Susan B. Anthony

Susan Brownell Anthony, nada en Adams (Massachusetts o 15 de febreiro de 1820 e finada en Rochester (Estado de Nova York) o 13 de marzo de 1906, foi unha reformadora e sufraxista norteamericana.

Susan B. Anthony
Nacemento	15 de febreiro de 1820
	Adams (Massachusetts)
Falecemento	13 de marzo de 1906
	Rochester
Causa	Insuficiencia cardíaca e pneumonía
Soterrada	Cemitério Mount Hope
Nacionalidade	Estados Unidos de América
Ocupación	sufraxista, feminista, suffragette, Activista polos dereitos humanos e abolicionista
Pai	Daniel Anthony
Nai	Lucy Read
Irmáns	Daniel Read Anthony e Mary Stafford Anthony
Premios	National Women’s Hall of Fame
[ editar datos en Wikidata ]

Traxectoria

De familia cuáquera naceu en Massachusetts, pero pouco despois do seu nacemento a súa familia moveuse ao estado de Nova York, e a partir de 1845 residiu en Rochester.

Estudou na pequena escola do seu pai, e entre 1837 e 1857 foi mestra en varias escolas. Na década anterior á Guerra Civil Americana, tivo un papel prominente nos movementos antiescravistas e antialcohólicos de Nova York, organizou en 1852 a primeira sociedade estatal de mulleres antialcohólica en América, e en 1856 converteuse na representante para o estado de Nova York da Sociedade Antiescravista de América.

A partir de 1854 dedicouse en exclusiva á defensa dos dereitos da muller, avogando pola completa igualdade de sexos. Entre 1868 e 1870 foi a propietaria do semanario, The Revolution.

Axudou a fundar a Asociación Sufraxista Estadounidense, da que foi primeiro vicepresidenta 1869-1892 e logo presidenta (1892-1906)
En colaboración con Stanton, Matilda Joslyn Gage e Ida Husted Harper, publicou The History of Woman Suffrage (1884–1887).

Véxase tamén

Bibliografía

• Claus Bernet: Susan B. Anthony, en: BBKL, 29, 2008, 93-101.