Filipe I de Castela

Filipe de Habsburgo, alcumado o Fermoso, nado en Bruxas (Flandres) o 22 de xullo de 1478 e finado en Burgos o 25 de setembro de 1506, foi un nobre da casa de Habsburgo, arquiduque de Austria, duque de Borgoña, Brabante, Limburgo e Luxemburgo, conde de Flandres, Habsburgo, Hainaut, Holanda, Zelandia, Tirol e Artois, señor de Antuerpen e Malinas, entre outras cidades (1482 - 1506), e rei de Castela e de León (1504 - 1506) polo seu matrimonio con Xoana, filla e herdeira dos Reis Católicos.

Infotaula de personaFilipe I de Castela

Editar o valor em Wikidata
Nome orixinal(nl) Filips Editar o valor em Wikidata
Biografía
Nacemento22 de xuño de 1478 Editar o valor em Wikidata
Bruxas Editar o valor em Wikidata
Morte25 de setembro de 1506 (Gregoriano) Editar o valor em Wikidata (28 anos)
Burgos Editar o valor em Wikidata
Causa da mortepneumonía Editar o valor em Wikidata
Lugar de sepulturaCapela Real de Granada Editar o valor em Wikidata
Rei de Castela e de León (Iure uxoris) Coroa de Castela
26 de novembro de 1504 – 25 de setembro de 1506
Editar o valor em Wikidata
Datos persoais
País de nacionalidadeReino de Castela Editar o valor em Wikidata
RelixiónCatólico romano Editar o valor em Wikidata
Actividade
Ocupacióngobernante Editar o valor em Wikidata
LinguaLingua castelá Editar o valor em Wikidata
Outro
TítuloDuque de Brabante (1482–1506)
Señor dos Países Baixos
Arquiduque
Conde de Borgoña
Rei de Castela
Rei de León Editar o valor em Wikidata
FamiliaCasa de Habsburgo Editar o valor em Wikidata
CónxuxeXoana I de Castela (1496, 1496 (Gregoriano)–1506)
FillosLeonor de Austria, María de Habsburgo, Catarina de Austria, Fernando I, Sacro Emperador Romano-Xermánico, Carlos V, Sacro Emperador Romano-Xermánico, Sabela de Austria, Rietje Koane Editar o valor em Wikidata
PaisMaximiliano I de Habsburgo Editar o valor em Wikidata  e María de Borgoña Editar o valor em Wikidata
IrmánsMargarida de Austria, duquesa de Savoia, Xurxo de Austria e Cornelio de Austria Editar o valor em Wikidata
ParentesFernando II de Aragón (sogro)
Henrique VIII de Inglaterra (co-brother (en) Traducir)
Isabel I de Castela (sogra (pt) Traducir) Editar o valor em Wikidata
Premios

Editar o valor em Wikidata

WikiTree: Habsburg-4 Find a Grave: 11349278 Editar o valor em Wikidata

Foi quen trouxo a liñaxe dos Habsburgo nos territorios da actual España. O apelativo o Fermoso, deullo o rei Lois XII de Francia. En 1501, Filipe e Xoana viaxaban cara a Castela para seren coroados e detivéronse en Blois. Alí o rei francés recibiunos, a velo exclamou: Velaí un fermoso príncipe.

Traxectoria editar

Era fillo de Maximiliano I, emperador de Alemaña e de María de Borgoña. O seu pai pactou o seu matrimonio con Xoana, filla dos Reis Católicos, no marco da Liga Santa que uniu a monarquía castelá-aragonesa co Sacro Imperio, Inglaterra, Nápoles, a república de Xénova e o ducado de Milán contra as pretensións hexemónicas de Francia na península italiana (1495).

 
Os 6 fillos de Filipe e Xoana de Jan van Nieulandt, 1521-1526.

Deste matrimonio naceran 6 fillos:

Nos Países Baixos borgoñóns (Bélxica, Holanda e Luxemburgo) actuou como un administrador competente e un soberano popular e amado, que soubo unir os intereses dos seus diversos territorios, demostrando especial talento para planear reformas e para dar tranquilidade e paz logo de anos de turbulencias políticas.

Mortos os infantes Juan (1497) e Isabel (1498), así como o fillo desta última, o infante Miguel (1500), a súa esposa convértese na herdeira de Castela e Aragón. Morta a raíña Isabel a Católica (1504), ábrese o problema da sucesión nos reinos casteláns. Pola Concordia de Salamanca (1505), acórdase o goberno conxunto de Filipe, Fernando de Aragón e a propia Xoana. Porén, as malas relacións entre el (apoiado pola nobreza castelá) e o seu sogro, o rei Fernando o Católico, obrigaron a este a renunciar ao poder en Castela para evitar un enfrontamento armado. Pola Concordia de Villafáfila (1506), Fernando retírase aos seus estados de Aragón, como rei, e Filipe é proclamado rei de Castela. Hai pois catro monarquías na península neste momento: Portugal, Navarra, Castela-León, Aragón.

 
Chegada de Filipe I á Coruña en 1506.

Entre tanto, Xoana mostra visos de loucura, segundo algúns polos celos que lle producían as infidelidades do marido, polo que sentía un amor tan apaixonado como pouco correspondido. Aínda que as Cortes de Castela reunidas en Valladolid se negaron a declarar a incapacidade da raíña Xoana, Filipe I exerce o poder efectivo sen contar con ela. Tradicionalmente ténselle censurado polo favoritismo que demostrou polos seus conterráneos flamengos, así como por repartiren dádivas e prebendas entre os nobres casteláns para buscar o seu apoio; mais é posíbel que iso respondese a unha estratexia dirixida a afianzar o poder real e a pór couto as inxerencias de seu sogro nos asuntos casteláns. A figura que atinxira maior preeminencia no seu breve goberno (mais non ata consideralo un valido) foi un escuro nobre, o señor de Belmonte, de nome Juan Manuel.

O 26 de abril de 1506 desembarcou coa súa muller na Coruña para dirixirse á Pobra de Sanabria a reunirse co seu sogro, pasando o día 12 de xuño por Monterrei e Verín, e a noite do día 15 na vila da Gudiña. A súa morte o 25 de setembro dese ano, que ocorreu na burgalesa Casa del Cordón, foi tan súbita que correu o rumor de que seu sogro o envelenara. Segundo parece mentres se encontraba Filipe en Burgos, xogando aos birlos, tras a partida, suando aínda, bebeu abundante auga fría, a consecuencia do cal caeu enfermo con alta febre e morreu uns días despois. Porén, os investigadores máis recentes e autorizados atribúen a súa morte á peste. O falecemento do monarca acrecentou a suposta loucura da raíña Xoana.

Fernando o Católico aproveitou o débil estado mental da súa filla para encerrala no pazo de Tordesillas (Valladolid), do que xa no sairá ata a súa morte, para converterse en rexente dos reinos castelán-leoneses.

Predecesor:
María de Borgoña
Ducado de Borgoña
1482-1506
Sucesor:
Carlos II de Habsburgo
Predecesor:
Isabel I de Castela
Rei de Castela e León
1506
Sucesor:
Fernando V (como rexente)

Véxase tamén editar

Bibliografía editar

Outros artigos editar