Augusto César Lendoiro
Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde outubro de 2019.) |
Joaquín Augusto César Lendoiro, nado en Corcubión o 6 de xuño de 1945, é un dirixente deportivo e político galego, presidente do Deportivo da Coruña entre 1988 e 2014.
 (2009)  | |
| Biografía | |
|---|---|
| Nacemento | (es) Augusto Joaquín César Lendoiro 6 de xuño de 1945 (79 anos)Corcubión, España |
 Presidente da Deputación da Coruña | |
| 1995 – 1999 ← Salvador Fernández Moreda – José Luis Torres Colomer → | |
.svg){kind=small} Deputado no Congreso dos Deputados | |
| 28 de xuño de 1993 – 26 de setembro de 1995 – Hipólito Fariñas Sobrino → Lexislatura: V lexislatura de España Circunscrición electoral: Circunscrición electoral da Coruña Electo en: Eleccións Xerais 1993 en España | |
 Senador de España | |
| 1989 – 1990 Circunscrición electoral: A Coruña | |
 Presidente do Deportivo da Coruña | |
| 17 de xuño de 1988 – 21 de xaneiro de 2014 ← Luis Carlos Morato Miguel – Constantino Fernández Pico → | |
| Actividade | |
| Ocupación | político, dirixente deportivo |
| Partido político | Partido Popular |
  | |
Traxectoria
editarÁmbito deportivo
editarNacido en Corcubión, aos dous anos emigrou coa súa familia á Coruña, instalándose na avenida América, coñecida hoxe como rúa Pla y Cancela.[1] Durante a súa infancia tivo problemas de mobilidade, e no tempo que pasou na cama súa nai Josefa ensinoulle a ler utilizando exemplares do xornal deportivo Marca.[1] Posteriormente pasou por un par de colexios antes de ingresar nos Maristas, onde foi compañeiro e amigo de Paco Vázquez, futuro rival político.[1]
Comezou a xogar ao fútbol no monte de Santa Margarida e practicou outros deportes como balonmán, baloncesto, voleibol e atletismo.[2] Aos 15 anos converteuse no primeiro presidente do Ural CF, club que fundou xunto a varios amigos, entre eles Luis Mariñas,[3][4] e ao que dirixiu o club durante máis de dúas décadas, converténdoo nunha das principais canteiras de Galicia.[5][6]
Tras estudar Dereito na Universidade de Santiago de Compostela regresou á Coruña e a través do seu sogro conseguiu un posto de mestre e xerente do colexio Liceo La Paz.[3] Alí foi un dos fundadores e o principal impulsor do Hockey Club Liceo da Coruña, que nas seguintes décadas se convertería no club deportivo máis laureado da historia de Galicia. En decembro de 1975 accedeu á presidencia da Federación Coruñesa de Balonmán e ao ano seguinte converteuse tamén en presidente do Español de Santa Lucía. En xullo de 1983 foi elixido presidente do Liceo, sendo reelixido en 1985.[7]
En 1988 asumiu a presidencia do Deportivo da Coruña nun momento de fonda crise, tanto deportiva (co equipo coqueteando co descenso a Segunda División B) coma económica, cunha débeda próxima aos 500 millóns de pesetas. Nese ano o club salvou a categoría e iniciaría un ascenso deportivo que tería o seu momento cumio nos anos 2000.
Na temporada 1991-92 o Deportivo volvía á Primeira División, categoría na que se mantivo ininterrompidamente 20 anos consecutivos con Lendoiro como presidente. A súa presidencia, aínda que moi discutida por certos sectores, estivo chea de éxitos deportivos conseguindo non só os primeiros títulos do equipo: unha liga, dúas Copas do Rei e tres Supercopas de España; senón tamén grandes actuacións na Liga de Campións da UEFA (chegando as semifinais nunha ocasión) e gozando do xogo dalgúns dos mellores xogadores do mundo (Bebeto, Mauro Silva, Rivaldo, Valerón).
Porén, a forte débeda acumulada polo club durante os seus máis de vinte anos de mandato, unido ás malas relacións cos poderes económicos e políticos da cidade da Coruña provocaron que houbera un forte sector crítico con Lendoiro que tentaba facer presión para que abandonara o seu posto.[Cómpre referencia]
O 22 de decembro de 2013 os accionistas non aprobaron as contas presentadas por Lendoiro por primeira vez nos seus 25 anos de mandato.[8] Dous días máis tarde anunciou que retiraba a súa candidatura ás eleccións da presidencia[9] e o 21 de xaneiro de 2014 foi relevado no cargo por Tino Fernández.[10]
En maio de 2014 foi nomeado embaixador da Liga de Fútbol Profesional polo seu presidente, Javier Tebas.[11]
Política
editarLicenciado en Dereito, Lendoiro tamén se sentiu atraído pola actividade política compatibilizando durante moitos anos a xestión deportiva con diferentes cargos públicos e dentro do Partido Popular. En 1987 saíu elixido concelleiro da Coruña polo partido antes mencionado, foi senador (1989−1990), secretario xeral para o deporte da Xunta de Galicia, deputado no Congreso dos Deputados (1993−1995), candidato á alcaldía da Coruña en 1991 e 1995 e presidente da Deputación da Coruña (1995−1999). Na actualidade encóntrase retirado da vida política.
Obra
editar- Deporte... política... y fútbol de bolsillo (1978).
Notas
editar- ↑ 1,0 1,1 1,2 Vázquez, Doda (23 de febreiro de 2025). "“Paco y yo de la mano hubiésemos hecho grandísimas cosas”". El Ideal Gallego (en castelán). Consultado o 24 de febreiro de 2025.
- ↑ "Augusto César Lendoiro". El Mundo (en castelán). 24 de febreiro de 2025. Consultado o 24 de febreiro de 2025.
- ↑ 3,0 3,1 Méndez, Julián (28 de xaneiro de 2014). "La marcha del César". La Verdad (en castelán). Consultado o 24 de febreiro de 2025.
- ↑ "Historia". uralcf.com (en castelán). Consultado o 24 de febreiro de 2025.
- ↑ Sanz Marcos, Álvaro Jesús (15 de outubro de 2020). "Ural CF, un histórico del fútbol base gallego" (en castelán). Consultado o 24 de febreiro de 2025.
- ↑ Perfil de Augusto César Lendoiro Arquivado 22 de xullo de 2009 en Wayback Machine., Xornal de Galicia, 21 de xullo de 2009, consultado o 18.9.09
- ↑ "Hockey Club Liceo: nueva etapa con Augusto César Lendoiro". La Voz de Galicia (en castelán) (A Coruña ed.). 17 de xullo de 1983. p. 52.
- ↑ "La primera derrota de Lendoiro", artigo en ABC, 21 de decembro de 2013 (en castelán)
- ↑ "Lendoiro retira su candidatura y no se presentará a las elecciones del Deportivo" Arquivado 02 de febreiro de 2014 en Wayback Machine., artigo en La Información
- ↑ "Tino Fernández pone el punto final a 25 años de lendoirismo", artigo en ABC, 21 de xaneiro de 2014 (en castelán)
- ↑ Javier "Tebas nombra a Lendoiro nuevo embajador de la LFP"; As, 8 de maio de 2014 (en castelán)
Véxase tamén
editarOutros artigos
editar- Lista de deputados galegos no Congreso desde a Transición
- Lista de senadores galegos desde a Transición
| Predecesor: Salvador Fernández Moreda |
Presidente da Deputación da Coruña 1995−1999 |
Sucesor: José Luis Torres Colomer |
| Predecesor: Luis Carlos Morato |
Presidente do Deportivo da Coruña 1988−2014 |
Sucesor: Tino Fernández |