Roberto Olabe del Arco

futbolista español

Roberto Olabe del Arco, nado en Salamanca o 5 de maio de 1996, é un futbolista español que xoga como centrocampista no Ibiza, da Primeira División RFEF. É fillo do antigo porteiro vasco Roberto Olabe.

Olabe
Información persoal
Nome Roberto Olabe del Arco
Nacemento 5 de maio de 1996
Lugar de nacemento Salamanca
Altura 1,77 m.
Posición Centrocampista
Información de club
Club actual Ibiza
Número 16
Carreira xuvenil
Real Sociedad
Carreira sénior
Anos Equipos Aprs (Gls)
2014–2015 Berio 32 (1)
2015–2016 Real Sociedad B 5 (1)
2016 Villarreal C 8 (1)
2016–2018 Atlético de Madrid B 56 (4)
2016–2019 Atlético de Madrid 0 (0)
2018–2019 Extremadura 33 (1)
2019–2022 Eibar 1 (0)
2019–2020 Albacete 16 (0)
2020 Extremadura 10 (0)
2021 Tondela 17 (0)
2022 Alcorcón 15 (0)
2022–2023 Deportivo da Coruña 35 (0)
2023– Ibiza 8 (0)
Selección nacional
2012 España sub-17 3 (0)
Partidos e goles só en liga doméstica.
Club: actualizado a 25 de outubro de 2023.
editar datos en Wikidata ]

Traxectoria editar

Real Sociedad editar

Naceu en Salamanca, na época na que seu pai, Roberto Olabe, defendía a portería do Salamanca. Criouse en Donostia e formouse como futbolista na canteira da Real Sociedad. Co equipo xuvenil do club disputou a edición inaugural da Liga Xuvenil da UEFA na tempada 2013/14, na que ademais foi subcampión da Copa de Campións Xuvenil, despois de perder a final contra o Real Madrid.[1]

Ao remate da súa etapa xuvenil xogou no Berio (segundo filial realista) ás ordes de Imanol Alguacil, así como no Sanse, primeiro filial do club, na Segunda División B.

Villarreal C editar

En 2015 incorporouse á estrutura do Vilarreal CF, co que xogou durante a tempada 2015/16 nas filas do Vilarreal C, na Terceira División.

Atlético de Madrid B editar

Para tempada 2016/17 fichou polo Atlético de Madrid B, tamén de Terceira. Co filial atlético logrou o ascenso a Segunda B ese mesmo ano, no que debutou ademais co primeiro equipo do Atlético de Madrid, nunha eliminatoria da Copa do Rei ante o Guijuelo na que xogou os minutos finais como substituto de Correa.[2]

Durante a tempada 2017/18 foi un habitual nas aliñacións titulares de Óscar Fernández na categoría de bronce, adestrando tamén de xeito frecuente co primeiro equipo, co que foi convocado a varios partidos da Copa do Rei e da Europa League. En marzo de 2018 o seu contrato foi renovado por tres tempadas máis.[3] En agosto de 2018 foi convocado para a Supercopa de Europa que o Atlético conquistou ante o Real Madrid, aínda que quedou no banco durante todo o partido.[4]

Cesión ao Extremadura editar

Ese mesmo mes anunciouse a cesión do centrocampista ao Extremadura UD, para xogar na Segunda División.[5] Habitual no once titular para os tres técnicos que ocuparon o banco durante a tempada, disputou un total de 34 partidos e marcou un gol na vitoria por 1-2 sobre o Deportivo da Coruña en Riazor que serviu para sacar o equipo estremeño dos postos de descenso.[6]

Eibar editar

Cesión ao Albacete editar

O 7 de xullo de 2019 fichou polo Eibar por catro tempadas,[7] aínda que na primeira delas saíu cedido ao Albacete Balompié, de Segunda.[8] Con todo, no club adestrado por Ramis non estivo á altura das expectativas e en xaneiro chegouse a un acordo para poñer fin á súa cesión.[9]

2ª cesión ao Extremadura editar

Pasou a segunda metade da tempada cedido no Extremadura, cumprindo así a súa segunda etapa no club.[10] Disputou a maioría de partidos restantes, pero o equipo de Manuel Mosquera acabou descendendo ao remate da campaña.

Cesión ao Tondela editar

Para a tempada 2020/21 formou parte do cadro de xogadores do Eibar, pero non chegou a debutar na Primeira División, participando só en dous encontros da Copa do Rei. O 17 de xaneiro de 2021 anunciouse a súa saída para xogar cedido no CD Tondela ata o final da tempada.[11] No equipo portugués tivo como técnico ao tamén donostiarra Pako Ayestarán e disputou un total de 17 encontros na Primeira Liga, 13 deles como titular.

Regresou a Eibar para a campaña 2021/22, pero Gaizka Garitano aliñouno só en tres encontros (un de liga e dous de Copa).

Alcorcón editar

O 31 de xaneiro de 2022 rescindiu o seu contrato co club vasco e ese mesmo día fichou polo Alcorcón ata o final da tempada.[12][13] No club amarelo recuperou protagonismo, disputando 15 encontros da Segunda División, 13 deles como titular, pero o equipo acabou descendendo.

Deportivo da Coruña editar

O 7 de xullo de 2022 anunciouse a súa fichaxe polo Deportivo da Coruña por dous anos.[14] Iniciou a tempada 2022/23 con pouco protagonismo no equipo de Borja Jiménez, que lle deu a titularidade no centro do campo a Bergantiños e Villares. Con todo, acabou sendo un fixo no once inicial durante a parte central da competición, antes de perder peso no equipo de novo no treito final. Xogou un total de 35 partidos co club galego, 26 deles como titular.[15] Non chegou a iniciar a segunda campaña do seu contrato, pois este foi rescindido no verán de 2023.[16]

Ibiza editar

Trala súa marcha da Coruña recalou nas Illas Baleares, onde fichou polo Ibiza, da mesma categoría.[17]

Selección española editar

Foi internacional coa selección española sub-17, coa que disputou tres encontros en 2012.

Vida persoal editar

É fillo do exfutbolista Roberto Olabe, que militou entre outros equipos no Salamanca e na Real Sociedad. É neto por parte materna de Alfonso del Arco, que foi o último presidente do Salamanca antes da desaparición do histórico club en 2013.[18]

Palmarés editar

Atlético de Madrid

Notas editar

  1. "Las Viñas, un feudo talismán para el Madrid" (en castelán). 11 de maio de 2014. Consultado o 15 de xullo de 2022. 
  2. "Debutaron 4 canteranos en partido oficial" (en castelán). 30 de novembro de 2016. Consultado o 15 de xullo de 2022. 
  3. "Olabe renueva tres temporadas con el Atlético". Mundo Deportivo (en castelán). 9 de marzo de 2018. Consultado o 15 de xullo de 2022. 
  4. "Real Madrid began life without Cristiano Ronaldo and Zinedine Zidane with defeat in the first ever Uefa Super Cup derby as Atletico Madrid scored twice in extra time.". BBC (en inglés). 15 de agosto de 2018. Consultado o 15 de xullo de 2022. 
  5. "El Atlético cede a Olabe al Extremadura". Marca (en castelán). 31 de agosto de 2018. Consultado o 15 de xullo de 2022. 
  6. "El Extremadura se sale en Riazor" (en castelán). 21 de abril de 2019. Consultado o 15 de xullo de 2022. 
  7. "El Eibar ficha a Roberto Olabe". Mundo Deportivo (en castelán). 7 de xullo de 2019. Consultado o 15 de xullo de 2022. 
  8. "Roberto Olabe, orgulloso de ser del Alba". Albacete Balompié (en castelán). 4 de agosto de 2019. Consultado o 15 de xullo de 2022. 
  9. "El Albacete acuerda con el Eibar el fin de la cesión de Roberto Olabe" (en castelán). 22 de xaneiro de 2020. Consultado o 15 de xullo de 2022. 
  10. Parra, Pedro (22 de xaneiro de 2020). "Roberto Olabe regresa a Extremadura" (en castelán). Consultado o 15 de xullo de 2022. 
  11. "Olabe, cedido al CD Tondela portugués hasta final de temporada" (en castelán). 17 de xaneiro de 2021. Consultado o 15 de xullo de 2022. 
  12. "Acuerdo para la rescisión del contrato de Roberto Olabe" (en castelán). 31 de xaneiro de 2022. Consultado o 15 de xullo de 2022. 
  13. "Roberto Olabe se convierte en jugador de la AD Alcorcón" (en castelán). 31 de xaneiro de 2022. Arquivado dende o orixinal o 31 de xaneiro de 2022. Consultado o 15 de xullo de 2022. 
  14. "Oficial: Roberto Olabe, quinto fichaje del Deportivo". As (en castelán). 7 de xullo de 2022. Consultado o 15 de xullo de 2022. 
  15. Palleiro, Armando (27 de xuño de 2023). "Análisis de la plantilla: 8. Olabe. Un destructor sin presencia en ataque". DxT Campeón (en castelán). Consultado o 15 de agosto de 2023. 
  16. "Roberto Olabe non continuará no Deportivo". 17 de xullo de 2023. Consultado o 15 de agosto de 2023. 
  17. De la Cruz, Luis (17 de xullo de 2023). "Oficial: Olabe deja el Depor y firma por el Ibiza". As (en castelán). Consultado o 25 de outubro de 2023. 
  18. "Suspendido el Rayo Vallecano - Albacete, con presencia salmantina, por insultos a un futbolista" (en castelán). 15 de decembro de 2019. Consultado o 15 de xullo de 2022. 

Véxase tamén editar

Ligazóns externas editar