Portal:Feminismo

O feminismo é un conxunto de teorías sociais, movementos políticos e filosofías morais, principalmente motivadas por ou concernentes ás experiencias das mulleres, especialmente referidas á súa situación social, política e económica. Como movemento social, o feminismo principalmente está enfocado a erradicar a desigualdade de xénero e promover os dereitos das mulleres e os seus intereses na sociedade. Isto tamén concirne ao efecto que producen os roles de xénero nos homes, e o estímulo aos homes para trocar os roles tradicionais masculinos. O feminismo alterou principalmente as perspectivas predominantes en diversas áreas da sociedade occidental, desde a cultura ao dereito. As activistas feministas fixeron campañas polos dereitos legais das mulleres (dereitos de contrato, dereitos de propiedade, dereitos ao voto), polo dereito da muller á súa autonomía e á integridade do seu corpo (dereitos ao aborto e dereitos reprodutivos —incluíndo o acceso á contracepción—), pola protección contra a violencia de xénero e a sexual ou polo remate da discriminación no traballo en todas as súas formas. Amosar máis contido destacado Artigo destacado Femen (en ucraíno: Фемен), estilizado como FEMEN, é un grupo activista franco-ucraíno de feminismo radical que loita para protexer os dereitos da muller. A organización fíxose internacionalmente coñecida por realizar protestas controvertidas espidas contra o turismo sexual, as institucións relixiosas, o sexismo, a homofobia e outros temas sociais. Fundado en Ucraína, o grupo ten a súa sede en París. A organización descríbese a si mesma como "loitadora contra o patriarcado e as súas tres manifestacións - a escravitude sexual das mulleres, as ditaduras e a relixión" e declarou que o seu obxectivo é o "sextremismo a prol de protexer os dereitos das mulleres". As activistas de Femen teñen sido detidas pola policía por mor das súas protestas. Imaxe destacada We Can Do It!, cartel propagandístico creado en 1943 empregado en ocasións polo movemento feminista. Vexa o artigo segunda guerra mundial. Sabías que...? ... Ellen Johnson Sirleaf converteuse na primeira muller en presidir un país de África logo de gañar as eleccións de 2005 en Liberia? ... Maria de Lourdes Pintasilgo foi a única muller que desempeñou o cargo de primeira ministra en Portugal e a segunda muller de toda Europa en ter ese posto despois de Margaret Thatcher? ... o grupo feminista Women on Waves, que creou unha unidade xinecolóxica nun barco, realiza abortos en augas internacionais? Categorías Queres atopar artigos relacionados co feminismo? Proba buscando nas seguintes categorías: Feminismo Feminismo por país Actividades, campañas, celebracións e conmemoracións feministas Arte e feminismo Ciberfeminismo Dereitos da muller Filosofía feminista Historia do feminismo Obras feministas Organizacións feministas Personalidades do feminismo Teoría feminista Portal:Feminismo Biografía destacada Rosa Luxemburg (en polaco: Róża Luksemburg), nada en Zamość (Imperio Ruso) o 5 de marzo de 1871 ou 1870, e finada en Berlín o 15 de xaneiro de 1919, foi unha militante socialista, teórica marxista e feminista polaca de orixe xudía, nacionalizada alemá. Foi membro do partido da Socialdemocracia do Reino de Polonia e Lituania (SDKPiL), do Partido Socialdemócrata de Alemaña (SPD), do Partido Independente Socialdemócrata de Alemaña (USPD) e do Partido Comunista de Alemaña (KPD). En 1915, xunto con Karl Liebknecht fundaron a Liga Espartaquista (Spartakusbund) que posteriormente se convertería no Partido Comunista Alemán. Viu o levantamento espartaquista producido en 1919 como unha equivocación, porén, chegou a apoialo máis tarde. Cando o goberno socialdemócrata, xunto cos Freikorps (soldados que participaran na primeira guerra mundial, e que se organizaron en grupos paramilitares), acabaron coa revolta, Luxemburg, Liebknecht e outros dos participantes foron detidos e asasinados. Luxemburg recibiu un disparo e o seu corpo foi guindado ao Landwehrkanal, en Berlín. As súas ideas inspiraron tendencias da esquerda comunista e deron orixe a posteriori á corrente intelectual coñecida baixo o nome de luxemburgismo. A herdanza de Rosa Luxemburg foi reivindicada porén, de maneira contraditoria, por movementos políticos moi diversos. O seu traballo para a consecución dun socialismo democrático internacional, en contra do militarismo e da guerra, é considerado hoxe en día por moitos un modelo a seguir. Dende 1996, un domingo a mediados de xaneiro celébrase cada ano, en Berlín, o día de Rosa Luxemburg e Karl Liebknecht, en lembranza do asasinato dos dous dirixentes comunistas o 15 de xaneiro de 1919. Cita destacada Artigos de calidade e bos Artigos de calidade (4) Biografías: Andrea Dworkin, Rosa Luxemburg, Simone Veil, Mary Wollstonecraft Artigos bos (0) Proxectos relacionados Feminismo • Galegas • Mulleres Portais relacionados Diversidade sexual Diversidade sexual Muller Muller Proxectos irmáns Wikimedia Commons en Commons Wiktionary no Galizionario Wikiquote en Galicitas