Heinz-Harald Frentzen

Heinz-Harald Frentzen (nado o 18 de maio de 1967), tamén coñecido como 'HHF', é un piloto de carreiras profesional alemán retirado. Foi o subcampión no campionato do mundo de pilotos da fórmula un de 1997, pilotando para Williams.

Heinz-Harald Frentzen

Biografía
Nacemento	18 de maio de 1967 (57 anos) Mönchengladbach (Alemaña)
Actividade
Ocupación	piloto de Fórmula Un
Deporte	automobilismo
Participou en
	24 Horas de Le Mans
Páxina web	frentzen.de

Inicios

Frentzen naceu o 18 de maio de 1967 na cidade de Alemaña Occidental de Mönchengladbach (Renania do Norte-Westfalia) fillo de Heinrich-Harald Frentzen, un empresario de pompas fúnebres alemán e a súa esposa española Angela. Ten dúas irmás, Sylvia, teóloga, Sonia, mestra e dúas medias irmás Samantha e Nicole-Nadine. A súa familia estaba conectada co automobilismo; o seu pai correu entre 1950 e 1957. Os pais de Frentzen se divorciaron cando tiña oito anos e o seu pai casou posteriormente cunha mexicana Araceli, mentres Angela regresou a España.

Frentzen comezou nos Kart aos doce anos de idade, despois de que o seu pai regaloulle o seu primeiro kart, e fixo uns inicios extraordinariamente acertados. En 1981, con catorce anos, Frentzen gañou o Campionato Alemán Júnior Kart. Dous anos máis tarde, Frentzen participou no CIK Asia Pacific Championships en Australia pilotando un Dino aínda que non terminou. En 1984, terminou en segundo lugar na clase 100cc. Financiado e apoiado polo seu pai, propietario dunha funeraria, quen tamén actuou tanto como xefe de equipo como de xefe mecánico.

En 1986, Frentzen pasou a competir nas series Fórmula Ford 2000 alemá. Logo de dúas tempadas na Fórmula Ford foi subcampión na serie en 1987, malia non participar en todas as carreiras. Frentzen progresou á Fórmula alemá Opel Lotus en 1988 no Equipo Júnior do expiloto de Fórmula Un Jochen Mass, quen quedara impresionado polas actuacións de Frentzen na Fórmula Ford. Frentzen foi campión da serie alemá no seu primeiro ano e o seu compañeiro de equipo Marco Werner terminou terceiro no campionato. Tamén participou na Fórmula Opel Lotus Euroseries, onde terminou 6º no campionato, con 56 puntos.

O seguinte paso foi o Campionato Alemán de Fórmula 3 en 1989, onde Frentzen competiu contra moitas futuras estrelas, incluíndo Michael Schumacher e Karl Wendlinger. Nese momento, houbo un grande apoio de Bernie Ecclestone para ter un piloto alemán no Campionato do Mundo de Fórmula Un, polo que o ONS (Oberste Nationale Sportkommission, comité nacional do automobilismo alemán) decidiu apoiar a Frentzen e Schumacher. O ONS ofertou unha recompensa dunha proba na Fórmula Un para o primeiro piloto que lograra unha vitoria nunha carreira de Fórmula 3. Gañou Schumacher, nunha polémica carreira en Zeltweg, Austria, na que Frentzen afirmou que Schumacher obrigouno a abandonar a pista. Con todo, Schumacher non obtivo a proba na Fórmula Un de todos os xeitos; Karl Wendlinger gañou o campionato alemán de Fórmula 3 e Frentzen converteuse en subcampión conxunto con Schumacher (os dous terminaron empatados a puntos).

En 1990, Frentzen incorporouse a serie fórmula 3000 Internacional pilotando para Eddie Jordan Racing xunto con Eddie Irvine. Frentzen terminou a tempada 16º no campionato, anotando 3 puntos. No mesmo ano, tamén participou no World Sports Prototype Championship pilotando un Mercedes-Benz C11 cun podio e seis puntos. En 1991, Frentzen continuou pilotando na Fórmula 3000 International para Vortex Motorsport e anotou cinco puntos.

Fórmula Un

Sauber (1994-1996)

Frentzen no GP de Francia de 2003

Na tempada 1994 de Fórmula 1, Peter Sauber ofreceulle ao alemán unha proba para a Fórmula 1 nun coche Sauber C13 con motor Mercedes-Benz, para ser compañeiro de equipo de Wendlinger. A súa actuación impresionou a Frank Williams, tanto que este lle ofreceu substituír o falecido Ayrton Senna en Williams trala morte do brasileiro, pero Frentzen decidiu seguir con Sauber, e as súas actuacións mantiveron o nivel do equipo despois de que Wendlinger sufrise varias feridas en Mónaco.

Na tempada 1995 de Fórmula 1, cos novos motores Ford, Frentzen conseguiu o seu primeiro podio e acabou noveno no Campionato de Pilotos. Con todo, na tempada 1996, a falta de fiabilidade do Sauber fixo que se retirase en moitas carreiras. Das súas actuacións naquel ano destaca que foi un dos catro pilotos que logrou acabar o Gran Premio de Mónaco de 1996, no que as fortes choivas fixeran acto de presenza.

Williams (1997-1998)

A tempada 1997 debería ser a da explosión de Frentzen, dado que asinou co equipo Williams-Renault, que dominara a tempada anterior. Logrou a súa primeira vitoria no Gran Premio de San Marino, pero a tempada foi desalentadora para o piloto alemán, xa que pasou dunha atmosfera de equipo case familiar en Sauber a ter problemas con Patrick Head. Malia que se clasificaba ben, adoitaba perder posicións durante a carreira e quedar detrás do seu compañeiro de equipo Jacques Villeneuve. Na seguinte tempada, xa sen o motor Renault, Williams perdeu posicións con respecto a Ferrari e McLaren, sendo o mellor resultado de Frentzen un terceiro posto no Gran Premio de Australia, a primeira carreira da tempada.

Jordan (1999-2001) e Prost (2001)

Na tempada de Fórmula 1 de 1999, Frentzen pasouse a Jordan-Honda, gozando da que probablemente sería a súa mellor tempada na Fórmula 1, con dúas vitorias nos Grandes Premios de Francia e Italia, acabando terceiro no mundial de pilotos. Co seu triunfo en Monza na décimo terceira cita pasou a ser o terceiro en discordia na loita polo mundial, colocándose a só dez puntos de Mika Häkkinen e a nove de Eddie Irvine. Na sesión de cualificación do Gran Premio de Europa de 1999, o alemán lograba a súa primeira pole do ano. Con todo, a metade da carreira viuse obrigado a abandonar debido a un problema eléctrico cando lideraba comodamente a proba, feito que sumado aos problemas clasificatorios en Malaisia quitáronlle calquera opción de alzarse co campionato. Sumou seis podios aquel ano. As tempadas 2000 e 2001 foron os escenarios dunha batalla co equipo British American Racing, ao que Honda comezou tamén a fornecer motores. Frentzen conseguiu dous podios no 2000, pero Jordan acabou igualmente por baixo de BAR no Campionato de Construtores. Frentzen abandonaría o equipo na tempada 2001, tras varias carreiras sen puntos, lesións e unha serie de retiradas, sendo substitudo por Jean Alesi. O alemán ocupou o lugar de Alesi na escudería Prost durante o resto da tempada.

Arrows (2002) e Sauber (2002-2003)

Na tempada 2002, Frentzen participou en varias carreiras con Arrows ata a creba da escudaría. Puido participar con Sauber no Gran Premio dos Estados Unidos de 2002 substituíndo a Felipe Massa, acabando en décimo terceira posición. En 2003, foi piloto titular de Sauber xunto a Nick Heidfeld, logrando un terceiro posto no Gran Premio dos Estados Unidos.

Rexistro de carreiras

Resultados completos na Fórmula 3000 International

(clave) (Carreiras en letra grosa indican pole position) (Carreiras en itálica indican volta rápida)

Ano	Equipo	Chasis	Motor	1	2	3	4	5	6	7	8	9	10	11	DC	Puntos
1990	Eddie Jordan Racing	Reynard 90D	Mugen	DON Ret	SIL Ret	PAU Ret	JER 17	MNZ Ret	PER 5	HOC 6	BRH 7	BIR Ret	BUG Ret	NOG NSC	18º	3
1991	Vortex Motorsport	Lola T91/50	Mugen	VAL Ret	PAU Ret	JER 12	MUG 6	PER 5	HOC NSC	BRH 12	SPA 5	BUG Ret	NOG Ret		14º	5

Resultados completos na Fórmula 3000 xaponesa

(clave) (Carreiras en letra grosa indican pole position) (carreiras en itálica indican volta rápida)

Anor	Equipo	Chasis	Motor	1	2	3	4	5	6	7	8	9	10	11	DC	Puntos
1992	Team Nova	Lola T92/50	Mugen	SUZ	FUJ	MIN	SUZ	AUT	SUG	FUJ	FUJ	SUZ 6	FUJ 7	SUZ 3	14º	5
1993	Team Nova	Lola T93/50	Mugen	SUZ Ret	FUJ Ret	MIN Ret	SUZ 8	SUG 14	FUJ 2	SUZ 10	FUJ 12	SUZ 5			9º	8

Resultados Completos na Fórmula Un

(Chave) As carreiras en letra grosa indican pole position; as carreiras en cursiva indican volta rápida.

Anor	Equipo	Chasis	Motor	1	2	3	4	5	6	7	8	9	10	11	12	13	14	15	16	17	Pos.	Pts.
1994	Sauber Mercedes	Sauber C13	Mercedes 2175B 3.5 V10	BRA Ret	PAC 5	SMR 7	MON NTS	ESP Ret	CAN Ret	FRA 4	GBR 7	ALE Ret	HUN Ret	BEL Ret	ITA Ret	POR Ret	EUR 6	XPN 6	AUS 7		13º	7
1995	Red Bull Sauber Ford	Sauber C14	Ford ECA Zetec-R 3.0 V8	BRA Ret	ARX 5	SMR 6	ESP 8	MON 6	CAN Ret	FRA 10	GBR 6	ALE Ret	HUN 5	BEL 4	ITA 3	POR 6	EUR Ret	PAC 7	XPN 8	AUS Ret	9º	15
1996	Red Bull Sauber Ford	Sauber C15	Ford JD Zetec-R 3.0 V10	AUS 8	BRA Ret	ARX Ret	EUR Ret	SMR Ret	MON 4	ESP 4	CAN Ret	FRA Ret	GBR 8	ALE 8	HUN Ret	BEL Ret	ITA Ret	POR 7	XPN 6		12º	7
1997	Rothmans Williams Renault	Williams FW19	Renault RS9 3.0 V10	AUS 8	BRA 9	ARX Ret	SMR 1	MON Ret	ESP 8	CAN 4	FRA 2	GBR Ret	ALE Ret	HUN Ret	BEL 3	ITA 3	AUT 3	LUX 3	XPN 2	EUR 6	2º	42
1998	Winfield Williams	Williams FW20	Mecachrome GC37-01 V10	AUS 3	BRA 5	ARx 9	SMR 5	ESP 8	MON Ret	CAN Ret	FRA 15	GBR Ret	AUT Ret	ALE 9	HUN 5	BEL 4	ITA 7	LUX 5	XPN 5		7º	17
1999	Benson & Hedges Jordan	Jordan 199	Mugen Honda MF-301 HD 3.0 V10	AUS 2	BRA 3	SMR Ret	MON 4	ESP Ret	CAN 11	FRA 1	GBR 4	AUT 4	ALE 3	HUN 4	BEL 3	ITA 1	EUR Ret	MAL 6	XPN 4		3º	54
2000	Benson & Hedges Jordan	Jordan EJ10	Mugen Honda MF-301 HD 3.0 V10	AUS Ret	BRA 3	SMR Ret	GBR 17	ESP 6	EUR Ret	MON 10	CAN Ret	FRA 7	AUT Ret								9º	11
		Jordan EJ10B	Mugen Honda MF-301 HE 3.0 V10											ALE Ret	HUN 6	BEL 6	ITA Ret	USA 3	XPN Ret	MAL Ret
2001	Benson & Hedges Jordan Honda	Jordan EJ11	Honda RA001E 3.0 V10	AUS 5	MAL 4	BRA 11	SMR 6	ESP Ret	AUT Ret	MON Ret	CAN	EUR Ret	FRA 8	GBR 7	ALE						13º	6
	Prost Acer	Prost AP04	Acer 3.0 V10													HUN Ret	BEL 9	ITA Ret	USA 10	XPN 12
2002	Orange Arrows	Arrows A23	Cosworth CR-3 3.0 V10	AUS DSC	MAL 11	BRA Ret	SMR Ret	ESP 6	AUT 11	MON 6	CAN 13	EUR 13	GBR Ret	FRA NSC	ALE Ret	HUN	BEL	ITA			18º	2
	Sauber Petronas	Sauber C21	Petronas 02A 3.0 V10																USA 13	XPN
2003	Sauber Petronas	Sauber C22	Petronas 03A 3.0 V10	AUS 6	MAL 9	BRA 5	SMR 11	ESP Ret	AUT NTS	MON Ret	CAN Ret	EUR 9	FRA 12	GBR 12	ALE Ret	HUN Ret	ITA 13	USA 3	XPN Ret		11º	13

Resultados completos no DTM

(clave)

ano	Equipo	Coche	1	2	3	4	5	6	7	8	9	10	11	Pos	Puntos
2004	OPC Team Holzer	Opel Vectra GTS V8 2004	HOC 11	EST 12	ADR 12	LAU Ret	NOR Ret	SHA 7‡	NÜR Ret	OSC 14	ZAN Ret	BRN 6	HOC 12	14º	3
2005	OPC Team Holzer	Opel Vectra GTS V8 2005	HOC Ret	LAU 14	SPA 15	BRN 3	OSC 14	NOR 6	NÜR 12	ZAN 3	LAU 7	IST Ret	HOC 18	8º	17
2006	Abt Sportsline	Audi A4 DTM 2006	HOC 3	LAU 13	OSC 4	BRA 17	NOR 11	NÜR 6	ZAN 5	CAT 3	BUG 10	HOC 14		7º	24

^‡ Unha carreira fóra de campionato disputouse en 2004 nas rúas de Shanghai, China.

Resultados Completos nas 24 Horas de Le Mans

Ano	Equipo	Co-Pilotos	Coche	Clase	voltas	Pos. xeral	Pos. clase
1992	Euro Racing	Charles Zwolsman, Sr. Shunji Kasuya	Lola T92/10-Judd	C1	271	13º	6º
2008	Aston Martin Racing	Andrea Piccini Karl Wendlinger	Aston Martin DBR9	GT1	339	16º	4º

Véxase tamén

Ligazóns externas

• Páxina oficial
• Hybrid Racing AG Official website