Aalborg Boldspilklub
O Aalborg Boldspilklub, tamén coñecido como Aalborg BK ou AaB, é un club polideportivo de Dinamarca, da cidade de Aalborg. Foi fundado en 1885 e posúe seccións de fútbol, hóckey sobre xeo e balonmán, todas elas competindo en máxima categoría das respectivas ligas do seu país.
| Aalborg BK | |||
|---|---|---|---|
| Nome | Aalborg Boldspilklub | ||
| Fundación | 13 de maio de 1885 | ||
| Estadio | Energi Nord Arena, Aalborg, Dinamarca  | ||
| Inauguración | 1960 | ||
| Capacidade | 16 000 | ||
| Presidente | Lynge Jakobsen | ||
| Adestrador |  Martin Jol | ||
| Liga | SAS Ligaen | ||
| 2009-10 | 5º | ||
| Na rede | |||
| http://www.aabsport.dk/ | |||
| |||
Fútbol editar
A sección de fútbol do Aalborg Boldklub creouse, como equipo afeccionado, en 1902. A tempada 1928/29 debutou na primeira división da liga danesa, e mantívose no máximo nivel ata 1947. Regresou á máxima categoría en 1963 e mantívose nela desde entón, salvo algún breve paréntese xogar en segunda división (1972, 1978 e 1981-1986).
En 1966 logrou o seu primeiro título, a Copa de Dinamarca, tras superar ao KB por 3-1 na prórroga. Repetiría final ao ano seguinte, aínda que nesa ocasión superoulle pola mínima o Randers Freja. Tan só tres anos despois, en 1970, conquistaba a súa segunda copa derrotando por 2-1 ao Lyngby BK na final.
A tempada 1994/95 gañou o seu primeiro título de liga. O equipo estaba dirixido por Poul Erik Andreasen e tiña como xogador máis destacado ao dianteiro Erik Bo Andersen, que foi máximo goleador da liga con 24 tantos. O título permitiu tamén ao AaB debutar na Liga de Campións da seguinte tempada. Aínda que inicialmente o Aalborg foi eliminado na primeira rolda polo Dinamo de Kíiv, posteriormente foi repescado tras a descualificación do club ucraíno, implicado nun escándalo de subornos. Deste xeito, o Aalborg converteuse no primeiro club danés en participar na fase de grupos da Liga de Campións da UEFA. A pesar de lograr unha vitoria por 2-1 sobre o Panathinaikos FC (equipo que logo chegaría ata semifinais) e un empate ante o campión portugués, o Porto, o Aalborg acabou último do seu grupo e foi eliminado.
A pesar da marcha da súa maior promesa, Jesper Grønkjær, o verán de 1998, a tempada 1998/99 o AaB proclamouse novamente campión da SAS Ligaen. O equipo estaba dirixido polo técnico sueco Hans Backe e tiña como xogadores máis destacados ao porteiro Jimmy Nielsen, o medio Stålle Solbakken e o dianteiro Søren Frederiksen, máximo goleador do equipo con 17 goles. Esa mesma tempada quedou ás portas do dobrete, ao perder a final de copa por 2-1 ante o AB.
Desde entón e ata a data a súa mellor actuación ligueira foi un terceiro posto logrado a tempada 2006/07, na que se destacou o seu dianteiro sueco Rade Prica, máximo anotador da competición.
Na tempada 2007/2008 conseguiu alzarse de novo coa SAS Ligaen e conseguir o seu terceiro título ligueiro.
Xogadores editar
Cadro 2009/10 editar
Actualizado a 22 de setembro de 2009.
|
|
.svg){kind=small}
