Arquivo do Reino de Galicia

Arquivo do Reino de Galicia;
Tipo	arquivo
Localización
	43°22′08″N 8°23′26″O / 43.36892, -8.39056
Estado	España
Comunidade autónoma	Galicia
Provincia	provincia da Coruña
Datas
Fundación	22 de outubro de 1775
Persoas e organizacións
Propietario	Ministerio de Cultura de España
Patrimonio cultural
Ben de Interese Cultural
Data	10 de novembro de 1997
Identificador	RI-AR-0000027
	;
Ben de Interese Cultural
Identificador	RI-AR-0000027
Contacto
Páxina WEB	arquivosdegalicia.xunta.gal…
Redes
	[ Wikidata ]

O Arquivo do Reino de Galicia é un arquivo cuxa titularidade pertence ao Ministerio de Cultura e cuxa xestión está cedida á Xunta de Galicia desde 1989. Atópase na Cidade Vella da Coruña.

Exerce funcións de Arquivo Histórico Xeral de Galicia e de Arquivo Histórico Provincial da Coruña, polo que custodia a documentación de eido galego ou provincial que producen as administracións locais, autonómicas e estatais.

Historia

As súas orixes datan da Real Cédula emitida por Carlos I de Castela o 3 de febreiro de 1529 e dunha Real Provisión do mesmo monarca e a súa nai, a raíña Xoana I de Castela do 1 de marzo de 1543, cando se ordenou a salvagarda e custodia dos procedementos da Real Audiencia de Galicia, un organismo creado polos Reis Católicos mediante diversas disposicións a partir de 1480. O seu inicio formal data da Real Cédula de Carlos III emitida o 22 de outubro de 1775, cando se crea o Arquivo, asignándolle tamén persoal e unhas normas de funcionamento. A súa sede orixinal era o Palacio da Real Audiencia, un edificio que actualmente alberga a Capitanía Xeneral, onde permaneceu até o seu traslado en 1936 aos sotos do Palacio de Xustiza.

En 1898 o arquitecto Luis Bellido redactou o primeiro proxecto de construción dun edificio propio, ao que seguiron outros proxectos de Pedro Mariño (1923), Rafael González Villar e Leoncio Bescansa (1929). Finalmente, en 1956 o Arquivo foi trasladado á súa actual localización, xunto ao Xardín de San Carlos, nun edificio concibido por Antonio Tenreiro e inaugurado en 1955.^[1]

O núcleo dos fondos do Arquivo provén dos procedementos da Real Audiencia de Galicia. Porén, desde mediados do século XIX foi adquirindo fondos de orixe diversa, até chegar a máis de 250. O Arquivo alberga fondos que se remontan, no caso de diversos diplomas en pergamiño, ao século IX.

Manuel Murguía exerceu de xefe do arquivo de 1870 a 1875.

En 2008 foille concedido o Premio da Crítica Galicia dentro da categoría "Iniciativas culturais".