 Portal da Historia Este portal reúne os artigos de temática histórica disponíbeis na Galipedia, a Wikipedia en galego. Permite acceder de maneira doada a toda esta información ao tempo que aúna os esforzos dos colaboradores que pretenden mellorar os artigos relacionados con esta área de coñecemento. Actualmente xa temos máis de 30.000 artigos relacionados coa Historia.
editar
A batalla de Xutlandia (alemán: Skagerrakschlacht) foi unha batalla naval que enfrontou á Grand Fleet da Royal Navy (que tamén incluía barcos e persoal individual da Royal Australian Navy e a Royal Canadian Navy) contra a Hochseeflotte da Kaiserliche Marine durante a Primeira Guerra Mundial. A batalla tivo lugar entre o 31 de maio e o 1 de xuño de 1916 no mar do Norte preto de Xutlandia, Dinamarca. Foi a meirande batalla naval e o único enfrontamento a gran escala do conflito. Foi o terceiro encontro entre acoirazados de aceiro, tras as máis pequenas, pero tamén máis decisivas batallas do Mar Amarelo (1904) e de Tsushima (1905) durante a guerra ruso-xaponesa.
Tralo fin da batalla, ámbalas dúas partes reclamaron a vitoria. Os británicos perderon máis barcos e o dobre de mariñeiros, e a prensa do país criticou o fracaso da Grand Fleet para forzar un resultado decisivo, pero o plan de Scheer de destruír unha parte substancial da frota británica tamén fracasou. A "frota en potencia" alemá continuaba sendo unha ameaza, requirindo aos británicos manter os seus acoirazados concentrados no mar do Norte, pero a batalla confirmou a política xermana de evitar calquera contacto entre frotas. Ao final do ano, despois de máis infrutuosos intentos de reducir a vantaxe numérica da Royal Navy, a Kaiserliche Marine volveu os seus esforzos e recursos á guerra submarina sen restricións coa destrución de barcos aliados e neutrais, o que levaría en abril de 1917 á entrada dos Estados Unidos no conflito.
editar
A finais do difícil século XIV e durante o convulso século XV tivo lugar na illada Galicia a transformación da antiga nobreza e a incorporación dunha nova que conformaron o seu poder económico e social alicerzados na posesión da terra -unificada nun único patrimonio, baixo a man do cabeza de familia- e o poder das armas. Configurouse deste xeito unha sociedade baseada na institución do morgado e o ideal cabaleiresco e dando lugar ás liñaxes. Estas perduraron durante toda a Baixa Idade Media ata a chegada da Idade Moderna coa reforma política levada a cabo polos Reis Católicos, tendo moitas delas continuidade cando conseguiron adaptarse á nova situación achegándose ao novo centro real de poder, a Corte Real.
Artigos con problemas
Marcados como que teñen problemas
- Iconolatría, Campo de concentración de Mauthausen-Gusen, Organización para a Liberación de Palestina, Masacre de Khojali, Socialismo utópico, Margaret Thatcher, Casacas vermellas, Conquista de Navarra, Hispania romana, Historia de México, Historia de Portugal, Historia de Rusia, Historia da arte occidental
Artigos a expandir
Demasiado breves: temática xeral, biografías, biografías de personalidades galegas ou efemérides.
- Batalla de Berlín, Alemaña do Oeste, Asiria, Acadia, Mesopotamia, Batalla de Legnica, Imperio do Xapón, Conferencia de Teherán, Maio do 68, República de Weimar, Revolución cubana, Plan Marshall, Idade da Pedra, Era Meiji, Dinastía Ming, Sun Tzu, Guerra dos Cen Anos, Babilonia, Imperio Austrohúngaro, Batalla de Cannas (216 a.C.), Xacobinismo, Yasser Arafat, Brigadas Internacionais, Sociedade de Nacións, Guerra ruso-xaponesa, Guerra austro-prusiana, Hunos, Pacto de Aceiro, Muro de Berlín, Grande Armée, KGB, Noite dos coitelos longos, Revolución Francesa, Gulag
Artigos solicitados
- Levantamento do gueto de Varsovia, Batalla de Mukden, Yuri Andrópov, Francia de Vichy, Militarismo, Non-violencia, Galicia na Idade Media, Galicia na Restauración Borbónica, Trincheira, Estatuto de Autonomía do País Vasco (1936), Invasión napoleónica de Rusia, Batalla de Austerlitz, Crac do 29, Conflito entre Hamás e Fatah, Santa Alianza, Colonia de Plymouth, Guerra do Pacífico (1937-1945), Operación Barbarroxa, Masacre de Batavia, Atraco ao banco Tiflis de 1907, Revolución de Zanzíbar, Tratado de Devol, Phan Xich Long, Primeira Cruzada, Invasións xaponesas de Corea (1592-1598)
|
|
.jpg)
