|
O balonmán é un deporte de pelota no que se enfrontan dous equipos. Cada equipo está composto por sete xogadores (seis xogadores e un porteiro), podendo o equipo contar con outros sete xogadores reservas que poden intercambiarse en calquera momento cos seus compañeiros. Xógase nun campo rectangular cunha portería en cada lado do campo. O obxectivo do xogo é desprazar unha pelota polo campo, valéndose fundamentalmente das mans, para tentar introducila na portería contraria, acción que se denomina gol. O equipo que marca máis goles ao finalizar o partido, que consta de dúas partes de 30 minutos, é o que resulta gañador, podendo darse tamén o empate.
Aínda que ao longo da historia ten habido numerosos xogos de pelota que empregaron as mans, o balonmán moderno é relativamente recente, xa que as súas primeiras reglamentacións datan dos últimos anos do século XIX, e a súa estandarización definitiva non chegou ata o ano 1926, cando as regras do xogo uniformáronse para o xogo entre equipos de once xogadores ao aire libre, modalidade que chegou a practicarse nos Xogos Olímpicos de Berlín 1936, mais co paso do tempo o balonmán comezou a practicarse en pista cuberta, o que fixo que o número de xogadores se reducira a sete. Se ben durante un tempo as modalidades de once e sete xogadores, só esta última modalidade perviviu, debutando como deporte olímpico nos Xogos Olímpicos de Múnic 1972.
|
Artigo destacado
editar
O Club Balonmano Cantabria (1975-2008) foi un equipo de balonmán da cidade de Santander ( Cantabria). Foi fundado en 1975 co nome de Grupo Deportivo Teka Santander, herdeiro do club La Salle Authi de Los Corrales de Buelna. Foi un dos clubs máis laureados de España e de Europa. Debido a problemas económicos, mudou a súa denominación en 1995, baixo o patrocinio de Caja Cantabria, que abandonou o seu patrocinio en 1999, adoptando o club o nome de Club Balonmano Cantabria e volvendo a Teka, denominándose o equipo Teka Cantabria ata a súa desaparición no ano 2008, tras un breve período no que foi propiedade do Racing de Santander.
A nivel nacional participou na Liga ASOBAL (nome que recibe a máxima categoría do balonmán español) dende a súa fundación en 1990 pola Asociación de Clubes Españoles de Balonmano (ASOBAL) ata a súa desaparición. A Liga ASOBAL foi a herdeira da antiga liga española de balonmán que, entre 1958 e 1990, e coa denominación de División de Honra, organizou a Federación Española de Balonmano. En total, o club participou en 18 ocasións na máxima categoría, gañando o título en dúas ocasións (1992-93 e 1993-94). Ademais adxudicouse outros títulos nacionais como a Copa do Rei e a Supercopa de España, ambas en dúas ocasións, ou a Copa ASOBAL, que gañou catro veces. A nivel internacional conquistou nunha ocasión a máxima competición europea de balonmán entre clubs, a Copa de Europa, así como o Campionato Mundial de Clubs, a Recopa de Europa en dúas ocasións, ou a Copa EHF.
Durante a maior parte da súa historia, o club xogou no Pavillón de La Albericia, aínda que tamén nas súas últimas tempadas disputou partidos no Palacio de Deportes de Santander, que dispuña de maior capacidade que o anterior.
Así van
Categorías
editar
Queres atopar artigos relacionados co balonmán? Proba buscando nas seguintes categorías:
Artigos de calidade e bos
editar
 Artigos de calidade (1)
 Artigos bos (0)
Biografía destacada
editar
Marian Cozma, nado o 8 de setembro de 1982 en Tei, Bucarest ( Romanía) e finado en Veszprém ( Hungría) o 8 de febreiro de 2009, foi un xogador de balonmán romanés que xogaba na demarcación de pivote. Desenvolveu a súa carreira profesional no CS Dinamo Bucureşti romanés e no MKB Veszprém KC húngaro. Foi internacional coa selección romanesa en 60 ocasións, marcando 115 goles.
Cozma foi guiado ao balonmán por seu pai, Petre, tamén xogador de balonmán, e comezou a xogar no CS Dinamo Bucureşti. Foi precisamente no Dinamo onde comezou a súa carreira profesional, xogando dende 2002 ata 2006, período no que gañou o campionato romanés na tempada 2004-2005. Durante o tempo que xogou no Dinamo, Cozma foi acoitelado unha vez preto da súa casa por un grupo de seareiros radicais dun equipo rival: "Preguntáronme se era Cozma do Dinamo e entón un deles acoiteloume polas costas", declarou. A pesar do incidente, Cozma recuperouse e pouco despois volveu á cancha. En 2006, asinou polo MKB Veszprém KC húngaro. Co seu novo equipo xogou a EHF Champions League na tempada 2006-2007, anotando 17 goles na competición. No 2008, gañou a liga húngara e a Recopa de Europa, derrotando ao Rhein-Neckar Löwen alemán na final.
Cozma foi asasinado o 8 de febreiro de 2009 cando estaba nun bar da cidade húngara de Veszprém e un grupo de 30 homes o agrediron. A pelexa continuou fóra do local, onde o xogador recibiu unha coitelada no corazón. Na liorta tamén se viron involucrados os seus compañeiros de equipo Ivan Pesic e Zarko Sesum, que tiveron que ser hospitalizados.
Imaxe destacada
Sabías que...?
Proxectos relacionados
Portais relacionados
Proxectos irmáns
|
|
