Muras

Para outras páxinas con títulos homónimos véxase: Muras.

Muras é un concello da provincia de Lugo, pertencente á comarca da Terra Chá. Segundo o IGE, en 2018 tiña 636 habitantes (926 no 2006, 941 no 2005, 978 no 2004, 1.020 no 2003).

Muras

Localización
43°28′04″N 7°43′23″O
Estado	España
Comunidade autónoma	Galicia
Provincia	provincia de Lugo
Capital	Muras
Poboación
Poboación	600 (2024) (3,66 hab./km²)
Xeografía
Parte de	Terra Chá
Superficie	164 km²
Comparte fronteira con	Vilalba Ourol O Valadouro Mañón Xermade As Pontes de García Rodríguez Abadín
Organización política
• Alcalde	Manuel Requeijo
Eleccións municipais en Muras
Identificador descritivo
Código postal	27033
Fuso horario	UTC+01:00
Código INE	27033
Sitio web	muras.gal

Xeografía

O concello ten 164 km², e abrangue 8 parroquias. Limita ao norte con Ourol, ao sur con Vilalba e Xermade, ao leste co Valadouro e Abadín e ao oeste coas Pontes de García Rodríguez (provincia da Coruña). Atópase a menos dunha hora dos núcleos urbanos próximos como Ferrol, A Coruña ou Lugo.

Historia

Na zona consérvanse restos de asentamentos prehistóricos. A documentación máis antiga data do século XII, mencionando o castelo de Muras, propiedade dos condes de Lemos.

O municipio constituíuse como tal en 1835, e estivo integrado até 1965 no partido xudicial de Viveiro. Até 1988 pertenceu ao de Mondoñedo, e na actualidade está integrado no de Vilalba.

En Muras publicáronse os periódicos El Eco Murense (1914) e El Progreso Murés (1915).

Patrimonio

A igrexa de San Pedro de Muras ten tres naves con planta de cruz latina enmarcada nun rectángulo. A torre do campanario, de estilo barroco e construída en 1846, non forma parte no conxunto.

A torre de Silán e o pazo conservan portas e fiestras de estilo gótico. O recinto feiral de Viveiró atópase abandonado.

En 1983 atopouse en Muras un achado de moedas de prata de Pedro I de Castela (1350-1369), que foron depositadas no Museo Provincial de Lugo e no Museo Arqueolóxico e Histórico do Castelo de San Antón, da Coruña.

Poboación

Censo total	636 (2018)
Menores de 15 anos	32 (5.03 %)
Entre 15 e 64 anos	332 (52.20 %)
Maiores de 65 anos	272 (42.77 %)

Evolución da poboación de Muras   Fontes: INE e IGE.
1900	1930	1950	1981	2004	2009	2011	2012	2013	2014	2015	2016	2017	2018	2019	2020	2021	2022	2023
3.272	3.085	3.129	2.228	978	830	784	754	723	696	684	668
(Os criterios de rexistro censual variaron entre 1900 e 2004, e os datos do INE e do IGE poden non coincidir.)

Economía

A economía do municipio depende en gran parte dos sectores agrícola e industrial, nos que destacan as empresas Plásticos Ferro SL, Hypor España G P SA, Técnica de Envases Pesqueros TEP SA, ER2 envasado con retorno y reutilización SA, e Trans Gra-Mur SL.

Un sector de recente implantación nesta zona é o da produción de enerxía eólica, con importantes investimentos das empresas Iberdrola, Acciona, Ecyr e Norvento, que supón o aproveitamento do potencial que ten Muras na actividade das enerxías renovables.

Tamén son importantes os ingresos económicos procedentes do emprego ofertado polos concellos limítrofes: a industria das Pontes, e os servizos de Vilalba e Viveiro.

Galería de imaxes

Artigo principal: Galería de imaxes de Muras.

• 
  Placa da Praza de Cándida Bello, no Viveiró
• 
  Placa altimétrica do concello.
• 
  Nacemento do río Landro na serra do Xistral.
• Vistas do parque eólico de Muras.

Lugares de Muras

Para unha lista completa de todos os lugares do concello de Muras vexa: Lugares de Muras.

Véxase tamén

Outros artigos

• Tesouro de Muras
• Serra da Gañidoira

Ligazóns externas

• Web do Concello de Muras
• Toponimia de Muras (en galego)

---

Este artigo sobre concellos de Galicia é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.

---