Julio Antonio Elícegui

futbolista español

Julio Antonio Elícegui Cans, nado en Castejón, Navarra o 5 de decembro de 1910 e finado na Coruña o 31 de agosto de 2001, foi un futbolista español. Xogaba de dianteiro e foi internacional coa selección española.

Julio Antonio Elícegui
Información persoal
Nome Julio Antonio Elícegui Cans
Nacemento 5 de decembro de 1910
Lugar de nacemento Castejón
Falecemento 31 de agosto de 2001
Lugar de falecemento A Coruña
Posición Dianteiro
Carreira sénior
Anos Equipos Aprs (Gls)
Ariñ Sport
CD Azkoyen
SD Beasain
1930–1933 Real Unión 19 (12)
1933–1940 Atlético de Madrid 60 (41)
1940–1943 Deportivo da Coruña 18 (9)
Gimnàstic
Selección nacional
1933 España 4 (6)
Partidos e goles só en liga doméstica.
editar datos en Wikidata ]

Traxectoria editar

Iniciouse en equipos como o Ariñ Sport, CD Azkoyen ou SD Beasain, e na tempada 1930–31 fichou polo Real Unión, debutando en Primeira División. No equipo irunés estivo tres campañas, descendendo a Segunda División ao remate da 1931–32.

En 1934 foi contratado polo Atlético de Madrid, club no que permaneceu até a campaña 1939–40, tempada na que acadou o título de Liga e a Copa Eva Duarte.

Na campaña 1940–41 fichou polo Deportivo da Coruña, co que ascendeu a Primeira División esa tempada, sendo á súa vez o primeiro xogodor do equipo que acadou un gol na máxima categoría, o 28 de outubro de 1941. No club galego estivo até a campaña 1942–43. Posteriormente xogou no Gimnàstic de Tarragona.

Selección nacional editar

Foi internacional coa selección española en 4 ocasións, marcando 6 goles. Xogou 4 partidos amigables seguidos nun prazo de tempo relativamente curto entre abril e maio de 1933.

A súa estrea foi no estadio de Balaídos o 2 de abril de 1933, nun amigable de España contra Portugal (3–0), conseguindo dous goles no seu debut. Despois xogou contra Francia, contra Iugoslavia (marcou outro gol) e a súa despedida foi o 13 de maio dese mesmo ano en Madrid, participando na histórica goleada ante Bulgaria (13–0). Este partido é o da maior goleada da historia da selección española e Elícegui marcou 3 tantos.

Puido participar no Mundial de Italia 1934, pero unha inoportuna lesión cando xogaba co Atlético de Madrid privoulle de ir á cita mundialista.

Véxase tamén editar

Ligazóns externas editar