Copa da Raíña de fútbol
O Campionato de España-Copa da Súa Maxestade a Raíña, comunmente coñecida como Copa da Raíña, é un torneo español de fútbol feminino que se disputa anualmente por roldas eliminatorias. Iniciouse en 1983, sendo a competición oficial de fútbol feminino máis antiga de España. A súa organización vai a cargo da Real Federación Española de Fútbol.
| Copa da Raíña | |
|---|---|
| Fundación | 1983 |
| Rexión |  España |
| Máis laureado | FC Barcelona Levante UD RCD Espanyol |
| Organizador | RFEF |
Os equipos máis laureados son o FC Barcelona, o Levante UD e o RCD Espanyol, con 6 títulos cada un. Un total de 15 equipos gañaron a Copa nalgunha ocasión, sendo o coruñés Karbo Deportivo o vencedor das primeiras tres edicións.
Historia
editarO actual torneo ten o seu antecedente directo na Copa Raíña Sofía, disputada en 1981[1] sendo gañada polo Karbo.[2][3][4] A Real Federación Española de Fútbol deu oficialidade ao torneo en 1983, coa creación do Campionato de España de Fútbol Feminino.[5] Ao non existir ningunha outra competición feminina oficial a nivel estatal, este torneo era considerado o máis importante ata a creación, en 1988, da Liga Nacional Feminina.[6] A partir desa mesma tempada, o Campionato de España feminino recibiu a denominación de Copa da Raíña, a imaxe e semellanza do Campionato de España masculino, a Copa do Rei.
Inicialmente participaban no torneo os campións das distintas ligas territoriais. Desde a tempada 2001/02 son os mellores clasificados da Superliga os que obteñen o pase para disputar a Copa.
Sistema de competición
editarDesde a edición 2018-19, os 16 equipos da Primeira División participan na competición. Anteriormente só participaban os oito primeiros clasificados da Primeira División. Todas as roldas xóganse a un só partido.
En oitavos de final, o equipo que xoga en casa é designado por sorteo puro.
O sorteo para os cuartos de final segue o seguinte formato:
- Nunha primeira fase sepáranse en dúas copas os dous equipos clasificados para a Liga de Campións Feminina da UEFA. Os seis equipos restantes divídense, por sorteo, entre as dúas copas, formando un total de 4 equipos por copa.
- Emparéllanse por sorteo puro os equipos de cada copa. O partido de cuartos de final xogarase no campo do equipo que xogase os oitavos de final fóra de casa. No caso de que ambos os equipos xogasen en casa ou fóra, será o primeiro cuxa bóla sexa extraída no sorteo.
Trofeo
editarO trofeo outorgado ao vencedor da competición foi cambiando ao longo dos anos. Desde 2011 entrégase unha copa de prata de lei, de 73 centímetros de altura e oito quilos de peso. O deseño e elaboración do trofeo é obra da Xoiería Alegre de Madrid, responsable tamén da Copa do Rei masculina.
O club campión da Copa da Raíña recibe devandito trofeo, en depósito, durante un ano, tras o cal é substituído por unha réplica. Só o club que conquista o título tres anos consecutivos ou cinco alternos obtén o trofeo en propiedade.
Ademais do trofeo, a RFEF entrega 25 réplicas do trofeo ás xogadoras que compoñen o persoal do club campión, e 25 medallas prateadas para as do segundo clasificado.
Historial de finais
editarEste artigo (ou sección) está desactualizado(a). A información fornecida mudou ou é insuficiente. |
.svg){kind=small}
Palmarés
editar| Pos. | Equipo | Campión | Subcampión | Títulos (anos) |
|---|---|---|---|---|
| 1 |  RCD Espanyol
|
6 | 4 | 1996, 1997, 2006, 2009, 2010, 2012 |
| 2 | FC Barcelona
|
6 | 2 | 1994, 2011, 2013, 2014, 2017, 2018 |
| 3 | .svg){kind=small} Levante UD
|
6 | 1 | 2000, 2001, 2002, 2004, 2005, 2007 |
| 4 |  Añorga KKE
|
3 | 4 | 1990, 1991, 1993 |
| 6 |  Oroquieta Villaverde
|
3 | 3 | 1992, 1995, 1999 |
| 6 |  Karbo Deportivo
|
3 | 0 | 1983, 1984, 1985 |
| 7 | Oiartzun KE
|
2 | 1 | 1987, 1988 |
| 14 | Atlético de Madrid
|
1 | 3 | 2016 |
| 8 | CF Porvenir
|
1 | 2 | 1986 |
| 11 | CE Sabadell
|
1 | 2 | 2003 |
| 10 |  Málaga CF
|
1 | 1 | 1998 |
| 12 | Rayo Vallecano
|
1 | 1 | 2008 |
| 9 | CF Parque Alcobendas
|
1 | 0 | 1989 |
| 13 | Sporting Club de Huelva
|
1 | 0 | 2015 |
| 15 | Real Sociedad
|
1 | 0 | 2019 |
Notas
editar- ↑ "El campeonato de fútbol femenino en homenaje a S. M. la Reina" (PDF). Mundo Deportivo. 27 de xuño de 1981. p. 19.
- ↑ Alfredo Relaño (16 de maio de 2019). "La Copa de la Reina Sofía". As.com.
- ↑ Las reinas del fútbol ganan su copa La Voz de Galicia. 25 de maio de 2019
- ↑ "Fútbol femenino. Karbo, primer campeón nacional" (PDF). Mundo Deportivo. 29 de xuño de 1981. p. 20.
- ↑ 5,0 5,1 5,2 "Bautismo europeo para la selección femenina" (PDF). Mundo Deportivo. 26 de abril de 1985. p. 21.
- ↑ "La Copa antes que la Liga" (PDF). Mundo Deportivo. 23 de setembro de 1988. p. 53.
- ↑ "La Voz de Galicia". A Coruña. 23 de maio de 1983. p. 25.
- ↑ Chío de Manu Sainz coa crónica do diario As Arquivado 30 de setembro de 2020 en Wayback Machine.