Rubiá

Para outras páxinas con títulos homónimos véxase: Rubiá.

Rubiá é un concello da provincia de Ourense, pertencente á comarca de Valdeorras. Segundo o padrón municipal en 2014 tiña 1494 habitantes (1716 en 2003). O seu xentilicio (véxase no Galizionario) é «rubiao».

Rubiá

Localización
42°26′59″N 6°56′56″O
Estado	España
Comunidade autónoma	Galicia
Provincia	provincia de Ourense
Capital	Rubiá
Contén a división administrativa	A Veiga de Cascallá Biobra Covas O Barrio de Cascallá O Porto O Robledo da Lastra Oulego Pardollán Quereño Rubiá
Poboación
Poboación	1.390 (2024) (13,8 hab./km²)
Xeografía
Superficie	100,7 km²
Altitude	549 m
Comparte fronteira con	Carucedo O Barco de Valdeorras Oencia Carballeda de Valdeorras Ponte de Domingos Flórez Sobrado
Organización política
• Alcalde	Elías Rodríguez Núñez
Eleccións municipais en Rubiá
Identificador descritivo
Código postal	32310
Fuso horario	UTC+01:00
Código INE	32073
Sitio web	rubia.es

Demografía

Censo total	1494 (2014)
Menores de 15 anos	100 (6,69 %)
Entre 15 e 64 anos	812 (54,35 %)
Maiores de 65 anos	582 (38,96 %)

Evolución da poboación de Rubiá   Fontes: INE e IGE.
1900	1930	1950	1981	2004	2009	2011	2012	2013	2014	2015	2016	2017	2018	2019	2020	2021	2022	2023
3738	4164	4220	3049	1685	1585	1561
(Os criterios de rexistro censual variaron entre 1900 e 2004, e os datos do INE e do IGE poden non coincidir.)

Xeografía

O concello ten 100,7 km², e abrangue 10 parroquias. Limita ao norte e ao leste coa provincia de León, ao sur con Carballeda de Valdeorras e ao oeste co Barco de Valdeorras.

É predominantemente montañoso, localizándose ao noroeste a zona máis abrupta, a serra da Enciña da Lastra, que se alonga pola parte central e oriental do concello, e onde nacen dous ríos, o Meiral e o Galir, afluentes do Sil. Ten unha altitude media duns 600 metros, sendo as cotas máis altas os picos das Tres Penas Marías (1268 m), O Piornal (1528 m) e Portelo da Tara (1099 m).

Historia

A zona estivo poboada desde a prehistoria, conservándose dous poboados castrexos: o castro de Pardellán e o castro de Cabeza. Durante a romanización construíronse varias vías.

Na idade media albergou varios mosteiros. Desa época consérvase un templo románico en Pardollán. Hai tallas barrocas, como o retablo do Rosario e a talla dos doce apóstolos do retablo maior da parroquial de Rubiá, ou a talla da Virxe do Rosario, o Sagrario coa Verónica na porta (obras de Gregorio Español) e a pequena talla de santo Antón Abade en Biobra.

Entre a arquitectura civil destaca a Casa Grande de Rubiá e a ponte de Regueiral.

Sendeirismo

Rubiá conta coa ruta homologada de sendeirismo PR-G 144 "Ruta Natural dos Castros a Nivieira". É unha ruta sendeirista circular de 6 km con principio e fin en Rubiá.

No concello localízase a árbore senlleira aciñeira de Covas.

Galería de imaxes

Artigo principal: Galería de imaxes de Rubiá.

• 
  Muíño en Oulego.
• 
  Natrix maura, serra de Enciña de Lastra.
• 
  Orchis mascula na serra de Enciña de Lastra.
• 
  Orchis italica na serra de Enciña de Lastra.
• 
  Igrexa de Santo Estevo de Pardollán.
• 
  Placa altimétrica do concello.

Lugares de Rubiá

Para unha lista completa de todos os lugares do concello de Rubiá vexa: Lugares de Rubiá.

Véxase tamén

Outros artigos

• Eleccións municipais en Rubiá

Ligazóns externas

• Decreto do venres, 18 de outubro de 1985 polo que se aproba o escudo heráldico do concello de Rubiá
• Sendeirismo: PR-G 144 Ruta Natural dos Castros a Nivieira (Concello de Rubiá) - SEGATUR

---

Este artigo sobre concellos de Galicia é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.

---