Jaime Sánchez Muñoz
Jaime Sánchez Muñoz, nado en Chiclana de la Frontera o 11 de marzo de 1995, é un futbolista español que xoga como defensa central no Deportivo da Coruña.
| Jaime | |||
|---|---|---|---|
| Información persoal | |||
| Nome | Jaime Sánchez Muñoz | ||
| Nacemento | 11 de marzo de 1995 | ||
| Lugar de nacemento | Chiclana de la Frontera | ||
| Altura | 1,84 m. | ||
| Posición | Defensa | ||
| Información de club | |||
| Club actual | Deportivo da Coruña | ||
| Número | 19 | ||
| Carreira xuvenil | |||
| 2002–2009 | Sancti Petri | ||
| 2009–2012 | Cádiz | ||
| 2012–2014 | Real Madrid | ||
| Carreira sénior | |||
| Anos | Equipos | Aprs | (Gls) |
| 2013–2014 | Real Madrid C | 7 | (0) |
| 2014–2019 | Real Madrid B | 22 | (0) |
| 2016–2017 | → Sabadell (cedido) | 0 | (0) |
| 2019–2020 | Valladolid B | 36 | (0) |
| 2020–2021 | Sabadell | 32 | (1) |
| 2021– | Deportivo da Coruña | 62 | (1) |
| Selección nacional | |||
| 2012 | España sub-17 | 5 | (0) |
| 2013 | España sub-18 | 2 | (0) |
| 2014 | España sub-21 | 1 | (0) |
|
Partidos e goles só en liga doméstica. Club: actualizado a 4 de novembro de 2023. Selección: actualizado a 20 de xullo de 2021.[ editar datos en Wikidata ] | |||
Traxectoria editar
Comezou na Escola de Fútbol Sancti Petri de Chiclana, onde xogou varios anos antes de entrar na canteira do Cádiz.[1] Despois de tres anos no equipo amarelo, en 2012 foi traspasado ao Real Madrid por 250.000 euros.[2]
No club branco empezou no equipo xuvenil e disputou a Liga Xuvenil da UEFA, na que un gol seu ao gardameta do PSG, Mike Maignan, lle deu o pase a semifinais ao Real Madrid.[3] O 24 de marzo de 2013 debutou co Real Madrid C na Segunda División B, nun partido contra o Sporting de Gijón B. Na tempada 2014/15 subiu ao Real Madrid Castilla, co que disputou 17 encontros, case todos como titular, e foi convocado por Carlo Ancelotti para un partido de Copa do Rei do primeiro equipo contra o Cornellà, aínda que non chegou a entrar ao campo.[4]
Na tempada 2015/16 sufriu unha lesión no tendón de Aquiles que o obrigou a pasar polo quirófano e que o mantivo fóra dos terreos de xogo durante toda a campaña.[5] Para a tempada 2016/17 foi cedido ao CE Sabadell,[6] pero non chegou a debutar por mor das lesións. O 24 de setembro de 2017 volveu xogar un partido oficial 861 días despois do último, vestindo a camiseta do Castilla fronte ao Navalcarnero.[7] Xogou un total de 5 partidos no equipo de Solari pero no verán volveu pasar polo quirófano para unha nova intervención cirúrxica.[8]
En xaneiro de 2019 foi traspasado ao Real Valladolid B, de 2ªB.[9] Disputou 12 partidos e ao remate da tempada o club valisoletano renovou o seu contrato ata 2021.[10] No equipo adestrado por Javier Baraja conseguiu unha regularidade que non tiña dende había anos e disputou 24 partidos de liga, 23 deles como titular, así como o encontro da promoción de ascenso que o seu equipo perdeu contra o Barcelona B.
En agosto de 2020 foi traspasado ao Sabadell, agora en Segunda División.[11] Debutou na categoría de prata na segunda xornada, comezando como titular nunha derrota por 1-2 contra o Rayo Vallecano no Estadio de Vallecas.[12] Foi titular na maioría de encontros e na xornada 36 marcou de chilena o seu primeiro gol, dándolle a vitoria ao seu equipo contra o Mallorca na Nova Creu Alta (1-0).[13] Con todo, o equipo acabou perdendo a categoría.
O 19 de xullo de 2021 foi anunciado como novo xogador do Deportivo da Coruña para a tempada 2021/21 da nova Primeira División RFEF.[14] Debutou co club galego o 29 de agosto de 2021, na primeira xornada de liga contra o Celta B en Riazor, que acabou con goleada coruñesa por 5-0.[15]
Selección española editar
Foi internacional coas categorías inferiores da selección española, dende que debutou en 2012 coa sub-17, pasando logo pola sub-18, sub-19 e sub-21. En 2013 disputou o Campionato europeo da UEFA Sub-19 en Lituania, caendo nas semifinais contra Francia.[16]
Notas editar
- ↑ "Jaime Sánchez, el 'heredero' de Sergio Ramos en la Fábrica" (en castelán). Consultado o 20 de xullo de 2021.
- ↑ Sánchez, Pablo (2 de novembro de 2012). "El Cádiz ya tiene los 250.000 euros de Jaime". portalcadista.com (en castelán). Consultado o 20 de xullo de 2021.
- ↑ "PSG - Real Madrid 2013-14". UEFA (en inglés). Consultado o 20 de xullo de 2021.
- ↑ "Descanso para Casillas, Ramos, Kroos, Modric y Cristiano" (en castelán). 29 de outubro de 2014. Consultado o 20 de xullo de 2021.
- ↑ "Jaime Sánchez, cedido al CE Sabadell" (en castelán). 31 de xullo de 2016. Consultado o 20 de xullo de 2021.
- ↑ "El CE Sabadell cierra el fichaje del internacional sub21 Jaime Sánchez". cesabadell.cat (en castelán). 28 de xullo de 2016. Consultado o 20 de xullo de 2021.
- ↑ Sánchez, Julio (28 de setembro 2017). "Jaime Sánchez volvió a disputar un encuentro oficial 861 días después". soymadridista.com (en castelán). Arquivado dende o orixinal o 22 de outubro de 2020. Consultado o 20 de xullo de 2021.
- ↑ "Jaime Sánchez volvió a pasar por el quirófano" (en castelán). 18 de agosto de 2018. Arquivado dende o orixinal o 20 de xullo de 2021. Consultado o 20 de xullo de 2021.
- ↑ "El Promesas ficha Jaime, central del Real Madrid Castilla". tribunavalladolid.com (en castelán). 31 de xaneiro de 2019. Consultado o 20 de xullo de 2021.
- ↑ "Jaime Sánchez renueva con el Real Valladolid". realvalladolid.es (en castelán). 18 de xuño de 2019. Consultado o 20 de xullo de 2021.
- ↑ "Jaime Sánchez, cuarta incorporación del CE Sabadell 2020/21". cesabadell.cat (en castelán). 14 de agosto de 2020. Consultado o 20 de xullo de 2021.[Ligazón morta]
- ↑ "Catena culmina la remontada de un Rayo que promete y duerme líder". As (en castelán). 19 de setembro de 2020. Consultado o 20 de xullo de 2021.
- ↑ "Una chilena de Jaime da vida al Sabadell y frena al Mallorca". As (en castelán). 26 de abril de 2021. Consultado o 20 de xullo de 2021.
- ↑ "Jaime Sánchez, novo xogador do Dépor 2021-2022". Deportivo da Coruña. 19 de xullo de 2021. Consultado o 20 de xullo de 2021.
- ↑ "O Dépor arranca a liga en quinta (5-0)". Deportivo da Coruña. 29 de agosto de 2021. Consultado o 30 de agosto de 2021.
- ↑ "El infortunio condena a España en la prórroga (1-2)" (en castelán). 29 de xullo de 2013. Arquivado dende o orixinal o 20 de xullo de 2021. Consultado o 20 de xullo de 2021.
Véxase tamén editar
Ligazóns externas editar
- Datos do xogador en BDFutbol (en castelán).