Emiratos Árabes Unidos

Os Emiratos Árabes Unidos son unha federación de emiratos situados na Península de Arabia. Limitan ó norte con Qatar e co Golfo Pérsico; ó leste co Golfo de Omán e Omán; e ó sur e oeste con Arabia Saudita. A súa planicie costeira é estéril e fúndese co deserto arábico. A federación está integrada por 7 emiratos (imarat; singular - imarah)

Emiratos Árabes Unidos

الإِمَارات العربِيَّة المُتَّحِدة (ar) United Arab Emirates (en)
Bandeira Brasón
Himno	Īschī Bilādī
Localización
24°24′N 54°18′L
Capital	Abu Zabi
Contén a división administrativa	Al Fujayrah (pt) Dubai Emirato de Abu Zabi Emirato de Ajman - عجمان Emirato de Sharjah Emirato de Umm al Qaywayn Ras al-Jaimah
Poboación
Poboación	9.890.400 (2020) (118,31 hab./km²)
Lingua oficial	lingua árabe
Relixión	islam
Xeografía
Parte de	Oriente Medio Asia Occidental Estados do Golfo lista negra dos paraísos fiscais da Unión Europea (–2018) lista negra dos paraísos fiscais da Unión Europea (2019–2019)
Superficie	83.600 km²
Bañado por	Golfo Pérsico e Golfo de Omán
Punto máis alto	Jebel Jais (en) (1.900 m)
Punto máis baixo	Golfo Pérsico (0 m)
Comparte fronteira con	Omán Arabia Saudita Irán
Datos históricos
Precedido por	Estados da Trégua (pt)
Creación	1971
Organización política
Forma de goberno	monarquía federal monarquía absoluta monarquía constitucional
• Presidente	Maomé bin Zayed Al Nahyan (pt) (2022–) Khalifa bin Said bin Sultan Al-Nahian (2004–2022) Zayed bin Sultan Al Nahyan (1971–2004)
• Prime Minister of the United Arab Emirates (en)	Mohamed bin Rashid Al Maktum
Órgano lexislativo	Federal Supreme Council (en) ,
Membro de	Tratado de non proliferación de armas nucleares BRICS Organización Hidrográfica Internacional ../... 27+
PIB nominal	415.021.590.688 $ (2021)
Moeda	Dirham dos Emiratos Árabes Unidos
Identificador descritivo
Fuso horario	UTC+04:00 Asia/Dubai (en)
Dominio de primeiro nivel	.ae e .امارات
Prefixo telefónico	+971
Teléfono de emerxencia	112, 997, 998 e 999
Código de país	AE
Sitio web	u.ae

Historia

Artigo principal: Historia dos Emiratos Árabes Unidos.

Os sete sultanatos da costa que conforman o país concederon ao Reino Unido, nun tratado do século XIX, a defensa do territorio e o manexo das relacións exteriores. Logo de expirar o tratado o 1 de decembro de 1971, seis deles (Abu Zabi, Axman, Dubai, Fujairah, Sharjah e Umm al Quywain) declararon o día seguinte, 2 de decembro, a formacións dos Emiratos Árabes Unidos. En febreiro de 1972 uniríase á federación o sultanato de Ras al-Khaimah.

Política

Artigo principal: Política dos Emiratos Árabes Unidos.

Os Emiratos Árabes Unidos son unha federación de sete sultanatos que se gobernan baixo monarquías absolutas, cada un por un emir con poderes específicos. O goberno central fórmao o consello supremo, formado polos sete emires. O presidente federal elíxese entre os emires hereditarios e adoita ser o xeque de Abu Zabi e o primeiro ministro o de Dubai.

Organización territorial

Artigo principal: Organización territorial dos Emiratos Árabes Unidos.

A continuación indícanse os sete emiratos que compoñen o país e os seus respectivos gobernantes (xeques).

• Emirato de Abu Zabi - Khalifa bin Zayed Al Nahyan, desde 2004.
• Emirato de Axman - Humaid bin Rashid Al Nuaimi, desde 1981.
• Emirato de Dubai - Mohamed Bin Rachid Al Maktum, desde 2006.
• Fujairah - Hamad bin Mohammed Al Sharqi, desde 1974.
• Ras Al-Jaimah - Saud bin Saqr Al Qasimi, desde 2010.
• Sharjah - Sultan bin Muhammad Al-Qasimi, desde 1987.
• Umm al Qaywayn - Saud bin Rashid Al Mualla, desde 2009.

Bandeira	Emirato	Capital	Poboación 2008	% da poboación total	Área (km²)	% da área total	Densidade
	Abu Zabi	Abu Zabi	1.548.655	31´2%	67.340	86´7%	25
	Axman	Axman	372.923	7´5%	259	0´3%	996
	Emirato de Dubai	Dubai	1.770.533	35´6%	3.885	5´0%	336
	Fujairah	Fujairah	137.940	2´9%	1.165	1´5%	109
	Ras al-Jaimah	Ras al-Jaimah	171.903	3´4%	1.684	2´2%	122
	Sharjah	Sharjah	895.252	18´0%	2.590	3´3%	262
	Umm al Qaywayn	Umm al-Quiwain	69.936	1´4%	777	0.9%	88
	UAE	Abu Zabi	4.967.142	100%	77.700	100%	56

Xeografía

Artigo principal: Xeografía dos Emiratos Árabes Unidos.

Mapa dos Emiratos Árabes Unidos

Os Emiratos están situados na península Arábiga, bordeando o golfo de Omán e o Golfo Pérsico, entre Arabia Saudita e Omán. A práctica totalidade do país é desértica.

É unha planicie costeira, chaira e árida, que se funde no interior cun vasto deserto ermo de dunas móbiles de area. A súa estratéxica localización rodeando polo sur o estreito de Ormuz convértelle nun vital paso do tránsito do comercio de cru mundial. Os EAU está considerado como un dos quince países que conforman o "Berce da Humanidade".

A demarcación das fronteiras de 1974 e 1977 entre Arabia Saudita e Emiratos Árabes Unidos nunca se publicaron. E o que é máis, a fronteira exacta entre os dous países só a coñecen os seus gobernos.

Economía

Artigo principal: Economía dos Emiratos Árabes Unidos.

A riqueza dos Emiratos Árabes Unidos está en gran medida baseada na explotación de petróleo e gas natural, que representan ao redor do 20% do seu PIB. A nación árabe é o terceiro maior produtor de petróleo no Golfo Pérsico logo de Arabia Saudita e Irán (a produción en Iraq diminuíu considerablemente pola guerra). Desde 1973, os EAU sufriron unha profunda transformación, pasando de ser unha rexión empobrecida de pequenos principados a un estado moderno con altos estándares de vida. O PIB per cápita do país non está moi afastado do das principais nacións de Europa occidental. A súa xenerosidade no investimento das súas ganancias petrolíferas e a súa política exterior moderada permitíronlle xogar un papel vital nos asuntos da rexión.

En anos recentes, o goberno buscou a diversificación das súas fontes de ingreso para diminuír a súa dependencia nas reservas limitadas de petróleo. Un resultado destes esforzos foi o desenvolvemento sostido do turismo, baseado en infraestrutura hostaleira costeira, desértica e deportiva. O éxito destas empresas, axuntado a factores como o prezo relativamente baixo de materias primas, o clima cálido que prevalece durante case todo o ano, marabillas da arquitectura como Burj al-Arab e Palm Islands, e a actitude amigable cara a Occidente levou a moitos a chamar aos Emiratos Árabes Unidos o Singapur ou o Hong Kong de Medio Oriente.

Demografía

Artigo principal: Demografía dos Emiratos Árabes Unidos.

No ano 2018, os Emiratos Árabes Unidos tiñan unha poboación de 9 543 000 de habitantes. Tan só o 11,48% naceu nese país. En 2007, o 23% eran inmigrantes de orixe árabe e iraniana, o 50% inmigrantes do sur de Asia, e o restante 8% estaba composto por inmigrantes doutras etnias. O idioma oficial é o árabe. A esperanza de vida é de 75 anos. O 77.9% da poboación esta alfabetizada. A media de fillos por muller é de 2.43.

As crenzas relixiosas son na súa maioría musulmáns (o islam é a relixión estatal). Con todo, hai minorías considerables de cristiáns, hindús e outros credos.

Cultura

Artigo principal: Cultura dos Emiratos Árabes Unidos.

A cultura do país está fortemente influenciada polo islam, relixión que profesa a case totalidade da poboación.

Data	Nome en galego	Nome local
1 de xaneiro	Ano novo cristián	Ra's as-sana al-mīlādiyya (رأس السنة الميلادية)
Varios	O día do sacrificio	ʿĪd al-Aḍḥà (عيد الأضحى)
Varios	Ano novo islámico	Ra's as-sana al-ḥiŷriyya (رأس السنة الهجرية)
6 de agosto	Acceso ao trono do xeque Zayed bin Sultan-ao Nahyan
Varios	A viaxe nocturna de Mahoma (Isra)	Al-Isrā' wa-l-Miʿrāŷ (الإسراء و المعراج)
2 de decembro	Día nacional	Al-ʿĪd al-Qawmī (العيد القومي)
Varios	Fin de Ramadán	ʿĪd al-fiṭr (عيد الفطر)

Educación

Universidade Americana de Sharjah.

A educación ata o ensino secundario está dirixido polo Ministerio da Educación, e consiste de escolas primarias, escolas intermediarias e escolas secundarias. O currículo das escolas públicas é axustado para as metas e valores do país, cunha énfase no inglés como segundo idioma. Hai tamén moitas escolas particulares, algunhas con recoñecemento no estranxeiro. As escolas públicas son gratuítas para cidadáns dos Emiratos.

A educación superior esta dirixida polo Ministerio da Educación Superior. Hai 4 grandes institucións: a Universidade dos Emiratos Árabes Unidos, a Universidade Zayed, a Facultade de Medicina do Golfo e o Colexio Superior de Tecnoloxía. Hai tamén institucións particulares, como a Universidade de Sharjah e a Universidade Americana de Sharjah.

Mapas e imaxes

• 
  Mapa
• 
  Imaxe satélite
• 
  Mapa dos emiratos

Véxase tamén

Outros artigos

• Emirato de Abu Zabi
• Emirato de Axman
• Emirato de Dubai
• Fujairah
• Ras al-Jaimah
• Sharjah
• Umm al Qaywayn