Paco Zas
Francisco Martínez Zas, nado na Coruña o 9 de xullo de 1961, é un exfutbolista e actual empresario galego. Xogaba de defensa. Do 28 de maio ao 27 de decembro de 2019 foi presidente do Deportivo da Coruña.[1]
| Paco Zas | |||
|---|---|---|---|
| Información persoal | |||
| Nome | Francisco Martínez Zas | ||
| Nacemento | 9 de xullo de 1961 (62 anos) | ||
| Lugar de nacemento | A Coruña | ||
| Posición | Defensa | ||
| Carreira xuvenil | |||
| Deportivo da Coruña | |||
| Carreira sénior | |||
| Anos | Equipos | Aprs | (Gls) |
| Fabril Deportivo | |||
| 1982 | Deportivo da Coruña | 1 | (0) |
| 1983–1985 | → Calvo Sotelo (cedido) | 40 | (1) |
| 1985–1986 | Linares | 20 | (1) |
| 1986–1987 | Bergantiños | ||
| 1987–1989 | Sporting Sada | ||
| 1989–1990 | Brigantium | ||
| 1990–1992 | Cerceda | ||
| 1992–1993 | Carnoedo | ||
| Adestrador | |||
| 1993–1995 | Sporting Sada | ||
| 1996 | Cerceda | ||
|
Partidos e goles só en liga doméstica. [ editar datos en Wikidata ] | |||
Traxectoria editar
Como futbolista editar
Comezou nas categorías inferiores do Deportivo da Coruña con 13 anos, xogando como defensa. Xogou nos equipos infantil e xuvenil antes de dar o salto ao Fabril, onde xogou entre 1979 e 1983, disputando 124 partidos e marcando 4 goles. Na tempada 1981–82 debutou co Deportivo da Coruña en Segunda División, no partido da 32ª xornada, na que unha folga de futbolistas convocada pola AFE motivou que moitos clubs xogasen con futbolistas non profesionais dos seus equipos filiais ou xuvenís. Foi o seu único partido co primeiro equipo.[2]
Entre 1983 e 1985 xogou cedido no Calvo Sotelo CF de Puertollano, onde xogou 40 partidos e logrou o ascenso á Segunda División. Na 1985/86 xogou no Linares CF, de Segunda B, co que sufriu un descenso a Terceira, antes de recalar no Bergantiños, onde xogou unha tempada.[3]
Nas tempadas 1987/88 e 1988/89 militou no Sporting Sada e na seguinte no Brigantium. En 1990 fichou polo Cerceda, onde xogou dúas tempadas, estando sete meses de baixa na segunda delas.[4] Colgou as botas tras unha última tempada no Carnoedo CF.
Colaborou activamente coa Asociación de Veteranos do Deportivo, da que é vicepresidente.[5]
Como adestrador editar
Tivo tamén unha curta carreira como adestrador que comezou en 1993 no Sporting Sada.[6] Tras adestrar durante dúas tempadas a dito equipo foi contratado polo Cerceda no verán de 1996.[7] Con todo, foi cesado xa a comezos de novembro pola mala xeira de resultados do equipo.[8]
Como dirixente editar
O 2 de outubro de 2013 presentou a súa candidatura para presidir o Deportivo da Coruña.[9] Finalmente, o candidato máis votado polos accionistas, que foi nomeado presidente do club, foi Tino Fernández.[10]
Despois dunha época de malos resultados, o 22 de abril de 2019 Tino Fernández presentou a súa dimisión e convocou eleccións.[11] Paco Zas volveu presentarse á elección. O 28 de maio de 2019 foi elixida a súa candidatura para presidir o Deportivo da Coruña, logo da dimisión do Consello de Administración encabezado por Tino Fernández, converténdose no 43.º presidente da entidade branquiazul.[12]
O 9 de decembro de 2019, ocupando o equipo a última posición da táboa, na peor xeira de resultados da súa historia tras 18 xornadas sen gañar e a 8 puntos da permanencia en Segunda División,[13] anunciouse a dimisión da directiva e a convocatoria de novas eleccións en xaneiro de 2020.[14]
Notas editar
- ↑ "Armenteros, del equipo de Fernando Vidal, presidirá el Deportivo tras la dimisión del consejo de Paco Zas". La Voz de Galicia (en castelán). 27 de decembro de 2019. Consultado o 30 de decembro de 2019.
- ↑ "Paco Zas, un canterano al frente del club". La Voz de Galicia (en castelán). 28 de maio de 2019. Consultado o 17 de xaneiro de 2021.
- ↑ "Paco Zas, viaje de ida y vuelta en el Dépor con parada en Coinasa" (en castelán). 29 de maio de 2019. Consultado o 10 de febreiro de 2021.
- ↑ "El defensa Paco Zas reaparecerá hoy en el once del Cerceda, que se enfrenta al Atlético Ribeira". La Voz de Galicia (en castelán) (Carballo ed.). 5 de xaneiro de 1992. p. 51.
- ↑ "Paco Zas, cuadragésimo tercer presidente del RC Deportivo". Xornal Galicia (en castelán). 31 de maio de 2019. Arquivado dende o orixinal o 08 de xuño de 2019. Consultado o 08 de xuño de 2019.
- ↑ "El Sporting quiere volver a ser campeón". La Voz de Galicia (en castelán) (A Coruña ed.). 15 de agosto de 1993. p. 120.
- ↑ "Paco Zas es el nuevo entrenador del Cerceda". La Voz de Galicia (en castelán) (Carballo ed.). 6 de agosto de 1996. p. 40.
- ↑ "Vicente Mallo sustituye al cesado Paco Zas". La Voz de Galicia (en castelán). 8 de novembro de 1996. p. 53.
- ↑ Paco Zas: "Ha llegado la hora del relevo al frente del Deportivo"
- ↑ Tino Fernández pone el punto final a 25 años de lendoirismo
- ↑ "Dimite Tino Fernández y el resto del Consejo del Deportivo". AS (en castelán). 22 de abril de 2019.
- ↑ "Paco Zas, cuadraxésimo terceiro presidente do RC Deportivo". Deportivo da Coruña. 28 de maio de 2019.
- ↑ "¿El último cumpleaños del Deportivo? El equipo, en el límite tras 113 años" (en castelán). 9 de decembro de 2019. Consultado o 10 de decembro de 2019.
- ↑ "La directiva del Deportivo anuncia su dimisión y convoca elecciones" (en castelán). 9 de decembro de 2019. Consultado o 10 de decembro de 2019.
Véxase tamén editar
Ligazóns externas editar
| Predecesor: Tino Fernández |
Presidente do Deportivo da Coruña 2019 |
Sucesor: Fernando Vidal |