O Vello do Pico-Sagro

O Vello do Pico-Sagro foi un periódico editado na Coruña en 1860.

Historia e características

Apareceu o 3 de marzo de 1860. Os seguintes números apareceron de xeito irregular durante os meses de marzo e abril. Estaba editado na "Emprenta do Hespicio Previncial". En realidade trátase dun texto literario, un longo romance que ocupa os cinco números, escrito en versos octosílabos agrupados de catro en catro á maneira das coplas populares. Ten como tema a campaña militar das tropas españolas en Marrocos durante os primeiros meses de 1860. Todos os números están asinados por un único autor: "Mingos Gallego", o pseudónimo de Francisco María de la Iglesia, ou talvez do seu irmán Antonio María.

Foi a primeira publicación periódica escrita integramente en galego. Só saíron á luz cinco números e deixou de publicarse o 28 de abril de 1860.

Véxase tamén

Ligazóns externas

• Números 1 a 5 Arquivado 01 de novembro de 2012 en Wayback Machine., dixitalizados na web da RAG
• Número 5 Galiciana. Biblioteca de Galicia