Abrir o menú principal

Lucas Pérez

futbolista español
(Redirixido desde "Lucas Pérez Martínez")

Lucas Pérez Martínez, nado na Coruña o 10 de setembro de 1988, é un futbolista galego. Xoga de dianteiro e o seu equipo actual é o Deportivo Alavés da Liga Santander.

Lucas Pérez
Lucas Pérez Martínez.jpeg
Lucas como xogador do Karpaty Lviv en 2011
Información persoal
Nome completo Lucas Pérez Martínez
Nacemento 10 de setembro de 1988 (31 anos)
  A Coruña
Nacionalidade España
Altura 1,81 m.
Posición Dianteiro
Información de club
Club actual Alavés
Carreira xuvenil
Victoria CF
Atlético Arteixo
Alavés
Montañeros
Ordes
Carreira sénior
Anos Equipos Aprs (Gls)
2007–2009 Atlético de Madrid C 55 (18)
2009–2011 Rayo B 44 (25)
2010 Rayo Vallecano 7 (1)
2011–2013 Karpaty Lviv 51 (14)
2013Dynamo Kyiv (cedido) 0 (0)
2013–2015 PAOK 32 (9)
2014–2015Deportivo (cedido) 21 (6)
2015–2016 Deportivo da Coruña 36 (17)
2016–2018 Arsenal 11 (1)
2017–2018Deportivo (cedido) 35 (8)
2018–2019 West Ham United 15 (3)
2019– Alavés 0 (0)
Selección nacional
2016 Galicia 1 (0)

* Partidos e goles só en liga doméstica. Actualizados a 4 de maio de 2019.
† Aparicións (Goles)
‡ Actualizado a 20 de maio de 2016.

editar datos en Wikidata ]

TraxectoriaEditar

IniciosEditar

 
Lucas lanzando un penalti nun Deportivo -Eibar.

Nado no barrio de Monelos,[1] comezou no fútbol no Victoria F.C., de onde Rubén Mato o levou ao Arteixo xuvenil. As súas actuacións en Ponte dos Brozos espertaron o interese do Deportivo Alavés, que vía nel unha aposta de futuro. Con todo, en 2007, tras só uns meses en Vitoria, os problemas económicos do Alavés obrigaron ao club a recortar gastos e Lucas volveu a Galicia.[2][3] Á súa volta, o Montañeros e o Ordes pugnaron polo xogador, chegando a haber unha polémica por unha duplicidade de fichas. Finalmente foi o equipo ordense o que se fixo cos seus servizos.[4] Tras unha tempada nese club, na que foi clave para salvar a categoría, foi fichado polo Atlético de Madrid, onde xogou moitos minutos no equipo C e B.

Rayo VallecanoEditar

Pasou despois ao Rayo Vallecano B co que xogou en Segunda División B e chegou a participar co primeiro equipo en Segunda División en sete encontros, marcando un gol e contribuíndo ao ascenso do equipo a Primeira División en 2011.

F. K. Karpaty Lviv e Dinamo de KievEditar

A finais desa tempada quedou libre e fichou polo FC Karpaty Lviv, equipo da Primeira División de Ucraína, onde foi elixido mellor debutante[5] e co que disputou a Europa League marcando un gol. En marzo de 2013 fichou polo FK Dynamo Kyiv,[6] no que só estivo catro meses tras unha mala experiencia.[7]

PAOK de SalónicaEditar

No verán de 2013 fichou polo PAOK de Salónica, no que realizou unha gran tempada, marcando 10 goles e dando 15 asistencias. Ademais entrou no once ideal da liga grega e foi elixido entre os cinco mellores xogadores do ano nese país.[8]

Deportivo da CoruñaEditar

O 18 de xullo de 2014 firmou polo Deportivo da Coruña, cedido polo PAOK, por unha tempada con opción de compra.[9] O 19 de outubro de 2014 na xornada 8 da Liga BBVA e tras perderse por lesión as 7 xornadas anteriores, debutou co Deportivo da Coruña en Riazor sendo titular e anotando o 2-0 contra el Valencia o día do seu debut. Esa campaña participou en 21 encontros e anotou 6 goles.

Volveu ao PAOK ao rematar a cesión e disputou co equipo grego dous partidos da terceira ronda da Liga Europa. Marcou nos dous partidos e foi ovacionado pola afección, cando xa se daba por feita a súa fichaxe definitiva polo Deportivo.[10]O 12 de agosto de 2015 firmou polo club coruñés, esta vez en propiedade, cun contrato por 4 tempadas.[11]

O 19 de decembro de 2015 tras marcar un penalti ao Eibar, que provocara o propio Lucas, e poñer o 1-0 no marcador, igualou o récord de Bebeto de marcar en 7 xornadas consecutivas co Deportivo da Coruña.[12] O 8 de xaneiro de 2016, a Liga BBVA nomeou a Lucas como o mellor xogador da Liga no mes de decembro ao marcar tres goles e dar unha asistencia en catro partidos e igualar o récord de Bebeto.[13]

O 2 de abril de 2016 nun derbi contra o Celta de Vigo en Balaidos e debido á lesión do porteiro Germán Lux que ata entón era o capitán do equipo no campo, Lucas luciu por primeira vez na súa carreira o brazalete de capitán do Deportivo nun partido oficial de Liga. Naquel partido cumpriu 50 partidos oficiais vestindo a camiseta do Deportivo da Coruña.

Arsenal F.C.Editar

O 30 de agosto de 2016, fíxose oficial a súa fichaxe polo Arsenal tras pagar o club inglés os 20.000.000 € da súa cláusula de rescisión.[14]

O 10 de setembro de 2016 debutou co Arsenal na Premier League como titular nun partido contra o Southampton, sendo substituído no minuto 64 polo dianteiro francés Olivier Giroud. O 20 de setembro de 2016 marcou os seus dous primeiros goles coa camiseta do Arsenal nun partido da Capital One Cup contra o Nottingham Forest. O encontro rematou 0-4, sendo a vitoria para o Arsenal. O 6 de decembro marcou o seu primeiro hat-trick co club na vitoria por 4 a 1 na súa visita ao Basel da Liga de Campións 2016-17.[15]

Ao final da tempada xogou pouco máis de mil minutos repartidos en 22 partidos, nos que marcou oito goles e deu seis asistencias.

Segunda etapa no Deportivo da CoruñaEditar

O 31 de agosto de 2017 anunciouse o seu retorno ao Deportivo, cedido por unha temporada polo Arsenal F.C.[16] A operación pechouse por preto de dous millóns e medio de euros.[17] Xogou 37 partidos e marcou 9 goles.[18]

West HamEditar

O 9 de agosto de 2018 anunciouse o seu traspaso por máis de catro millóns de euros ó West Ham United da Premier League inglesa, onde asinou un contrato por tres anos.[19][20] No club inglés xogou 19 partidos e anotou 6 goles.[21]

Deportivo AlavésEditar

O 3 de xuño de 2019, anunciouse a súa fichaxe polo Deportivo Alavés da Primeira División, equipo co que firmou un contrato por tres tempadas.[21] En novembro converteuse no primeiro xogador en marcar en sete xornadas consecutivas da Liga con dous equipos diferentes (Deportivo da Coruña e Deportivo Alavés),[22] ademais de ser o xogador do equipo vasco en anotar en máis xornadas consecutivas.[23]

Selección galegaEditar

Foi convocado pola selección galega para o partido contra Venezuela disputado no estadio de Riazor o 20 de maio de 2016, que finalizou con empate (1–1).[24]

NotasEditar

  1. "«Sigo siendo Lucas, el de Monelos»". La Voz de Galicia (en castelán). 31 de agosto de 2017. Consultado o 10 de novembro de 2019. 
  2. "Lucas Pérez, un viejo conocido del Alavés" (en castelán). 30 de maio de 2019. Consultado o 11 de novembro de 2019. 
  3. "El traspaso de Lucas Pérez deja 100.00 euros al Alavés" (en castelán). 31 de agosto de 2016. Consultado o 10 de novembro de 2019. 
  4. "Un profesional de Os Castros". Depor Sport (en castelán). 31 de decembro de 2009. Arquivado dende o orixinal o 23 de setembro de 2015. Consultado o 10 de novembro de 2019. 
  5. "Lucas Pérez, mejor debutante en Ucrania, negocia con el Dinamo Kiev" (en castelán). 8 de xaneiro de 2012. Consultado o 10 de novembro de 2019. 
  6. "Lucas Pérez ya es el primer español en la historia del Dinamo de Kiev". Marca (en castelán). 1 de marzo de 2013. Consultado o 10 de novembro de 2019. 
  7. "Lucas Pérez: "En el Dinamo de Kiev pasé los peores cuatro meses de mi vida"". Marca (en castelán). 16 de xaneiro de 2014. Consultado o 10 de novembro de 2019. 
  8. "Lucas también conquista Grecia". La Voz de Galicia (en castelán). 6 de maio de 2014. Consultado o 10 de novembro de 2019. 
  9. "Lucas Pérez firma su contrato y se entrenará mañana sábado en Abegondo". Deportivo da Coruña. 18 de xullo de 2014. 
  10. "Lucas Pérez se despide del PAOK con un gol que le da el triunfo en la Liga Europa". La Voz de Galicia (en castelán). 31 de xullo de 2015. Consultado o 10 de novembro de 2019. 
  11. "Lucas Pérez, nuevo jugador del Dépor para las cuatro próximas temporadas". Deportivo da Coruña. 12 de agosto de 2015. 
  12. "Lucas Pérez alcanza el récord de Bebeto". Marca (en castelán). 20 de decembro de 2015. Consultado o 10 de novembro de 2019. 
  13. "Lucas Pérez, mejor de la Liga en diciembre". Marca (en castelán). 8 de xaneiro de 2016. Consultado o 10 de novembro de 2019. 
  14. "Arsenal y Deportivo hacen oficial el traspaso de Lucas Pérez". La Voz de Galicia (en castelán). 2 de setembro de 2016. Consultado o 10 de novembro de 2019. 
  15. "1-4: Un hat trick de Lucas Pérez pone al Arsenal campeón de grupo" (en castelán). 6 de decembro de 2016. Consultado o 10 de novembro de 2019. 
  16. "Lucas Pérez regresa ao Deportivo cedido polo Arsenal". Deportivo da Coruña. 31 de agosto de 2017. 
  17. "Lucas Pérez vuelve al Deportivo". Marca. 31 de agosto de 2017. 
  18. "El West Ham hace oficial a Lucas Pérez" (en castelán). 9 de agosto de 2018. Consultado o 10 de novembro de 2019. 
  19. West Ham United sign striker Lucas Perez from Arsenal
  20. "Martillazo de Lucas Pérez". La Voz de Galicia (en castelán). 9 de agosto de 2018. Consultado o 10 de novembro de 2019. 
  21. 21,0 21,1 Lucas Pérez ficha por el Deportivo Alavés
  22. "Lucas Pérez establece un nuevo récord con el Alavés" (en castelán). 9 de novembro de 2019. Consultado o 10 de novembro de 2019. 
  23. "Lucas Pérez sigue en estado de gracias con el Alavés" (en castelán). 9 de novembro de 2019. Consultado o 10 de novembro de 2019. 
  24. Pardo, Miguel (21 de maio de 2016). "Galicia brilla e promete continuidade na festa do fútbol da terra". Praza.gal. Consultado o 22 de maio de 2016. 

Véxase taménEditar