Constantino Fernández Pico
Constantino Fernández Pico, coñecido como Tino Fernández, nado na Coruña en 1966, é un empresario galego, cofundador e presidente da consultora tecnolóxica Altia.
| Biografía | |
|---|---|
| Nacemento | 1966 A Coruña |
| Datos persoais | |
| País de nacionalidade | Galicia |
| Educación | Universidade de Santiago de Compostela  |
| Actividade | |
| Ocupación | Empresario |
| Lingua | Lingua castelá |
Foi presidente do Deportivo da Coruña entre 2014 e 2019, en substitución do histórico Augusto César Lendoiro, e dende outubro de 2020 forma parte do consello de administración do Racing de Ferrol.
Traxectoria editar
Licenciado en Económicas pola Universidade de Santiago de Compostela, traballou como consultor en Arthur Andersen, antes de fundar en 1994 a consultora tecnolóxica Altia.[1] Foi adestrador de varios equipos de baloncesto, entre eles a selección galega infantil e cadete masculina.[2]
O 21 de xaneiro de 2014 foi elixido presidente do Deportivo da Coruña, en substitución de Augusto César Lendoiro. O empresario recibiu o apoio do 72,09% do capital social representado na Xunta de Accionistas.[3] Durante a súa presidencia tivo que facer fronte ao maior concurso de acredores do deporte español.[4] Uns meses despois da súa chegada despediu de xeito inesperado ao artífice do ascenso a Primeira División na tempada 2013/14, Fernando Vázquez, por unhas polémicas declaracións deste sobre as fichaxes do club.[5] Durante o seu mandato recuperouse a sección feminina e pechouse un acordo con Abanca sobre a débeda privilexiada do concurso.[6]
No plano deportivo o equipo conseguiu a permanencia en Primeira tres tempadas consecutivas ata o descenso na 2017/18. Na tempada seguinte o club pagou unha cláusula de rescisión ao Levante para incorporar a Carmelo del Pozo como novo secretario técnico e a Natxo González como adestrador. Os malos resultados en Segunda, onde o Deportivo a duras penas entrou na promoción de ascenso, provocou a dimisión por sorpresa en abril de 2020 de Tino Fernández e todo o consello de administración antes do fin da tempada.[7] Ocupou aínda o cargo até o 28 de maio de 2019, cando foi elixida a candidatura de Paco Zas para presidir o club coruñés.[8]
O 22 de outubro de 2020 anunciouse a súa incorporación ao consello de administración do Racing de Ferrol.[9]
Notas editar
- ↑ "Tino Fernández: el empresario que triunfa con Altia quiere 'rescatar' al Deportivo". Economía Digital Galicia (en castelán). Arquivado dende o orixinal o 05 de xullo de 2017. Consultado o 22 de outubro de 2020.
- ↑ Marco. "TINO FERNÁNDEZ, Presidente de Altia: "Altia aportará su granito de arena para el desarrollo del club"". www.uralcf.com (en castelán). Arquivado dende o orixinal o 03 de abril de 2016. Consultado o 2017-05-16.
- ↑ Tino Fernández pon o punto final a 25 anos de lendoirismo
- ↑ Verea, Fernando (27 de xuño de 2019). "El ´interruptus´ del Depor: 160 millones de deuda en 2013, concurso de acreedores, sanea sus arcas y pierde el ingreso de 80 millones al no ascender a la Liga Santander" (en castelán). Consultado o 22 de outubro de 2020.
- ↑ "El Deportivo justifica el despido de Vázquez en las críticas a sus fichajes". Faro de Vigo (en castelán). 10 de xullo de 2014. Consultado o 22 de outubro de 2020.
- ↑ "Abanca blinda el futuro económico del Deportivo (incluso en Segunda)" (en castelán). 30 de xuño de 2017. Arquivado dende o orixinal o 08 de febreiro de 2018. Consultado o 22 de outubro de 2020.
- ↑ "Dimite Tino Fernández e o resto do Consello de Administración do Deportivo". Diario de Pontevedra. 22 de abril de 2019. Consultado o 22 de outubro de 2020.
- ↑ "Paco Zas, cuadraxésimo terceiro presidente do RC Deportivo". Deportivo da Coruña. 28 de maio de 2019.
- ↑ Valencia, José (20 de outubro de 2020). "O expresidente do Deportivo Tino Fernández incorpórase ao consello de administración do Racing de Ferrol". La Voz de Galicia. Consultado o 22 de outubro de 2020.
| Predecesor: Augusto César Lendoiro |
Presidente do Deportivo da Coruña 2014−2019 |
Sucesor: Paco Zas |