Congreso dos Deputados

O Congreso dos Deputados é a cámara baixa das Cortes Xerais, o órgano constitucional que representa ao pobo español. Reúnese para sesións no Palacio das Cortes, situado na praza das Cortes de Madrid.

Congreso dos Deputados
XIV lexislatura
Datos xerais
ÁmbitoEspaña España
Creación1977
TipoCámara Baixa das Cortes Xerais
Inicio de sesións19 de xullo de 2016
PresidentaMeritxell Batet (PSOE)
desde o 21 de maio de 2019
Vicepresidente primeiroGloria Elizo (UP)
desde o 21 de maio de 2019
Composición
Membros350 deputados
Congreso de los Diputados de la XII Legislatura de España.svg
Grupos representados     Grupo Popular      Grupo Socialista     Grupo Confederal de Unidos Podemos-En Comú Podem-En Marea     Grupo Ciudadanos     Grupo de Esquerra Republicana     Grupo Vasco (EAJ-PNV)     Grupo Mixto
Salario39.394,18 /aNo
Soldo base en 2015 sen incluír indemnizacións nin complementos.
Título III da Constitución
Eleccións
Sistema electoralEscrutinio proporcional plurinominal mediante sistema d'Hondt con listas pechadas
Última elección10 de novembro de 2019
Sede(s)
{{{salon_sesións}}}
Palacio das Cortes
Plaza de las Cortes, Madrid
Sitio web
www.congreso.es

A Constitución de 1978 establece un Parlamento bicameral. As Cortes Xerais están formadas polo Congreso dos Deputados e o Senado. Ámbalas dúas Cámaras representan o pobo español. As Cortes Xerais:

  • exercen a potestade lexislativa do Estado.
  • aproban os seus orzamentos.
  • controlan a acción do Goberno.
  • e teñen as demais competencias que lles atribúe a Constitución.

No entanto, este bicameralismo non supón unha equiparación completa entre Congreso e Senado. A Constitución resérvalle ó Congreso unha serie de funcións e facultades que revelan a súa primacía. Deste xeito, o Congreso autoriza a formación do goberno, pode provoca-lo seu cesamento, coñece en primeiro lugar a tramitación dos proxectos lexislativos e dos orzamentos e debe confirmar ou rexeitar as emendas ou vetos que pode aprobar o Senado sobor destes textos lexislativos.

ComposiciónEditar

A Constitución establece que o Congreso contará cun mínimo de 300 e un máximo de 400 Deputados, debendo a lei electoral concretar este número. A normativa vixente (Lei Orgánica do Réxime Electoral Xeral de 19 de xuño de 1985) fixa en 350 o número de membros da Cámara.

Tódolos Deputados son elixidos por sufraxio universal, libre, igual, directo e secreto. A circunscrición electoral é a provincia. A lei electoral asigna dous escanos a cada unha delas e distribúe os demais en proporción á poboación respectiva. Ceuta e Melilla elixen un representante cada unha.

 
Composición tralas eleccións xerais de España de novembro de 2019

Grupo parlamentario Líder Deputados
Socialista (PSOE; PSC) Pedro Sánchez 120
  Popular (PP) Pablo Casado 88
  Vox (Vox) Santiago Abascal 52
  Confederal de Unidas Podemos-

En Comú Podem-Galicia en Común (UP; ECP; GeC)

Pablo Iglesias 35
Republicano (ERC-Sobiranistes) Gabriel Rufián 13
Plural (JxCAT; PDeCAT; MP-Equo; Compromís; BNG) Varios 12
  Ciudadanos (Cs) Inés Arrimadas 10
Vasco (PNV) Aitor Esteban 6
Euskal Herria Bildu (EHB) Mertxe Aizpurua 5
  Mixto (CUP; UPN; CC; NC; PRC; TE; FORO) Varios 9

ÓrganosEditar

Mesa do Congreso dos Deputados
Cargo Titular Lista
Presidenta Meritxell Batet PSC
Vicepresidente primeiro Alfonso Rodríguez Gómez de Celis PSOE
Vicepresidenta segunda Ana Pastor Julián PP
Vicepresidenta terceira María Gloria Elizo UP
Vicepresidente cuarto Ignacio Gil Lázaro Vox
Secretario primeiro Gerardo Pisarello ECP
Secretaria segunda Sofía Hernanz Costa PSOE
Secretario terceiro Javier Sánchez Serna UP
Secretaria cuarta Adolfo Suárez Illana PP

Prerrogativas dos deputadosEditar

Os deputados, o mesmo que os Senadores, dispoñen de dúas importantes prerrogativas, que a Constitución lles recoñece, non con carácter de privilexio persoal, senón para protexer o exercicio das súas funcións. Inviolabilidade e inmunidade son propiamente garantías institucionais das Cámaras, das que gozan os seus membros en canto participan no desenvolvemento das funcións constitucionais asignadas ó Congreso dos Deputados.

  • A inviolabilidade afecta ás opinións manifestadas e ós votos emitidos no exercicio do cargo representativo e supón a irresponsabilidade polos mesmos. Así e todo, esta irresponsabilidade non ten carácter absoluto, senón só en relación a terceiros estraños á Cámara. No ámbito interno, o deputado está suxeito ás normas de disciplina parlamentaria que, de acordo co Regulamento, aplican o presidente e a Mesa do Congreso.[Cómpre referencia]
  • A inmunidade cobre os actos realizados polo deputado durante o período do seu mandato e supón a prohibición de ser inculpado ou procesado sen a previa aprobación do Congreso, e que a súa detención tan só sexa posible no caso de flagrante delito.[Cómpre referencia]

Os deputados perciben unha asignación económica con cargo ós orzamentos da Cámara, tendo dereito, asemade, a outras axudas (dietas), franquías e indemnizacións por gastos indispensables para o cumprimento das súas funcións.[Cómpre referencia]

SedeEditar

Artigo principal: Palacio das Cortes.

O Palacio das Cortes é o edificio que alberga o Congreso dos Deputados. Está situado entre a rúa Zorrilla e a Carreira de San Xerome, a escasa distancia do Paseo do Prado, en Madrid. É un dos edificios emblemáticos do Madrid do século XIX, de estilo neoclásico.

Véxase taménEditar

Outros artigosEditar

Ligazóns externasEditar