Walter Pandiani
Walter Gerardo Pandiani Urquiza, coñecido tamén como O Rifle, nado en Montevideo o 27 de abril de 1976, é un exfutbolista e adestrador uruguaio. Xogaba na posición de dianteiro e foi internacional coa selección uruguaia.
| Walter Pandiani | |||
|---|---|---|---|
 Pandiani xogando para o Birmingham City en 2005. | |||
| Información persoal | |||
| Nome | Walter Gerardo Pandiani Urquiza | ||
| Nacemento | 27 de abril de 1976 | ||
| Lugar de nacemento | Montevideo | ||
| Altura | 1,84 m. | ||
| Posición | Dianteiro | ||
| Carreira sénior | |||
| Anos | Equipos | Aprs | (Gls) |
| 1996–1997 | Progreso | 22 | (12) |
| 1997–1998 | Basañez | 0 | (0) |
| 1998–2000 | Peñarol | 71 | (29) |
| 2000–2005 | Deportivo da Coruña | 86 | (31) |
| 2002–2003 | → Mallorca (cedido) | 33 | (13) |
| 2005 | → Birmingham City (cedido) | 14 | (4) |
| 2005–2006 | Birmingham City | 17 | (2) |
| 2006–2007 | Espanyol | 52 | (8) |
| 2007–2011 | Osasuna | 92 | (27) |
| 2011–2012 | Espanyol | 16 | (3) |
| 2012–2013 | Villarreal | 17 | (2) |
| 2013 | Atlético Baleares | 9 | (1) |
| 2013–2014 | Miramar Misiones | 19 | (5) |
| 2015– | Lausanne-Sport | 15 | (1) |
| Total | 463 | (138) | |
| Selección nacional | |||
| 2001–2004 | Uruguai | 4 | (0) |
| Adestrador | |||
| 2016 | Masnou | ||
| 2019 | Lorca FC | ||
| 2020–2021 | Dibba Al-Hisn | ||
| 2021– | Cerro | ||
| Na rede | |||
    | |||
|
Partidos e goles só en liga doméstica. [ editar datos en Wikidata ] | |||
Dende xullo de 2021 adestra o Atlético Cerro, da Segunda División do Uruguai.
Traxectoria editar
Naceu en Montevideo e ten ascendencia italiana, pois un dos seus avós, Giuseppe Bautista Pandiani, era natural da provincia de Pavia, na Lombardía.[1]
Comezou xogando no seu país, no CA Basañez e CA Peñarol entre 1994 e 2000, para despois dar o salto a Europa fichando polo Deportivo da Coruña durante 2 temporadas, cun ano cedido no Real Mallorca, con cal gañaría a Copa do Rei.
Á temporada seguinte volveu ao Deportivo, aínda que, debido ás diferenzas co club e o seu adestrador, Javier Irureta, foise a Inglaterra a xogar cedido no Birmingham City na temporada 2005-2006. Tras un grande debut no seu primeiro partido, o club ofreceulle contratalo o seguinte verán, pero ao non manter o seu bo rendemento volveu a España, esta vez fichando polo RCD Espanyol, con quen gañaría unha Copa do Rei e lograría un subcampionato na Copa da UEFA, edición na que logrou ser o máximo goleador.
En xullo de 2007 fichou polo CA Osasuna por 3 temporadas, a onde chegou para completar a dianteira rojilla e achegar calidade e experiencia ao equipo.
Na tempada 2011–12 fichou novamente polo RCD Espanyol.[2]
Selección nacional editar
Foi internacional coa selección uruguaia en catro ocasións, pese a ser convocado máis veces.
Como adestrador editar
Comezou a súa carreira como adestrador en Cataluña, adestrando os equipos xuvenís do Masnou, onde xogaban os seus dous fillos. En 2016 adestrou durante uns meses o primeiro equipo, e posteriormente exerceu como adestrador nas canteiras do Europa e o Hospitalet.[3]
En xullo de 2019 colleu as rendas do Lorca FC, na Terceira División, pero dimitiu en decembro xunto a todo o corpo técnico, por problemas coa directiva do club.[4] En agosto de 2020 converteuse no director de canteira do Dibba Al-Hisn, dos Emiratos Árabes Unidos, e pouco despois foi ascendido a adestrador do primeiro equipo, na segunda división do país.
En xullo de 2021 regresou ao seu país, como adestrador do Club Altético Cerro, na segunda división.[5]
Palmarés editar
- Peñarol
- Liga do Uruguai: 1999
- Deportivo
- Mallorca
- Espanyol
Notas editar
- ↑ Centeno, Alexandres (6 de febreiro de 2001). "Scaloni y Pandiani acreditan su ascendencia italiana". La Voz de Galicia (en castelán). Consultado o 22 de marzo de 2021.
- ↑ "El Espanyol ficha a Pandiani por una temporada"
- ↑ "Pandiani dirigirá al juvenil de L'Hospitalet" (en castelán). 27 de xuño de 2017. Consultado o 18 de xullo de 2021.
- ↑ "Walter Pandiani y su cuerpo técnico abandonan el Lorca FC". COPE (en castelán). 29 de decembro de 2019. Consultado o 18 de xullo de 2021.
- ↑ "Walter Pandiani, nuevo entrenador del Club Atlético Cerro" (en castelán). 18 de xullo de 2021. Consultado o 18 de xullo de 2021.