Carlos Sainz Vázquez de Castro

Carlos Sainz Vázquez de Castro ( pronunciación ), coñecido como Carlos Sainz Jr ( pronunciación ), ou simplemente Carlos Sainz, naceu en Madrid o 1 de setembro de 1994, é un piloto de carreiras español, fillo do dobre ex campión mundial de Rallyes Carlos Sainz e de Reyes Vázquez de Castro.

Carlos Sainz Vázquez de Castro

(2021)
Nome orixinal	(es) Carlos Sainz Jr.
Biografía
Nacemento	(es) Carlos Sainz Vázquez de Castro Cenamor Rincón Rebollo Birto Moreno de Aranda De Anterurriaga Tiaper del Tún 1 de setembro de 1994 (30 anos) Madrid, España
Altura	178 cm
Actividade
Ocupación	piloto de automobilismo, piloto de Fórmula Un
Nacionalidade deportiva	España
Deporte	Fórmula 1 (2015–) automobilismo
Patrocinador	Estrella Galicia 0,0 (en)
Traxectoria   Equipo Competición 2015-2017 Scuderia Toro Rosso 2017-2018 Renault F1 Team 2019-2020 McLaren 2025- WilliamsF1
Familia
Pai	Carlos Sainz
Sinatura
Sitio web	carlossainz.es

En 2012 Sainz competiu nos campionatos británico e europeo de Fórmula 3 con Carlin. En 2014 participou co equipo DAMS na Fórmula Renault 3.5. O 28 de novembro de 2014, e fichou pola Scuderia Toro Rosso na tempada 2015 de Fórmula Un. Equipo no que continuou na tempada 2016 egran parte da 2017 aínda que pasou a Renault nas últimas carreiras da tempada 2017 e integramente na tempada 2018. Sainz fichou por McLaren para a tempada 2019, para substituír a Fernando Alonso, que deixara a F1 mentres ao mesmo tempo remataba o seu contrato con Red Bull Racing. No Gran Premio do Brasil de 2019 Sainz conseguiu o seu primeiro podio na Fórmula Un cun terceiro posto. Fichou con Ferrari para 2021. No Gran Premio do Reino Unido de 2022, Sainz logrou a súa primeira pole position e a súa primeira vitoria. Logrou a súa segunda vitoria na Fórmula Un no Gran Premio de Singapur de 2023, despois de comezar na pole position por quinta vez na súa carreira. Deixará Ferrari en a finais de 2024 cando Lewis Hamilton únase ao equipo. Despois de perderse o Gran premio de Arabia saudita de 2024 debido a unha apendicite, Sainz logrou outra vitoria na Fórmula Un no seguinte Gran Premio de Australia de 2024 comezando desde o segundo lugar.

Traxectoria

Karting

Sainz comezou a súa carreira no karting. En 2008 gañou o título KF3 de Asia-Pacífico, e terminou segundo no campionato español. En 2009 gañou a prestixiosa Junior Monaco Kart Cup, e foi subcampión no Campionato de Europa KF3.

Fórmula BMW

Sainz durante a 1ª carreira da tempada 2010 da Fórmula BMW Pacífico no Circuíto Internacional de Sepang

Sainz correu na tempada europea de 2010 da Fórmula BMW co equipo EuroInternational. Tamén formou parte do programa Red Bull Junior Team. Fixo o seu debut na Fórmula BMW como piloto invitado na tempada 2010 na Fórmula BMW Pacífico en Sepang.

Na Fórmula BMW Europa, terminou cuarto cuns incribles 227 puntos.

Sainz tamén competiu no Reino Unido na copa Fórmula Renault Winter, terminando sexto na primeira carreira e retirouse da segunda carreira de Snetterton.

Fórmula Tres

Durante a tempada 2012, Sainz correu no campionato británico e nas Euroseries de Fórmula 3. Gañou cinco carreiras e terminou nove veces no podio, logrou unha pole position, no campionato británico e terminou en sexta posición. Só logrou dous podios e dous pole positions no campionato Euroseries, acabando en novena posición global.

GP3

Carlos Sainz Jr pilotando un Red Bull no Test de novos pilotos en Silverstone en xullo de 2013

En 2013, Sainz asinou con Arden para competir nas series GP3.

Fórmula Renault 3.5

Sainz competiu na Fórmula Renault 3.5, por primeira vez en 2013. Pero, debido a que estaba máis centrado na GP3, ao mesmo tempo, perdeu unha boa chea de carreiras na súa primeira tempada. Terminou a tempada no posto 19º con 22 puntos. Un grande esforzo tendo en conta que era o seu primeiro ano nas series e perdeuse un puñado de carreiras. En 2014, cambiou de equipo para correr con DAMS.

Fórmula 1

Sainz pilotando para Red Bull no Young Driver Test en Silverstone en xullo de 2013

Toro Rosso (2015 - 2017)

Sainz no Gran Premio de Malaisia de 2015

Sainz participou nos tests para novos pilotos cos equipos Red Bull e Toro Rosso en Silverstone en 2013 e 2014. O 28 de novembro de 2014, a Scuderia Toro Rosso anunciou oficialmente que será o compañeiro de Max Verstappen en Toro Rosso, na tempada 2015 de Fórmula Un, a raíz do pase de Daniil Kvyat a Red Bull. Sainz seleccionou 55 como o seu número de carreira. Clasificouse entre os dez primeiros para o seu debut, no Gran Premio de Australia de 2015, e terminou a carreira na novena posición. Na terceira sesión de adestramentos libres do Gran Premio de Rusia de 2015, Sainz perdeu o control do seu coche na curva 13 do Circuíto de Sochi, chocou contra unha parede e contra as barreiras Tecpro. Logo de pasar unha noite no hospital, permitíuselle competir ao día seguinte, pero non terminou a carreira. Nos Estados Unidos de América terminou sétimo, que foi o seu último punto do ano. Terminou 15º na súa primeira tempada con Toro Rosso.

Tempada 2016

Terminou noveno en Australia, tras retirarse en Bahrain. En China, novamente terminou noveno. Logo de non puntuar en Rusia, finalizou sexto en España, 8º en Mónaco e noveno en Canadá antes de non poder terminar en Baku. Logo pasou a anotar 3 oitavos lugares en Austria, Reino Unido e Hungría. Máis tarde tivo unha racha de puntos ata os Estados Unidos, onde finalizou en 6° lugar, non anotou ningún punto en México, outro 6° lugar no Brasil e non puntuou en Abu Zabi. Terminou 12° na clasificación de pilotos con 46 puntos.

Tempada 2017

Sainz durante as probas de pretempada en Barcelona

Sainz comezou a tempada co 7° posto en Australia. En China, fixo o movemento máis audaz na pista para ser o único con pneumáticos de seco. Funcionou e terminou oitavo. Non terminou en Bahrain logo de chocar con Lance Stroll cando saía dos boxes, o que resultou nunha penalización de tres lugares na seguinte carreira, o Gran Premio de Rusia, onde pasou a terminar décimo. En España, unha vez máis terminou sétimo antes de lograr a súa mellor posición da tempada co 6º posto en Mónaco ao relegar a Lewis Hamilton. Non terminou no Canadá, onde estivo involucrado nun choque na primeira volta con Romain Grosjean que eliminou a Felipe Massa. Terminou oitavo en Baku antes de finalizar sétimo en Hungría logo de non terminar nos puntos en Austria e retirarse en Gran Bretaña debido a unha colisión co seu compañeiro de equipo. Terminou en décimo lugar en Spa e no 14° en Monza. No Gran Premio de Malaisia, retirouse debido a un problema no motor mentres conducía xunto a Pierre Gasly, quen substituíu a Kvyat durante a fin de semana. Tamén se retirou do Gran Premio do Xapón logo dun choque.

Renault (2017)

Durante a fin de semana do Gran Premio de Singapur, no que terminou en 4ª posición, anunciouse que deixaría Toro Rosso para competir por Renault en 2018, pero durante a fin de semana do Gran Premio do Xapón de 2017, anunciouse que Sainz substituiría a Jolyon Palmer en Renault comezando no Gran Premio dos Estados Unidos de 2017, con Kvyat regresando a Toro Rosso para tomar o seu antigo posto. Na súa primeira carreira con Renault, Sainz terminou a carreira en sétimo e superou a Nico Hülkenberg, unha fazaña que Jolyon Palmer non puido facer durante todo o ano, aínda que significou moi pouco xa que Hülkenberg optou por non marcar tempo na Q2 debido as súas penalizacións na grella. Unha actuación menos impresionante seguiu na seguinte carreira en México. Clasificouse noveno, tres décimas e media por baixo de Hülkenberg no 8° posto, e comezou a carreira en sétimo logo das sancións de motor de Ricciardo. Logo da primeira volta, atopouse no 5° lugar, detrás de Hülkenberg, despois de que os contendentes ao campionato Vettel e Hamilton chocaran ao comezo da carreira. Con todo, Sainz trompeou na sección de alta velocidade da pista e fixo un plano nos seus pneumáticos e viuse obrigado a entrar en boxes e saíu no 19º posto, só diante do danado e atrasado Mercedes de Lewis Hamilton. Permanecería na cola da pista ata que se retirou da carreira con problemas de dirección. En Brasil acobou fora dos puntos e na última carreira en Abu Zabi retirouse. Terminou 9° na clasificación de pilotos con 54 puntos.

Renault (2018)

Sainz no Gran Premio de Austria de 2018

Sainz tivo un bo comezo na tempada 2018 anotando en cinco das seis primeiras carreiras, pero acabou por detrás do seu compañeiro de equipo Nico Hülkenberg en cada unha das catro carreiras que ambos finalizaron. En Acerbaixán Sainz rematou a tempada cunha boa posición, quinto. Rematou a tempada no décimo lugar con 53 puntos, 3 postos e 16 puntos por detrás do seu compañeiro Hülkenberg anotando puntos en 13 carreiras das 19 carreiras que finalizou.

McLaren (2019-2020)

2019

Sainz no Gran Premio de Hungría de 2019

Sainz mudouse a McLaren na tempada 2019, substituíndo a Fernando Alonso, que se retirara despois da tempada 2018. Despois dun desafortunado comezo de tempada debido a problemas de fiabilidade no Gran Premio de Australia de 2019 e estando involucrado en colisións nos Grandes Premios de Bahrain e de [Gran Premio da China de 2019 | China]], Sainz conseguiu puntuar constantemente despois, a miúdo terminando con forza como o mellor do resto por detrás dos tres primeiros equipos. Loitou polo sexto posto no campionato de pilotos con Pierre Gasly e Alexander Albon, que pasaron parte da tempada nun Red Bull moito máis rápido. No Gran Premio do Brasil de 2019, Sainz clasificouse inicialmente como cuarto, logo de comezar no 20º e último lugar despois dun problema de motor na cualificación, pero elevouse ao 3º posto logo de que Lewis Hamilton recibira unha penalización por causar unha colisión con Alexander Albon, o que proporcionoulle a Sainz o seu primeiro podio na Fórmula Un. Sainz case dobrou o seu total de puntos da súa mellor tempada anterior, 2017. No Gran Premio de Abu Zabi Sainz conseguiu pasar a Hülkenberg na última volta para ocupar o décimo lugar, anotando un punto e o 6º posto no campionato de pilotos a finais de ano.

2020

Sainz comezou a tempada cun quinto posto seguido dun noveno posto en Austria e Estiria. Neste último clasificouse en terceiro lugar, o seu mellor resultado na clasificación da súa carreira, e logrou a súa primeira volta rápida e ao facelo estableceu un novo récord no Red Bull Ring. No Gran Premio de Gran Bretaña sufriu unha picada de pneumáticos na penúltima volta mentres corría comodamente cuarto e no Gran Premio do 70º aniversario viuse obrigado a comezar fóra dos dez primeiros por un problema de sobrequecemento que dificultaba o seu ritmo de clasificación. Na carreira tamén resultou prexudicado por un mal funcionamento da pistola de rodas durante o pitstop, rematando décimo terceiro. Tampouco puido comezar o Gran Premio de Bélxica debido a un problema na unidade de potencia na volta de recoñecemento. Na seguinte carreira (o Gran Premio de Italia) cualificouse terceiro detrás do dúo dominante Mercedes de Hamilton e Bottas. Finalizou segundo, o mellor resultado da súa carreira e o seu segundo podio, rematando a 0,4 segundos do gañador Pierre Gasly na que tamén foi a súa primeira vitoria. Sainz rematou a tempada 2020 no 6º lugar do campionato de pilotos por segundo ano consecutivo. Acumulou 105 puntos e 6 finalizacións entre os 5 primeiros ambos máximos na súa carreira.^{[Cómpre referencia]}

Ferrari (2021 -)

Sainz incorporouse á Scuderia Ferrari cun contrato de dous anos na tempada 2021 como compañeiro de Charles Leclerc e en substitución de Sebastian Vettel. Clasificouse e terminou en 8º lugar no Gran premio de Bahrain. Despois continuou clasificándose 11º no Gran Premio da Emilia-Romaña para rematar no 5º lugar, atrapando o seu compañeiro de equipo, Charles Leclerc. Conseguiu o seu terceiro podio da súa carreira e o primeiro con Ferrari no Gran Premio de Mónaco de 2021. A súa capacidade de adaptarse rapidamente a Ferrari foi amplamente eloxiada polas súas actuacións en relación co seu compañeiro de equipo Leclerc nas carreiras iniciais da tempada. Acadou un 3º lugar no podio no Gran Premio de Hungría de 2021 a pesar de terminar en cuarto lugar na pista, debido a unha penalización posterior á carreira para Sebastian Vettel. Comezou o Gran Premio de Rusia de 2021 en segundo lugar, e superou ao seu antigo compañeiro de equipo Lando Norris na primeira volta, terminando finalmente terceiro, para conseguir o seu terceiro podio para Ferrari. Na última carreira da tempada, o Gran Premio de Abu Zabi de 2021, terminou en terceiro lugar, o que o converteu en quinto no campionato de pilotos, por diante do seu compañeiro de equipo Leclerc e do seu excompañeiro Norris.

Rexistro de carreiras

Traxectoria profesional

Tempada	Series	Equipo	Carreiras	Poles	Gañadas	V/rápidas	Podios	Puntos	Posición
2010	Formula BMW Europe	EuroInternational	16	2	1	2	5	227	4º
	Formula BMW Pacific		9	3	2	2	5	N/A	NC†
	Eurocup Formula Renault 2.0	Epsilon Euskadi	4	0	0	0	1	N/A	NC†
		Tech 1 Racing
	European F3 Open	De Villota Motorsport	4	0	0	0	1	N/A	NC†
	Formula Renault UK Winter Series	Koiranen Bros. Motorsport	2	0	0	0	0	18	18º
2011	Eurocup Formula Renault 2.0	Koiranen Motorsport	14	4	2	5	10	200	2º
	Formula Renault 2.0 Northern European Cup		20	10	8	12	17	489	1º
	Formula 3 Euro Series	Signature	3	0	0	0	0	N/A	NC†
	Macau Grand Prix		3	0	0	0	0	N/A	17º
2012	British Formula Three	Carlin	26	1	5	2	9	224	6º
	Formula 3 Euro Series		24	2	0	0	2	112	9º
	FIA European Formula 3 Championship		20	2	1	1	5	161	5º
	Masters of Formula 3		1	0	0	0	0	N/A	4º
	Macau Grand Prix		3	0	0	0	0	N/A	7º
2013	GP3 Series	MW Arden	16	1	0	2	2	66	10º
	Formula Renault 3.5 Series	Zeta Corse	9	0	0	1	0	22	19º
2014	Formula Renault 3.5 Series	DAMS	17	7	7	6	7	227	1º
2015	Fórmula 1	Scuderia Toro Rosso	19	0	0	0	0	18	15º
2016	Fórmula 1	Scuderia Toro Rosso	21	0	0	0	0	46	12º
2017	Fórmula 1	Scuderia Toro Rosso	16	0	0	0	0	54	9º
		Renault Sport F1 Team	4	0	0	0	0
2018	Fórmula 1	Renault Sport F1 Team	21	0	0	0	0	53	10º
2019	Fórmula 1	McLaren F1 Team	21	0	0	0	1	96	6º
2020	Fórmula 1	McLaren F1 Team	17	0	0	1	1	105	6º
2021	Fórmula 1	Scuderia Ferrari Mission Winnow	22	0	0	0	4	164´5	5º
2022	Fórmula 1	Ferrari	22	1	3	2	9	246	5º*
2023	Fórmula 1	Ferrari	22	1	2	0	3	200	7º
2024	Fórmula 1	Ferrari	18	1	0	1	5	190*	5º*

† Sainz participou como piloto invitado, non podía puntuar.

Resultados Completos na Fórmula 3 Euroseries

(Chave) As carreiras en letra grosa indican pole position; as carreiras en cursiva indican volta rápida.

Ano	Equipo	Motor	1	2	3	4	5	6	7	8	9	10	11	12	13	14	15	16	17	18	19	20	21	22	23	24	25	26	27	Pos.	Puntos
2011	Signature	Volkswagen	LEC 1	LEC 2	LEC 3	HOC 1	HOC 2	HOC 3	ZAN 1	ZAN 2	ZAN 3	RBR 1	RBR 2	RBR 3	NOR 1	NOR 2	NOR 3	NÜR 1	NÜR 2	NÜR 3	SIL 1	SIL 2	SIL 3	VAL 1	VAL 2	VAL 3	HOC 1 Ret	HOC 2 Ret	HOC 3 5	NC†	0
2012	Carlin	Volkswagen	HOC 1 2	HOC 2 5	HOC 3 2	BRH 1 4	BRH 2 6	BRH 3 4	RBR 1 16†	RBR 2 7	RBR 3 5	NOR 1 Ret	NOR 2 25†	NOR 3 19	NÜR 1 7	NÜR 2 15	NÜR 3 10	ZAN 1 11	ZAN 2 9	ZAN 3 5	VAL 1 Ret	VAL 2 10	VAL 3 6	HOC 1 Ret	HOC 2 13	HOC 3 11				9º	112

Resultados Completos na Fórmula 3 británica

(Chave) As carreiras en letra grosa indican pole position; as carreiras en cursiva indican volta rápida.

Ano	Equipo	Motor	1	2	3	4	5	6	7	8	9	10	11	12	13	14	15	16	17	18	19	20	21	22	23	24	25	26	27	28	29	Pos.	Puntos
2012	Carlin	Volkswagen	OUL 1 3	OUL 2 5	OUL 3 4	MNZ 1 1	MNZ 2 8	MNZ 3 1	PAU 1 6	PAU 2 2	ROC 1 10	ROC 2 12	ROC 3 3	BRH 1 4	BRH 2 4	BRH 3 Ret	NOR 1 Ret	NOR 2 25	NOR 3 19	SPA 1 3	SPA 2 C	SPA 3 1	SNE 1 Ret	SNE 2 11	SNE 3 1	SIL 1 2	SIL 2 7	SIL 3 5	DON 1	DON 2	DON 3	6º	224

Resultados Completos nas GP3 Series

(Chave) As carreiras en letra grosa indican pole position; as carreiras en cursiva indican volta rápida.

Ano	Equipo	1	2	3	4	5	6	7	8	9	10	11	12	13	14	15	16	Pos.	Puntos
2013	MW Arden	ESP FEA 15	ESP SPR DSC	VAL FEA 5	VAL SPR 3	GBR FEA 13	GBR SPR 13	GER FEA 6	GER SPR 5	HUN FEA 5	HUN SPR 2	BEL FEA Ret	BEL SPR 13	ITA FEA 9	ITA SPR 9	ABU FEA DSC	ABU SPR 18	10º	66

Resultados Completos nas Formula Renault 3.5 Series

(Chave) As carreiras en letra grosa indican pole position; as carreiras en cursiva indican volta rápida.

Ano	Equipo	1	2	3	4	5	6	7	8	9	10	11	12	13	14	15	16	17	Pos.	Puntos
2013	Zeta Corse	MNZ 1	MNZ 2	ALC 1	ALC 2	MON 1 6	SPA 1 Ret	SPA 2 18†	MSC 1	MSC 2	RBR 1	RBR 2	HUN 1 7	HUN 2 22	LEC 1 16†	LEC 2 Ret	CAT 1 Ret	CAT 2 6	19º	22
2014	DAMS	MNZ 1 18	MNZ 2 1	ALC 1 1	ALC 2 4	MON 1 4	SPA 1 1	SPA 2 1	MSC 1 14	MSC 2 6	NÜR 1 1	NÜR 2 Ret	HUN 1 4	HUN 2 6	LEC 1 1	LEC 2 1	XER 1 15	XER 2 11	1º	227

† Coches que non terminaron o Gran Premio, pero se clasificaron ao completar máis do 90% da distancia de carreira.

Resultados completos na Fórmula Un

(Chave) As carreiras en letra grosa indican pole position; as carreiras en cursiva indican volta rápida.

Tempada	Equipo	Chasis	Motor	1	2	3	4	5	6	7	8	9	10	11	12	13	14	15	16	17	18	19	20	21	22	23	24	Pos.	Puntos
2015	Scuderia Toro Rosso	Toro Rosso STR10	Renault Energy F1 2015 1.6 V6 t	AUS 9	MAL 8	CHN 13	BHR Ret	ESP 9	MON 10	CAN 12	AUT Ret	RU Ret	HUN Ret	BEL Ret	ITA 11	SIN 9	XPN 10	RUS Ret	USA 7	MEX 13	BRA Ret	ABU 11						15º	18
2016	Scuderia Toro Rosso	Toro Rosso STR11	Ferrari 059/4 1.6 V6 t	AUS 9	BHR Ret	CHN 9	RUS 12	ESP 6	MON 8	CAN 9	EUR Ret	AUT 8	GBR 8	HUN 8	ALE 14	BEL Ret	ITA 15	SIN 14	MAL 11	XPN 17	USA 6	MEX 16	BRA 6	ABU Ret				12º	46
2017	Scuderia Toro Rosso	Toro Rosso STR12	Renault R.E. 17 1.6 V6 t	AUS 8	CHN 7	BHR Ret	RUS 10	ESP 7	MON 6	CAN Ret	ACE 8	AUT Ret	GBR Ret	HUN 7	BEL 10	ITA 14	SIN 4	MAL Ret	XPN Ret									9º	54
	Renault Sport F1 Team	Renault R.S.17	Renault R.E.17 1.6 V6 t																	USA 7	MEX Ret	BRA 11	ABU Ret
2018	Renault Sport F1 Team	Renault R.S.18	Renault R.E.18 1.6 V6 t	AUS 10	BHR 11	CHN 9	ACE 5	ESP 7	MON 10	CAN 8	FRA 8	AUT 12	GBR Ret	ALE 12	HUN 9	BEL 11	ITA 8	SIN 8	RUS 17	XPN 10	USA 7	MEX Ret	BRA 12	ABU 6				10º	53
2019	McLaren F1 Team	McLaren MCL34	Renault E-Tech 19 1.6 V6 t	AUS Ret	BHR 19†	CHN 14	AZE 7	ESP 8	MON 6	CAN 11	FRA 6	AUT 8	GBR 6	ALE 5	HUN 5	BEL Ret	ITA Ret	SIN 12	RUS 6	XPN 5	MEX 13	USA 8	BRA 3	ABU 10				6º	96
2020	McLaren F1 Team	McLaren MCL35	Renault E-Tech 20 1.6 V6 t	AUT 5	EST 9	HUN 9	GBR 13	70º 13	ESP 6	BEL NTS	ITA 2	TOS Ret	RUS Ret	EIF 5	POR 6	EMI 7	TUR 5	BAH 5	SAK 4	ABU 6								6º	105
2021	Scuderia Ferrari Mission Winnow	Ferrari SF21	Ferrari 065/6 1.6 V6 t	BHR 8	EMI 5	POR 11	ESP 7	MON 2	ACE 8	FRA 11	EST 6	AUT 5	GBR 6	HUN 3	BEL 10‡	NED 7	ITA 6	RUS 3	TUR 8	USA 7	MEX 6	BRA 6 +1	QAT 7	SAU 8	ABU 3			5º	164´5
2022	Scuderia Ferrari	Ferrari F1-75	Ferrari 066/7 1.6 V6 t	BHR 2	SAU 3	AUS Ret	EMI Ret4	MIA 3	ESP 4	MON 2	ACE Ret	CAN 2	GBR 1	AUT Ret3	FRA 5	HUN 4	BEL 3	NED 8	ITA 4	SIN 3	XAP Ret	USA Ret	MEX 5	BRA 32	ABU 4			5º	246
2023	Scuderia Ferrari	Ferrari SF-23	Ferrari 066/10 1.6 V6 t	BHR 4	SAU 6	AUS 12	ACE 55	MIA 5	EMI C	MON 8	ESP 5	CAN 5	AUT 63	GBR 10	HUN 8	BEL Ret4	NED 5	ITA 3	SIN 1	XAP 6	QAT NTS6	USA 36	MEX 4	BRA 68	LVG 6	ABU 18†		7º	200
2024	Scuderia Ferrari	Ferrari SF-24	Ferrari 066/12 1.6 V6 t	BHR 3	SAU NTS	AUS 1	XAP 3	CHN 5	MIA 5	EMI 5	MON 3	CAN Ret	ESP 6	AUT 35	GBR 5	HUN 6	BEL 6	NED 5	ITA 4	ACE 18†	SIN 7	USA	MEX	BRA	LVG	QAT	ABU	5º*	190*

Véxase tamén

Ligazóns externas

• https://web.archive.org/web/20141019195435/http://www.carlossainzjr.com/ Páxina oficial
• Carlos Sainz Vázquez de Castro no Twitter