Ourense é unha cidade galega, capital da provincia de Ourense e da súa comarca homónima. É a terceira cidade máis poboada de Galicia despois de Vigo e A Coruña. Segundo o IGE, en 2014 a poboación foi de 106.905 habitantes (107.597 en 2012).

Situada preto da Vía Nova que unía Bracara Augusta (hoxe Braga en Portugal) con Asturica Augusta (hoxe Astorga) a cidade mantivo importancia tras a época romana pola súa ponte e situación central na antiga Gallaecia. Foi corte real dos suevos crese que durante o reinado de Carriarico/Teodomiro que foi o que fundou a primeira igrexa dedicada a San Martiño de Tours.

Está atravesada polos ríos Miño, Barbaña e Lonia. É coñecida como "A cidade das Burgas" debido á sona das súas famosas fontes de augas termais (a auga sae a 60-68 °C). Tamén se lle coñece como Auria.

Destacan como monumentos a Catedral de Ourense (s.XII) co seu Pórtico do Paraíso e o Santo Cristo, a ponte Romana, o claustro de San Francisco, a igrexa da Trindade e a de San Domingo, e o conxunto do seu casco antigo, en proceso de recuperación.

Cidade termal por excelencia, ademais das Burgas o visitante pode gozar das augas termais do balneario da Chavasqueira (de inspiración xaponesa), O Tinteiro, Muíño da Veiga e Outariz. Están moi próximos á capital os centros balnearios da Arnoia, Baños de Molgas, Laias e O Carballiño.

Artigo destacado

editar

A esmorga é unha novela tremendista escrita por Eduardo Blanco Amor, publicada en Buenos Aires en 1959 e en Galicia en 1970. Foi unha das primeiras novelas galegas de posguerra, e marcou un fito na historia da literatura galega. A súa repercusión nas xeracións posteriores levouna a ocupar un lugar destacado do canon literario. O libro foi traducido a varias linguas. A acción desenvólvese na cidade de Auria, representación de Ourense, con diversas referencias a espazos ourensáns reais.

A obra foi levada ao cine en dúas ocasións, a primeira delas co título de Parranda en 1977, con dirección de Gonzalo Suárez e guión do propio Blanco Amor; e a segunda, estreada no Festival de Cine Internacional de Ourense o 15 de novembro de 2014 co título A esmorga, con dirección de Ignacio Vilar.

Tamén foi levada ao teatro en diversas ocasións. O grupo ourensán Sarabela Teatro realizou sendas montaxes en 1996 e 2010, sobre a adaptación que escribiron os dramaturgos Begoña Muñoz e Carlos Couceiro. Ambas as dúas montaxes recibiron premios María Casares de teatro.

Lugar de interese

editar

A Catedral de Ourense, baixo a advocación de San Martiño, é un templo católico situado na cidade de Ourense, sede da diocese do mesmo nome. É de estilo románico de transición con influencias cistercienses nalgúns aspectos arquitectónicos e mateanos no eido escultural, pero no que se realizaron numerosas modificacións posteriores.

O templo foi construído como unha fortaleza defensiva, como adoitaba facerse nos edificios relixiosos da época. Pódese comprobar esta concepción na estrutura das torres orixinais e nas ameas que coroaban os muros, das que aínda queda algunha mostra se ben a maioría foron eliminadas durante as reformas posteriores.

A súa construción finalizou a mediados do século XIII, co bispo Lourenzo (1218-1248), coa construción do Pórtico do Paraíso.

Foi declarada Monumento Nacional o 3 de xuño de 1931 e recibe os honores de Basílica desde 1867, por Breve Pontificio do papa Pio IX asinado o 30 de xuño dese ano. Está rexistrada como Ben de Interese Cultural co código RI-51-0000771.

Imaxe destacada
Biografía destacada

editar

Vicente Martínez Risco e Agüero, nado en Ourense o 1 de outubro de 1884 e finado na mesma cidade o 30 de abril de 1963, foi un intelectual galego do século XX, membro da xeración Nós e considerado un dos meirandes teóricos do nacionalismo galego.

Constitúe unha das figuras máis importantes e complexas da historia da literatura galega. Home procedente dunha familia acomodada, dun gran nivel cultural, contribuíu na literatura galega asentando as bases do nacionalismo galego e renovando a narrativa galega do primeiro terzo do século XX.

Sabías que...?

editar

Catedral de Ourense.

  • ... na madrugada do 25 de xuño de 1931 proclamouse a República Galega dende a Casa do Concello da cidade?
  • ... o nome da cidade vén da época romana, cando foi bautizada como Auriense ("a cidade de ouro") pola abundancia dese metal precioso?
  • ... a catedral de Ourense foi construída como unha fortaleza defensiva?


Artigos de calidade e bos

editar

Artigos de calidade (0)

Artigos bos (1)


Portais relacionados

editar

Galicia
Galicia

Galicia

Lugo
Lugo

A Coruña

Ferrol
Ferrol

Ferrol

Lugo
Lugo

Lugo

Pontevedra
Pontevedra

Pontevedra

Santiago de Compostela
Santiago de Compostela

Santiago de Compostela

Vigo
Vigo

Vigo

Proxectos irmáns

editar

Wikimedia Commons
Wikimedia Commons

en Commons