Organización Hidrográfica Internacional

A Organización Hidrográfica Internacional (en inglés International Hydrographic Organization, en francés Organisation hydrographique internationale) é unha organización intergobernamental consultiva e técnica de hidrografía, establecida por un acordo asinado en Mónaco o 3 de maio de 1967 que entrou en vigor en 1970.

Organización Hidrográfica Internacional
Nome curto	IHO
Tipo	organización intergobernamental
Personalidades
Director/a	Abri Kampfer (en) (-) Luigi Sinapi (en) (-)
Entidades
En sociedade con	Organización de Aviación Civil Internacional
Data
Fundación	1921
Localización
43°44′N 7°25′L
Sede	Mónaco
Contacto
Páxina WEB	iho.int
[ Wikidata ]

     Estados membros      Membros suspendidos      Aprobados, pero esperando entrar como membros      Solicitude en curso Datos de 2006.

A OHI concreta unha cooperación iniciada a comezos do século XX entre os Estados que dispoñían de capacidade para realizar levantamentos hidrográficos e de publicar as súas propias cartas mariñas. No 2006, a Organización Hidrográfica Internacional con sede central en Mónaco, estaba composta por 77 membros.

Obxectivos

É o organismo coordinador dos Servizos Hidrográficos, oficialmente acreditados polos seus respectivos gobernos e os seus obxectivos son:

• Coordinar as actividades das Oficinas Hidrográficas Estatais.
• Lograr estandarización nas publicacións cartográficas e náuticas en xeral.
• Adoptar métodos fiables e eficientes para o procedemento de levantamentos hidrográficos.
• Promover o desenvolvemento das ciencias no eido da hidrografía e das técnicas usadas na oceanografía física.

Véxase tamén

• Océanos e mares do mundo segundo a OHI

Ligazóns externas

• International Hydrographic Organization