Raúl García Carnero

futbolista español

Raúl García Carnero, nado na Coruña o 30 de abril de 1989, é un futbolista galego. Xoga de defensa e o seu club actual é o Real Valladolid.

Raúl García
Información persoal
Nome Raúl García Carnero
Nacido 30 de abril de 1989 (31 anos)
Lugar A Coruña
Altura 1,75 m.
Posición Defensa
Información de club
Club actual Valladolid
Carreira xuvenil
1997–2002 Victoria
2002–2008 Deportivo da Coruña
Carreira sénior
Anos Equipos Aprs (Gls)
2008–2012 Deportivo B 57 (0)
2008–2009Montañeros (cedido) 27 (1)
2010–2012 Deportivo da Coruña 5 (0)
2011–2012Melilla (cedido) 28 (0)
2012–2013 Almería B 20 (1)
2012–2014 Almería 13 (1)
2014Alavés (cedido) 16 (0)
2014–2017 Alavés 96 (7)
2017–2019 Leganés 24 (0)
2019 Girona 10 (0)
2019–2020 Getafe 4 (0)
2020Valladolid 12 (0)
2020– Valladolid 2 (0)
Partidos e goles só en liga doméstica.
Club: Actualizado a 1 de outubro de 2020.
editar datos en Wikidata ]

TraxectoriaEditar

Comezou a xogar ao fútbol na canteira do Victoria Club de Fútbol coruñés e con 12 anos incorporouse ás categorías inferiores do Deportivo da Coruña. Na tempada 2008/09 chegou ao Fabril, sendo cedido ese ao Montañeros CF, equipo co que logrou o ascenso á Segunda División B.

Tras volver ao club branquiazul a súa boa tempada no Fabril levouno a debutar co primeiro equipo en Primeira División o 4 de abril de 2010 fronte ao Atlético de Madrid na tempada 2009/10, na que disputou un total de 5 partidos, baixo o mando de Miguel Ángel Lotina. Continuou no Fabril na tempada seguinte, e tras o descenso deste a Terceira, marchou cedido á UD Melilla.[1]

Ao remate da tempada non renovou co Deportivo e fichou pola UD Almería B.[2] Alí alternou partidos do filial e do primeiro equipo e conseguiu o ascenso a Primeira con este último, despois de disputar 10 partidos e marcar un gol fronte ao Recreativo de Huelva.[3]

Na tempada 2013-14, o xogador subiu definitivamente ao primeiro equipo do Almería, coincidindo co ascenso á bancada do primeiro equipo do adestrador do filial Francisco, co que xogou nove partidos na primeira rolda antes de ser transferido o 31 de xaneiro de 2014 ao Deportivo Alavés, en Segunda División.[4] O papel do lateral galego no tramo final da liga foi unha das claves da salvación por un punto do Alavés.[5] O 30 de xuño, tras completar a súa cesión, regresou a Almería. Á súa chegada o adestrador Francisco comunicoulle que non contaba con el, polo que despois de rescindir o contrato asinou ata 2016 polo Alavés. Na súa primeira tempada completa co equipo vitoriano converteuse nun xogador clave e na segunda tempada logrou o ascenso a Primeira División, renovando ao final da tempada por un ano máis..[6]

No verán de 2017, despois de tres tempadas e media en Vitoria, fichou polo Club Deportivo Leganés ata xullo de 2019.[7] En xaneiro de 2019 chegou ao Girona FC ata o final da tempada despois de rescindir o seu contrato co CD Leganés.[8] O 1 de xullo fíxose oficial a súa fichaxe polo Getafe CF, onde dispuxo de escasos minutos, sendo cedido en xaneiro de 2020 ata final de tempada ao Real Valladolid.[9] O 28 de xullo do mesmo ano o club madrileño transferiuno definitivamente ao Valladolid, onde asinou un contrato ata 2023.[10]

NotasEditar

  1. "Raúl García se incorpora a la UD Melilla" (en castelán). 6 de agosto de 2011. Consultado o 1 de outubro de 2020. 
  2. UD Almería, ed. (5 de xullo de 2012). "Raúl García, terceira fichaxe do Almería B". Arquivado dende o orixinal o 05 de febreiro de 2013. Consultado o 17 de xullo de 2012. 
  3. "El Almería acaba con la racha inmaculada del Recre en Huelva". Marca (en castelán). 4 de novembro de 2012. Consultado o 1 de outubro de 2020. 
  4. "Alavés, llega cedido Raúl García" (en castelán). 31 de xaneiro de 2014. Arquivado dende o orixinal o 22 de febreiro de 2014. Consultado o 1 de outubro de 2020. 
  5. Varela, Miguel; F., X. (6 de xullo de 2016). "Raúl García no se mueve". La Voz de Galicia (en castelán). Consultado o 1 de outubro de 2020. 
  6. "El Deportivo Alavés apuntala la banda con la renovación de Raúl García" (en castelán). 5 de xullo de 2016. Consultado o 1 de outubro de 2020. 
  7. "Raúl García ficha por el Leganés" (en castelán). 5 de xuño de 2017. Consultado o 1 de outubro de 2020. 
  8. "El Girona fitxa el lateral esquerre Raúl García" (en catalán). 15 de xaneiro de 2019. Consultado o 1 de outubro de 2020. 
  9. "El Valladolid refuerza su lateral izquierdo con Raúl García Carnero". Marca (en castelán). 13 de xaneiro de 2020. Consultado o 1 de outubro de 2020. 
  10. "El Real Valladolid se hace con los derechos de Raúl Carnero en propiedad hasta 2023" (en castelán). 28 de xullo de 2020. Consultado o 1 de outubro de 2020. 

Véxase taménEditar

Ligazóns externasEditar