Wikipedia

Xosé Ramón Gómez Besteiro

político español

Xosé Ramón Gómez Besteiro, nado en Lugo o 15 de novembro de 1967, é un avogado e político do Partido dos Socialistas de Galicia, foi o presidente da Deputación de Lugo dende 2007 ata 2015 e dende setembro de 2013 o secretario xeral do PSdeG, cargo do que tivo que dimitir ao ser imputado de varios delitos pola xuíza Pilar de Lara, acusacións que acabarían sendo arquivadas en 2021[1]. Dende agosto de 2023 é Deputado no Congreso pola provincia de Lugo.

Xosé Ramón Gómez Besteiro
Xosé Ramón Gómez Besteiro
Besteiro en 2014.
Actualmente no cargo
Dende o 17 de agosto do 2023
28 de marzo do 2023 – 14 de xuño do 2023
Precedido por José Miñones
Sucedido por Pedro Blanco
29 de setembro do 2013 – 18 de marzo do 2016
Precedido por Pachi Vázquez
Sucedido por Gonzalo Caballero
14 de xullo do 2007 – 24 de xuño do 2015
Precedido por Francisco Cacharro Pardo
Sucedido por Elena Candia
26 de maio do 2012 – 26 de outubro do 2013
Precedido por Ricardo Varela
Sucedido por Juan Carlos González Santín
4 de xullo do 1999 – 13 de xuño do 2015
Datos persoais
Nacemento 15 de novembro de 1967 (55 anos)
Lugo, Galicia
Partido PSdeG-PSOE
Profesión Avogado, político

Biografía Editar

Xosé Ramón Gómez Besteiro é o menor de tres irmáns. Licenciouse en Dereito pola Universidade de Santiago de Compostela e exerceu como avogado até o comezo da súa carreira política. Ten dous fillos.

Traxectoria Editar

Desenvolveu toda a súa carreira política no PSdeG-PSOE, afiliándose ao partido tras rematar os seus estudos universitarios. Con 31 anos, cando estaba a exercer a súa profesión de avogado, entrou a formar parte do 1º Goberno do PSdeG-PSOE na historia democrática da cidade luguesa.

Entre 1999 e 2007 foi o voceiro do equipo de goberno no Concello de Lugo, concelleiro de Urbanismo e tamén deputado provincial.

Tras as eleccións municipais de 2007, o 14 de xullo[2], Gómez Besteiro convertíase no primeiro militante do Partido Socialista en Galicia que presidía a Deputación de Lugo, sendo o número 102[3] da historia da institución provincial. Algúns dos aspectos máis significativos durante o seu primeiro mandato son o pagamento do canon hidroeléctico, a creación da UNED na cidade de Lugo[4], a posta en marcha da rede provincial dos parques de bombeiros[5] ou a elaboración dun plan estratéxico provincial. Tamén puxo en marcha a rede provincial de residencias da terceira idade e centros de día e estase a preparar o primeiro centro público de recría de gando para o noroeste de España[6].

Nas eleccións municipais de España de 2011, Gómez Besteiro revalidou o apoio da cidadanía. Converteuse entón no único presidente do PSdeG-PSOE en presidir unha deputación en Galicia[7], e o único caso en toda España en que este partido gañou tanto o goberno provincial como o da capital[8]. Presidiu, ademais, un dos oito gobernos provinciais liderados polo Partido Socialista en España.

En febreiro de 2012, Gómez Besteiro entrou a formar parte do Comité Federal do Partido Socialista. Este mesmo ano, tras pechar a súa etapa á fronte da Secretaría Xeral da Agrupación Local do PSdeG-PSOE, foi nomeado Secretario Xeral do PSOE na provincia de Lugo[9], cargo que ocupou ata o 26 de outubro de 2013 cando foi relevado por Juan Carlos González Santín[10].

O 13 de marzo de 2013 anunciou a súa intención de optar á Secretaría Xeral do PSdeG[11] . Presentouse ás eleccións primarias consultivas do 7 de setembro fronte ao alcalde da Illa de Arousa, Manel Vázquez, e obtivo o 77% dos votos[12], sendo ratificado o seu nomeamento no Congreso extraordinario do 29 de setembro de 2013 [13]. Co 95% dos votos, foi proclamado novo secretario xeral do PSdeG-PSOE.

O 12 de marzo de 2016 anunciou a súa renuncia a ser o candidato do PSdeG-PSOE á Xunta de Galicia, logo de ser imputado pola xuíza Pilar de Lara como presunto autor de 6 delitos.[14] Os delitos que se lle imputaban eran suborno, prevaricación, tráfico de influencias, fraude ás Administracións públicas, fraude de subvencións e delito continuado de malversación de fondos públicos.[15] O 18 de marzo dimitiu da secretaría xeral do PSdeG-PSOE pola mesma causa. Finalmente, a causa que o levou a dimitir (coñecida como o "Garañón"), sería arquivada en febreiro de 2021[1].

Logo de que a causa fose arquivada comezou o seu regreso á vida política, e en marzo de 2023 foi designado polo goberno de Pedro Sánchez como Delegación do Goberno en Galicia. Os xornais especulaban[16] daquela que o posto sería un primeiro paso para a súa candidatura á presidencia da Xunta de Galicia.

En xuño do 2023 deixou o cargo de Delegado do Goberno en Galicia, para encabezar a lista do PSdeG-PSOE pola provincia de Lugo ao Congreso dos Deputados, nas Eleccións Xerais do 23 de xullo. O 17 de agosto do 2023, tomou posesión como Deputado no Congreso.

Cargos desempeñados Editar

  • Concelleiro do Concello de Lugo (1999–2015).
  • Deputado provincial (1999–2015).
  • Concelleiro de Urbanismo do Concello de Lugo (1999–2007).
  • Secretario Local do PSOE en Lugo (2000–2012).
  • Presidente da Deputación Provincial de Lugo (2007–2015).
  • Secretario provincial do PSOE de Lugo (2012–2013).
  • Secretario Xeral do PSdeG-PSOE (dende o 29 de setembro de 2013 ata o 18 de marzo de 2016).
  • Delegado do Goberno en Galicia (dende marzo de 2023 ata xuño de 2023).
  • Deputado no Congreso (2023-actualidade).

Notas Editar

  1. ↑ 1,0 1,1 "Archivada la causa del Garañón que llevó a dimitir a Besteiro cuando lideraba el PSdeG". La Voz de Galicia. Consultado o 3/2/2021. 
  2. ↑ La Voz de Galicia: "Lugo, única Diputación que cambia de manos" ([cando?]) La Voz de Galicia.
  3. ↑ Juan Carlos Fernández Pulpeiro: Presidentes de la Diputación de Lugo en toda su historia. En Lucensia: miscelánea de cultura e investigación, ISSN 1130-6831, Vol. 17, núm. 34, 2007 , páxs. 79-98.
  4. ↑ "Diputación, Concello y Uned constituyen el consorcio que gestionará el centro asociado de Lugo" ([cando?]). El Progreso.
  5. ↑ Web do Consorcio Provincial contra Incendios e Salvamento de Lugo
  6. ↑ "Centro de Recría. Granxa Gayoso-Castro". Arquivado dende o orixinal o 18/6/2013. Consultado o 11/9/2013.  Arquivado 18/6/2013, en Wayback Machine.
  7. ↑ "El PP recupera la Diputación de A Coruña y retiene las de Pontevedra y Ourense" ([cando?]. La Opinión de A Coruña.
  8. ↑ Ricardo Varela: "Somos la única provincia donde se gobierna en la Diputación y en la capital" El Mundo, 2/3/2012
  9. ↑ José Ramón Gómez Besteiro, nuevo secretario provincial del PSdeG de Lugo: "Recuperar la Xunta es el objetivo inmediato"
  10. ↑ "Santín, proclamado nuevo secretario xeral del PSOE de Lugo" ([cando?]), Europa Press.
  11. ↑ Besteiro anuncia su candidatura a secretario xeral, Faro de Vigo, 3/3/2013
  12. ↑ Gómez Besteiro, nuevo secretario general del PSdG, La Voz de Galicia, 7/9/2013.
  13. ↑ Besteiro proclama que «o PSdeG volve» para pelear por la Xunta, La Voz de Galicia, 29/9/2013
  14. ↑ "Besteiro descarta ser candidato a la Xunta y se presenta como víctima de una cacería política". La Voz de Galicia. 13 de marzo de 2016.  (en castelán)
  15. ↑ "Pilar de Lara investiga a Gómez Besteiro por seis delitos en la operación Pulpo". La Voz de Galicia. 12/3/2016.  (en castelán)
  16. ↑ Santamarta, Rubén; Gago, Xosé; Varela, Manuel (27/3/2023). "Besteiro será el nuevo delegado del Gobierno en Galicia tras la salida de José Miñones". La Voz de Galicia (en castelán). Consultado o 28/3/2023. 

Véxase tamén Editar

Ligazóns externas Editar

Predecesor:
Francisco Cacharro Pardo 		 
Presidente da Deputación de Lugo
2007-2015 		Sucesor:
Elena Candia
Predecesor:
Ricardo Varela Sánchez 		 
Secretario xeral do PSdeG-PSOE da Provincia de Lugo
2012-2013 		Sucesor:
Juan Carlos González Santín
Predecesor:
Pachi Vázquez 		 
Secretario xeral do PSdeG-PSOE
2013-2016 		Sucesor:
Gonzalo Caballero
Predecesor:
José Miñones 		 
Delegado do Goberno en Galicia
Dende 2023 		Sucesor:
'
Traído desde «https://gl.wikipedia.org/w/index.php?title=Xosé_Ramón_Gómez_Besteiro&oldid=6478767»