Cidade Deportiva de Abegondo
Coordenadas: 43°15′03″N 8°17′05″O / 43.25083333, -8.28472222
A Cidade Deportiva de Abegondo, chamada tamén O Mundo do Fútbol, é un complexo deportivo do Deportivo da Coruña, inaugurado o 1 de maio de 2003. Está situada no concello de Abegondo, na parroquia de Mabegondo, ao carón da autovía A-6, e conta cunha superficie de 90 000 m², na que acolle os adestramentos do primeiro equipo, do filial, do equipo feminino e das categorías inferiores do club.
| O Mundo do Fútbol | |
|---|---|
 | |
| Datos | |
| Localización | Mabegondo, Abegondo, Galicia |
| Construción | |
| Inauguración | 1 de maio de 2003 (20 anos) |
| Estadio | |
| Superficie | Herba |
| Dimensións | 105 × 65 |
| Capacidade | 3.000 |
| Propietario | Deportivo da Coruña |
| Localía | Deportivo Fabril (2003–presente) Deportivo Feminino (2016–presente) |
Instalacións Editar
O Mundo do Fútbol consta dun edificio principal que alberga os vestiarios, oficinas e cafetería e que serve, á súa vez, de chanzo, con capacidade para máis de 1 200 persoas cara ao campo principal e outras 500 persoas na parte posterior, orientado ao campo de céspede artificial. Na planta superior do edificio sitúanse as oficinas, sala de prensa, cafetería e aseos de público. A planta inferior alberga os vestiarios, almacéns e cuartos de instalacións. Dispón de preto de 9.000 metros cadrados de aparcadoiros e zona de servizos.