Deportivo da Coruña

Para outras páxinas con títulos homónimos véxase: A Coruña.

O Deportivo da Coruña, que ten por nome oficial Real Club Deportivo de La Coruña, S.A.D., e que tamén se coñece popularmente como Deportivo ou Dépor, é un club de fútbol galego masculino fundado no 1906 na cidade da Coruña. Na tempada 2019-2020 xoga na segunda división, logo de descender na tempada 2017-18. Con todo, xogou 25 das últimas 29 tempadas en primeira división, 20 delas consecutivas (1991-2011) e 16 delas entre os 10 primeiros clasificados.

Deportivo da Coruña
Nome	Real Club Deportivo de La Coruña, S.A.D.
Alcume(s)	Dépor; Deportivistas; Herculinos; Branquiazuis; Turcos; Superdépor
Fundación	2 de marzo de 1906 (113 anos)
Estadio	Riazor, A Coruña, Galicia
Inauguración	28 de outubro de 1944
Capacidade	33.819 (33.091 + 400 en palcos VIP + 149 en palco presidencial + 179 en palcos de prensa) localidades
Presidente	Paco Zas
Adestrador	Luis César Sampedro
Liga	Segunda División
2018–19	6º
Vestimenta	Macron
Patrocinador	Estrella Galicia
Páxina web	Páxina web
Na casa Fóra Terceira

Historicamente, o Deportivo da Coruña tivo dúas épocas de maior éxito: unha entre 1992 e 1996, co popularmente chamado "Superdépor", onde gaña unha Copa do Rei, e unha Supercopa de España, e outra entre 1999 e 2004, co "Eurodépor". En total, o club ten no seu haber unha Liga, cinco subcampionatos e catro terceiros postos, dúas Copas do rei e tres Supercopas de España como máximos logros nacionais, e unha clasificación á semifinal da Recopa de Europa e outra á da Liga de Campións como éxitos internacionais. En 2004, ocupou o 6º lugar na clasificación de clubs da UEFA.

Logo de 46 temporadas en Primeira, o club ocupa o posto 12º na Clasificación histórica da primeira división española, sendo o segundo equipo galego neste ránking. A finais de 2003 o club tiña 287 agrupacións de afeccionados, pero na tempada 2011–12 en segunda división esa cifra de agrupacións baixou a 156.

Mantén historicamente unha gran rivalidade co Celta de Vigo.

Historia

Artigo principal: Historia do Deportivo da Coruña.

Primeiros anos

Xogadores do Deportivo en 1912

O Club Deportivo da Sala Calvet foi fundado o 2 de marzo de 1906 por un grupo de alumnos dese ximnasio coruñés propiedade de Federico Fernández-Amor Calvet, sendo nomeado presidente do club Luís Cornide Quiroga. Dende a súa fundación, o Deportivo mantivo unha gran rivalidade co Real Club Coruña. En 1909, o club obtivo o título de Real, pasando a chamarse Real Club Deportivo da Sala Calvet.

No ano 1910 o Deportivo xogou un dos dous trofeos da Copa do Rei que se xogou ese ano, o organizado pola Federación Española de Clubs de Fútbol disputado en Madrid en formato triangular entre os deportivistas, o Futbol Club Barcelona e o Club Español de Madrid. En 1911, o club muda o seu nome polo de Real Club Deportivo da Coruña. Entrementres, as disputas entre o Deportivo e o Coruña non paran de aumentar, chegando un punto no que a directiva deportivista decide non xogar máis partidos cos coruñistas.

Porén, en xullo de 1914 os xogadores do Deportivo deciden unilateralmente disputar dous encontros fronte ó Coruña. A directiva non apoia a decisión, provocando que os xogadores abandonen o club e funden o Deportivo F.C. Auténtico. En 1918, prodúcese un acordo e os xogadores deciden disolver o club escindido e regresar á estrutura do Real Club Deportivo. Durante as seguintes tempadas, o Deportivo participa no Campionato de Galicia, torneo do que se proclamou campión seis veces antes de que fose suprimido en 1940.

Fundación da Liga e ascenso a Primeira

Xogadores do Deportivo en 1927

O Deportivo quedou encadrado, no primeiro campionato de Liga celebrado en 1929 no grupo primeiro da segunda división, formada por dez equipos: Sevilla, Iberia, Alavés, Sporting, Valencia, Betis, Oviedo, Celta, Racing Madrid e Deportivo, que finalizaría na oitava posición. Permanecería o club en devandita categoría dez tempadas ata lograr o ascenso á primeira división na tempada 1940/41. O ano anterior foi campión do seu grupo en segunda, pero non logrou ascender ó perder o encontro de promoción ante o Celta de Vigo por 1-0. Na súa primeira participación en primeira división quedou cuarto, destacando as vitorias fronte Real Madrid (1-0), Celta (4-0) e Barcelona (1-0). O seu porteiro, Juan Acuña, logrou ser o porteiro menos batido da competición, honor que volvería conseguir na tempada seguinte.

A inauguración do novo Estadio de Riazor, en 1944 fronte ó Valencia, foi o preludio do descenso do club de novo á segunda división. Tras sucesivos ascensos e descensos, o Deportivo acada o seu primeiro subcampionato de liga na tempada 1949-50, na que se alzaría co título o Atlético de Madrid, que conseguiu un punto máis que o Deportivo. Logo do subcampionato o club rematou en postos que lle permitían manter a categoría con tranquilidade. En 1951 o equipo fichou dous arxentinos, Corcuera e Oswaldo, que xunto a Franco, Moll e Tino formaron a dianteira coñecida como a "Orquesta Canaro", e que marcaría na tempada 1950-51 64 goles en 30 partidos. Permanecería o club herculino en primeira división ata a tempada 1956-57. Na tempada 1961-62 o equipo recuperou a categoría, porén a pesar do bo inicio da tempada, gañando o Trofeo Teresa Herrera ante un Benfica que viña de proclamarse campión de Europa, o equipo descendeu tras finalizar a tempada. Dende ese momento o equipo collería a fama de equipo "ascensor" polos seus continuos ascensos e descensos, se ben na tempada 1968-69 conseguiu manterse dous anos consecutivos na máxima categoría. En xullo de 1969, o presidente González nomeou xerente ó xornalista deportivo Manuel Fernández Trigo.

Os peores anos

Arsenio Iglesias chegou por primeira vez ó banco do Deportivo en decembro de 1970. Na imaxe o busto do adestrador que se encontra fronte ó Estadio de Riazor.

O 30 de decembro de 1970, co equipo en Segunda, chegou ó banco branquiazul Arsenio Iglesias. Baixo a dirección do adestrador arteixán o equipo conseguiu de novo o ascenso á primeira división logo de finalizar na terceira posición e conseguir unha das catro prazas de ascenso directo á máxima categoría do fútbol español, que se ía ampliar a 18 equipos na seguinte tempada fronte aos 16 que viñan competindo. Arsenio conseguiría manter ó equipo en Primeira dúas tempadas, conseguindo a 14ª posición na tempada 1971-72, porén na tempada 1972-73 o equipo finalizou na penúltima posición, descendendo unha vez máis á Segunda División. Ó final da tempada Arsenio marcharía para o Hércules. Esa sería a última tempada que o equipo herculino xogaría en Primeira, tiveron que pasar 18 anos ata que na tempada 1991–92 o Deportivo volveu xogar en Primeira.

Na tempada seguinte tocou fondo descendendo a Terceira División logo de perder por 2 goles a 0 no campo do Barakaldo o 26 de maio de 1974. O descenso provocou a dimisión do daquela presidente, Manuel Sánchez Candamio (cuxa xestión fora moi criticada), ocupando o seu lugar Antonio Álvarez Rodríguez e o cesamento de tres adestradores e fichaxes que non deron os resultados esperados, aínda que as lesións tampouco axudaron o equipo a evitar o descenso. Esa tempada, a 1974–75, e baixo a dirección de José Antonio Irulegui e con xogadores como Seoane, Belló, Luis, Canosa, Cobas, Caamaño, Piño, Vales, Castro, Muñoz e Rabadeira, o equipo proclamouse campión na categoría, ascendendo novamente. Na tempada do seu regreso á categoría de prata o equipo herculino acadou o 5º posto na clasificación, con todo, desde ese momento o club experimentou un declive deportivo nas seguintes campañas que finalmente o conduciría, na tempada 1979-80 logo de cinco tempadas en Segunda, a descender á recentemente creada Segunda B, categoría na que só xogou unha tempada, a 1980–81, na que finalizaron na segunda posición, o que lle outorgou unha das prazas de ascenso directo xunto co seu máximo rival, o Celta de Vigo, que descendera un ano antes. Tras o ascenso viñeron dez tempadas consecutivas na división de prata.

Con todo, a situación económica do club, cunha débeda que non paraba de medrar dende había varios anos, e que ascendía nos anos 1980s a 600 millóns de pesetas, era complicada. Por outra banda, os resultados deportivos non acompañaron, e na tempada 1987-88 o equipo estivo a piques de descender de novo á Segunda B, conseguindo a permanencia na derradeira xornada. Ese mesmo ano marcaría un punto de inflexión na historia do club coruñés, o 13 de xuño de 1988 celebrábase no Colexio dos Salesianos unha asemblea aberta e popular na que foi elixido presidente Augusto César Lendoiro. Logo de acceder á presidencia, Lendoiro deu os primeiros pasos para levar o equipo ó cumio, modernizando a institución e fichando xogadores de peso que aumentaran o nivel do equipo. O regreso de Arsenio na tempada seguinte e a recuperación económica deron paso, logo dun intento no 1990 que fallou, ó subcampionato e o ascenso a primeira división na tempada 1990-91 tras case dúas décadas en Segunda División. O Deportivo pasaría de ser dun equipo ascensor e ó bordo da desaparición, a un equipo que anos máis tarde estaría á par dos grandes de Europa.

O Superdépor

O brasileiro Bebeto foi o símbolo do Super Depor.

Logo dunha tempada de transición cun equipo que combinaba veteranía e xuventude dirixido por Marco Antonio Boronat, que sería substituído por Arsenio Iglesias para salvar o equipo do descenso, na tempada 1992-93, o club viuse obrigado a converterse en Sociedade Anónima Deportiva. O club deseñou un modelo de accións economicamente alcanzables e primou os pequenos accionistas fronte aos grandes. Co obxectivo de non volver sufrir para manter a categoría realizáronse as fichaxes dos brasileiros Bebeto e Mauro Silva e o seu terceiro posto na Liga esa tempada realizando un bo xogo, supuxeron o nacemento do que se veu en chamar "Superdépor". Aínda que o Deportivo caeu na cuarta rolda da copa do rei fronte ó Club Polideportivo Mérida, de segunda división, logo da quenda de penaltis, o terceiro posto conseguido na tempada 1992-93 valeulle ó equipo herculino para clasificarse para a Copa da UEFA por primeira vez na súa historia. Esa tempada Bebeto finalizou como máximo goleador da liga con 29 goles, converténdose no primeiro deportivista en conquistar o Trofeo Pichichi.

A tempada 1993-94 iniciouse coa viaxe do equipo branquiazul a Dinamarca para enfrontarse ó Aalborg BK, o seu primeiro rival na Copa da UEFA, ó que conseguiu eliminar por un contundente 5-1 no cómputo global, logo de caer por un gol a cero no Aalborg Stadion de Aalborg e derrotar os dinamarqueses na Coruña por cinco goles a cero o 28 de setembro. Na segunda rolda da competición europea o Deportivo eliminou ó Aston Villa inglés, que viña de conseguir o subcampionato da Premier League, por un marcador global de dous goles a un, logo de ganar o partido de volta no estadio de Villa Park en Birmingham (0-1). Finalmente o Deportivo caeu eliminado nos oitavos de final polo Eintracht Frankfurt alemán logo de perder por un gol a cero os dous partidos. O equipo que debutou na Copa da UEFA foi o seguinte:

Na liga, o Deportivo estivo a piques de adxudicarse a súa primeira liga, logo de manterse á fronte da clasificación boa parte da tempada e de chegar á derradeira xornada con opcións ó título. Con todo, un penalti malogrado polo serbio Djukic no último minuto do partido disputado contra o Valencia que pechaba o campionato deulle o título ó FC Barcelona, que finalizou cos mesmos puntos que os herculinos. Ademais, esa tempada o Dépor conseguiu o Trofeo Zamora con Liaño, que converteu o Deportivo no mellor equipo defensivo nunha tempada de Liga, encaixando tan só 18 goles nas 38 xornadas de Liga, o que fai unha media de 0,474 goles/partido.

Nas dúas seguintes tempadas (1994-95) o equipo logrou de novo o subcampionato de Liga e chegou aos oitavos de final da Copa da UEFA, onde o Borussia Dortmund alemán o privou de chegar aos cuartos de final. Con todo, o maior éxito da tempada foi a consecución do primeiro título do club coruñés a nivel estatal, a copa do rei. O equipo venceu en Madrid ó Valencia CF (2-1), nun partido que se tivo que suspender por mor da intensa choiva que inundou o Estadio Santiago Bernabéu nos últimos minutos, e que obrigou a continuar o partido días despois. Os autores dos tantos da final foron Manjarín e Alfredo. O equipo que conquistou a primeira copa do rei para o club foi o seguinte:

Antes da tempada 1995-96 Arsenio deixou o banco coruñés e decidiu retirarse, sendo substituído polo técnico galés John Benjamin Toshack. A tempada comezou cun novo título, ó alzarse coa Supercopa de España tras vencer o Real Madrid a dobre partido. Ademais o Deportivo conseguiu chegar ás semifinais da desaparecida Recopa de Europa, onde foi eliminado polo Paris Saint Germain, que finalmente se alzaría co título, por un dobre 0-1. Na liga o equipo finalizou na 9ª posición e Bebeto decidiu non continuar do Deportivo, aceptando unha oferta do Flamengo brasileiro. Na tempada 1996-97 coa chegada de xogadores estranxeiros como Rivaldo, Naybet ou Songo'o, o Deportivo logra un terceiro posto na liga logo dun inicio ligueiro no que bateu o seu récord de xornadas imbatido, 17 xornadas imbatido; con todo unha fase de malos resultados provocaron a saída de Toshack a falta de 19 xornadas para o final da competición, sendo substituído polo brasileiro Carlos Alberto Silva.

A pesar da chegada de reforzos como Djalminha ou Luizão, a seguinte foi unha mala tempada para un Deportivo que viu como a poucos días do inicio da liga o Barça fichaba a Rivaldo logo de pagar a cláusula de rescisión de 4.000 millóns. Finalmente o equipo coruñés foi eliminado da Copa da UEFA na primeira rolda fronte ó AJ Auxerre por 2-1 e 0-0.

O Eurodépor

Diego Tristán logrou un trofeo Pichichi co Deportivo

Na tempada 1998–99 chegou ó banco coruñés o adestrador irundarra Javier Irureta procedente do Celta de Vigo. Nese momento chegan ó club xogadores como Manuel Pablo, Scaloni, Pauleta ou Turu Flores entre outros. Logo de conquistar o Trofeo Teresa Herrera e o Trofeo Ramón de Carranza, o Deportivo finaliza a liga en sexta posición, clasificándose para a Copa da UEFA e alcanzando as semifinais da copa do rei, onde foi eliminado polo Atlético de Madrid logo de empatar (0-0) no partido de ida e perder (1-0) no partido de volta.

Na tempada 1999–00 chegaría o primeiro e único título de Liga do Deportivo. Logo dun bo inicio ligueiro, no que se mantiveron entre os primeiros clasificados, na 12ª xornada o equipo herculino situouse á cabeza da táboa, posto que xa non deixarían no que restaba de tempada. Grazas a unha boa racha de imbatibilidade os de Irureta conseguiron contar con oito puntos de vantaxe sobre os seus perseguidores, con todo, unha etapa máis crítica na que o equipo non acababa de funcionar ben lonxe do seu estadio fixo que volveran as pantasmas de 1994. Esa tempada o Deportivo derrotou por 5-2 en Riazor ó Real Madrid, que meses máis tarde alzaría a Copa de Europa, así como ó Barcelona de Louis van Gaal (2-1). Con Songo'o, Djalminha, Pauleta, Fran, Mauro Silva, Donato, Naybet, Turu Flores e Roy Makaay como protagonistas, o Dépor proclamouse campión de liga o 19 de maio de 2000, nun Estadio Municipal de Riazor cheo ante o Espanyol, logo de gañar 2-0 con goles de Donato e Makaay. O Deportivo pechou deste xeito unha tempada de liga na que finalmente conseguiu cinco puntos de vantaxe sobre o segundo e o terceiro clasificados: Barcelona e Valencia respectivamente, convertendo á cidade da Coruña na segunda cidade máis pequena, logo de Donostia, que conseguía un título de liga. Os xogadores que formaron parte do equipo que conquistou o primeiro título liga do club coruñés foron os seguintes:

Con todo, as participacións dos deportivistas na competición europea e na copa do rei foron máis discretas. Na Copa da UEFA os branquiazuis superaron tres eliminatorias, caendo nos oitavos de final fronte ó Arsenal F.C., que daquela marchaba segundo na Premier League inglesa. Na competición copeira tamén chegaría aos oitavos de final, sendo desta volta o Osasuna o que apearía aos de Irureta da competición. A partir de aí, e da man de futbolistas como Molina, Valerón, Diego Tristán, Sergio e moitos dos campións de liga, e tamén de man de Irureta e Lendoiro, vivíronse cinco anos de éxitos na Liga de Campións (atinxindo unha semifinal e por tres veces os cuartos de final), lográronse dous novos subcampionatos de Liga e unha nova copa do rei en 2002.

O título de liga conseguido na tempada 1999-00 supuxo a clasificación directa por primeira vez na historia do club para disputar a Liga de Campións da UEFA. A tempada seguinte comezou coa chegada dun novo título, a segunda Supercopa de España, conquistada despois de derrotar ó Espanyol por 2 goles a 0 (0-0 no partido de ida, e 2-0 na volta disputada en Riazor). Na estrea dos branquiazuis na Liga de Campións o equipo quedou encadrado no grupo E, xunto co Hamburger SV alemán, o Panathinaikos grego, e a Juventus de Turín, finalizando a primeira fase de grupos na primeira posición e sen coñecer a derrota, a mesma posición que ocuparía na segunda fase de grupos, superando a equipos como o Milan, o Paris Saint-Germain e o Galatasaray. Con todo, a andaina dos coruñeses na máxima competición continental finalizou nos cuartos de final logo de caer fronte ó Leeds United. O equipo que debutou na Liga de Campións estaba integrado polos seguintes xogadores:

Na liga, o Deportivo finalizou na segunda posición a sete puntos do Real Madrid. Con todo, na copa do rei caeu eliminado fronte ó Club Deportivo Tenerife nos dezaseisavos de final.

A tempada 2001-02 concluíu de xeito similar á anterior. Na súa segunda participación na Liga de Campións o equipo herculino chegou de novo aos cuartos de final, caendo eliminado fronte ó Manchester United, mentres que na liga o equipo loitou polo título ata as últimas xornadas, finalizando na segunda posición a sete puntos do campión, o Valencia, e cun Diego Tristán que gañou ese ano o Trofeo Pichichi logo de anotar 21 goles na liga. Con todo, o maior éxito da tempada chegou o 6 de marzo, cando o Deportivo conquistou a súa segunda copa do rei na final disputada no Estadio Santiago Bernabéu contra o Real Madrid, no día en que a entidade merengue celebraba o seu centenario, feito que popularmente se coñece como o "Centenariazo", dado o seu gran parecido coa final da Copa Mundial de Fútbol de 1950 que historicamente foi coñecida como Maracanazo.

Logo de conquistar a terceira Supercopa de España da súa historia, o Deportivo iniciou unha tempada na que finalizaría na terceira posición no campionato de liga e conseguindo chegar ás semifinais da copa do rei, mais sendo eliminado na segunda rolda da Liga de Campións. Esa tempada Roy Makaay gañou o Trofeo Pichichi e a Bota de Ouro. Na tempada 2003-04 o equipo conseguiu de novo finalizar na terceira posición na liga e fixo historia ó chegar ás semifinais da Liga de Campións. Despois de acabar segundo na fase de grupos por detrás do Mónaco, o Dépor superou á Juventus en oitavos de final. En cuartos de final, contra o Milan, os coruñeses perderon o partido de ida por 4-1 pero conseguiron remontar no de volta, cun 4-0 en Riazor. Nas semifinais, o Dépor caeu eliminado contra o FC Porto de José Mourinho que acabaría sendo campión desa edición, cun empate a cero en Portugal e 0-1 na volta en Riazor.

O centenario

Artigo principal: Centenario do Deportivo.

Logo da etapa dourada do Deportivo con Irureta no banco, o 2006, ano no que o club celebrou o seu centenario, comeza unha etapa de transición marcada pola grave crise económica e as débedas. A chegada de Joaquín Caparrós supón unha auténtica revolución no cadro. Moitos dos pesos pesados do vestiario, como Molina, Scaloni, Víctor ou Diego Tristán abandonan a entidade, que inviste 9,3 millóns de euros na fichaxe de 17 xogadores, a maioría novos e con proxección, entre os que destacan Riki, Filipe Luis, Lopo ou Juan Rodríguez. Prodúcese tamén unha reformulación dos obxectivos deportivos, fixados agora na permanencia. Mais, a pesar da falta de apuros deportivos e a participación na Copa Intertoto, o mal xogo e o desencontro coa bancada propician a saída do técnico despois de dúas temporadas.

A etapa de Lotina e fin dun ciclo (2007–2011)

Deportivo da Coruña no 2008.

A era de Miguel Ángel Lotina no banquiño branquiazul daba comezo na tempada 2007-08. O mexicano Andrés Guardado firma polo Deportivo por 7 millóns de euros e marcha Jorge Andrade á Juventus que paga 10 millóns polo xogador. Nesta temporada, tras unha primeira volta do campionato con posicións preto do descenso, o equipo consegue rematar unha segunda volta con bos resultados, clasificándose para a Copa Intertoto tres anos despois da última participación en Europa, tras quedar 9º por encima do Athletic de Bilbao (o seu máis próximo perseguidor inscrito para a Intertoto). O equipo xogou en xullo de 2008 a Copa Intertoto na que se enfrontou ó Bnei Sakhnin, conxunto árabe de Israel. No partido de ida en Israel o Deportivo gañou 1-2 con tantos de Lafita e Riki, mentres que na volta, xogada en Riazor, o resultado foi de 1-0 con gol de Valerón. Con este resultado o equipo clasificouse por fin para unha competición europea despois de 4 anos de ausencia.

Na seguinte tempada, a 2008–09, marcada polas fichaxes de Aranzubia, Zé Castro e o mexicano Omar Bravo, a pesar de non pasar dos dezaoitavos de final da Copa da UEFA ó ser eliminado polo Aalborg BK danés, o Deportivo consegue superar o seu eterno rival histórico, o Celta de Vigo, na clasificación histórica da Liga, grazas á continuada permanencia do conxunto olívico na segunda división e ó sétimo posto do Deportivo en Liga.

Andrés Guardado foi un referente do proxecto deportivista entre 2007 e 2012.

Na tempada 2009–10, o equipo realiza unha gran primeira volta que o leva a ocupar postos europeos durante máis de 20 xornadas (3 delas en prazas de Liga de Campións). Namentres, as lesións lévano a realizar unha mala segunda volta na que asina unha racha de 11 partidos consecutivos sen gañar. Finalmente o equipo termina na 10ª posición. Nesta tempada hai que destacar o debut de varios xogadores do Fabril nos partidos de Liga e copa do rei: Juan Domínguez, Iván Pérez, Rochela, Dani, Seoane, Añón e Raúl.

Na tempada 2010–11 descendeu á segunda división tras 20 anos seguidos na categoría de elite. O descenso produciuse logo de perder o derradeiro partido (0–2) contra o Valencia CF, converténdose no primeiro equipo que perde a categoría con 43 puntos.

Subidas e baixadas de categoría e asentamento en primeira división

Tras un inicio irregular en segunda división e con José Luis Oltra no banquiño, a tempada 2011–12 remata co equipo como campión da categoría, producíndose o ascenso o 27 de maio de 2012, a falta dunha xornada para rematar o campionato. O 3 de xuño de 2012, na derradeira xornada, o Deportivo conseguiu alcanzar a cota de 91 puntos, récord na categoría (a anterior marca estaba en 88 puntos, conseguidos polo Real Valladolid na tempada 2006–07).

Porén, ó comezo da tempada en 1ª División, o 30 de decembro de 2012, é despedido tras sumar soamente 12 puntos nos primeiros 17 partidos. Oltra foi substituído no banco do conxunto herculino polo adestrador portugués Domingos Paciência. Mais os resultados non melloraron a situación do club, que andaba no último lugar da táboa, xa que só conseguiu sumar 4 puntos en 6 partidos, e ó cabo de mes e medio desvinculouse do club.

Partido Deportivo-Xaén, (1-0), o 31 de maio de 2014, no que o Dépor acadou o ascenso a primeira división no 2014.

O 11 de febreiro de 2013, tras destituír a Paciência, Augusto César Lendoiro firma o contrato que vinculaba ó adestrador Fernando Vázquez á entidade branquiazul. O escenario do debut en Riazor non podía ser mellor: o Dépor pon sobre as cordas ó Real Madrid, que acaba levándose o triunfo con moitas dificultades, 2-1. Pese a comezar bastante mal (3 derrotas e 1 empate) o conxunto coruñés enlaza 4 vitorias seguidas, entre elas o derbi galego contra o Celta de Vigo. O Dépor, que semellaba desafiuzado, volvía á loita pola permanencia. Pese a iso, ó rematar a tempada, Vázquez non consegue acadar ese obxectivo.

Pese ó descenso, Vázquez segue á fronte do banco deportivista e, cunha primeira volta case perfecta fóra de Riazor (pese a complicacións en casa), remata como campión de inverno. Fóra do plano deportivo, o 10 de xaneiro foi un día clave para o futuro do club, pois presentouse ante o xuíz concursal unha proposta de convenio na Audiencia Provincial da Coruña que obtivo o apoio do 59,44% dos acredores, pero non do acredor principal, a Axencia Tributaria. O maxistrado decidirá cara a finais de mes, momento no que o club contará cun novo Consello de Administración. Por outra banda, na xunta de accionistas celebrada o 21 de xaneiro a candidatura encabezada por Tino Fernández acadou un 72,09% dos votos, alzándose como novo presidente do club. Finalmente, o 31 de maio de 2014 o Dépor volve á categoría raíña trala vitoria contra o Real Jaén por 1 a 0.

Deportivo da Coruña no 2015.

Pese a que Vázquez firmara un ano máis de contrato, o Deportivo decidiu prescindir dos servizos do de Castrofeito, so pretexto dunhas declaracións polémicas deste. Ese mesmo verán o Deportivo contratou como adestrador a Víctor Fernández, mais os resultados non acompañan e o Dépor ve perigar a salvación. Con todo a directiva dálle varias oportunidades, pero o equipo non remata de funcionar. Todo isto fai que, tralo empate co Córdoba, último na clasificación, Fernández sexa cesado como adestrador do Deportivo.

Partido disputado entre o Deportivo e o FC Barcelona en Riazor na tempada 2016-17, con resultado de 2-1 favorable aos galegos.

O 9 de abril de 2015 chega como adestrador Víctor Sánchez del Amo que comeza inmediatamente o seu traballo e o Dépor sofre unha metamorfose completa, pese a que os resultados non sexan demasiado bos. Chega á última xornada contra o FC Barcelona dependendo de si mesmo para manterse en Primeira. O 2-0 inicial a favor dos culés fai pensar na perda da categoría, pero dous goles, de Lucas Pérez e Diogo Salomão, e varias intervencións chaves de Fabricio Agosto manteñen o club en primeira división ó rematar o partido con empate a dous. A salvación do equipo propiciou a continuidade do técnico madrileño unha tempada máis, na que o cadro herculino reforzouse con xogadores como Fernando Navarro, Cani, Alejandro Arribas, Pedro Mosquera, Fayçal Fajr, Luis Alberto ou Fede Cartabia, e logrou o traspaso de Lucas Pérez. O 1 de setembro de 2015 o club anunciou que pagara toda a débeda prevista para a tempada 2015–16, unha cantidade que ascendía a 3.169.861,80 euros máis 99.177,59 de xuros. Esa temporada o Deportivo realizou unha gran primeira volta na que finalizou 9º, chegando a ocupar postos de Europa League durante nove xornadas. Con todo, o equipo realizou unha mala segunda volta na que gañou unicamente dous partidos, o segundo deles na penúltima xornada fronte ó Villarreal CF por 0-2, co que asegurou matematicamente a permanencia na máxima categoría do fútbol español. A pesar da salvación, o 30 de maio de 2016 Víctor Sánchez foi destituído debido á mala relación con algúns xogadores e á mala segunda volta do equipo. O 10 de xuño o Deportivo anunciou que o substituto de Víctor Sánchez para a tempada 2016-17 sería o bilbaíno Gaizka Garitano.

A tempada 2016-17 comeza con altos e baixos. Xa en 2017 e despois de dúas derrotas contra Alavés (0-1) e Leganés (4-0), o equipo decide rescindir o contrato de Garitano, que é substituído por Pepe Mel o 28 de febreiro. O adestrador madrileño conseguiu o obxectivo da permanencia, destacando a vitoria por 2-1 en Riazor contra un FC Barcelona que levaba 19 partidos consecutivos sen perder en liga.

Na tempada 2017-18, o equipo só consegue dúas vitorias nos primeiros nove partidos, sendo un dos equipos máis goleados do campionato. O 24 de outubro de 2017, o Deportivo destitúe a Pepe Mel e o seu cargo é ocupado por Cristóbal Parralo, ata entón adestrador do Fabril. Porén, o cambio de adestrador non fai que melloren os resultados do equipo e Cristóbal Parralo é destituído o 4 de febreiro de 2018, co equipo na 17ª posición e despois de 3 vitorias, 3 empates e 9 derrotas entre Liga e Copa. Ó día seguinte anunciouse a chegada do neerlandés Clarence Seedorf para dirixir ao equipo. A falta de 3 xornadas para finalizar o campionato, o 29 de abril de 2018, o equipo certifica o seu descenso á Segunda División.

A tempada 2018-19 comezou con novo adestrador, Natxo González, tras o despido de Seedorf. Aínda que durante os primeiros meses de competición, o equipo estivo entre os postos altos da clasificación, unha mala xeira de resultados levou ao seu despido en abril e á chegada de Pep Martí. Finalmente o Deportivo acabou sexto, o que lle daba dereito a xogar os playoffs de ascenso a Primeira. Na primeira eliminatoria eliminou ao Málaga tras gañar en Riazor 4-2 e na Rosaleda 0-1. Na final contra o Mallorca non foi quen de manter a vantaxe que conseguira na ida en Riazor, 2-0, e non puido materializar o ascenso ao perder na volta por 3-0 en Son Moix.

Para a tempada 2019-20 chegou ao banco Juan Antonio Anquela, mais foi destituído o 7 de outubro tras os malos resultados acadados nas 10 primeiras xornadas de competición (1 vitoria, 5 empates, 4 derrotas), co equipo ocupando postos de descenso a Segunda B. Foi substituído polo arousán Luis César Sampedro.

Rivalidades

Celta de Vigo

Artigo principal: Derbi entre Celta e Deportivo.

Celebración do gol do Deportivo no derbi celebrado o 27 de outubro de 2012.

Os primeiros roces dos que se ten constancia datan de 1923, no Campionato Galego, unha vez que nese ano o Real Club Fortuna e o Real Vigo Sporting Club, equipos contra os que xa se enfrontara o Deportivo, se fusionaron formando o Celta. Un dos detonantes da inimizade entre os dous equipos adoita buscarse no propio momento do nacemento do equipo celeste, cando Luis Otero Sánchez fichou polo Deportivo xunto con Chiarroni, González e Isidro, feito que motivou as protestas do Celta ante a Federación Galega e que provocou a sanción dos xogadores ata 1924.

O primeiro derbi galego da historia celebrouse na tempada 1924-25, con vitoria do Deportivo por 3 goles a 0, mesmo resultado que no partido de volta. Con todo, o primeiro enfrontamento dos dous equipos en Primeira disputouse o 19 de outubro de 1941 (4ª xornada de Liga) en Vigo, gañando os locais por 2 goles a 1. O equipo herculino vingaría esta derrota na segunda volta do campionato, derrotando os vigueses por 4 goles a 0 no estadio de Riazor.

Na 16ª xornada da tempada 1999-00, coruñeses e vigueses enfrontáronse en Riazor encabezando a clasificación da Liga. O Deportivo conseguiu levarse o partido por 1 gol a 0, anotando o único gol do encontro Turu Flores, e deixando un resultado que afastaba os coruñeses a 8 puntos do segundo clasificado, o Celta.

Na tempada 2011-12 ambos os equipos volveron enfrontarse na segunda división tras 20 anos. O Deportivo gañou entón os dous partidos (2-1 en Riazor, con goles de Jonathan Vila en propia porta e Lassad cun potente disparo dende fora da área a escasos minutos do final, e 2-3 en Balaídos, con goles de Riki no minuto 2, Lassad e Borja Fernández no último minuto do encontro. Logo deste encontro, os coruñeses asinaron numerosos récords dentro da categoría: con 91 puntos conseguiron o récord de puntos da historia da segunda división, e con 29 vitorias o récord de vitorias da categoría, amais de 9 vitorias consecutivas, feito que tamén pasou á historia como a maior xeira de vitorias consecutivas da historia da categoría.

Categoría	Partidos	Vitorias (DEP)	Empates	Vitorias (CEL)
Primeira	66	25	18	23
Copa	6	2	3	1
Segunda	14	7	2	5
Segunda B	2	0	1	1
Total	88	34	24	30
Datos a 3 de abril de 2015

Se ben os encontros entre ambos equipos caracterizáronse por unha gran tensión no campo e nas bancadas, téndose rexistrado enfrontamentos entre as dúas afeccións, as directivas dos dous clubs teñen realizado un esforzo por reducir esta tensión e crear un mellor ambiente. Estes esforzos plasmáronse na imaxe das dúas afeccións cantando xuntas o himno galego no estadio de Riazor o 21 de novembro de 2015 no partido que ambos os equipos disputaron na primeira volta da primeira división.

En total os dous equipos disputaron 88 partidos oficiais 82 en Liga (Primeira e Segunda División e Segunda División B) e 6 en Copa cun rexistro lixeiramente favorable para os deportivistas, tanto en vitorias como en goles.

Real Madrid

Partido entre o Real Madrid e o Deportivo da Coruña no Santiago Bernabéu na tempada 1992-93.

Aínda que o primeiro partido entre o Deportivo e o Real Madrid se disputou en 1932, foi durante a época dourada do club coruñés cando este mantivo unha intensa rivalidade co equipo branco. Na tempada 1992-93 o Deportivo comezou unha xeira de 18 anos consecutivos sen perder fronte ó equipo branco no estadio de Riazor, nun partido que estaba de cara aos madridistas (0-2) e que acabarían levándose os branquiazuis por 3 goles a 2 cun dobrete de Bebeto e un gol en propia porta de Ricardo Rocha. Pouco despois, na tempada seguinte, chegaría a primeira humillación dos brancos en Riazor, onde perderon 4-0. Con todo, na tempada 1994-95, un gol de Zamorano a cinco minutos para a conclusión do partido dáballe a vitoria (2-1) e o título de Liga ó Real Madrid e deixaba os branquiazuis unha vez máis ás portas do título a falta de dúas xornadas, aínda así, o equipo herculino levaríase pouco despois a Supercopa de España fronte ó equipo branco logo de gañar 3-0 en Riazor e 2-1 no Santiago Bernabéu. O momento de maior rivalidade entre os dous equipos chegou na tempada 2001-02, cando ambos se enfrontaron na final da copa do rei no Santiago Bernabéu, levándose os coruñeses a vitoria no día no que a entidade branca cumpría 100 anos, feito que se coñeceu como "Centenariazo". A xeira de imbatibilidade do Deportivo en Riazor finalizaba na tempada 2009-10 coa derrota (1-3), dende aquela o equipo coruñés non foi quen de derrotar o Real Madrid en ningunha ocasión, colleitando varias derrotas avultadas tanto en Riazor como no Santiago Bernabéu, e conseguindo tan só un empate sen goles na tempada 2010-11.

En total os dous equipos disputaron 99 partidos cun rexistro claramente favorable para os madridistas, tanto en vitorias como en goles:

Categoría	Partidos	Vitorias (DEP)	Empates	Vitorias (RMD)
Liga	88	18	19	51
Copa	9	4	2	3
Supercopa	2	2	0	0
Total	99	24	21	54

Escudo do club

O escudo oficial do club consiste nun cinto de cabaleiro que rodea o pendón morado da Sala Calvet e a bandeira de Galicia. Coroa real no centro do pendón e sobre o escudo. As cores oficiais son as seguintes:

Dourado Pantone 872

Morado Pantone 255

Azul Pantone 299

Vermello Pantone 179

Uniforme

Aínda que desde a súa fundación se estableceu que o equipo defendería unha camiseta a franxas verticais azuis e brancas, non sería ata 1912 cando o club coruñés faría habituais estas cores nos seus partidos oficiais. Na actualidade, o primeiro uniforme do Deportivo continúa sendo branquiazul, mentres que o segundo e terceiro varían practicamente cada tempada en función de motivacións comerciais. Na actualidade a empresa encargada dos deseños e fabricación do equipamento é a italiana Macron.

Uniforme 2017/18

Para a tempada 2017/18, o Deportivo ten os seguintes tres uniformes:

• Uniforme titular: Camiseta a franxas verticais azuis e brancas; pantalón azul; medias azuis.
• Uniforme alternativo: Camiseta coa franxa da bandeira de Galicia; pantalón branco; medias brancas.
• Terceiro uniforme: Camiseta de cor negro; pantalón negro; medias negras.

Titular

Alternativo

Terceiro

Evolución do uniforme

O uniforme do Deportivo da Coruña ten experimentado diversos cambios dende que se fundou en 1906. Contra o ano 1907, o daquela Club Deportivo da Sala Calvet, decidiu empregar unha camisola de raias azuis e brancas e un pantalón de cor negra, aínda que o equipo adoitaba disputar os seus partidos cunha camisola branca e un pantalón negro, e non foi ata 1912 cando o equipo adoptou o escudo e as cores azul e branca nos seus partidos, realizando pequenos cambios na camisola, especialmente no tamaño, localización e sentido das raias e dorsais.

Ata 1923 as raias da camisola eran estreitas, adoptándose unhas máis anchas consideradas máis "modernas", se ben dous anos despois recuperáronse as raias estreitas, e tan só na tempada 1939-40 imperaron as raias anchas. A partir dese momento a equipación pasou a estar dominada por unha camisola de raias estreitas e pantalón azul, equipamento que se mantivo dende a tempada 1940-41 á 1967-68, na que o equipo recuperou as raias anchas, que permanecerían no uniforme ata a tempada 1973-74. Xa na década de 1990, na Asemblea Ordinaria do Deportivo de mediados de 1990, a directiva do club redeseñou a camisola cara a un deseño máis moderno que foi estreado na segunda metade de liga e que ampliaba o tamaño dos dorsais, creaba maiores espazos brancos e amosaba unhas raias azuis máis amplas nos bordos laterais da camisola. Pouco despois, na tempada 1991-92, con Rox como provedor, o club modificou radicalmente a imaxe da camisola, introducindo unha raia horizontal á altura dos ombreiros e outra á altura do peito, pasando dunhas raias totalmente verticais a unha forma de "T", un deseño que se mantería case igual ata a tempada 1997-98, xa coa firma alemá Adidas, que eliminaría as raias horizontais, recuperando así un deseño de liñas totalmente verticais que na tempada seguinte tornaríanse máis grosas.

A pesar dos trocos nos patrocinadores e provedores, o deseño da camisola non mudou substancialmente na tempada 2001-02, cando se introduciu unha pequena liña vermella nas costas á altura dos ombreiros e se desprazou o escudo do equipo, que pasou de estar sobre o corazón a situarse no centro do peito. Esa tempada o pantalón do equipo tamén experimentou un lixeiro cambio, se ben seguiu a ser azul, engadíuselle unha ampla banda vermella na cintura. Foi, con todo, na segunda e terceira equipación onde houbo máis novidades, pasando a segunda de amarela a vermella e negra para a Liga, e gris prateada cunha banda azul escura cruzando o peito para a Liga de Campións. Con motivo da final da copa do rei dese ano fronte ó Real Madrid, o club deseñou un modelo especial de camisola que incluía unha serie de detalles bordados nas mangas, e que substituía o reberete vermello do pescozo, pantalón e mangas por outro azul mariño, e mudando o pescozo a redondo en lugar do pescozo a xeito de camisa. Con todo, dende ese momento as equipacións non experimentaron maiores cambios que o grosor da liñas verticais, ata a tempada 2009-10, cando a firma italiana Lotto introduciu un deseño no que as liñas se cortaban na parte do peito para deixar a parte superior en branco cun detalle en gris prata; a mesma firma introduciría na seguinte tempada un deseño de raias estreitas que ensancharía na tempada 2011-12, incluíndo unha liña horizontal á altura do peito na seguinte tempada que sería abandonado ó finalizar a mesma, volvendo a un deseño de raias verticais que se mantén, con lixeiros cambios ata a tempada 2016-17, cando na pretempada se introduciu unha camisola cunha raia vertical máis grosa.

Entre as segunda e terceiras equipacións cómpre salientar a presentación na tempada 2014-15 dunha segunda camisola do equipo na que luce a bandeira de Galicia e que se mantén dende entón.

Provedor e patrocinadores

Dende o ascenso a primeira división na tempada 1990-91, o Deportivo tivo os seguintes provedores e patrocinadores principais na súa equipación:

Período	Provedor	Patrocinador
1990–1992	Rox	Leyma
1992–1997	Umbro	Feiraco
1997–2000	Adidas
2000–2001		Dreamcast
2001–2007	Joma	Fadesa
2007–2008	Canterbury
2008–2009		Estrella Galicia
2009–2017	Lotto
2017–actualidade	Macron

Himno

Aínda que o Deportivo contaba cun himno máis tradicional que o actual (composto en 1924 por Maximiliano Svarmanoff), a aparición do "Superdépor" e a imaxe de renovación do club levaron á directiva a substituír o himno histórico por un máis moderno, composto por Francisco Gómez Seijo "Gandy" e que posteriormente gravaría o grupo coruñés Cacahué. Devandito himno, en estilo rock, sería versionado posteriormente pola Orquestra Sinfónica de Galicia. No ano 2006, o grupo La Banda del Camión compuxo o himno do centenario, que incluía os nomes das grandes figuras que pasaron polo club.

Instalacións

Estadios

Corralón da Gaiteira

Partido no antigo Corralón da Gaiteira en 1907.

O chamado Corralón da Gaiteira foi primeiro escenario dos partidos do Deportivo da Coruña (daquela aínda coa denominación de Club Deportivo da Sala Calvet), sendo o campo no que o equipo herculino disputou os seus partidos de xeito habitual durante os seus primeiros dous anos e medio de existencia. O Corralón foi a principios do século XX o único campo da Coruña no que se podía practicar o deporte que acababa de chegar á cidade. Estaba situado nos terreos anexos á Fábrica de Tabacos, medía 18.000 m² e tiña bancadas con capacidade para 6.000 espectadores. Eduardo del Río y Santos-Lartaud, un comerciante e cónsul de Dinamarca en Galicia, era propietario de varios terreos nas proximidades da Palloza e deu o visto e prace para que os deportistas da Sala Calvet puidesen adestrar e xogar os seus encontros no Corralón.

Foi no chamado Corralón da Gaiteira onde o Deportivo disputou o primeiro partido contra o seu máximo rival na época, o Coruña Foot-ball Club, o 9 de decembro de 1906, que acabaría con marcador favorable para os integrantes do equipo da Sala Calvet (2-1). En maio de 1909 o Deportivo abandonou o Corralón da Gaiteira para trasladarse ó vello campo de Riazor.

Campo de Riazor

Artigo principal: Campo de Riazor.

Dende que en 1909 o Deportivo abandonou o Corralón da Gaiteira ata 1944, ano no que se inaugurou o Estadio Municipal de Riazor, o Deportivo xogou os seus encontros no coñecido como campo de Riazor. Este terreo de xogo estaba situado nas proximidades do actual estadio, no lugar que na actualidade ocupa o colexio das Escravas. O novo campo foi inaugurado o 16 de maio de 1909 cun partido fronte ó Fortuna de Vigo. O partido finalizou coa vitoria do equipo vigués por 1-3. O xornal El Noroeste relataba o acontecemento do seguinte xeito:

“

O partido foi bastante forte e moi lucido e agradou a concorrencia, que aplaudiu entusiasmada a ambos os equipos

”

Finalmente en outubro de 1944 o Deportivo trasladouse de novo ó actual estadio construído orixinalmente por Santiago Rey Pedreira.

Estadio de Riazor

Artigo principal: Estadio Municipal de Riazor.

RC Deportivo e CD Lugo no Estadio Municipal de Riazor (tempada 2018/19).

O estadio do Deportivo é o Estadio Municipal de Riazor, situado a carón da praia de Riazor, na Coruña. A pesar de ser de titularidade municipal, o Deportivo utiliza o recinto a cambio dun alugueiro simbólico de 1 € ó ano. Ten unha capacidade de 34.600 espectadores, todos sentados, sendo o estadio con maior cabemento de Galicia. A súa primeira construción data de 1909 no terreo que hoxe ocupa a igrexa das Escravas, a escasos metros da súa actual localización. A súa segunda construción, xa na súa actual localización, foi en 1944, obra do arquitecto Santiago Rey Pedreira. O estadio tivo varias remodelacións, como a de 1982 con motivo do Campionato Mundial de Fútbol dese ano, e a última, comezada en 1996 coa construción do fondo de pavillón e terminada en 1997 coa remodelación do fondo de maratón. Ten unhas dimensións de 105×68 metros. Ademais, foi renovada a súa Licenza UEFA para a celebración de partidos de competicións internacionais.

Afluencia a Riazor

O Deportivo tivo dúas épocas na súa historia recente de grande afluencia ó estadio municipal de Riazor. A primeira delas, entre os anos 1992–93 e 1996–97, onde a media de entrada se situaba en 25.000 espectadores, para un estadio con capacidade para 29.000. Na segunda etapa, xa cunha capacidade para 35.000 espectadores, o número de socios e de afluencia situábase arredor dos 30.000 espectadores, entre as tempadas 2000–01 e 2003–04. Na tempada 2014-15 a media de espectadores situouse en 21.256, e o número de socios nos 24.245, a maior parte deles (18.545) eran homes.

A asistencia media a Riazor durante as últimas 10 tempadas foi a seguinte:

Estimación aproximada

Tempada	Categoría	Espectadores	Asistencia máis alta	Asistencia total	Partidos
2005-2006	Primeira división	19 105	34 000	362 995	19
2006-2007	Primeira división	16 620	34 600	315 780	19
2007-2008	Primeira división	17 800	34 600	338 200	19
2008-2009	Primera división	18 316	34 600	348 004	19
	UEFA	17 800	20 000	71 200	4
2009-2010	Primeira división	18 932	34 600	359 708	19
2010-2011	Primeira división	19.984	34 600	379 696	19
2011-2012	Segunda división	26 438	34 600	555 198	21
2012-2013	Primeira división	29 517	34 600	560 823	19

Con datos oficiais

Tempada	Categoría	Espectadores	Asistencia máis alta	Asistencia total	Partidos
2013-2014	Segunda división	23 871	33 639	417 283	21
2014-2015	Primeira división	21 256	30 334	403 863	19
2015-2016	Primeira división	24 583	30 666

Proxecto do novo estadio

En 2003 o presidente Augusto César Lendoiro presentou a maqueta do novo estadio de Riazor deseñado polo prestixioso arquitecto norteamericano Peter Eisenman. O presidente declarou que sería o estadio "máis bonito do mundo", e tería unha capacidade de 36.000 espectadores. A construción sería encima do actual estadio. Actualmente este proxecto atópase parado.

Desde 2009, con motivo da candidatura ibérica para os mundiais de 2018 e 2022, o Concello da cidade e o club debateron sobre a posibilidade de remodelar o actual Riazor ou construír un estadio novo, no caso de que España organizase un mundial e a cidade da Coruña fose elixida sede. A candidatura non foi elixida pero o estadio será remodelado e terá capacidade para 45.000 espectadores.

Cidade Deportiva de Abegondo

Artigo principal: Cidade Deportiva de Abegondo.

A Cidade Deportiva de Abegondo é un conxunto de instalacións deportivas propiedade do club herculino situadas en Mabegondo, alí adoita preparar os seus partidos o Deportivo. Foi inaugurado en 2003. Está formado por un edificio principal que alberga os vestiarios, oficinas e cafetería e que serve de bancada para uns 1.200 espectadores cara ó campo principal e uns 500 cara ó campo de céspede artificial. En total a cidade deportiva conta con 7 campos de céspede natural, 1 de céspede artificial, 6 campos de céspede natural de fútbol 7 e máis de 16.000 m² de campos auxiliares de céspede natural. Hai ademais uns 9.000 m² de aparcadoiros.

Outras instalacións

Deportienda no estadio de Riazor.

• A Deportienda: o Deportivo da Coruña ten dúas tendas propias na cidade para a venda dos seus produtos deportivos e publicitarios. Unha situada nos baixos do estadio de Riazor e outra no centro comercial Marineda City desde 2015.
• A Deporclínica é un centro de fisioterapia aberto ó público e que conta con máis de 300 m² e dotado de tratamentos de hidroterapia, fisioterapia e dous ximnasios.
• O Playa Club, situado fronte á praia de Riazor, é un local de máis de 3.000 m² con restaurante, cafetería e discoteca na que se adoitan celebrar concertos.
• Zonafit, ximnasio de 2.500 m² situado nos baixos do estadio. O 31 de decembro de 2015 pechou as súas portas por mor da situación económica do club e pasará a acoller no futuro no mesmo local un museo sobre a historia do equipo.

Datos do club

Artigo principal: Traxectoria do Deportivo da Coruña.

Partido da Copa da UEFA entre o Lech Poznań e o Deportivo en 2008.

• Socios 17/18: 26.592
• Asistencia media tempada 2016-17: 22.602
• Tempadas en 1ª: 45
• Tempadas en 2ª: 39
• Tempadas en 2ªB: 1
• Tempadas en 3ª: 1
• Xogadores achegados á Selección española: 26
• Máximos goleadores: Bebeto (108), Makaay (96) e Diego Tristán (95)

Datos do club en primeira división

(ata a xornada 38 da tempada 2016-17)

Clasificación histórica na Liga (segundo a LFP): 11º Debut: Deportivo 2 - Castellón 1 (28 de setembro de 1941) Mellor posto: 1º (tempada 1999-00) Peor posto: 18º (tempada 2010-11) Postos máis repetidos: 2º e 14º, en 5 ocasións Partidos xogados: 1530 Gañados : 563 Perdidos : 575 Empatados : 392 Goles a favor: 2052 Goles en contra: 2193 Puntos: 1814 Maiores goleadas conseguidas: Como local: Deportivo 10 - Lleida 1 (1950-51) Como visitante: Albacete 2 - Deportivo 8 (1994-95) Maiores goleadas encaixadas: Como local: Deportivo 0 - FC Barcelona 8 (2015–16) Como visitante: Espanyol 7 - Deportivo 0 (1943-44) Maior número de puntos nunha tempada: 77 puntos (1996-97)

Mellores vagas: Gañando: 9 partidos (xornadas 17ª a 25ª 2011–12) Sen perder: 22 partidos (xornadas 27ª 1993–94 a 10ª 1994–95) Na mesma tempada: 17 partidos (xornadas 1ª a 17ª, 1996–97) Marcando: 25 partidos (xornadas 28ª 2000–01 a 14ª 2001–02) Imbatido: 7 partidos (xornadas 33ª 1993–94 a 1ª 1994–95) Máximos goleadores en primeira división: Bebeto (86), Makaay (79) e Diego Tristán (77) Nunha mesma tempada: Makaay e Bebeto (29) Xornadas seguidas marcando: Bebeto (7), Rivaldo (6) e Makaay (6) Xogadores con máis partidos en primeira división: Fran (435), Mauro Silva (369) e Manuel Pablo (341) Xogadores con máis minutos en primeira división: Fran (32.310), Mauro Silva (31.208) e Manuel Pablo (28.820) Xogador máis novo: Marcos Vales, 17 anos e 350 días (xornada 31ª 1992–93) Xogador máis vello: Donato, 40 anos e 173 días (xornada 38ª 2002–03)

Partidos históricos en primeira división

Partidos históricos en primeira división
Tempada	Local	Resultado	Visitante	Estadio	Notas
1941-42	Deportivo da Coruña	2–1	Castelló	Riazor	Primeira vitoria en Primeira
	Deportivo da Coruña	1–0	Real Madrid	Riazor
	Espanyol	1–2	Deportivo da Coruña	Sarrià	Primeira vitoria en Primeira coma visitante
	Deportivo da Coruña	4–0	Celta de Vigo	Riazor
	Deportivo da Coruña	1–0	FC Barcelona	Riazor
1942-43	Celta de Vigo	0–1	Deportivo da Coruña	Balaídos
	Deportivo da Coruña	3–1	Celta de Vigo	Riazor
1943-44	Deportivo da Coruña	3–2	Celta de Vigo	Riazor
1944-45	Deportivo da Coruña	4–1	Atlético de Madrid	Riazor
1946-47	Deportivo da Coruña	3–2	FC Barcelona	Riazor
	Deportivo da Coruña	8–1	Castelló	Riazor
1948-49	Deportivo da Coruña	6–2	Nàstic de Tarragona	Riazor
	Deportivo da Coruña	6–1	Alcoiano	Riazor
1949-50	Deportivo da Coruña	3–0	Real Madrid	Riazor
	Deportivo da Coruña	3–0	FC Barcelona	Riazor
	Deportivo da Coruña	5–1	Valencia	Riazor
	Celta de Vigo	2–3	Deportivo da Coruña	Balaídos
	Athletic Club	2–2	Deportivo da Coruña	San Mamés	Última xornada. Campión durante máis de 30 minutos.
1950-51	Deportivo da Coruña	4–1	Celta de Vigo	Riazor
	Deportivo da Coruña	5–0	Real Madrid	Riazor
	Valencia	0–3	Deportivo da Coruña	Mestalla
	Deportivo da Coruña	10–1	Lleida	Riazor	Maior goleada na historia do Deportivo
	Deportivo da Coruña	3–0	Atlético de Madrid	Riazor
	Celta de Vigo	1–2	Deportivo da Coruña	Balaídos
	Deportivo da Coruña	2–0	FC Barcelona	Riazor
	Deportivo da Coruña	4–0	Athletic Club	Riazor
1951-52	Deportivo da Coruña	3–0	Celta de Vigo	Riazor
1952-53	Deportivo da Coruña	5–0	Sporting de Xixón	Riazor
	Deportivo da Coruña	5–1	Atlético de Madrid	Riazor
	Deportivo da Coruña	3–2	Celta de Vigo	Riazor
	Celta de Vigo	1–3	Deportivo da Coruña	Riazor	Promoción para manterse en Primeira
1953-54	Deportivo da Coruña	6–0	Real Xaén	Riazor
	Deportivo da Coruña	1–0	FC Barcelona	Riazor
1954-55	Deportivo da Coruña	4–2	Celta de Vigo	Riazor
1955-56	Real Madrid	1–2	Deportivo da Coruña	Santiago Bernabéu	Primeira vitoria no Bernabéu
	Deportivo da Coruña	5–0	Celta de Vigo	Riazor
	Deportivo da Coruña	5–0	Real Sociedade	Riazor
1956-57	Deportivo da Coruña	4–0	Real Sociedade	Riazor
1962-63	Deportivo da Coruña	1–0	FC Barcelona	Riazor
1964-65	Deportivo da Coruña	4–0	Sevilla	Riazor
1966-67	Deportivo da Coruña	4–1	Real Zaragoza	Riazor
1968-69	Deportivo da Coruña	1–0	FC Barcelona	Riazor
1971-72	Deportivo da Coruña	3–0	Valencia	Riazor
	Deportivo da Coruña	1–0	Real Madrid	Riazor
1972-73	Deportivo da Coruña	1–0	Celta de Vigo	Riazor
1991-92	Deportivo da Coruña	2–1	Betis	Riazor	Promoción para manterse en Primera
1992-93	Deportivo da Coruña	3–2	Real Madrid	Riazor	0–2 min.25. Nace o SúperDepor.
1993-94	Deportivo da Coruña	4–0	Real Madrid	Riazor
	Valencia	1–3	Deportivo da Coruña	Mestalla	Único gol de Mauro Silva no Depor.
	Real Oviedo	2–5	Deportivo da Coruña	Carlos Tartiere
	Deportivo da Coruña	0–0	Valencia	Riazor	Última xornada. Min.90, penalti fallado. Perde a liga.
1994-95	Celta de Vigo	0–2	Deportivo da Coruña	Balaídos
	Albacete	2–8	Deportivo da Coruña	Carlos Belmonte	Maior goleada coma visitante
1995-96	Deportivo da Coruña	5–0	Albacete	Riazor	Os cinco goles de Bebeto
	Rayo Vallecano	0–6	Deportivo da Coruña	Teresa Rivero
	Deportivo da Coruña	3–0	Real Madrid	Riazor	Hattrick de Bebeto
	Salamanca	0–5	Deportivo da Coruña	Helmántico
1998-99	Deportivo da Coruña	4–0	Real Madrid	Riazor
1999-00	Deportivo da Coruña	5–2	Sevilla	Riazor
	Deportivo da Coruña	1–0	Celta de Vigo	Riazor
	Deportivo da Coruña	5–2	Real Madrid	Riazor
	Deportivo da Coruña	2–0	Espanyol	Riazor	Campión de Liga
2000-01	Deportivo da Coruña	1–0	Celta de Vigo	Riazor
	FC Barcelona	2–3	Deportivo da Coruña	Camp Nou	Primeira vitoria no Camp Nou
	Deportivo da Coruña	2–2	Real Madrid	Riazor	0–2 min.44. 5 lanzamentos ós paus.
2001-02	Celta de Vigo	0–2	Deportivo da Coruña	Balaídos
	Deportivo da Coruña	5–0	Mallorca	Riazor	Hattrick de Diego Tristán en 12 minutos
	Deportivo da Coruña	3–0	Real Madrid	Riazor
2002-03	Deportivo da Coruña	3–0	Celta de Vigo	Riazor
	Deportivo da Coruña	6–0	Alavés	Riazor	Hattrick de Diego Tristán e dous goles de Roy Makaay
	FC Barcelona	2–4	Deportivo da Coruña	Camp Nou	Doblete de Roy Makaay
2003-04	FC Barcelona	0–2	Deportivo da Coruña	Camp Nou
	Celta de Vigo	0–5	Deportivo da Coruña	Balaídos	Hattrick de Víctor Sánchez
	Deportivo da Coruña	5–1	Atlético de Madrid	Riazor
	Deportivo da Coruña	3–0	Celta de Vigo	Riazor
2004-05	Real Madrid	0–1	Deportivo da Coruña	Santiago Bernabéu
2005-06	Celta de Vigo	0–3	Deportivo da Coruña	Balaídos
	Deportivo da Coruña	3–1	Real Madrid	Riazor
2006-07	Deportivo da Coruña	2–0	Real Madrid	Riazor
2007-08	Deportivo da Coruña	3–1	Real Valladolid	Riazor	Xornada 21ª a 5 puntos da salvación, "resurrección"
	Deportivo da Coruña	2–0	FC Barcelona	Riazor
2008-09	Deportivo da Coruña	2–1	Real Madrid	Riazor
2012-13	Deportivo da Coruña	3–1	Celta de Vigo	Riazor
2014-15	FC Barcelona	2-2	Deportivo da Coruña	Camp Nou	Remontando un 2-0 adverso o Deportivo conseguiu a salvación
2015-16	FC Barcelona	2-2	Deportivo da Coruña	Camp Nou	Remontando un 2-0 adverso no Camp Nou por segunda tempada consecutiva
2015-16	Villarreal CF	0-2	Deportivo da Coruña	El Madrigal	Permanencia matemática

Datos do club na copa do rei

• Participacións na copa do rei: 84
  • Maior número de participacións consecutivas: 56 (desde a edición 1958-59)
• Debut na Copa: Español de Madrid 1 - Deportivo 0 (23 de maio de 1910)
• Mellores clasificacións:
  • Campión: 2 veces (1994–95 e 2001–02)
  • Finalista: 1 vez (1910)
  • Semifinalista: 6 veces
  • Cuartos de final: 14 veces

Datos do club en competicións europeas

• Participacións en competicións europeas: 13
  • 5 na Liga de Campións (consecutivas)
  • 5 na Copa da UEFA
  • 1 na Recopa de Europa
  • 2 na Copa Intertoto
• Mellores clasificacións:
  • Na Liga de Campións: Semifinal (2003–04)
  • Na Recopa de Europa: Semifinal (tempada 1995–96)
  • Na Copa da UEFA: Oitavos de final (1993–94, 1994–95, 1999–00)
  • Na Copa Intertoto da UEFA: Campión (2008)

Torneo	Partidos xogados	Vitorias	Empates	Derrotas	Goles a favor	Goles en contra
Liga de Campións	58	23	15	20	74	79
Previa da Liga de Campións	4	2	2	0	4	0
Copa da UEFA	32	14	5	13	43	36
Copa Intertoto da UEFA	10	8	0	2	18	10
Recopa de Europa	8	4	2	2	14	3
Total	112	51	24	37	153	128

Partidos históricos en Europa

Partidos históricos en Europa
Tempada	Local	Resultado	Visitante	Liga	Estadio
1993-94	Deportivo da Coruña	5–0	Aalborg	UEFA	Riazor
	Aston Villa	0–1	Deportivo da Coruña	UEFA	Villa Park
	Deportivo da Coruña	1–0	Borussia Dortmund	UEFA	Riazor
1994-95	Deportivo da Coruña	4–1	Rosenborg	UEFA	Riazor
1995-96	Deportivo da Coruña	8–0	APOEL	Recopa	Riazor
1999-00	Deportivo da Coruña	4–2	Panathinaikos	UEFA	Riazor
	Deportivo da Coruña	2–1	Arsenal	UEFA	Riazor
2000-01	Deportivo da Coruña	2–1 (2–1 min.93)	Hamburgo	Liga de Campións	Riazor
	Deportivo da Coruña	1–0	Panathinaikos	Liga de Campións	Riazor
	Paris Saint-Germain	1–3	Deportivo da Coruña	Liga de Campións	Parc des Princes
	Deportivo da Coruña	2–0	Galatasaray	Liga de Campións	Riazor
	Deportivo da Coruña	4–3 (0–3 min.54)	Paris Saint-Germain	Liga de Campións	Riazor
	Deportivo da Coruña	2–0	Leeds United	Liga de Campións	Riazor
2001-02	Deportivo da Coruña	2–1 (0–1 min.85)	Manchester United	Liga de Campións	Riazor
	Manchester United	2–3	Deportivo da Coruña	Liga de Campións	Old Trafford
	Deportivo da Coruña	2–0	Arsenal	Liga de Campións	Riazor
	Deportivo da Coruña	2–0	Juventus	Liga de Campións	Riazor
	Arsenal	0–2	Deportivo da Coruña	Liga de Campións	Highbury
2002-03	Bayern de Múnic	2–3	Deportivo da Coruña	Liga de Campións	Olympiastadion
	Deportivo da Coruña	3–1	Lens	Liga de Campións	Riazor
	Deportivo da Coruña	2–1	Bayern de Múnic	Liga de Campións	Riazor
	AC Milan	1–2	Deportivo da Coruña	Liga de Campións	San Siro
	Deportivo da Coruña	1–0	Basilea	Liga de Campións	Riazor
	Deportivo da Coruña	2–0	Manchester United	Liga de Campións	Riazor
2003-04	Deportivo da Coruña	2–0	PSV Eindhoven	Liga de Campións	Riazor
	Deportivo da Coruña	1–0	Mónaco	Liga de Campións	Riazor
	Deportivo da Coruña	3–0	AEK Atenas	Liga de Campións	Riazor
	Deportivo da Coruña	1–0	Juventus	Liga de Campións	Riazor
	Juventus	0–1	Deportivo da Coruña	Liga de Campións	Stadio delle Alpi
	Deportivo da Coruña	4–0 (4–1 na ida)	AC Milan	Liga de Campións	Riazor
2005	Deportivo da Coruña	2–1	Newcastle United	Intertoto	Riazor
	Newcastle United	1–2	Deportivo da Coruña	Intertoto	St James' Park
	Deportivo da Coruña	2–0	Olympique de Marsella	Intertoto	Riazor
2008-09	Deportivo da Coruña	2–0 (2–0 na ida)	SK Brann	UEFA	Riazor
	Deportivo da Coruña	3–0	Feyenoord	UEFA	Riazor
	Deportivo da Coruña	1–0	Nancy	UEFA	Riazor

Historial na liga

Para maior detalle véxase: Traxectoria do Deportivo da Coruña.

Tempada División Posto Copa do Rei 1929 2ª 8º 1929/30 2ª 7º 1/16 de final 1930/31 2ª 9º 1/16 de final 1931/32 2ª 6º 1/4 de final 1932/33 2ª 5º 1/4 de final 1933/34 2ª 7º 1/8 de final 1934/35 2ª 7º 4ª rolda 1935/36 2ª 7º 2ª rolda 1939/40 2ª 1º / 2º 1/8 de final 1940/41 2ª     2º / 3º 3ª rolda 1941/42 1ª 4º 1/8 de final 1942/43 1ª 9º 1/4 de final 1943/44 1ª 12º 1/8 de final 1944/45 1ª     14º 1ª rolda 1945/46 2ª     2º 1ª rolda 1946/47 1ª     13º 1ª rolda 1947/48 2ª     2º 6ª rolda 1948/49 1ª 12º 1/8 de final 1949/50 1ª 2º 1/8 de final 1950/51 1ª 12º 1/8 de final 1951/52 1ª 11º 1/8 de final 1952/53 1ª 14º 1953/54 1ª 7º 1/8 de final

Tempada División Posto Copa do Rei 1954/55 1ª 7º 1/4 de final 1955/56 1ª 12º 1/8 de final 1956/57 1ª     15º 1/4 de final 1957/58 2ª 13º 1958/59 2ª 7º 1/8 de final 1959/60 2ª 4º 1/16 de final 1960/61 2ª 3º 1/16 de final 1961/62 2ª     1º 1/16 de final 1962/63 1ª     14º 1/16 de final 1963/64 2ª     1º 1/8 de final 1964/65 1ª     16º 1/8 de final 1965/66 2ª     1º 1/8 de final 1966/67 1ª     16º 1/8 de final 1967/68 2ª     1º 1ª rolda 1968/69 1ª 10º 1/4 de final 1969/70 1ª     14º 1/16 de final 1970/71 2ª     3º 1/4 de final 1971/72 1ª 14º 4ª rolda 1972/73 1ª     17º 1/4 de final 1973/74 2ª     18º 4ª rolda 1974/75 3ª     1º 3ª rolda 1975/76 2ª 5º 1ª rolda 1976/77 2ª 11º 3ª rolda

Tempada División Posto Copa do Rei 1977/78 2ª 8º 3ª rolda 1978/79 2ª 15º 3ª rolda 1979/80 2ª     18º 2ª rolda 1980/81 2ªB     2º 1ª rolda 1981/82 2ª 12º 1/4 de final 1982/83 2ª 4º 1/8 de final 1983/84 2ª 9º 1/4 de final 1984/85 2ª 13º 1/8 de final 1985/86 2ª 6º 3ª rolda 1986/87 2ª 2º 3ª rolda 1987/88 2ª 16º 3ª rolda 1988/89 2ª 10º Semifinais 1989/90 2ª 4º 1ª rolda 1990/91 2ª     2º 1/8 de final 1991/92 1ª 17º Semifinais 1992/93 1ª 3º 4ª rolda 1993/94 1ª 2º 1/8 de final 1994/95 1ª 2º Campión 1995/96 1ª 9º 1/8 de final 1996/97 1ª 3º 1/8 de final 1997/98 1ª 12º 1/4 de final 1998/99 1ª 6º Semifinais 1999/00 1ª 1º 1/8 de final

Tempada División Posto Copa do Rei 2000/01 1ª 2º 1/16 de final 2001/02 1ª 2º Campión 2002/03 1ª 3º Semifinais 2003/04 1ª 3º 1/8 de final 2004/05 1ª 8º 1/16 de final 2005/06 1ª 8º Semifinais 2006/07 1ª 13º Semifinais 2007/08 1ª 9º 1/16 de final 2008/09 1ª 7º 1/8 de final 2009/10 1ª 10º 1/4 de final 2010/11 1ª     18º 1/4 de final 2011/12 2ª     1º 1/16 de final 2012/13 1ª     19º 1/16 de final 2013/14 2ª     2º 3ª rolda 2014/15 1ª 16º 1/16 de final 2015/16 1ª 15º 1/8 de final 2016/17 1ª 16° 1/8 de final 2017/18 1ª     18º 1/16 de final 2018/19 2ª - 2ª rolda

Récords

• Primeiro equipo español que venceu o Bayern de Múnic na súa casa en competición internacional, sendo o único equipo español que o conseguiu facer no Olímpico de Múnic.
• Segundo equipo español que venceu o Manchester United na súa casa en competición internacional, sendo o sexto equipo estranxeiro que o acadou.
• Remontada histórica e sen precedentes na Liga de Campións fronte ó AC Milan en Riazor ó gañar 4–0 cando viñan de perder por 4–1 no estadio de San Siro.
• Récord histórico de vitorias (29) e puntos (91) da segunda división na tempada 2011–12.

Xogadores

Categoría principal: Xogadores do Deportivo da Coruña.

Cadro 2019/20

Unha xogada do partido Celta-Deportivo na tempada 2012–13, o 27 de outubro.

Datos do 27 de agosto de 2019

Nº Posto País Xogador 1 POR Dani Giménez 2 DEF David Simón 3 DEF Michele Somma 4 MED Álex Bergantiños 5 DEF Vassilis Lambropoulos 6 MED Peru Nolaskoain 7 DIA Borja Valle 8 MED Vicente Gómez 9 DIA Christian Santos 10 MED Ager Aketxe

Nº Posto País Xogador 12 DIA Samuele Longo 13 POR Koke Vegas 14 DEF Luis Ruiz 17 DEF Diego Caballo 19 DIA Mamadou Koné 21 DIA Diego Rolán 22 MED Gaku Shibasaki 23 MED Borja Galán 24 DEF Eneko Bóveda

• Capitán
• Segundo as normas da LFP, os xogadores do primeiro equipo deberán levar os dorsais do 1 ao 25. A partir do 26, serán xogadores do equipo filial.

Altas e baixas 2018/19

Altas
Xogador	Nacionalidade	Posición	Procedencia	Tipo	Custo
Dani Giménez			Betis	Libre.	0€
Adrián Ortolá			Barcelona	Cesión.	0€
Sebastián Dubarbier			Estudiantes	Libre.	0€
David Simón			Las Palmas	Libre.	0€
Michele Somma			FC Bari 1908	Libre.	0€
Pablo Marí			Manchester City	Cedido.	0€
Domingos Duarte			Sporting CP	Cedido.	0€
Vicente Gómez			Las Palmas	Libre.	0€
Pedro Sánchez			Granada	Libre.	0€
Didier Moreno			Independiente Medellín	Cesión.	0€
Christian Santos			Alavés	Libre.	0€
Carlos Fernández			Sevilla	Cesión.	0€
Quique González			Osasuna	Traspaso.	1.700.000 €

Baixas
Xogador	Nacionalidade	Posición	Destino	Tipo	Ingreso
Francis Uzoho			Elche	Cedido.	0€
Przemysław Tytoń				Rescisión de contrato.	0€
Maksym Koval			Dynamo Kyiv	Fin de cesión.	0€
Luisinho			Huesca	Traspaso.
Róber Pier			Levante	Cesión.	0€
Raúl Albentosa			Gimnàstic	Cesión.	0€
Fabian Schär			Newcastle	Traspaso.
Guilherme			Olympiacos	Traspaso.
Federico Valverde			Real Madrid	Fin de cesión.	0€
Zakaria Bakkali			Valencia	Fin de cesión.	0€
Sulley Muntari				Fin de contrato.	0€
Florin Andone			Brighton & Hove Albion	Traspaso.	6.000.000 €
Lucas Pérez			Arsenal	Fin de cesión.	0€
Adrián López			Porto	Fin de cesión.	0€

Goleadores históricos

Artigo principal: Goleadores do Deportivo da Coruña.

Máximos goleadores en Primeira División

Xogador	Partidos	Goles
Bebeto	131	86
Makaay	133	79
Tristán	179	77
Pahiño	72	46
Fran	435	44
Franco	74	42
Tino	138	39
Djalminha	137	38
Riki	174	38
Donato	303	38

Máximos goleadores por tempada
Tempada	Xogador	P.Xogados	P.Titular	Minutos	Goles	Cos mesmos goles
1941–42	José González	24	24	2.160	11
1942–43	Paquirri	18	18	1.620	11
1943–44	Paquirri	17	17	1.530	7
1944–45	Guimeráns	26	26	2.340	8
1946–47	Latorre	8	8	720	7
1948–49	Franco	23	23	2.070	14	Marquínez
1949–50	Franco	25	25	2.250	14
1950–51	Tino	30	30	2.700	16
1951–52	Moll	17	17	1.530	7	Arsenio Oswaldo
1952–53	Oswaldo	21	21	1.890	11
1953–54	Pahiño	28	28	2.520	14
1954–55	Pahiño	22	22	1.980	18
1955–56	Pahiño	22	22	1.931	14
1956–57	Arsenio Iglesias	24	24	2.160	8
1962–63	Veloso	27	27	2.415	13
1964–65	Montalvo	30	30	2.700	8
1966–67	Pellicer	16	16	1.440	6
1968–69	Beci	27	27	2.406	11
1969–70	Chapela	18	13	1.319	5
1971–72	Beci	26	21	2.014	4	Cervera Juanito Manolete
1972–73	Rubiñán	34	30	2.784	4
1991–92	Claudio	34	34	2.927	10
1992–93	Bebeto	37	37	3.110	29
1993–94	Bebeto	34	34	2.962	16
1994–95	Bebeto	26	25	2.243	16
1995–96	Bebeto	34	34	2.891	25
1996–97	Rivaldo	41	41	3.524	21
1997–98	Djalminha	26	26	2.209	8
1998–99	Turu Flores	36	30	2.632	14
1999–00	Makaay	36	34	2.824	22
2000–01	Diego Tristán	29	22	1.839	19
2001–02	Diego Tristán	34	25	2.105	20
2002–03	Makaay	38	38	3.230	29
2003–04	Pandiani	28	15	1.541	13
2004–05	Luque	37	26	2.332	11
2005–06	Diego Tristán	36	27	2.310	11
2006–07	Arizmendi	33	32	2.721	5
2007–08	Xisco	25	23	1.627	9
2008–09	Lafita	32	25	2.304	8
2009–10	Riki	26	18	1.492	8
2010–11	Adrián	36	31	2.663	8
2012–13	Riki	36	36	2.700	13
2014–15	Lucas Pérez	21	20	1.554	6
2015–16	Lucas Pérez	36			17
2016–17	Florin Andone	37			12

Máximos goleadores en Europa

Xogador	Partidos Champions	Goles	Partidos UEFA	Goles	Partidos Recopa	Goles	Total partidos	Total goles
Makaay	29	12	8	3	-	-	37	15
Tristán	45	15	-	-	-	-	45	15
Bebeto	-	-	7	7	5	6	12	13
Pandiani	44	13	-	-	-	-	44	13
Djalminha	18	5	9	4	-	-	27	9

Xogadores con máis participacións

Xogadores con máis partidos en primeira división

Xogador	Tempadas	Partidos
Fran	14 (1991–2005)	435
Mauro Silva	13 (1992-2005)	369
Manuel Pablo	15 (1998- )	341
Donato	10 (1993-2003)	303
Sergio	9 (2001-2010 )	294
Valerón	13 (2000-2013)	289
Acuña	13 (1941-1954)	231
Romero	8 (1998-2006)	218
Đukić	6 (1991-1997)	212
Naybet	8 (1996-2004)	211

Xogadores con máis partidos en Europa

Xogador	Liga de Campións	Copa da UEFA	Recopa de Europa	Total
Fran	43	17	6	66
Mauro Silva	43	14	2	59
Valerón	48	10	-	58
Scaloni	52	5	-	57
Romero	50	7	-	57
Naybet	46	10	-	56
Víctor	45	7	-	52
Donato	26	17	7	50

Distincións individuais de futbolistas

Pichichis

Tempada	Xogador	Goles	Partidos	Notas
EN PRIMEIRA DIVISIÓN
1992–93	Bebeto	29	37
2001–02	Diego Tristán	21	34
2002–03	Roy Makaay	29	38	Logrou a Bota de Ouro
EN SEGUNDA DIVISIÓN
1960–61	Veloso	24	24
1961–62	Amancio Amaro	27	26
1977–78	Alfonso Castro	24	34
1982–83	José Luis Vara	16	32

Zamoras

Tempada	Xogador	Partidos	Goles	Media	Notas
1941–42	Juan Acuña	26	37	1.42
1942–43	Juan Acuña	25	31	1.24
1949–50	Juan Acuña	22	29	1.31
1950–51	Juan Acuña	26	36	1.38
1953–54	Juan Ignacio Otero	25	35	1.40
1992–93	Francisco Liaño	37	31	0.83	Igualado con Santiago Cañizares
1993–94	Francisco Liaño	38	18	0.47	Media histórica máis baixa
1996–97	Jacques Songo'o	37	28	0.76

Bota de Ouro

Tempada	Xogador	Goles	Partidos
2002–03	Roy Makaay	29	38

Premios Don Balón

Tempada	Xogador	Premio
1992–93	Fran	Mellor xogador español
	Miroslav Đukić	Mellor xogador estranxeiro

Corpo técnico

Cargo	Técnico(s)
Secretario Técnico	Ángel Becerra
Adestrador(es)	Luis César Sampedro
Preparador(es) físico(s)	Julio Hernando Franganillo
Adestrador de porteiros	Yván Castillo
Delegado	Juan Ángel Barros Botana
Psicólogo	José Gordillo
Fisioterapeuta(s)	Adolfo Adán Antón
Servizos Médicos	Carlos Lariño José Ramón Barral
Encargado(s) do material	Jesús Méndez Javier Rego
Director de observadores	Ernesto Bello

Últimos adestradores

Artigo principal: Adestradores do Deportivo da Coruña.

O actual adestrador do Deportivo é Luis César Sampedro.

Ao longo da historia do equipo coruñés teñen pasado polo banquiño branquiazul 69 adestradores, entre os que salientan nomes como Arsenio Iglesias, nado en Arteixo (coñecido como "O zorro de Arteixo") e que fora xogador do equipo, co que o Deportivo subiu a primeira división e gañou a súa primeira copa do rei, ou Javier Irureta, adestrador que gañou a única liga da historia branquiazul, a famosa e recordada copa do rei do "Centenariazo" (fronte o Real Madrid, na súa casa, o día que este club cumpría cen anos) e co que conseguiu cinco participacións consecutivas na Liga de Campións, sendo o único club español que o fixo, xunto co Real Madrid. Posteriormente seguíronlle técnicos como Joaquín Caparrós, que adestrou o equipo durante dúas tempadas, antes da chegada de Miguel Ángel Lotina, que estivo catro anos no equipo, ata o seu descenso a segunda división, sendo sucedido José Luis Oltra, que dirixiu o equipo en Segunda, proclamándose campión no seu primeiro ano e ascendendo novamente a Primeira, e que foi destituído logo dos malos resultados nas primeiras xornadas da súa segunda tempada como adestrador branquiazul.

O galego Fernando Vázquez foi adestrador na tempada 2012–2013, logo da renuncia de Domingos Paciência, técnico portugués que substituíu a metade da tempada 2012–13 a José Luis Oltra, que estivo unha tempada e parte da segunda no equipo.

Fernando Vázquez foi destituído no medio das tempadas 2013-14 a 2014-15 logo dunhas polémicas declaracións despois de acadar que o equipo volvese á primeira división.

Na tempada 2014-2015 o adestrador foi Víctor Fernández pero foi substituído 8 xornadas antes do remate da tempada por Víctor Sánchez del Amo debido á falta de vitorias do equipo. O técnico madrileño sería destituído ó finalizar a tempada a causa dos malos resultados na segunda volta.

Adestrador	Período	Logros
Arsenio Iglesias	1992–1995	1 copa do rei 2 Subcampionatos de Liga
John B. Toshack	1995–1997	1 Supercopa de España
Carlos Alberto Silva	1996–1997	1 Semifinal da Recopa de Europa
José Manuel Corral	1997–1998
Javier Irureta	1998–2005	1 Liga 1 copa do rei 2 Supercopas de España 2 Subcampionatos de Liga 1 Semifinal da Liga de Campións
Joaquín Caparrós	2005–2007	Subcampión da Copa Intertoto
Miguel Ángel Lotina	2007–2011	1 Copa Intertoto Descenso a Segunda División
José Luis Oltra	2011–2012	Ascenso como campións a primeira división
Domingos Paciência	2012–2013 (substituído a 15 xornadas do remate)
Fernando Vázquez	2012–2014	Descenso a Segunda División (2012-2013) Ascenso como subcampións a primeira división
Víctor Fernández	2014–2015 (substituído a 8 xornadas do remate)
Víctor Sánchez del Amo	2014–2016
Gaizka Garitano	2016-2017 (substituído a 14 xornadas do remate)
Pepe Mel	2017 (substituído a 29 xornadas do remate)
Cristóbal Parralo	2017-2018 (substituído a 16 xornadas do remate)
Clarence Seedorf	2018	Descenso a Segunda División (2017-2018)
Natxo González	2018-2019 (substituído a 9 xornadas do remate)
José Luis Martí	2019
Juan Antonio Anquela	2019
Luis César Sampedro	2019-

Presidencia

Augusto César Lendoiro, presidente do club dende 1988 até 2014.

Artigo principal: Presidentes do Deportivo da Coruña.

O Deportivo tivo 45 presidentes ó longo dos seus 113 anos de historia, incluíndo as segundas presidencias de Virgilio Rodríguez, Carlos Allones e Aurelio Ruenes. O primeiro foi Luís Cornide Quiroga e o actual é Paco Zas.

O 24 de decembro de 2013, Lendoiro anunciou que non se presentaría á reelección como presidente. Tras o anuncio desta decisión, Augusto César Lendoiro, poñía fin a vinte e cinco anos de mandato ininterrompidos, o máis longo da historia do fútbol español. Sucedeuno Constantino Fernández Pico, que accedeu ó cargo o 21 de xaneiro de 2014, tras obter unha maioría absoluta co 72,09% dos votos dos accionistas, impóndose así a Manuel López Cascallar. Ocupou o cargo pouco máis de 5 anos, ata a súa dimisión, que anunciou en abril de 2019 tras os malos resultados dese ano na Segunda División. Paco Zas, foi elixido polos accionistas como novo presidente do club o 28 de maio de 2019.

Directiva

Presidente: Paco Zas

Orzamento

Tempada	2006–07	2007–08	2008–09	2009–10	2010–11	2011–12	2012–13	2013–14	2014–15	2015–16
Orzamento (millóns de €)	71,1	65	60	56	55	45	40	39,76	30,7	30,07

Fonte: Guía Marca 2012/13

Palmarés

Imaxe do banco de Riazor no que se amosan a Liga 1999/00 e as Copas 1994/95 e 2001/02 gañadas polo Deportivo.

Artigo principal: Palmarés do Deportivo da Coruña.

Torneos nacionais

Competición	Títulos	Subcampionatos
Campionato de Galicia (6/7)	1926-1927, 1927-1928, 1930-1931, 1932-1933, 1936-1937, 1939-1940	1919-1920, 1924-1925, 1925-1926, 1929-1930, 1931-1932, 1933-1934, 1938-1939
Copa Galicia (1/2)	1945-1946	1935-1936, 1964-1965
Copa Federación Galega de Fútbol (0/1)		1946-1947
Copa Galiza (0/1)		2007-2008

Torneos estatais

Copa do Rei gañada en 1995.

Competición	Títulos	Subcampionatos
Liga de España (1/5)	1999-2000	1949-1950, 1993-1994, 1994-1995, 2000-2001, 2001-2002
Copa do Rei (2)	1994-1995, 2001-2002
Supercopa de España (3)	1995, 2000, 2002
Segunda División (5/5)	1961-1962, 1963-1964, 1965-1966, 1967-1968, 2011-2012	1939-1940, 1945-1946, 1947-1948, 1990-1991, 2013-2014
Copa da Liga de Segunda División (0/1)		1982-1983
Segunda División B (0/1)		1980-1981
Terceira División (1)	1974-1975

Torneos continentais

• Semifinalista da Liga de Campións: 2003-04
• Semifinalista da Recopa de Europa: 1995-96
• Subcampión da Copa Intertoto: 2005

Premios e distincións

• Medalla de Ouro de Galicia.
• Medalla de Ouro da Coruña.
• Medalla de Ouro da Universidade da Coruña.
• Placa de Prata da Real Orde do Mérito Deportivo.
• Copa Foronda (1): 1947–48
• Premio Xogo Limpo da RFEF (2): 2001–02, 2007–08
• Premio Xogador Nº12 da LFP (2): 2011–12, 2013-14

Seareiros

Peñas (2003)
País	Número de peñas
Galicia	244
España	18
Suíza	9
Estados Unidos	4
Reino Unido	2
Venezuela	2
Alemaña	1
Arxentina	1
Australia	1
Bélxica	1
Brasil	1
Francia	1
México	1
Países Baixos	1

Durante a tempada 2011-2012 o Deportivo superou a cifra de 25.000 socios, sendo nese momento con diferenza o equipo de segunda división con máis socios.

Agrupacións de afeccionados

O Deportivo ten numerosas agrupacións tanto na cidade da Coruña, como en Galicia, no Estado español e tamén no estranxeiro, sendo o equipo galego con máis socios, agrupacións e representantes en todo o mundo. En 2003 tiña un total de 287 agrupacións: 244 en Galicia (211 na provincia da Coruña), 18 no resto de España, 15 no resto de Europa, 9 en América e 1 en Australia. O número foi aumentando notablemente desde 1952 cando se fundou a primeira delas. Sobre todo cabe destacar o aumento a finais do século XX, xa que en 1988 había 7 grupos, en 1995 xa eran 118, e no ano 2000 superáronse as 200 ata chegar ás 287 de 2003. Non obstante, en abril de 2012, durante a súa estancia na segunda división, a web do club amosaba que a cifra de asociacións baixara ata as 156.

O conxunto de agrupacións están organizadas, desde 1998, na Federación de Peñas do Deportivo que adoita organizar unha feira anual adicada a actos relacionados co club.

A agrupación máis importante por presenza nas bancadas (bandeiras, cántigas, murais etc.) e número de socios é a dos Riazor Blues.

Riazor Blues

Artigo principal: Riazor Blues.

É a agrupación máis animada do Estadio de Riazor e coas súas cancións, bandeiras e demais actos consegue tirar sempre do resto da bancada en tódolos partidos. O grupo formouse en 1987 e, a pesar de ser incluído como grupo ultra polo Ministerio do Interior de España, caracterízase polo seu comportamento habitualmente pacífico e por unha ideoloxía esquerdista, fundamentalmente antifascista. Se ben hai anos foron un dos grupos de afeccionados máis numeroso de España, con mais de 2.000 integrantes, en 2014 a cifra reducírase a 500, aínda que segundo a policía o número é menor, con 250 integrantes.

Canteira

Fabril

Artigo principal: Deportivo Fabril.

Xogadores do Fabril en 2016.

O filial do Deportivo é o Fabril. Foi fundado en 1914 co nome Fabril Foot-ball Club, sendo orixinariamente un club independente, mantendo dende 1948 un convenio de asociación co Real Club Deportivo. En 1963, converteuse no filial, adoptando o nome Fabril Deportivo, e tamén nese mesmo ano, fusionouse co Deportivo Xuvenil –club que tamén tivera un convenio de asociación co Real Club Deportivo ata ese momento–. En 1993 pasa a ser Deportivo da Coruña B. O 10 de xullo de 2017 o equipo recupera o seu nome tradicional, pasando a chamarse Real Club Deportivo Fabril.

Milita no Grupo 1º da Segunda División B. Xogou 10 tempadas en Segunda B, onde acadou o 3º posto nunha ocasión e o 4º noutras dúas tempadas, xogando tres promocións de ascenso nas que caeu eliminado. Ocupa o 21º posto na Clasificación histórica de filiais.

Categorías inferiores

O Deportivo conta con dous equipos xuvenís, dous cadetes, dous infantís, dous alevíns e dous benxamíns. O Xuvenil A foi campión nunha ocasión da Copa de Campións Xuvenil (1995–96) e en tres ocasións da División de Honra Xuvenil (1995–96, 2007–08 e 2009–10). O Xuvenil B gañou en sete ocasións a Liga Nacional Xuvenil (1997–98, 2006–07, 2007–08, 2008–09, 2009–10, 2012–13 e 2015–16).

Fútbol feminino

Artigo principal: Deportivo da Coruña Feminino.

O Karbo Deportivo foi o equipo de fútbol feminino do Deportivo durante a década de 1980, na que foi referencia do fútbol feminino en España: gañando a Campionatos de España de forma consecutivoa en 1983, 1984 e 1985, así como as primeiras edicións non oficiais de 1981 e 1982.

En 2016 o Deportivo volve contar cun equipo feminino logo dun acordo co Orzán SD. Esta sección recibe o nome Deportivo ABANCA por razóns de patrocinio.. Logo de tres tempadas na Segunda División española o Deportivo Feminino acadou o ascenso a Primeira División na tempada 2018/19. A sección conta ademáis cun filial que nesa mesma tempada ascendeu a Primeira Nacional.

Outras seccións

Ao longo da historia, o Deportivo contou con outras seccións deportivas, coma as de atletismo (con máis de 125 trofeos), hóckey a patíns (con máis de 60 trofeos), xadrez (con arredor de 25 trofeos), ciclismo (no que militou Delio Rodríguez, e que quedou en segunda posición por equipos na Vuelta a España 1942) ou traíñas, entre outras.

A Asociación de Veteranos do Deportivo, que foi fundada en 1995 e dende 2014 mantén un convenio co club, participou en competicións de fútbol indoor cun equipo formado por grandes xogadores que pasaron polo Deportivo, como Fran, Djalminha, Naybet, Songo'o ou Manjarín, gañando dúas ligas, en 2007/08 e 2009/10, e dúas copas de España, en 2008 e 2010. Nese intervalo de tres anos o equipo só perdeu nunha ocasión contra o FC Barcelona.

Galería de imaxes

Artigo principal: Galería de imaxes do Deportivo da Coruña.

Trofeo Teresa Herrera 2015 na Tenda do Deportivo en Marineda City.  Ronda do Real Club Deportivo de La Coruña.  Coroa e cinto.

Notas

Referencias