Portal:Ballet

Fotomontaxe Portal Ballet.jpeg
Snowdance.jpg

O ballet ou danza clásica é un xénero dramático cuxa acción se representa por medio de pantomimas e danzas. É, tamén, o nome específico dado a unha forma concreta de danza e a súa técnica. Segundo as épocas, os países ou as correntes o espectáculo coreográfico pode incluír ademais de danza e música (de orquestra e coral), mímica, texto, decorados e maquinaria. Tamén se utiliza o termo ballet para designar á peza musical composta para que ser interpretada por medio da danza. O ballet está considerado como unha das artes escénicas.

O ballet pode ser unha peza autónoma, mais tamén se pode intercalar entre as escenas dunha ópera ou dunha obra de teatro a modo de divertimento.

Artigo destacado

editar

Roerich Rite of Spring.jpg
Le Sacre du printemps (en francés) ou Весна священная (en ruso, transliterado Vesna sviashchennaia) é un ballet e concerto orquestral do compositor ruso Igor Stravinskii. Foi escrito para a tempada dos Ballets Russes de Sergei Diagilev de 1913; a coreografía orixinal foi obra de Vatslav Nizhinskii, con deseños de escena de Nikolai Rerikh. Cando foi estreada, no Théâtre des Champs-Élysées o 29 de maio de 1913, a natureza vangardista da música e a coreografía causaron sensación e case orixinaron disturbios na audiencia. Aínda que creou a obra para a escena, con pasaxes específicas acompañando ás personaxes e á acción, a música conseguiu o mesmo, senón maior recoñecemento como peza de concerto, e é amplamente considerada unha das obras máis influentes da música do século XX.

Stravinskii era un compositor novo e practicamente descoñecido cando Diagilev o recrutou para crear obras para os Ballets Russes. Le Sacre du printemps foi o terceiro proxecto deste tipo, despois do aclamado L'oiseau de feu (1910) e Petrushka (1911). O concepto detrás de Le Sacre du printemps, desenvolvido por Rerikh a partir da idea dun bosquexo de Stravinskii, é suxerida polo seu subtítulo, «Imaxes da Rusia pagá en dúas partes».

A partitura de Stravinskii contén moitas características novidosas para a época, entre as que se inclúen experimentos na tonalidade, a métrica, o ritmo, a acentuación e a disonancia. Os analistas teñen observado na partitura unha base significativa na música popular rusa, unha relación que Stravinskii tendía a negar. A música de Le Sacre du printemps influíu a moitos dos principais compositores do século XX, e é unha das obras máis gravadas do repertorio clásico.

Imaxe destacada

editar

PointeShoes.jpg
Zapatillas de ballet dunha bailarina en pointe.
Vexa o artigo en pointe
Categorías

editar

Queres atopar artigos relacionados co ballet? Proba buscando nas seguintes categorías:


Personalidade destacada

editar

Ballet Goes To the Factory- Dance and Entertainment Organised by the Council For the Encouragement of Music and the Arts, England, 1943 D14038.jpg
Marie Rambert (orixinalmente Cyvia Rambam), nada o 20 de febreiro de 1888 en Varsovia (actualmente en Polonia e daquela no Reino do Congreso) e finada o 12 de xuño de 1982 en Londres (Inglaterra), foi unha bailarina e pedagoga de orixe polonesa naturalizada británica. Rambert exerceu unha forte influencia no ballet británico, tanto como bailarina como pedagoga, sendo nomeada Dame Commander of the Most Excellent Order of the British Empire, e recibindo por parte da Royal Academy of Dance o Queen Elizabeth II Coronation Award.

Ao longo da súa traxectoria participou no corpo de baile dos Ballets Russes de Sergei Diagilev (colaborando con Vatslav Nizhinskii nesa compañía na representación de Le Sacre du printemps de Igor Stravinskii), antes de fundar a súa propia compañía de danza, o Ballet Rambert (actualmente denominado Rambert Dance Company, que Despois de instalarse en Hampstead (Inglaterra), comezou a ensinar ballet profesionalmente e foi recoñecida como un dos fundadores do ballet británico moderno. Participou na creación do Royal Ballet e foi un dos membros fundadores da Royal Academy of Dance.

Sabías que...
Artigos de calidade e bos

editar Nuvola filesystems services.svg Artigos de calidade (1)

Crystal Clear action bookmark Silver.png Artigos bos (0)


Proxectos relacionados
Portais relacionados
Proxectos irmáns