Wikipedia

Valença, Portugal

concello portugués do distrito de Viana do Castelo
(Redirección desde «Valença do Minho»)

Valença, tamén coñecida como Valença do Miño[1] (Valença do Minho en portugués), é un concello portugués do distrito de Viana do Castelo, dentro da Região Norte e subrexión do Minho-Lima.

Modelo:Xeografía políticaValença, Portugal
Imaxe
Localización
Mapa
 42°01′42″N 8°38′02″O / 42.02821, -8.63388Coordenadas: 42°01′42″N 8°38′02″O / 42.02821, -8.63388
EstadoPortugal
DistritosDistrito de Viana do Castelo Editar o valor em Wikidata
Contén a división administrativa
Poboación
Poboación14.127 (2011) Editar o valor em Wikidata (120,74 hab./km²)
Xeografía
Superficie117 km² Editar o valor em Wikidata
Comparte fronteira con
Datos históricos
Día festivo
Santo padrónSão Teotónio (pt) Traducir Editar o valor em Wikidata
Identificador descritivo
Código postal4930 Editar o valor em Wikidata
Fuso horario
Páxina webcm-valenca.pt Editar o valor em Wikidata
Murallas da parte vella.

O concello abrangue 117,43 km² de área e 14.127 habitantes (2011), subdividido en dezaseis freguesías. Linda polo leste co municipio de Monção, polo sur con Paredes de Coura, polo oeste con Vila Nova de Cerveira e ao noroeste e norte únese a Tui a través do río Miño.

Dende o 10 de febreiro de 2012, forma coa cidade galega de Tui unha eurocidade, como mostra de cooperación e integración dos dous concellos, separados tan só polo río Miño.

Historia editar

 
Fortaleza de Valença.

Valença ten orixes moi remotas. A súa ocupación remonta a épocas moi recuadas: os gravados rupestres que se poden observar en determinados lugares de certas freguesías son proba irrefutábel dunha ocupación afastada no tempo. As Inquirições de D. Afonso III tamén fan alusión a edificacións do tipo dolménico no concello de Valença.[2]

Procedentes das máis variadas orixes, indoeuropeas, mediterráneas e africanas, foron acudindo á rexión varios pobos atraídos pola abundancia de caza e da pesca, pola fertilidade do solo, polas serras acantiladas permitindo a defensa contra as doutras tribos como os ligures, os grovios e os celtas.

Un marco moi importante para a historia de Valença foi o paso de Décimo Xunio Bruto Galaico, no 137 a.C. que, após cruzar o río Limia, conduciu as súas tropas até o Río Miño, tendo acampado na freguesía de Gandra. No tempo do Emperador Augusto comezáronse a definir pequenas fortalezas nos Castri. Era este o caso do castellum de Valença, situado sobre o río Miño.

Aos romanos os sucederon os Suevos que penetraron na Galiza pola bacía do Douro, a mediados do século V. O mesmo aconteceu cos Godos: o famoso Vitiza estableceu a súa residencia real na cidade de Tui, tendo as ruínas dese pazo perdurado até o século XVIII. Na rexión valenciana son moi frecuentes os topónimos de orixe xermánica, que derivan destes tempos.

A primeira invasión árabe data do ano 716, Abd al-Aziz ibn Musa entra na Lusitania cun numeroso exército, tomando Porto, Braga e Tui, que apenas foi liberada no ano 736 por Afonso I de Asturias. O ano 997 trouxo as peores consecuencias para a Galiza e a Rexión de Miño, cando Almanzor, no seu camiño a Santiago de Compostela, destruíu todo ao seu paso, incluíndo o Mosteiro de Ganfei.

Repoboouse no século XIII tras recibir carta foral do rei Sancho II de Portugal, e chamouse Contrasta, co significado de "vila oposta a outra" (Tui neste caso). Recibiu o nome actual en 1262 por orde de Afonso III de Portugal.

Naceu aquí san Teotonio, o primeiro santo portugués, hoxe padroeiro desta cidade, e que foi un dos principais aliados de Afonso Henriques na altura en que este proclamou a independencia de Portugal.

Foi elevada ao título de cidade o 12 de xuño de 2009.[3]

Demografía editar

A evolución demográfica entre 1801 a 2011:[4]

Evolución demográfica
1801 1849 1900 1930 1960 1981 1991 2001 2004 2009 2011
9.242 13.984 15.265 16.034 16.237 13.948 14.815 14.187 14.284 14.295 14.127

Freguesías editar

 
Mapa das freguesías de Valença.

As freguesías de Valença son:

Patrimonio editar

Monumentos editar

Espazos naturais editar

O concello de Valença ten 13 espazos naturais:[5]

Museos editar

En Valença existe unha Rede Museolóxica, creada para promover o patrimonio, proporcionando cultura en todas as súas vertentes.[6]

Na actualidade, o concello de Valença ten cinco museos:

  • Museo do Bombeiro
  • Núcleo Museolóxico Municipal
  • Núcleo Museolóxico Ferroviário
  • Colección Visitábel de Pesos e Medidas
  • Núcleo Museolóxico Rural de Taião

Enoturismo editar

Valença conta cunha rede de enoturismo que consta de tres adegas: Adega Edmun do Val, Adega Rolan e Adega J Barbosa e Herdeiros, nos que os turistas poden hospedarse, facer catas e gozar da paisaxe vitivinícola.[7]

Galería de imaxes editar

Notas editar

  1. ↑ "#DígochoEu Aprende os principais topónimos de Portugal en galego". Consultado o 2022-08-16. 
  2. ↑ "Historia de Valença". Arquivado dende o orixinal o 10 de decembro de 2015. Consultado o 1 de agosto de 2015. 
  3. ↑ Público. "Portugal tem cinco novas cidades e 22 vilas". Arquivado dende o orixinal o 15 de xuño de 2009. Consultado o 2009-6-12. 
  4. ↑ "Census de 1991, 2001 e Território em números de 2004". 
  5. ↑ "Turismo - Espaços Naturais". Consultado o 1 de agosto de 2015. [Ligazón morta]
  6. ↑ "Museus de Valença". Arquivado dende o orixinal o 05 de xuño de 2015. Consultado o 1 de agosto de 2015. 
  7. ↑ "Enoturismo en Valença". Consultado o 1 de agosto de 2015. 

Véxase tamén editar

Outros artigos editar

Traído desde «https://gl.wikipedia.org/w/index.php?title=Valença,_Portugal&oldid=6565576»