Alberto Casal Arantes
Alberto Ramón Casal Arantes, máis coñecido como Casal, nado en Vigo o 22 de agosto de 1970, é un exfutbolista galego. Xogaba de porteiro. Actualmente é o adestrador de porteiros do Deportivo da Coruña.
| Biografía | |||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Nacemento | 22 de agosto de 1970 (54 anos) Vigo, España  | ||||||||||||||||||||||||||||||||||
| País de nacionalidade | España | ||||||||||||||||||||||||||||||||||
| Altura | 1,84 m. | ||||||||||||||||||||||||||||||||||
| Actividade | |||||||||||||||||||||||||||||||||||
| Ocupación | futbolista | ||||||||||||||||||||||||||||||||||
| Deporte | fútbol | ||||||||||||||||||||||||||||||||||
| Posición de xogo | Porteiro | ||||||||||||||||||||||||||||||||||
| |||||||||||||||||||||||||||||||||||
Traxectoria
editarComo xogador
editarFormouse nas categorías inferiores do Celta de Vigo e xogou no Celta Turista, ademais de no Cultural Areas e o Gran Peña. Aos 24 anos marchou cedido ao Racing de Ferrol, en Segunda División B para a tempada 1994/95.[1] Ao rematar o curso desvinculouse co Celta e asinou polo Racing por outra tempada.[2] Con todo, no club ferrolán non dispuxo apenas de minutos fronte ao porteiro titular, Luis César Sampedro.
Na tempada 1996/97 pasou a xogar no CCD Cerceda ata que en abril de 1998 fichou como novo porteiro do Endesa As Pontes, que tiña lesionados os porteiros do primeiro equipo.[3] En xuño de 1999 foi anunciado como novo porteiro do Club Deportivo Lugo.[4] No club lucense, adestrado por Fabri, chegou a gañar a titularidade en detrimento do histórico porteiro Xosé Domínguez.[5]
En 2001 incorporouse ao Atlético Arteixo, de Terceira División, club no que xogou dúas tempadas e que deixou para xogar no Racing Vilalbés de Rexional Preferente. Na tempada 2004-05 asinou polo Laracha, un recentemente ascendido á 3ª División, con José Luís Vara como adestrador. No club larachés gañou o trofeo ao porteiro menos goleado no seu primeiro ano e foi o segundo menos goleado no segundo ano, desempeño excepcional que lle serviu ao Laracha para rematar en 5ª e 3ª posición respectivamente. Con todo, no terceiro ano na categoría o club acabou descendendo, sendo esta a última tempada de Casal como xogador.
Adestrador de porteiros
editarAo deixar de xogar ao fútbol, Casal pasou a exercer como adestrador de porteiros. Realizou dita función no Montañeros CF, Cidade de Santiago e Bergantiños FC, ata que en 2012 se incorporou á Ponferradina, en Segunda División.[6] Tras seis anos no club berciano,[7] en xullo de 2018 pasou ao Deportivo Fabril,[8] do que se ocupou dous anos até agosto de 2020, cando foi anunciado como novo adestrador de porteiros do Deportivo da Coruña na súa nova etapa en Segunda División B.[9]
Notas
editar- ↑ "El Racing presentó a cuatro jugadores fichados en el Turista". La Voz de Galicia (en castelán) (Ferrol ed.). 22 de xuño de 1994. p. 49.
- ↑ "Luis César, Casal y Richard firmaron ayer su renovación en el Racing". La Voz de Galicia (en castelán) (Ferrol ed.). 15 de xullo de 1995. p. 52.
- ↑ "Casal se incorporó como refuerzo". La Voz de Galicia (en castelán) (Ferrol ed.). 4 de abril de 1998. p. 57.
- ↑ "El portero endesista Casal jugará la próxima temporada en el Club Deportivo Lugo". La Voz de Galicia (en castelán). 9 de xuño de 1999. p. 63.
- ↑ "Fabri ya convocó a todos". La Voz de Galicia (en castelán) (Lugo ed.). 7 de decembro de 1999. p. 54.
- ↑ "Alberto Casal es el nuevo entrenador de porteros". Marca (en castelán). 20 de setembro de 2012. Consultado o 30 de agosto de 2020.
- ↑ "La reestructuración de la Ponferradina llega a la cantera" (en castelán). 5 de xuño de 2018. Consultado o 30 de agosto de 2020.
- ↑ "Una nueva era en la portería" (en castelán). 4 de xullo de 2018. Consultado o 30 de agosto de 2020.
- ↑ "Alberto Casal, nuevo preparador de porteros del Deportivo" (en castelán). 25 de agosto de 2020. Consultado o 30 de agosto de 2020.