Abrir o menú principal

Bergantiños Fútbol Club

(Redirixido desde "Bergantiños FC")

O Bergantiños Fútbol Club é un equipo de fútbol de Carballo (A Coruña). Foi fundado en 1923 e compite na Terceira División. Disputa os seus partidos como local no Estadio As Eiroas da capital bergantiñá.

Bergantiños
NomeBergantiños Fútbol Club
Alcume(s)Bergan
Fundación1923
EstadioAs Eiroas,
Carballo, Galicia
Capacidade3.500[1]
PresidenteGalicia José Cotelo Pérez
AdestradorGalicia Miguel Figueira
Liga3ª – Grupo 1
2018–192.º
Páxina webPáxina web
Na casa
Fóra

Índice

HistoriaEditar

Inicios do fútbol en CarballoEditar

 
Casino de Carballo (anteriormente café "La Terraza"), lugar habitual de reunión dos fundadores do Bergantiños FC.

Contra o ano 1920 existían en Carballo seis equipos das barriadas que disputaban os seus encontros no campo situado no terreo que actualmente ocupa a casa do concello carballés. Con "Amistad obrera", "Galicia", "Fortuna", "Huracán", "Español" e "Bergantiños" comezaba a nacer unha importante afección polo fútbol.[2]

Foi en 1923 cando un grupo de entusiastas carballeses, incondicionais das tertulias vespertinas do café "La Terraza" -actual casino- decidiron crear o primeiro club de fútbol federado da comarca de Bergantiños. Bautizóuselle co nome de "Bergantiños F.C." e foi o seu primeiro presidente Luciano Regueiro Pumpido, rexistrador da propiedade en Carballo.[2]

Sucederon a Luciano Regueiro na presidencia do Bergantiños, Ricardo Quiroga e Manuel Mariño, entre outros. O fútbol, acadaba entre os veciños de Carballo e a súa comarca unha grande popularidade. Mais o comezo da guerra civil española dou ao traste co ascenso do fútbol carballés. Durante os tres anos de guerra quedou paralizada toda a actividade deportiva por prohibición das autoridades.[2]

Logo do 39, nova etapaEditar

Unha vez finalizada a guerra, Constantino Velo García, "Tino", coa axuda de Siro Piñón e Ruperto Navaza, devolven ao Bergantiños a súa actividade, incorporando ás súas filas xogadores dos equipos de barrio, coma o "Rayo" e o "Imperial". Na tempada 1947-48, lóitase por primeira vez polo ascenso a terceira división. No partido de ida vencía en Carballo ao "Turista de Vigo" por 7-1, mais no choque de volta perdíase por 7-0. Houbo daquela moitas suspicacias sobre a venta dalgún xogador. A segunda tempada que se xogou o ascenso foi na 1952-53 e novamente o verdugo foi o Turista. O resultado en Carballo foi 2-2, e en Vigo 7-2.[2]

O primeiro e único equipo filial do Bergantiños, o "Bergantiños Atlético", creose na tempada 1964-65. Militou na Liga da Costa ata a súa desaparición en 1968.[2]

Copa GaliciaEditar

Na tempada 1968-69 o Bergantiños conquistou a súa primeira Copa Galicia logo de derrotar na final ao Club Turista por 4-0 en Carballo[3] e impedir a remontada viguesa no encontro de volta celebrado en Vigo, malia a perder por 6 goles a 3.[4] Os xogadores que conquistaron a primeira Copa Galicia do club carballés foron: Medal (porteiro), Diéguez, Julio Díaz, Tito Valdez, Paz, Casal, Facal, Moro, Fariña, Javier Fraile, Lolo Periscal, José Antonio Periscal e Paco de Luisa, baixo a dirección de Quique Liñares e o seu axudante Miguel Lendoiro.[2][5]

Máis recentemente, na tempada 1984-85, o equipo carballés acada novamente a "Copa Galicia" nesta ocasión, os carballeses enfrontáronse ao Meirás CF, ao que venceron en Carballo por 3-0 con goles de Pibe, Toni Pérez e Alfredo, e perdendo por 1-0, no campo "Ismael Prieto" de Meirás.[2][5]

Foi precisamente na tempada 1984-85 cando ao Bergantiños chegoulle de novo a oportunidade de loitar polo ascenso a 3ª división; 32 anos pasaran dende o segundo e último intento errado.[2]

Ascenso a Terceira DivisiónEditar

Na tempada 1984-85, tras unha loita tenaz e sen cuartel, chegouse ao final da competición cun triplo empate entre o Flavia, Sp Sada e Bergantiños: 59 puntos e 21 positivos. Mais o mellor "gol-average" de Flavia e Sp Sada convérteos respectivamente en acredores do título e do dereito a disputar a promoción. O Bergantiños quédase, de novo, ás portas.[2]

O ascenso a 3ª División chegou na tempada 1985-86. Houbo que agardar 63 anos dende a fundación do equipo.[2]

Na seguinte tempada o Bergantiños consegue un cuarto posto na terceira division que lle da a oportunidade de xogar a fase de ascenso a segunda B.[2]

O 5 de novembro de 1987, logo de ter superado a Pontevedra, Arousa e Basconia, recibiu ao Rayo Vallecano no partido de volta da cuarta rolda da que era a primeira participación do equipo carballés na Copa do Rei, logo de que o Bergantiños puxera en dificultades ao cadro madrileño no partido de ida, no que caeran por 3 goles a 2. Aínda que o Bergantiños conseguía o 3-1 que o clasificaba para a seguinte rolda no minuto 83, o Rayo empataba a eliminatoria no minuto 89. Finalmente o club de Vallecas impúxose tamén na capital bergantiñá con dous goles na prórroga nun Estadio Municipal ateigado con máis de 3 500 persoas procedentes de toda a Costa da Morte, nunha noite na que o campo carballés estreou unha iluminación que fallaría, motivando un apagón de máis de media hora antes do partido.[6]

Na tempada 2013-14, tempada na que o club carvallés celebraba o seu 90º aniversario, o Bergantiños regresaba á Terceira División logo dun ano en Preferente. O equipo dirixido por Javier Lavandeira conseguía o ascenso matemático a falta de dúas xornadas no Estadio Municipal Pepe Barrera de Ribadeo fronte ao equipo local grazas a un gol de Dani Becerra.[7] Na tempada do seu regreso á cuarta categoría, o equipo dirixido por Javier Oreiro finalizou na quinta posición con 59 puntos, tres menos que o cuarto clasificado, o Club Deportivo Choco.[8][9] Con todo, na súa segunda tempada na Terceira División o Bergantiños finalizou na 16ª posición e tivo que agardar a disputa do play-off de ascenso a Segunda B para saber se disputaría un ano máis a cuarta categoría do fútbol español, xa que o descenso do Compostela esa mesma tempada vacía que descenderan cinco equipos a Preferente se ningún equipo galego conseguía o ascenso a Segunda B. Finalmente o Boiro conseguía o ascenso á categoría de bronce e os carballeses mantíñanse un ano máis en Terceira División, logo dunha tempada na que o club cesou polos malos resultados a Javier Oreiro en decembro.[10][11]

TraxectoriaEditar

  • Tempadas en : 0
  • Tempadas en : 0
  • Tempadas en 2ªB: 2
  • Tempadas en : 16
  • Participacións na Copa do Rei: 6 (1987-88, 1988-89, 1990-91, 1991-92, 1992-93, 1994-95)
  • Mellor posto na liga: 1º Terceira División (1993-94)
  • Peor posto na liga: 19º Terceira División (1994-95)

Historial na ligaEditar

Tempada Categoría Posto
de 29-30 Rexional
ata 85-86 Rexional
1986/87
1987/88 2ªB 11º
1988/89 2ªB 20º
1989/90
1990/91
1991/92
1992/93 13º
1993/94
Tempada Categoría Posto
1994/95 19º
de 95-96 Rexional
a 01-02 Rexional
2002/03 15º
2003/04 10º
2004/05 12º
2005/06 11º
2006/07 18º
2007/08 Preferente
2008/09 Preferente
Tempada Categoría Posto
2009/10 14º
2010/11 14º
2011/12 13º
2012/13 18º
2013/14 Preferente
2014/15
2015/16 16º
2016/17
2017/18
2018/19

PalmarésEditar

O Bergantiños FC ten conquistado os seguintes títulos:[12]

Xogadores destacadosEditar

NotasEditar

  1. "Instalacións. Complexo Deportivo das Eiroas" (PDF). Concello de Carballo. Arquivado dende o orixinal (PDF) o 11 de xullo de 2012. Consultado o 5 de decembro de 2015. 
  2. 2,00 2,01 2,02 2,03 2,04 2,05 2,06 2,07 2,08 2,09 2,10 "Bergantiños FC, un equipo histórico" (en castelán). Bergantiños FC. Arquivado dende o orixinal o 25 de xuño de 2008. Consultado o 5 de decembro de 2015. 
  3. "Copa Galicia. El Turista, fuertemente derrotado por el Bergantiños: 4–0". El Pueblo Gallego nº 16.904 (en castelán). 24 de xuño de 1969. p. 16. Consultado o 5 de decembro de 2015. 
  4. "Copa Galicia. El Bergatiños campeón, a pesar de ser vencido por el Turista: 6–3". El Pueblo Gallego nº 16.910 (en castelán). 1 de xullo de 1969. p. 15. Consultado o 5 de decembro de 2015. 
  5. 5,0 5,1 "Homenaje al Bergantiños de la Copa Galicia 1968–1969". La Voz de Galicia (en castelán). 21 de agosto de 2010. Después de este éxito, esperó hasta la campaña 1984–85 para conseguir su segunda y última Copa Galicia. En esa ocasión, ante el Meirás de Ferrol. Venció en Carballo (3–0, tantos de Pibe, Toni Pérez y Alfredo) y cayó en la vuelta (1–0). 
  6. "El Rayo fundió las esperanzas". La Voz de Galicia (en castelán). 22 de novembro de 2013. Consultado o 4 de xuño de 2019. 
  7. "El Bergantiños gana en Ribadeo y asciende a Tercera en su 90 aniversario". La Voz de Galicia (en castelán). 5 de maio de 2014. Consultado o 4 de xuño de 2019. 
  8. "El Bergantiños finaliza la liga en la quinta posición". La Voz de Galicia (en castelán). 18 de maio de 2015. Consultado o 4 de xuño de 2019. 
  9. "Tercera división. TEMPORADA 2014/2015". As (en castelán). Consultado o 4 de xuño de 2019. 
  10. "El Bergantiños continuará en la Tercera División, al lograr el ascenso el Boiro". La Voz de Galicia (en castelán). 31 de maio de 2016. Consultado o 4 de xuño de 2019. 
  11. "El Bergantiños destituye a Oreiro". La Voz de Galicia (en castelán). 10 de decembro de 2015. Consultado o 4 de xuño de 2019. 
  12. "Palmarés" (en castelán). Bergantiños FC. Arquivado dende o orixinal o 15 de decembro de 2009. Consultado o 5 de decembro de 2015. 

Véxase taménEditar

Ligazóns externasEditar