Comarca de Valdeorras

A comarca de Valdeorras é unha comarca galega situada na provincia de Ourense e a súa capital é O Barco de Valdeorras. A cal pertencen os concellos de O Barco de Valdeorras, O Bolo, Carballeda de Valdeorras, Larouco, Petín, A Rúa, Rubiá, A Veiga e Vilamartín de Valdeorras. En total abrangue 969,2 km², caracterízase pola súa elevación, aquí está o maior cumio de Galicia, a Pena Trevinca (2127 m). O xentilicio é valdeorrés/valdeorresa.

Comarca de Valdeorras
Provincia	Provincia de Ourense
Capital	O Barco de Valdeorras
Área	969,2 km²
Poboación	27.000 hab. (2014)
Densidade	27,86 hab./km²
Concellos	O Barco de Valdeorras O Bolo Carballeda de Valdeorras Larouco Petín A Rúa Rubiá A Veiga Vilamartín de Valdeorras
Xentilicio	valdeorrés/valdeorresa

Índice

Xeografía

O río Sil conforma a comarca en tres áreas, o propio val e as serras que se sitúan ao seu norte e sur. O val do Sil contén numerosos sedimentos terciarios, nas serras do sur, Serra do Eixe, Serra Calva e Serra Segundeira atópanse as maiores altitudes de Galicia, dominando os relevos abruptos con abondosas formas periglaciais. O relevo montañoso do norte fórmano a Serra de Cereixedo, Serra dos Cabalos e Serra da Enciña da Lastra. O sistema fluvial da comarca céntrase no Sil, é o principal curso de auga e todos os outros ríos son afluentes del, os tributarios da dereita son ríos curtos, xa que os cumios están próximos ao val, destacando o río Éntoma, e o Leira, os tributarios da esquerda son máis longos, destaca entre eles o Casaio. O clima da comarca é oceánico de montaña nas áreas máis elevadas e oceánico de matiz mediterráneo no Val do Sil. Valdeorras conta con espazos protexidos, o parque natural da Serra da Enciña da Lastra, o Macizo Central e o Pena Trevinca.

Poboación da Comarca de Valdeorras
Concello	2014
O Barco de Valdeorras	13.899
O Bolo	1.013
Carballeda de Valdeorras	1.697
Larouco	544
Petín	961
A Rúa	4.634
Rubiá	1.494
A Veiga	965
Vilamartín de Valdeorras	1.793
TOTAL	27.000
Fonte: IGE

Censo total 2014	27.000 habitantes
Menores de 15 anos	2.931 (10.85 %)
Entre 15 e 64 anos	16.780 (62.15 %)
Maiores de 65 anos	7.289 (27 %)

Galería de imaxes

Vexa o artigo principal en Galería de imaxes da comarca de Valdeorras

• 
• 

  Viño de denominación de orixe Valdeorras. Na comarca de Valdeorras, e en concreto nas ribeiras do río Sil, o cultivo da vide é unha das principais actividades económicas.

• 

  Concellos da comarca.

Véxase tamén

Bibliografía

• Docampo Paradelo, Gustavo e Picouto, Millán (1992). O Barco e a terra de Valdeorras. A Coruña: Baía Edicións. ISBN 978-84-87674-23-5. 

---

Este artigo sobre comarcas de Galicia é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.

---