Portal:Fórmula 1

Portal da Fórmula 1

A Fórmula 1, referida ás veces na escrita como F1, é un deporte automobilístico en que compiten pilotos profesionais en monoprazas pertencentes a diferentes escuderías en distintos circuítos preparados especialmente co obxectivo de chegar primeiro á liña de meta. O "fórmula" do nome refírese a unha serie de normas e regulacións que tódalas escuderías deben cumprir, mentres que o "1" é porque é a categoría máis alta das competicións de monoprazas, feito que vén respaldado por tratarse do deporte máis caro do mundo e por utilizárense os coches máis rápidos (a miúdo corren a máis de 300 km/h) e potentes (poden acadar cerca de 20000 revolucións por minuto).

(Máis...)

editar

Artigo salientado

O Gran Premio de San Marino de 1994 foi unha carreira de Fórmula Un celebrada o 1 de maio de 1994 no Autódromo Enzo e Dino Ferrari en Imola, Italia. Foi a terceira carreira do Campionato do Mundo de pilotos de 1994.

Os sucesos ocurridos nesta carreira significaron un importante punto de inflexión tanto na tempada de 1994, como no desenvolvemento da Fórmula Un, sobre todo no que respecta á seguridade.

O fin de semana viuse empañado pola morte de piloto austríaco Roland Ratzenberger e o do triplo campión do mundo Ayrton Senna en distintos accidentes. Noutros incidentes resultaron feridos o piloto Rubens Barrichello e varios mecánicos e espectadores.

(Máis...)

editar

Fotografía salientada

O Maserati 250F configurado para Stirling Moss no Gran Premio de Arxentina de 1957.

editar

Clasificacións

Piloto	Escudería	Puntos
Max Verstappen	Red Bull Racing-Honda	369´5
Lewis Hamilton	Mercedes	369´5
Valtteri Bottas	Mercedes	218

Escudería	Puntos
Mercedes	587´5
Red Bull Racing-Honda	559´5
Ferrari	307´5

Clasificacións finais do Campionato Mundial de Fórmula 1 de 2021 Vexa 2021 para un resumo completo da tempada e formula1.com para a clasificación e estatísticas completas.

editar

Sabías que...

... Juan Manuel Fangio coroouse campión en 1957 á idade de 46 anos?
... o Gran Premio de Italia de 1985 foi o último no que o piloto gañador recibiu unha coroa de loureiro porque tapaba a visión dos anagramas dos patrocinadores nos monos dos pilotos?
... na carreira Pequín-París de 1907 o gañador só recibíu como premio unha botella magnum de champaña Mumm?. De aí a tradición de celebrar as vitorias en automobilismo cunha botella de champaña.
... o Gran Premio de Mónaco de 1996 é a carreira co récord de menor cantidade de coches, 4, que finalizaron un GP na historia da Fórmula 1?
... Leo Kinnunen foi o último piloto en competir na Fórmula Un usando un casco aberto?
... Jules Bianchi é o último piloto que faleceu nunha competición (no Gran Premio de Xapón de 2014)?
... Jochen Rindt foi o único piloto que logrou conseguir o campionato do mundo a título póstumo?
... Keke Rosberg consagrouse campión do mundo en 1982 gañando unha soa carreira?
... María de Villota foi a primeira española na Fórmula 1?
... Al Pease é o único piloto descalificado dunha carreira do Campionato do Mundo, o Gran Premio do Canadá de 1969, por ser demasiado lento?
... Archie Scott Brown ao que lle faltaba unha man, foi o primeiro piloto discapacitado da Fórmula 1?
... o Gran Premio de Bélxica de 1997 foi a primeira vez que a saída dunha carreira se fixo detrás do coche de seguridade?
... o Gran Premio do Canadá de 1999 foi a primeira vez que unha carreira terminou detrás do coche de seguridade?

editar

Novas de Fórmula 1

(arquivo)

2020

O campionato debía comezar orixinalmente en marzo, pero o inicio pospúxose ata xullo en resposta á pandemia COVID-19. A tempada debía disputarse cun récord de 22 Granes Premios, pero como se cancelaron algunhas carreiras e se engadiron novas carreiras para substituílas, se disputaran un total de 17 carreiras. A tempada comezou en xullo co Gran Premio de Austria de 2020 e rematou en decembro co Gran Premio de Abu Zabi de 2020 . Debido a a pandemia COVID-19, as primeiras oito xornadas do campionato disputáronse a porta pechada, o resto de carreiras se realizaron con capacidade reducida ou tamén a porta pechada debido a a segunda onda da pandemia COVID-19.

editar