Portal:Ballet/Artigo destacado/arquivo

Aquí están todos os artigos destacados no portal Ballet:

1 editar

Le Sacre du printemps (en francés) ou Весна священная (en ruso, transliterado Vesna sviashchennaia) é un ballet e concerto orquestral do compositor ruso Igor Stravinskii. Foi escrito para a tempada dos Ballets Russes de Sergei Diagilev de 1913; a coreografía orixinal foi obra de Vatslav Nizhinskii, con deseños de escena de Nikolai Rerikh. Cando foi estreada, no Théâtre des Champs-Élysées o 29 de maio de 1913, a natureza vangardista da música e a coreografía causaron sensación e case orixinaron disturbios na audiencia. Aínda que creou a obra para a escena, con pasaxes específicas acompañando ás personaxes e á acción, a música conseguiu o mesmo, senón maior recoñecemento como peza de concerto, e é amplamente considerada unha das obras máis influentes da música do século XX.

Stravinskii era un compositor novo e practicamente descoñecido cando Diagilev o recrutou para crear obras para os Ballets Russes. Le Sacre du printemps foi o terceiro proxecto deste tipo, despois do aclamado L'oiseau de feu (1910) e Petrushka (1911). O concepto detrás de Le Sacre du printemps, desenvolvido por Rerikh a partir da idea dun bosquexo de Stravinskii, é suxerida polo seu subtítulo, «Imaxes da Rusia pagá en dúas partes».

A partitura de Stravinskii contén moitas características novidosas para a época, entre as que se inclúen experimentos na tonalidade, a métrica, o ritmo, a acentuación e a disonancia. Os analistas teñen observado na partitura unha base significativa na música popular rusa, unha relación que Stravinskii tendía a negar. A música de Le Sacre du printemps influíu a moitos dos principais compositores do século XX, e é unha das obras máis gravadas do repertorio clásico.


2 editar

Un tutú é unha saia feita con diversas capas de tul ou dun tecido similar como a gasa, que levan habitualmente as danza clásica. Pode ser moi sinxelo, dunha soa cor, e que se pon por riba do maillot abrochado cunha cinta, un botón ou unha cremalleira, aínda que os hai de moitas cores, con engadidos e brocados. Os dos espectáculos, e algúns de simples, van diréctamente cosidos ao vestido, como se fose unha soa peza, e neste caso pódese considerar que todo o vestido é un tutú, a pesar de que estríctamente só o é a saia. Acostuma a levar mitóns ou manguiñas a xogo, especialmente se o maillot, ou eventualmente o corsé, é sen mangas, e ás veces a indumentaria acaba cunha ligadura na cabeza.

Os primeiros tutús apareceron no século XIX, sendo popularizado en 1832 por Marie Taglioni (de quen se pensa que pode ser a súa inventora), e pronto se converteu no uniforme por excelencia das bailarinas. Co paso do tempo o deseño do tutú foi evolucionando, o que provocou a aparición de tutús máis ou menos curtos e con distintas formas.


3 editar

O Ballet de l'Opéra National de Paris (en galego Ballet da Ópera Nacional de París) é unha compañía de ballet da cidade de París (Francia). Trátase da compañía de ballet nacional máis antiga do mundo, e moitas compañías de ballet europeas e internacionais poden remontar as súas orixes a el. Sempre foi unha parte integral da Opéra de Paris, que foi fundada en 1669 como a Académie d'Opéra (Academia da Ópera), aínda que a danza teatral non se converteu nun compoñente importante da Opèra de Paris ata 1673, logo de que fora renomeada como Académie Royale de Musique (Academia Real de Música) e posta baixo a dirección de Jean-Baptiste Lully. A Opéra de Paris tivo diferentes nomes oficiais ao longo da súa historia, mais dende 1994 é chamada Opéra National de Paris (Ópera Nacional de París). A principal sede da compañía é o Palais Garnier.

A compañía divídese en cinco rangos inmutables, que son os seguintes dende o nivel máis baixo: quadrille, coryphée, sujet, premier danseur e étoile. Os tres niveis máis baixos constitúen o corps de ballet. Algúns bailaríns famosos que formaron parte da compañís foron: Yvette Chauviré, Sylvie Guillem, Emma Livry e Marie Taglioni.


4 editar

Portal:Ballet/Artigo destacado/4

5 editar

Portal:Ballet/Artigo destacado/5

6 editar

Portal:Ballet/Artigo destacado/6

7 editar

Portal:Ballet/Artigo destacado/7

8 editar

Portal:Ballet/Artigo destacado/8

9 editar

Portal:Ballet/Artigo destacado/9

10 editar

Portal:Ballet/Artigo destacado/10