Deportienda
A Deportienda é a tenda oficial do Deportivo da Coruña, onde se venden os seus produtos oficiais. Actualmente hai tres tendas, na cidade da Coruña, ademais da tenda en liña.
Historia
editarO 5 de maio de 2000 estreouse a páxina web da Deportienda, dende a que se podían comprar os seus produtos de maneira online.[1]
A primeira Deportienda inaugurouse o 7 de agosto de 2001 nos novos locais comerciais resultantes das obras de ampliación na bancada de Tribuna do Estadio Municipal de Riazor. Accédese a ela dende a rúa de Manuel Murguía, na cidade da Coruña.[2]
O 21 de agosto de 2014 inaugurouse a segunda tenda, no centro comercial Marineda City, tamén na cidade da Coruña. Ten unha superficie de máis de 100 metros cadrados.[3]
O 31 de maio de 2019 o club abriu a súa terceira tenda, na céntrica rúa Real da Coruña, dun tamaño menor que as outras dúas tendas oficiais.[4]
Notas
editar- ↑ CanalDeportivo.com (5 de maio de 2000). "La DeporTienda abre sus puertas".
- ↑ CanalDeportivo.com (7 de agosto de 2001). "Resumen de prensa: La presentación y la Deportienda". Consultado o 26-02-2016.
- ↑ CanalDeportivo.com (22 de agosto de 2014). "Inaugurada la Deportienda de Marineda City".
- ↑ RC Deportivo (31 de maio de 2019). "Inaugurada unha nova DéporTienda na rúa Real da Coruña".