Angeliño

futbolista galego

José Ángel Esmorís Tasende, coñecido como Angeliño, nado en Coristanco o 4 de xaneiro de 1997, é un futbolista galego que xoga de lateral esquerdo no RB Leipzig da Bundesliga.

Angeliño
2020-03-10 Fußball, Männer, UEFA Champions League Achtelfinale, RB Leipzig - Tottenham Hotspur 1DX 3678 by Stepro.jpg
Información persoal
Nome José Ángel Esmorís Tasende
Nacemento 4 de xaneiro de 1997
Lugar de nacemento Coristanco
Altura 1,71 m.
Posición Defensa
Información de club
Club actual RB Leipzig
Número 3
Carreira xuvenil
2001–2007 Luis Calvo Sanz
2007–2013 Deportivo da Coruña
2013–2014 Manchester City
Carreira sénior
Anos Equipos Aprs (Gls)
2014–2018 Manchester City 0 (0)
2015 → New York City (cedido) 14 (0)
2017 → Girona (cedido) 0 (0)
2017 → Mallorca (cedido) 17 (0)
2017–2018 → NAC Breda (cedido) 34 (3)
2018–2019 PSV Eindhoven 34 (1)
2019– Manchester City 6 (0)
2020–2021 → RB Leipzig (cedido) 33 (5)
2021– RB Leipzig 0 (0)
Selección nacional
2013 España sub-17 1 (0)
2018– España sub-21 2 (0)
2016– Galicia 1 (0)
Partidos e goles só en liga doméstica.
Club: actualizado a 14 de febreiro de 2021
Selección: actualizado a 14 de febreiro de 2021.[ editar datos en Wikidata ]

TraxectoriaEditar

Primeiros pasosEditar

Angeliño uniuse ó Deportivo da Coruña en 2007 con dez anos de idade, tras comezar a xogar ó fútbol nas Escolas de Fútbol Luís Calvo Sanz do Bergantiños.[1][2] Ocupou varias posicións comezando de porteiro, ata que no Deportivo asentouse definitivamente como lateral esquerdo.[3] Xogou durante seis anos nas categorías inferiores do club herculino.

Manchester City (1ª etapa)Editar

O 8 de xullo de 2012 asinou un contrato de catro anos co Manchester City FC, facéndose efectivo en xaneiro do ano seguinte.[4] Inicialmente asignado ó equipo sub-18, xogou regularmente co equipo de reservas na Premier League sub-21 con só dezaseis anos.[5] Co club inglés disputou a UEFA Youth League, onde foi elixido no once ideal.[6][7]

0 2 de decembro de 2014 foi convocado como suplente do primeiro equipo por Manuel Pellegrini no partido que gañou o Manchester City por 1–4 no campo do Sunderland .[8]

New York City (cedido)Editar

Foi cedido ó New York City FC en 2015.[9] Debutou co equipo profesional o 12 de xullo de 2015 no empate 4–4 contra o Toronto FC.[10] O seu primeiro partido como titular foi contra o New England Revolution, xogando os 90 minutos.[11] Co equipo neoiorquino xogou un total de 14 partidos e deu 4 asistencias.

Regreso a ManchesterEditar

Tras rematar a súa cesión volveu a Manchester, onde continuou xogando na Premier League sub-21. Ademais o 30 de xaneiro de 2016 debutou co primeiro equipo na vitoria na casa do Aston Villa por 0–4 nunha eliminatoria da FA Cup, substituíndo a Clichy no minuto 81.[12] Ese mesmo ano debutou en competición europea da man do adestrador Pep Guardiola, nun partido de clasificación para a Liga de Campións, no que o seu equipo venceu ao Steaua Bucarest no Etihad Stadium.[13]

Girona e Mallorca (cedido)Editar

A finais de decembro de 2016 foi presentado como novo xogador do Girona en calidade de cedido,[14] pero só un mes despois, e sen ter debutado por culpa de desacordos entre o Girona e o City, deixou o equipo, sendo cedido ao Mallorca.[15][16] No equipo balear xogou 17 partidos e viviu o descenso á Segunda División B ao final da tempada.[17]

NAC Breda (cedido)Editar

Na tempada 2017/18 xogou no NAC Breda na Eredivisie, a primeira división do fútbol neerlandés. No equipo de Breda disputou de xeito íntegro todos os partidos de liga e copa, anotou tres goles, deu seis asistencias, foi elixido catro veces "talento do mes" e finalmente foi incluído no once ideal da propia liga.[18] As súas boas actuacións fixeron que o PSV Eindhoven lle ofrecese ao City sete millóns polo seu traspaso.[19]

PSV EindhovenEditar

No PSV foi titular indiscutible durante toda a tempada 2018/19, disputando de inicio todos os partidos da liga neerlandesa e da Liga de Campións. Nesta última competición debutou o 18 de setembro de 2018, na derrota por 4-0 do seu equipo fronte ao FC Barcelona no Camp Nou. En total entre as dúas competicións anotou un gol e repartiu once asistencias, logrando finalmente o subcampionato de liga.[20]

Manchester City (2ª etapa)Editar

O seu rendemento nos Países Baixos fixo que Txiki Begiristain, director deportivo do Manchester City, o volvese chamar para o club adestrado por Guardiola, exercendo en xullo de 2019 a opción de recompra que mantiñan. Asinou un contrato por catro anos.[20] Con todo, no club inglés dispuxo de poucos minutos, disputando só seis partidos de liga na primeira metade da tempada, polo que en xaneiro foi cedido ao RB Leipzig alemán.[21]

RB Leipzig (cedido)Editar

Cando Angeliño chegou ao Leipzig a metade de tempada, este ocupaba a primeira posición da táboa na Bundesliga.[21] Disputou case todos os partidos como titular e anotou un gol na vitoria do seu equipo fronte ao FC Schalke 04 por 0-5.[22] Finalmente remataron a liga en terceira posición. O 13 de agosto de 2020 no Estádio José Alvalade de Lisboa, Angeliño deulle a Tyler Adams a asistencia para facer o segundo e definitivo gol fronte ao Atlético de Madrid e meter ao Leipzig nunhas semifinais da Liga de Campións, só 11 anos despois da fundación do club.[23][24]

O 8 de setembro o RB Leipzig anunciou que o futbolista xogaría como cedido no club alemán outra tempada máis.[25] O 20 de outubro, no primeiro partido do seu equipo na Liga de Campións 2020-21, Angeliño marcou dous goles na vitoria por 2-0 sobre o İstanbul Başakşehir FK, debutante na competición.[26] En decembro liderou o seu equipo na vitoria por 3-2 fronte ao Manchester United, cun gol e dúas asistencias que clasificaron ao club alemán para oitavos de final e deixaron fóra ao equipo de Solskjær.[27]

RB LeipzigEditar

O 12 de febreiro de 2021 Angeliño cumpriu fronte ao FC Augsburg o número de partidos estipulado no contrato para que o Leipzig tivera que facer efectiva obrigatoriamente a opción de compra sobre o xogador. Deste xeito o futbolista galego quedou desvinculado do Manchester City, sendo traspasado ao club alemán por 18 millóns de euros.[28][29]

Participación na selecciónEditar

Debutou en novembro de 2013 coa Selección española de fútbol sub-20 nun partido contra a Alemaña.

O 20 de maio de 2016, xogou coa Selección Galega un partido amigable, no estadio de Riazor, contra a Selección de Venezuela que rematou con empate a 1. Neste partido Angeliño foi titular.

FamiliaEditar

O seu irmán menor, Dani Tasende, formouse na canteira do Bergantiños e xoga no Villareal B de Segunda División B.

NotasEditar

  1. ↑ "Angeliño regresó a As Eiroas en Carballo". La Voz de Galicia (en castelán). 20 de xuño de 2015. 
  2. ↑ "Angeliño, un coristanqués que crece a pasos agigantados". Adiante Galicia (en castelán). 4 de decembro de 2014. 
  3. ↑ Girona FC (30 de decembro de 2016). Entrevista a Angeliño (Youtube) (en castelán). Consultado o 14 de agosto de 2020. 
  4. ↑ "El City ficha a otro joven talento gallego". La Voz de Galicia (en castelán). 8 de xullo de 2012. 
  5. ↑ "Angeliño asombra a Europa". La Voz de Galicia (en castelán). 5 de outubro de 2013. 
  6. ↑ "Angeliño nuevo jugador del Girona" (en castelán). 13 de agosto de 2020. Consultado o 14 de agosto de 2020. 
  7. ↑ "Angeliño, en el once ideal de la Champions". La Voz de Galicia (en castelán). 21 de abril de 2014. Consultado o 14 de agosto de 2020. 
  8. ↑ Johnston, Neil (2 de decembro de 2014). "Sunderland 1-4 Manchester City". BBC Sport (en inglés). 
  9. ↑ "New York City FC Sign Angelino on Season-Long Loan" (en inglés). 
  10. ↑ "New York City FC v Toronto FC". MLS MatchCenter (en inglés). 
  11. ↑ "New York City FC at New England Revolution: Match Recap" (en inglés). 
  12. ↑ "Aston Villa 0-4 Manchester City" (BBC Sport) (en inglés). 30 de xaneiro de 2016. 
  13. ↑ "Angeliño, de Champions". Galicia Confidencial. 25 de agosto de 2016. Consultado o 14 de agosto de 2020. 
  14. ↑ "El Girona presenta a Angeliño" (en castelán). 28 de decembro de 2016. Consultado o 14 de agosto de 2020. 
  15. ↑ "Angeliño: "No guardo ningún rencor al Girona"". Marca (en castelán). 15 de febreiro de 2017. Consultado o 14 de agosto de 2020. 
  16. ↑ "Angeliño deja el Girona y ficha por el Mallorca". La Voz de Galicia (en castelán). 31 de xaneiro de 2017. Consultado o 14 de agosto de 2020. 
  17. ↑ "La plantilla del desastre, un curso después" (en castelán). 19 de outubro de 2017. Consultado o 14 de agosto de 2020. 
  18. ↑ "Angeliño se cuela en el once de la temporada en la Eredivisie" (en castelán). 9 de maio de 2018. Consultado o 14 de agosto de 2020. 
  19. ↑ "Angeliño: «Decían que era bajo para ser futbolista»". La Voz de Galicia. Consultado o 04/06/2018. 
  20. ↑ 20,0 20,1 "El Manchester City ejerce su opción de compra sobre el español Angeliño". Marca (en castelán). 3 de xullo de 2019. Consultado o 14 de agosto de 2020. 
  21. ↑ 21,0 21,1 "Angeliño, cedido por el City al Leipzig hasta final de temporada". La Vanguardia (en castelán). 31 de xaneiro de 2020. Consultado o 14 de agosto de 2020. 
  22. ↑ "Angeliño se estrena como goleador en la 'manita' del RB Leipzig al Schalke". Marca (en castelán). 22 de febreiro de 2020. Consultado o 14 de agosto de 2020. 
  23. ↑ "La conexión Nueva York elimina al Atlético". Marca (en castelán). 13 de agosto de 2020. Consultado o 14 de agosto de 2020. 
  24. ↑ "Cuatro ascensos en 11 años de vida: la increíble historia del RB Leipzig, el equipo que eliminó al Atlético Madrid de Simeone de la Champions" (en castelán). 13 de agosto de 2020. Consultado o 14 de agosto de 2020. 
  25. ↑ "Angeliño jugará cedido en el RB Leipzig una temporada más". Marca (en castelán). 8 de setembro de 2020. Consultado o 9 de setembro de 2020. 
  26. ↑ "Dous goles de Angeliño selan o triunfo ao Leipzig". La Voz de Galicia. 20 de outubro de 2020. Consultado o 21 de outubro de 2020. 
  27. ↑ "Un Angeliño estelar marca un gol, dá outros dous, lanza ao Leipzig e elimina ao Manchester United". La Voz de Galicia. 8 de decembro de 2020. Consultado o 9 de decembro de 2020. 
  28. ↑ "El partido que decidirá el futuro de Angeliño". As (en castelán). 12 de febreiro de 2021. Consultado o 14 de febreiro de 2021. 
  29. ↑ "El Leipzig compra a Angeliño y Nagelsmann se frota las manos: «Es una ganga»". La Voz de Galicia. Iván Antelo. Consultado o 14 de febreiro de 2021. 

Véxase taménEditar

Ligazóns externasEditar

Traído desde "https://gl.wikipedia.org/w/index.php?title=Angeliño&oldid=5699838"