Abrir o menú principal

Coordenadas: 42°20′43″N 7°52′06″O / 42.34528, -7.86833

Ponte Maior de Ourense
Roman bridge, Ourense (Spain).jpg
Localización
RíoMiño
CidadeOurense
ProvinciaOurense
Características
ConstruciónSéculo I
Restauraciónséculo XIII[1]
Lonxitude370 m
Ancho5 m
Gálibo38 m
TipoEn arco
MaterialPedra

A ponte Maior de Ourense, tamén coñecida como ponte Romana ou ponte Vella, é un viaduto sobre o río Miño situado na cidade de Ourense.

HistoriaEditar

Ten a súa orixe no século I, cando formaba parte dun ramal da vía XVIII do Itinerario de Antonino, tamén chamada Vía Nova. A situación estratéxica da ponte como nó de comunicacións no centro da Gallaecia aumentou durante os séculos posteriores, contribuíndo ao desenvolvemento da vila.

Conserva sete arcos dos once orixinais. Durante o século XII o arco principal da ponte cedeu, dando lugar a unha serie de interminables reparacións e derrubamentos, renovado entre 1230 e 1449,[2] até que no século XVII a reforma final dirixida por Melchor de Velasco Agüero deu á ponte o aspecto actual,[3] indiscutiblemente medieval a pesar de manter elementos romanos orixinais, coma os arcos de inicio.

Durante moito tempo o arco central da ponte Maior, cun van de 43 metros, foi o de máis luz de España, até que a mediados do século XIX, coa apertura da estrada Villacastín-Vigo derrubouse a torre existente na ponte que figura no escudo da cidade.

Foi declarado monumento histórico por Decreto da xefatura do Estado o 6 de abril de 1961, publicada no BOE o 18 de abril dese mesmo ano. Trala súa peonización en 1989 é un dos tres símbolos principais da cidade xunto coas Burgas e a catedral de San Martiño.

Por ela discorre o Camiño de Santiago.

Galería de imaxesEditar

NotasEditar

  1. Microsoft Encarta 2009 Biblioteca Premium.
  2. Enciclopedia Universal Micronet S.A. 1995-2006.
  3. Galegos.info

Véxase taménEditar