Vilariño de Conso

Vilariño de Conso
Localización
	42°10′37″N 7°10′16″O / 42.176944444444, -7.1711111111111
Estado	España
Comunidade autónoma	Galicia
Provincia	provincia de Ourense
Capital	Vilariño de Conso
Contén a división administrativa	Castiñeira ; Chaguazoso ; Conso ; Mormentelos ; Pradoalbar ; Sabuguido ; San Cristovo ; San Mamede de Hedrada ; Vilariño de Conso
Poboación
Poboación	510 (2024) (2,55 hab./km²)
Xeografía
Parte de	mancomunidade intermunicipal voluntaria Conso-Frieiras
Superficie	200,23 km²
Altitude	740 m
Comparte fronteira con	Manzaneda ; Castrelo do Val ; Laza ; A Gudiña ; Viana do Bolo ; Chandrexa de Queixa
Organización política
• Alcaldesa	Olivia Rodrigo (2017–)
	Eleccións municipais en Vilariño de Conso
Identificador descritivo
Código postal	32...
Fuso horario	UTC+01:00
Código INE	32092
Sitio web	vilarinodeconso.es…

Para outras páxinas con títulos homónimos véxase: Vilariño de Conso.

Vilariño de Conso é un concello da provincia de Ourense, pertencente á comarca de Viana. Segundo o IGE en 2019 tiña unha poboación de 519 persoas (771 en 2003). O seu xentilicio (véxase no Galizionario) é vilariñés.

Xeografía

O concello, de Vilariño de Conso, con 200,2 km², abrangue dez parroquias. Está situado no sueste da provincia de Ourense, nas abas orientais da serra da Queixa e O Invernadeiro, entre os 630 e os 1.500 m de altitude.

Polo municipio discorren os ríos Camba, Conso e Cenza, e no seu territorio hai cinco encoros. Deles o das Portas, no río Camba, é o de maior capacidade da provincia ourensá, con 536 hm³^[1], e o de Cenza é un dos de maior altitude de España, a 1345 metros de altitude. A fervenza do Cenza ten unha caída vertical de 105 metros. Outros saltos de auga destacados son os de Suacenza, Galianda, Dona Loba e Cenza de San Mamede. O val do Cenza é de orixe glaciar, formado na era cuaternaria. As Morrenas de Chaguazoso é unha paisaxe granítica de interese paisaxística.

Abundan os soutos de castiñeiros, destacando o castiñeiro da Corredoira. Entre a fauna salvaxe destacan os cervos, xabaríns, corzos, a cabra montesa, rebecos e o lobo.

Demografía

Evolución da poboación de Vilariño de Conso Fontes: INE e IGE.
1900	1930	1950	1981	2004	2009	2011	2012	2013	2014	2015	2016	2017	2018	2019	2020	2021	2022	2023
2.256	2.252	2.172	1.222	749	700	673	632	660	633	615	586	558	535	524	519	513	505
(Os criterios de rexistro censual variaron entre 1900 e 2004, e os datos do INE e do IGE poden non coincidir.)

Censo total	519 ⁽²⁰¹⁹⁾
Menores de 15 anos	21 (4.08 %)
Entre 15 e 64 anos	302 (58.64 %)
Maiores de 65 anos	196 (38.05 %)

Patrimonio

Encoro das Portas.

Consérvanse restos de poboados castrexos en Pradoalbar, Entrecinsa e Sabuguido. Da romanización de Galicia son os restos da calzada romana, vía secundaria da Vía Nova do itinerario de Antonino, e pola que se levaba o ouro extraído nas proximidades. Desa mesma época consérvase un pontón.

O castelo de Cerveira é un recinto fortificado, situado nun cumio a 1.550 metros de altitude. Ten un perímetro de 430 m, con 250 m de murallas, principalmente nas orientacións sur (150 metros, cunha porta ou abertura no medio), oeste (cunha pequena abertura que puidera ser un derrube) e outro de 30 m cara ao noroeste. Consérvanse cabanas feitas coa mesma pedra do monte, na súa maioría pegadas á muralla, e cunha superficie rectangular de 20 x 4 metros^[2].

En San Mamede hai tumbas antropomórficas. De épocas máis recentes son o pazo de Conso e Entrecinsa, e a casa grande de Mormentelos. Entre a arquitectura relixiosa destaca a igrexa parroquial de Sabuguido.

O concello está atravesado pola Vía da Prata do camiño de Santiago. No ano 2009 homologouse a ruta de sendeirismo PR-G 118 Ruta dos Soutos, apta para o turismo de natureza. É un percorrido circular duns 8 km que parte de preto do edificio do Concello cunha derivación de 3,5 km ata a central eléctrica. No ano 2018 creouse tamén a ruta de sendeirismo PR-G 146 Ruta Castelo de Cerveira, que parte de Pradoalbar, pasa pola ponte de Pradoalbar^[3] e remata próxima á corga do Berganzo. Dende alí, por un camiño sinalizado pero non homologado ascéndese ata o castelo de Cerveira.

Gastronomía

Dentro da gastronomía local destacan as troitas e anguías dos ríos Cenza e Conso, amais dos chourizos, androllas e xamóns. O domingo de entroido celébrase unha festa de exaltación do cabrito. Entre as sobremesas sobresaen a bica e o montonico. O museo etnográfico de Vilariño de Conso conta cun centro de interpretación do cogumelo.

Galería de imaxes

Artigo principal: Galería de imaxes de Vilariño de Conso.

Casa do concello.
Placa altimétrica na casa do concello.

Parroquias

Galicia \| Provincia de Ourense \| Parroquias de Vilariño de Conso
Castiñeira (San Lourenzo) \| Chaguazoso (San Bernabé) \| Conso (Santiago) \| Mormentelos (Nosa Señora da O) \| Pradoalbar (Santo André) \| Sabuguido (Santa María) \| San Cristovo (San Cristovo) \| San Mamede de Hedrada (San Mamede) \| Veigas de Camba \| Vilariño de Conso (San Martiño)

Lugares de Vilariño de Conso

Para unha lista completa de todos os lugares do concello de Vilariño de Conso vexa: Lugares de Vilariño de Conso.

Notas

↑ "Embalse: Las Portas". Embalses (en castelán). Consultado o 13 de marzo de 2010.
↑ Castelo de Cerveira na páxina web colaborativa Patrimonio Galego.
↑ Ponte de Pradoalbar na páxina web colaborativa Patrimonio Galego.

Véxase tamén

Ligazóns externas

Páxina oficial do Concello de Vilariño de Conso
Vicente Feijoo en "O Seminario de Onomástica responde (Real Academia Galega, 1.12.2023)
Ruta sendeirista homologada: PR-G 118 Ruta dos Soutos - SEGATUR

Este artigo sobre concellos de Galicia é, polo de agora, só un bosquexo. Traballa nel para axudar a contribuír a que a Galipedia mellore e medre.
Existen igualmente outros artigos relacionados con este tema nos que tamén podes contribuír.

[1] "Embalse: Las Portas". Embalses (en castelán). Consultado o 13 de marzo de 2010.

[2] Castelo de Cerveira na páxina web colaborativa Patrimonio Galego.

[3] Ponte de Pradoalbar na páxina web colaborativa Patrimonio Galego.

[1]

[2]

[3]