Adrián Lapeña
Adrián Lapeña Ruiz, nado en Logroño o 16 de abril de 1996, é un futbolista español que xoga de defensa central no Córdoba CF da Primeira División RFEF.
| Lapeña | |||
|---|---|---|---|
| Información persoal | |||
| Nome | Adrián Lapeña Ruiz | ||
| Nacemento | 16 de abril de 1996 | ||
| Lugar de nacemento | Logroño | ||
| Altura | 1,82 m. | ||
| Posición | Defensa | ||
| Información de club | |||
| Club actual | Córdoba CF | ||
| Carreira xuvenil | |||
| Balsamaiso | |||
| Valvanera | |||
| –2014 | Real Sociedad | ||
| Carreira sénior | |||
| Anos | Equipos | Aprs | (Gls) |
| 2014–2015 | Berio | 32 | (0) |
| 2015–2019 | Real Sociedad B | 109 | (6) |
| 2019–2020 | Eupen | 2 | (0) |
| 2020–2021 | Castellón | 35 | (3) |
| 2021–2023 | Deportivo da Coruña | 63 | (4) |
| 2023– | Córdoba | 0 | (0) |
|
Partidos e goles só en liga doméstica. Club: actualizado a 13 de agosto de 2023. [ editar datos en Wikidata ] | |||
Traxectoria editar
Natural de Logroño, comezou xogando nas categorías inferiores do Balsamaiso, equipo que por entón xogaba no colexio onde Adrián estudaba (Las Gaunas). Despois de nove anos anos no club, no seu paso á categoría de cadete foi recrutado polo Valvanera, equipo do cal deu o salto á Real Sociedade.
Na Real comezou a xogar de defensa central, xa que anos atrás debido ao seu poderío físico, xogaba en posicións do medio campo. Pasou por todas as etapas de xuvenil na Real e chegou a marcar gol na final da Copa de Campións de 2014 ao Real Madrid, aínda que o seu equipo acabou perdendo na quenda de penaltis. Á súa vez, tamén disputou a Liga Xuvenil da UEFA nese mesmo curso. Tras finalizar a súa etapa xuvenil, pasou a militar no filial donostiarra catro tempadas, entre 2015 e 2019, onde acabou sendo o capitán do equipo.[1]
No verán de 2019, rescindiu o seu contrato coa Real Sociedade B e firmou co KAS Eupen da Jupiler League, a Primeira División de Bélxica, onde xogou dous partidos da primeira volta da liga ás ordes de Beñat San José.
O 29 de xaneiro de 2020 asinou polo CD Castellón, do Grupo III da Segunda División B, no que xogou catro partidos de liga antes de que esta se paralizase pola pandemia de COVID-19.[2] Ademais, en xullo de 2020 xogou 3 partidos da promoción de ascenso a Segunda División, anotando un gol (á Unión Deportiva Logroñés) e logrando o ascenso co conxunto castellonenco, tras caer en primeira rolda pero gañar as dous seguintes.[3]
Na tempada 2020/21 continuou formando parte do equipo castellonenco, esta vez en Segunda División, sendo un habitual do equipo titular e disputando 33 encontros, aínda que o equipo acabou descendendo.
O 25 de xuño de 2021 asinou polo Deportivo da Coruña da Primeira División RFEF.[4] Debutou co club galego o 29 de agosto de 2021, no primeiro encontro da tempada 2021/22 da Primeira División RFEF contra o Celta B en Riazor, que acabou con goleada coruñesa por 5-0.[5] Foi titular en case tódolos partidos des tempada e da primeira metade da seguinte, formando parella de centrais xunto a Jaime Sánchez, pero acabou caendo dos onces iniciais na segunda parte da 2022/23, coincidindo cunha baixada de rendemento.[6]
En xullo de 2023 foi anunciado como novo xogador do Córdoba, da mesma categoría.[7]
Notas editar
- ↑ "La Real renueva a Adrián Lapeña" (en castelán). 25 de maio de 2018. Consultado o 6 de xullo de 2021.
- ↑ Mateu, Ismael (29 de xaneiro de 2020). "El Castellón apuntala la defensa con el fichaje de Adrián Lapeña" (en castelán). Consultado o 6 de xullo de 2021.
- ↑ "El Castellón regresa al fútbol profesional tras una década de dura travesía" (en castelán). 27 de xullo de 2020. Consultado o 6 de xullo de 2021.
- ↑ rcdeportivo.es Adrián Lapeña nuevo jugador del Deportivo, consultado en junio de 2021
- ↑ "O Dépor arranca a liga en quinta (5-0)". Deportivo da Coruña. 29 de agosto de 2021. Consultado o 30 de agosto de 2021.
- ↑ Antelo, Iván (12 de xuño de 2023). "Así fue la temporada de los 30 jugadores del Deportivo y esta es su situación contractual". La Voz de Galicia (en castelán). Consultado o 13 de agosto de 2023.
- ↑ "Adrián Lapeña ficha por el Córdoba". Mundo Deportivo (en castelán). 2 de xullo de 2023. Consultado o 13 de agosto de 2023.
Véxase tamén editar
Ligazóns externas editar
- Datos do xogador en BDFutbol (en castelán).