Preferente Galicia
A Preferente Galicia[1] é a quinta categoría de fútbol de Galicia. É a división inmediatamente inferior á Terceira División e por encima da Primeira Galicia. É unha categoría non profesional e a súa organización corre a cargo da Federación Galega de Fútbol. Anteriormente coñeceuse como Serie A Rexional e despois como Rexional Preferente e Preferente Autonómica.
| Preferente Galicia | |
|---|---|
| Fundación | 1940 |
| Rexión | Galicia |
| Equipos | 50 |
| Ascenso | Terceira División |
| Descenso | Primeira Galicia |
| Actual campión | Noia (norte) e Atlético Arnoia (sur) |
| Organizador | FGF |
| Sitio web | futgal.es |
 Preferente Autonómica 2021–22 | |
HistoriaEditar
Inicialmente, a Serie A era a máxima categoría do Campionato de Galicia de fútbol organizado pola Federación Galega de Fútbol, ata que, en 1940, a Real Federación Española de Fútbol ordenou cun decreto a supresión de facto de tódolos campionatos rexionais, incluído o Campionato de Galicia, excluíndo da participación nos mesmos aos clubs que xa militasen simultaneamente en categorías estatais[2] e modificando o sistema de clasificación para a Copa de España, que a partir de entón sería outorgada segundo a posición final acadada nas ligas estatais e non mediante os campionatos rexionais[3]. A decisión da RFEF transformou a Serie A na primeira categoría territorial de Galicia dentro do sistema de divisións estatal, facendo que os equipos galegos que militaban en divisións estatais xa non tomasen parte da Serie A. Denantes de 1940, os clubs galegos que xogaban en categorías estatais tamén participaban na Serie A do Campionato de Galicia ao mesmo tempo.
A pesar dos cambios, mantívose a denominación Serie A durante varias décadas ata que a competición trocou o seu nome polo de Preferente.
Sistema de competiciónEditar
A categoría está formada por 50 equipos repartidos en dous grupos:
- Preferente Norte, formada por equipos das provincias de Lugo e A Coruña, e subdividido á súa vez en dous subgrupos (A e B).
- Preferente Sur, formada por equipos das provincias de Ourense e Pontevedra, e subdividido á súa vez en dous subgrupos (A e B).
Anteriormente a competición estaba formada por 40 equipos, divididos en dous grupos (Norte e Sur). Aínda que esta era a norma xeral, na tempada 2010–11 a Preferente Norte contou con 21 equipos logo do descenso administrativo da SD Compostela e dado que os equipos con opcións de ascender no seu sitio, o CD Dorneda e o CD Choco, non puideron aboar a cantidade que lles esixía a Federación Galega de Fútbol para a compra da praza.[4]
Ao finalizar a tempada, os primeiros e os segundos de cada grupo ascendían directamente ao grupo 1 da Terceira División. Os terceiros de cada grupo xogaban unha promoción de ascenso entre si, pero o cambio de categoría dependían do que sucedía cos ascensos e descensos entre a Segunda B e a Terceira. Os tres últimos equipos descendían á Primeira Autonómica de Galicia.
Debido á situación sanitaria provocada pola pandemia de COVID-19, o sistema de competición cambiou a partir da tempada 2020/21. Os cinco primeiros de cada subgrupo acceden á fase de ascenso a Terceira, mentres que os clasificados do 6º ao 12º ou 13º posto pasan á fase de permanencia para evitar o descenso á Primeira Galicia.
ParticipantesEditar
Preferente NorteEditar
| Subgrupo A | ||
|---|---|---|
| Equipo | Lugar | Estadio |
| Agrupación Estudiantil | Santiago de Compostela | Santa Isabel |
| Atlético Arteixo | Arteixo | Ponte dos Brozos |
| Boimorto | Boimorto | O Carballal |
| Boiro | Boiro | Barraña |
| Dubra | Val do Dubra | Juan Baleato |
| Fisterra | Fisterra | Ara Solis |
| Laracha | A Laracha | Municipal da Laracha |
| O Pino | O Pino | Reboredo |
| UD Paiosaco-Hierros | Paiosaco, Lestón, A Laracha | A Porta Santa |
| Puebla FC | A Pobra do Caramiñal | A Alta |
| Sigüeiro FC | Sigüeiro, Oroso, Oroso | Lino Balado |
| Xallas | Santa Comba | A Fontenla |
| Subgrupo B | ||
| Equipo | Lugar | Estadio |
| Atlético Escairón | Escairón, Vilasante, O Saviñao | Municipal do Saviñao |
| As Pontes | As Pontes de García Rodríguez | O Poboado |
| Betanzos | Betanzos | García Hermanos |
| Foz | Foz | Martínez Otero |
| Galicia de Mugardos | Mugardos | A Pedreira |
| Lemos | Monforte de Lemos | A Pinguela |
| Montañeros | A Coruña | Rodrigo García Vizoso |
| Residencia | Lugo | A Cheda |
| Ribadeo | Ribadeo | Pepe Barrera |
| Santaballés | Vilalba | A Liga |
| San Tirso | Abegondo | O Monte |
| Sarriana | Sarria | A Ribela |
| Victoria CF | A Coruña | San Pedro de Visma 1 |
Preferente SurEditar
| Subgrupo A | ||
|---|---|---|
| Equipo | Lugar | Estadio |
| Beluso | Beluso, Bueu | As Laxes |
| Céltiga | A Illa de Arousa | Salvador Otero |
| Gran Peña | Vigo | Barreiro |
| Moaña | Moaña | Iago Aspas Juncal - O Casal |
| Pontevedra B | Pontevedra | Manolo Barreiro 1 |
| Portonovo | Portonovo, Adina, Sanxenxo | Baltar |
| Ribadumia | Ribadumia | A Senra |
| Umia CF | Ribadumia | A Bouza |
| Valadares | Vigo | A Gándara |
| Villalonga | Sanxenxo | San Pedro |
| Xuventude de Cambados | Cambados | Burgáns |
| Xuventude Sanxenxo | Sanxenxo | Baltar de Arriba |
| Subgrupo B | ||
| Equipo | Lugar | Estadio |
| Atios | O Porriño | O Carballo |
| Barbadás | Barbadás | Os Carrís |
| Caselas | Salceda de Caselas | A Gándara |
| Cultural Areas | Ponteareas | A Lomba |
| Mondariz | Mondariz | A Lagoa |
| Nogueira de Ramuín | Nogueira de Ramuín | A Tella |
| UD Ourense | Ourense | O Couto |
| Polígono San Cibrao | San Cibrao das Viñas | Antonio González Blanco |
| Pontellas | Pontellas, O Porriño | San Campio 2 |
| Porriño Industrial | O Porriño | O Lourambal 1 |
| Sporting Guardés | A Guarda | A Sangriña |
| Velle | Ourense | Monte da Aira |
| Verín | Verín | José Arjiz |
HistorialEditar
NotasEditar
- ↑ Circular nº7 Preferente Galicia Federación Galega de Fútbol
- ↑ "Deportes. Cuándo se jugará la Copa del Generalísimo y cómo se jugará la próxima competición de Liga". La Región nº 7.928 (en castelán). 24 de abril de 1940. p. 3. Arquivado dende o orixinal o 28 de febreiro de 2015. Consultado o 27 de febreiro de 2015.
- ↑ Copa del Generalísimo 1941 linguasport.com
- ↑ El Choco denunciará a la Federación si le niega el ascenso, Faro de Vigo, 4/8/2010