Isidro Rodríguez Gómez
Isidro Rodríguez Gómez, coñecido deportivamente como Isidro, nado en Pontevedra en 1890, foi un futbolista galego que xogaba na demarcación de gardameta.
| Isidro | |||
|---|---|---|---|
.jpg) | |||
| Información persoal | |||
| Nome | Isidro Rodríguez Gómez | ||
| Nacemento | 1890 | ||
| Lugar de nacemento | Pontevedra, Galicia | ||
| Falecemento | valor descoñecido | ||
| Posición | Porteiro | ||
| Carreira sénior | |||
| Anos | Equipos | Aprs | (Gls) |
| 1919–1923 | Real Vigo | ||
| 1923–1924 | Celta de Vigo | ||
| 1925–1931 | Deportivo da Coruña | 47 | (0) |
| 1931–1932 | Atlético de Madrid | 8 | (0) |
| 1934–1935 | Deportivo da Coruña | 8 | (0) |
|
Partidos e goles só en liga doméstica. [ editar datos en Wikidata ] | |||
Traxectoria
editarXogou no Real Vigo Sporting Club antes da fusión deste co Real Club Fortuna de Vigo que daría ao nacemento do Celta de Vigo.
Continuou a xogar no Celta, ata que nas vésperas do Campionato de Galicia 1924/25 solicitou a baixa do club e mudou o seu domicilio á Coruña, aínda que non puido fichar por outro equipo durante esa tempada xa que o Celta non o autorizou. No inicio da seguinte tempada (1925/26) tentou fichar polo Deportivo da Coruña, mais o Celta declarouno en “rebeldía” e a Federación Galega de Fútbol denegou a fichaxe.[1][2] Porén, a Real Federación Española de Fútbol acordou en decembro de 1925 que a ficha de Isidro fose traspasada ao Deportivo.[3]
Co Deportivo debutou na tempada inicial de Segunda División 1928–29, da man do adestrador Andrés Balsa, ano no que o equipo coruñés logrou o 8.º posto na clasificación e evitar o descenso. Permaneceu no club branquiazul até a tempada 1930–31, todas en Segunda División.
Na tempada 1931–32 fichou polo Atlético de Madrid, en Segunda División. No equipo madrileño xogou 8 partidos, alternando a titularidade co galego José Manuel Bermúdez, logrando o 4.º posto na táboa.
Na tempada 1934–35 firmou polo Deportivo da Coruña, gañándolle o posto ao carralés Francisco Trigo, que viña sendo o porteiro titular. Ese ano o club deportivista, adestrado por Félix Gila, logrou o 7.º posto da clasificación, evitando o descenso.
Notas
editar- ↑ "El pleito del fútbol gallego". El Pueblo Gallego nº 548 (en castelán). 1 de novembro de 1925. p. 3.
- ↑ "El caso Isidro. Dicen los clubs Celta y Deportivo". El Ideal Gallego nº 2.408 (en castelán). 26 de setembro de 1925. p. 2.
- ↑ "Se resuelve el pleito gallego". El Ideal Gallego nº 2.471 (en castelán). 9 de decembro de 1925. p. 8.