles". En Fernández Amador, Mónica; Quirosa-Cheyrouze Muñoz, Rafael. Miradas al pasado reciente de la II República a la Transición. Almería: Universidad de Almería. pp. 17–30. ISBN 978-84-16027-73-6. 
  • Moreno González, Xoán Manuel. "MORENO BARCIA, Segundo" en Gran Enciclopedia Galega Silverio Cañada.

Outros artigosEditar

Ligazóns externasEditar