Real Club Deportivo Fabril

(Redirixido desde "Deportivo Fabril")

O Real Club Deportivo Fabril, tamén coñecido como Dépor B, é un equipo de fútbol galego centenario,[2] filial do Deportivo da Coruña. Fundouse o 21 de febreiro de 1914[3][4][5] e milita no Grupo 1 da Terceira División.

Deportivo Fabril
NomeReal Club Deportivo Fabril[1]
Alcume(s)Fabril
Dépor B
Fundación21 de febreiro de 1914 (106 anos)
EstadioO Mundo do Fútbol,
Abegondo, Galicia
Inauguración2003
Capacidade3.000
PresidenteGalicia Fernando Vidal
AdestradorEspaña Juan Carlos Valerón
Liga3ª – Grupo 1
2019–207.º
VestimentaMacron
PatrocinadorEstrella Galicia
Páxina webPáxina web
Na casa
Fóra
Terceira

HistoriaEditar

O Fabril Foot-ball Club foi fundado en 1914 polo dono dunha fábrica téxtil situada no barrio de Catro Camiños, na Coruña. O seu uniforme orixinal compúñase dunha camisola a bandas verticais azulgranas e un pantalón negro. Nesta etapa, destaca a presenza de Ramón González no equipo fabrilista.

Durante os anos trinta e corenta, o club participa nas divisións de modestos da cidade herculina. En 1941, é obrigado a eliminar os estranxeirismos do seu nome por mor das leis franquistas, mudando o seu nome polo de Fabril Sociedad Deportiva.

En 1948, o club asina un convenio de asociación co Deportivo da Coruña e comeza a participar na Serie A. Na tempada 1953-54 o Fabril, con Luis Suárez nas súas filas, gañoulle ó Club Turista na final do Campionato Galego de Afeccionados. Ese mesmo ano, ascendeu a Terceira división despois de proclamarse campión da Serie A.

A finais da década de 1950 e principios da de 1960 o club viuse inmerso nunha grave crise económica.

Na tempada 1963-64 xogou a promoción de ascenso á Segunda división, despois de quedar segundo do seu grupo. Na primeira eliminatoria eliminou á SD Ponferradina, tocándolle como rival para a seguinte eliminatoria a Gimnástica de Torrelavega. O Fabril venceu por 2-1 na Coruña, mentres que en Torrelavega o resultado foi o mesmo pero gañando o equipo cántabro, polo que se tivo que xogar un partido de desempate. Este encontro disputouse dous días despois no Molinón de Xixón e o resultado foi de empate a 2. Xogouse entón un cuarto partido ao día seguinte para desfacer a igualdade e esta vez acabou en derrota do equipo coruñés, despois de que a Gimnástica remontase con dous goles no último minuto a diana inicial de Pito.[6] Ricardo Badás era o adestrador daquel equipo e nel xogaban entre outros Antonio Giráldez, Manolete, Beci e Pellicer.[7]

Foi nese momento cando o Fabril asinou un acordo definitivo co Deportivo, polo cal este asumiu todas as débedas do anterior, que pasaba a ser o seu filial baixo o nome de Fabril Deportivo. Ademais nese intre o Fabril, que daquela estaba presidido por José González Dopeso, fusionouse co Deportivo Xuvenil e cambiou as cores da súa vestimenta ao branco e azul.[8][7]

Tras distintos cambios de categoría durante as décadas seguintes, en 1991 o Fabril conseguiu o ascenso a Segunda B con Paco Melo como adestrador, despois de quedar cuarto na liga e saír vencedor do seu grupo da fase de ascenso, na que conseguiu superar ao Caudal Deportivo, CF Fuenlabrada e SD Almazán. O equipo só durou un ano na categoría, a 1991-92, volvendo a Terceira tras quedar 18º.

En 1993 asinouse un novo acordo entre o Deportivo e os dez socios membros do Fabril. Por este acordo o Fabril pasou a ser federativamente o Real Club Deportivo de La Coruña B. Na 1993-94 rematou segundo do seu grupo, a un punto do campión, o Bergantiños. Xogou entón a fase de ascenso quedando encadrado nun grupo co Atlético Bembibre, o Club Deportivo Lealtad e o Real Aranjuez, sendo este último o que conseguiu finalmente o ascenso.

Foi na tempada 1994-95 cando o Deportivo B volveu ascender a Segunda B, tras quedar cuarto na liga regular e ser o dominador do seu grupo na fase de ascenso, gañando 4 dos seis partidos que disputou contra os seus rivais, que foron Rayo Majadahonda, Atlético Bembibre e Caudal Deportivo. Ao ano seguinte, na que era a súa segunda tempada na categoría, o equipo acabou no quinto posto, e na edición seguinte, a 1996–97, conseguiu meterse na fase de ascenso, despois de rematar en cuarta posición. Quedou encadrado co Elche, Córdoba e Barakaldo pero só conseguiu gañar dous dos seis partidos. Na 1997–98 xogou de novo a liguiña de ascenso a Segunda División, tras rematar 3º. Enfrontouse ao Recreativo de Huelva, ao Espanyol B e de novo ao Barakaldo, sendo este último o único ao que logrou vencer nun dos encontros.

 
Xogadores do Fabril en 2016.

O club regresou á Terceira División en 1999, onde estivo unha tempada e volveu ascender. Este ascenso durou só unha tempada, regresando a Terceira en 2001. Xogou dúas novas fases de ascenso nas tempadas 2002-03 e 2003-04, pero non logrou ascender. Tampouco o conseguiu na 2005-06 a pesar de ter sido campión da categoría. Na 2006-07 volveu gañar a liga, e desta volta si conseguiu subir a Segunda B, tras eliminar ó CD Anguiano e ó CD Don Benito na fase de ascenso.

Na tempada 2007-08 quedou 4º, e xogou a fase de ascenso a Segunda División pero foi eliminado na primeira eliminatoria polo Écija Balompié. Na tempada 2008-09 quedou 17º volvendo á Terceira división na última xornada.

 
Encontro disputado entre o Deportivo da Coruña B e o CDA Navalcarnero.

Na campaña 2009–10 volveu ser campión de Terceira a tres xornadas do final, ascendendo novamente á Segunda División B, tras superar a eliminatoria contra o Burgos CF nos penaltis en Riazor. Na tempada 2010–11 descendeu novamente a Terceira División. Xogou unha nova fase de ascenso na 2012-13 sen conseguir subir e na tempada seguinte acabou en 9ª posición. A continuación disputou outras tres promocións nas tres tempadas seguintes, acadando o ascenso na última delas, a 2016-17, na que foi campión e conseguiu vencer ao Club Polideportivo Cacereño no play off.[9]

O 10 de xullo de 2017 o equipo recuperou o seu nome tradicional, pasando a chamarse Real Club Deportivo Fabril.[10] Na primeira tempada da súa nova etapa en Segunda B, tivo como adestrador a Cristóbal Parralo, e dende outubro a Gustavo Munúa, despois de que Parralo se convertese en adestrador do primeiro equipo. O Fabril rematou ese ano subcampión do seu grupo e disputou a fase de ascenso, pero quedou eliminado na primeira eliminatoria fronte ao Extremadura UD.[11] Foi con todo, o mellor resultado histórico do club.

Na tempada seguinte volveu descender á Terceira División despois dun mal ano no que o club tivo tres adestradores diferentes: Tito Ramallo, Sergio Pellicer e Luisito.[12] Este último continuou na tempada 2019-20 na que o equipo ocupaba a sétima praza cando a liga foi suspendida debido á pandemia por coronavirus.[13]

Nomes do clubEditar

  • Fabril Foot-ball Club (1914–1926)
  • Sporting Fabril (1926-1941)
  • Fabril Sociedad Deportiva (1941–1964)
  • Fabril Deportivo (1964–1993)
  • Real Club Deportivo de La Coruña, S.A.D. "B" (1993–2017)
  • Real Club Deportivo Fabril (2017– )

EstadioEditar

O Fabril xoga habitualmente no campo principal da Cidade Deportiva de Abegondo, con capacidade para 3.000 espectadores, se ben tamén ten utilizado o Estadio de Riazor en partidos de especial transcendencia como foi o da fase de ascenso á Segunda División na tempada 2007–08.

Datos do clubEditar

Historial na ligaEditar

Tempada Categoría Posto
1947/48 Serie A
1948/49 Serie A
1949/50 Serie A
1950/51 Serie A
1951/52 Serie A
1952/53 Serie A
1953/54 Serie A
1954/55
1955/56
1956/57
1957/58
1958/59 13º
1959/60 11º
1960/61 12º
1961/62
1962/63
1963/64
Tempada Categoría Posto
1964/65
1965/66
1966/67
1967/68
1968/69
1969/70 11º
1970/71 Serie A
1971/72 19º
1972-73 Serie A
1973-74 Serie A
1974-75 Serie A
1975-76 Serie A
1976-77 Serie A
1977/78
1978/79 17º
1979/80 16º
1980/81 10º
Tempada Categoría Posto
1981/82 11º
1982/83
1983/84
1984/85 10º
1985/86
1986/87 11º
1987/88
1988/89
1989/90
1990/91
1991/92 2ªB 18º
1992/93
1993/94
1994/95
1995/96 2ªB
1996/97 2ªB
1997/98 2ªB
Tempada Categoría Posto
1998/99 2ªB 17º
1999/00
2000/01 2ªB 20º
2001/02
2002/03
2003/04
2004/05
2005/06
2006/07
2007/08 2ªB
2008/09 2ªB 17º
2009/10
2010/11 2ªB 17º
2011/12
2012/13
2013/14
2014/15
Tempada Categoría Posto
2015/16
2016/17
2017/18 2ªB
2018/19 2ªB 20º
2019/20
2020/21

XogadoresEditar

Cadro actualEditar

Datos do 1 de setembro de 2017.[14]
Posto País Xogador
POR   Álex Cobo
POR   Francis Uzoho
DEF   Blas Alonso
DEF   Diego Caballo
DEF   Emilio Lucas Viñas
DEF   Steve Aldo One
DEF   Quique Fornos
DEF   Raúl González Valls
MED   Bicho
MED   Carlos López
Posto País Xogador
MED   Edu Expósito
MED   Gaizka Martínez
MED   Martín Bengoa
MED   Álvaro Queijeiro
MED   Manuel Romay
DIA   Borja Galán
DIA   Jardel
DIA   Luismi Redondo
DIA   Óscar Pinchi
DIA   Uxío da Pena

AdestradoresEditar

PalmarésEditar

Torneos nacionaisEditar

Torneos estataisEditar

Torneos amigablesEditar

  • Trofeo Sporting Sada (1): 2009
  • Trofeo Cidade de Betanzos (1): 2009
  • Trofeo Santiago Apóstol – VI Memorial Lisardo Campos (1): 2010
  • Trofeo de Vimianzo (1): 2010
  • Trofeo Concello de Cedeira (1): 2010
  • Memorial Esteban Lareo (1): 2015[22]

NotasEditar

  1. Ficha do equipo na web da Federación Galega de Fútbol. Consultado o 25 de xullo de 2017.
  2. El Fabril cumple cien años - CanalDeportivo
  3. Real Club Deportivo de La Coruña, S.A.D. “B” lafutbolteca.com (en castelán)
  4. "Cien años de «Fabriquín»" La Voz de Galicia, 23 de febreiro de 2014. (en castelán)
  5. Historia do Fabril rcdeportivo.es
  6. "2-1: El Fabril perdió en el último minuto". La Voz de Galicia (en castelán). 18 de xuño de 1964. p. 4. 
  7. 7,0 7,1 "Historia do Fabril". Real Club Deportivo. Consultado o 13 de agosto de 2020. 
  8. Deportivo Juvenil y Fabril, dos equipos distintos DEPOR Sport (en castelán)
  9. Antelo, Iván (28 de maio de 2017). "Un final de película para el ascenso del Fabril a Segunda B". La Voz de Galicia (en castelán). Consultado o 13 de agosto de 2020. 
  10. O Dépor B volve chamarse oficialmente Fabril
  11. "El Extremadura se clasifica tras eliminar al Deportivo Fabril, pese a perder por 3-2 en el duelo de vuelta" (en castelán). 27 de maio de 2018. Consultado o 13 de agosto de 2020. 
  12. Falcón, Susana (14 de maio de 2020). "Luisito deja de ser entrenador del Fabril" (en castelán). Consultado o 13 de agosto de 2020. 
  13. Sanz, Miguel (9 de maio de 2020). "Luces y sombras en un curso de transición: Así ha sido la temporada del Fabril" (en castelán). Consultado o 13 de agosto de 2020. 
  14. Cadro Deportivo Fabril 2017/2018 (en galego)
  15. 15,0 15,1 15,2 "Historia del Fabril". geocities.ws. Consultado o 31-03-2016. 
  16. "Neira, entrenador del Fabril". La Voz de Galicia (en castelán) (A Coruña ed.). 20 de xaneiro de 1953. p. 4. 
  17. 17,0 17,1 Pepe Guillín. Depor Sport (2 de xuño de 2010). "El Deportivo B y el Fabril de los años 60". Consultado o 31-03-2016. 
  18. Pepe Guillín. Depor Sport (3 de marzo de 2010). "Guillermo, un jugador surgido en el colegio de los Salesianos". Arquivado dende o orixinal o 13-04-2016. Consultado o 31-03-2016. 
  19. ""Cortés en el Deportivo"". Historias del Deportivo. Consultado o 31-03-2016. 
  20. "Vicente Celeiro". aupadeportivo.com. Arquivado dende o orixinal o 25-06-2016. Consultado o 31-03-2016. 
  21. "Cuerpo Técnico". forzadepor.8m.com. Arquivado dende o orixinal o 13-04-2016. Consultado o 31-03-2016. 
  22. Galifutbol.com (16 de agosto de 2015). "El Dépor B conquista el Memorial Lareo ante el Silva en un intenso derbi herculino". Arquivado dende o orixinal o 05 de marzo de 2016. Consultado o 16 de agosto de 2015. 

Véxase taménEditar

Ligazóns externasEditar