Estadio Carlos Tartiere (1932)
O antigo Estadio Carlos Tartiere era un estadio de fútbol da cidade de Oviedo, en España. Nel xogou os seus partidos como local o Real Oviedo entre 1932 e 2000, cando pasou a xogar no novo estadio. Foi derrubado en 2003.
| Estadio Carlos Tartiere | ||||
|---|---|---|---|---|
.jpg) | ||||
| Tipo | estadio  | |||
| Epónimo | Carlos Tartiere | |||
| Deporte | fútbol | |||
| Persoas e organizacións | ||||
| Operador/a | Real Oviedo | |||
| Ocupante | Real Oviedo | |||
| Propietario/a | Concello de Oviedo | |||
| Arquitecto/a | Ildefonso Sánchez del Río | |||
| Datas | ||||
| Fundación | 1932 | |||
| Inauguración | 24 de abril de 1932 | |||
| Demolición | 2003 | |||
| Acontecementos | ||||
| Mundial de Fútbol España 1982 | ||||
| Dimensións | ||||
| Capacidade | 22.000 (1932-1982) 23.500 (1982-1998) 16.500 (1998-2003) | |||
| Tipo superficie | Céspede | |||
| Localización | ||||
| ||||
| Estado | España | |||
| Comunidade autónoma | Asturias | |||
| Provincia | provincia de Asturias | |||
| Concello | Oviedo | |||
| Localización | Oviedo, España  | |||
| Contacto | ||||
| Redes |  | |||
| [ Wikidata ] | ||||
O campo recibía este nome polo primeiro presidente do club, Carlos Tartiere.
Historia
editarDenominado Estadio de Buenavista, por estar situado no barrio do mesmo nome, foi inaugurado o 24 de abril de 1932, cun partido entre as seleccións nacionais de España e Iugoslavia con triunfo de España por 2-1. O primeiro gol do estadio foi marcado por Isidro Lángara, dianteiro do Real Oviedo.
Tiña a particularidade nese tempo de que a tribuna principal estaba cuberta cunha visera de máis de 100 metros de lonxitude sen ningunha columna de apoio diante, a primeira que se construia en España desas características, obra do enxeñeiro Ildefonso Sánchez del Río.
En 1954 foi vendido ao Concello de Oviedo, que é o seu propietario desde entón. En xuño de 1958 o seu nome cambiouse polo do fundador e primeiro presidente do club, Carlos Tartiere.
O 4 de xuño de 1969 inaugurouse a iluminación artificial do campo durante o encontro amigable entre o Real Oviedo e o Real Madrid.
Foi reconstruído con motivo do Mundial de Fútbol España '82, no que foi unha das sedes oficiais, de forma que a capacidade do recinto pasou de 20.000 persoas a 22.500. O partido de inauguración logo das obras enfrontou o Real Oviedo coa selección nacional de Chile.
En 1998, para cumprir coa normativa da UEFA e mellorar a seguridade nos campos de fútbol, engádense butacas a case todo o campo de forma que o foro se reduce ata as 13.000 persoas. Este feito fixo que se expuxese a necesidade de construír un novo campo de fútbol para a cidade con capacidade suficiente para todos os afeccionados.
O 20 de maio de 2000 o Real Oviedo xoga o seu último partido no Carlos Tartiere fronte á Real Sociedad e este é derrubado en 2003, unha vez estivo terminado o novo estadio. Nos terreos que ocupaba o estadio e arredores construíuse o Palacio de Congresos de Oviedo, deseñado por Santiago Calatrava.
Partidos internacionais
editarXogáronse tres partidos da primeira rolda do Mundial de 1982, concretamente do Grupo B.
| Chile | 
|
0:1 (0:1) | 
|
Austria | 18 de xuño de 1982 Asistencia: 22.500 Árbitro: Juan Daniel Cardellino (Uruguai) |
| Schachner 21' | |||||
| Alxeria | 
|
0:2 (0:0) |
|
Austria | 21 de xuño de 1982 Asistencia: 22.000 Árbitro: Tony Boskovic (Australia) |
| Schachner 55' Krankl 67' | |||||
| Alxeria |
|
3:2 (3:0) |
|
Chile | 24 de xuño de 1982 Asistencia: 16.000 Árbitro: Romulo Méndez Molina (Guatemala) |
| Assad 7' 31' Bensaoula 35' |
Neira 59' (p) Letelier 73' | ||||
Véxase tamén
editar| A Galipedia ten un portal sobre: Asturias |